元朗正記茶餐廳 (已結業)

【西贡区】【正记元朗茶餐厅】好耐冇写过西贡区，一来少咗机会入学校做嘢，二来香港超级联赛腰斩咗，连入将军澳睇波嘅机会都冇，咁我就真系谂唔到再有咩理由畀到自己无啦啦走入将军澳食嘢喇。所以，都系为咗大家可以多啲嘢睇而入去嘅。去到坑口行咗去将军澳运动场门口怀缅吓往日支持理文嘅日子，而香港单车馆亦都系我曾经工作过一星期嘅地方，始终系场地单车嘅国际级场馆嘛。不过谂返起𠮶时一星期内连续食十餐牧羊少年，谂起都惊，直到而家都冇食。一场嚟到当试吓啲将军澳运动场附近嘅嘢食，为之后狂睇理文做好准备。见到新宝城对住和明苑𠮶边都有几间食肆㖞，几啱我呢个目的。有时睇波前后都几赶要食个快饭，但作为一个 foodie 又唔想食得太劣，所以睇定先都好。见到第一间系茶记就走咗入去，睇 menu 见到「特选芝味餐」有「芝士火腿奄列」就想试，点知佢话冇㖞，哎，又唔想谂，所以就要「香茅猪扒炒蛋」，个猪扒都几细块吓，炒蛋又唔见得好帮到件事，感觉非常一般嘅。之后系「叉烧米粉」同「冻奶茶」，都真系几普通料，咁都收我 $50，虽然有两样肉类，但街坊食堂嚟讲唔算抵。本身想叫多个下午茶，点知见到「禾味烧 BB 鸽」海报，发现佢系同元朗冰室有