滕王閣 (已結業)

行遠小小，去到呢度eprint樓上，有間食砂鍋粉，約埋朋友上黎食。睇番資料，知道呢間頂唔到租金上升，搬左黎觀塘，素食肉食者都可以黎食（不過未了解佢有無用豬油個啲，只係有素餸）。上黎要預時間，客𨋢得一架，時間較耐。門口幾靚，裝修唔錯。入面比我想像中乾淨，好企理，廚房可以睇哂。抹枱都小心翼翼，唔會掃落地。餐牌唔算多嘢揀，不過有啲幾特別嘅餸，個日特別想食酸辣同魚蛋。叫咗小辣，都仲頂到，可以再多啲。朋友叫咗腐皮卷同鹵肉，味道都唔錯。份量少咗啲，價錢貴咗啲，要44元，飲品要另外叫。