保頓冰室

营业中

休息中

【油尖旺區】【保頓冰室】之前 Keyman 個 page 講過呢間冰室，係喺尖沙咀亞士厘道嘅。睇個名就諗起前英超球隊保頓，曾經有奧高查、路蘭、基安拿高普路斯、積亞基連倫等球星，而家隊波都唔知去咗邊了。而呢間冰室就唔知同保頓有咩關係，只係見佢裝修係用咗懷舊嘅風格。而佢哋嘢食種類都幾茶記，有晚餐又有鐵板餐，不過我都係食 $55 嘅「特餐」。要咗「沙爹牛肉公仔麵」，餐牌好貼心咁寫咗係含鮮蝦成份，敏感嘅朋友小心啲，不過味道上未見突出之處。係啲餐具吸引，裝麵嗰隻碗，係好似傳統茶記嗰啲橙色膠碗，好過癮。配菜「火腿奄列」普通啲，牛油餐包加 $5 轉配「菠蘿包」，感覺似普通麵包舖嗰啲菠蘿包，冇乜特別。餐飲「熱奶茶」就好似少咗啲咁，味道亦都好一般。食多份 $35 嘅「法蘭西多士」，夾咗幾厚嘅花生醬，加埋啲糖漿，挽回咗少少呢 $95 最後嘅價値。。。（地址：尖沙咀亞士厘道20A號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #ta