慢煮熟成牛肉絕對係必試之選～牛肉粉嫩色澤好靚，肉質軟淋得嚟帶咬口，鋪滿成個碗面超滿足！配咗蒜香醬油炒飯底，炒得夠鑊氣，飯粒分明。揀咗砵酒黑椒昆布汁，味道濃郁得嚟唔會太鹹，同牛肉好夾。最正係撈埋日本蘭王生雞蛋黃，蛋漿撈勻每粒飯，口感即刻滑溜哂！
朋友叫咗慢煮極上熊本豚，豚肉片肥瘦均勻，慢煮保留到肉汁。珍珠白米飯煮得啱啱好，淋上紅酒照燒汁帶微甜。同樣撈入蛋黃同自家製鮮忌廉，忌廉令整體更Creamy，味道層次豐富咗～
飲品方面有齊梳打同果汁，食完濃味丼飯啱哂！
呢度嘅慢煮肉質確實有水準，蛋黃忌廉組合更加係無得輸，鍾意日式丼飯嘅朋友可以試下～
1
5
1
