車囝麵甜心屋 (已結業)

上次去完隔離嘅百年，知道呢間車仔麵係share同一個廚房，唔知質素如何，儘管試試。

今次一心黎試車仔麵，我地都叫車仔麵。

我地嚟試嘅原因係55元有5餸，而且有啲餸係特別嘅。

其實佢有葱油系列嘅飯，下次有機會試。

我地叫嘅腩汁好淡，我平時都食得淡，呢個湯淡得過份，叫咗清湯嘅朋友表示係無味咁濟。魚肉卷ok，餃類個餡好無汁，好乾身。

朋友話鹵水嘢係可以叫嘅，清得乾淨，相比起較有味。菜都可以嘅。

我自己有叫魚蛋，魚蛋我仲以為係燒賣，好乾。河粉散哂，吸完湯都好淡。牛腩真係一般，其他無咩特別。

食完好似唔知自己食咗咩，5個餸應該好飽。由於無味道，食唔哂，所以好似有啲空虛。