會所1號 維港皇宴

营业中

休息中

【油尖旺區】【會所1號 維港皇宴】本身去尖沙咀搵嘢食嘅話，就點都唔會揀到呢間。不過既然有得去春茗黐餐，我咁貪得無厭，就當然甘之如飴啦。「四喜臨門」係乳豬拼盤，質素好似超市賣剩嗰啲咁，仲要凍冰冰，救命。「百花齊放」係 XO 醬彩椒蚌柳蝦球，係熱嘅，不過偏鹹，要飲吓嘢。之後嘅「黃金滿屋」係杏片百花球，有啲杏仁係惹味啲。「揚威四海」係紅燒花膠海味羹，正正常常，但我掛住吹水冇影相，唔好意思。跟住「年年有餘」係清蒸沙巴龍躉，條魚幾好，肉多又夠魚味，得呀。「包羅萬有」係原隻鮑魚金錢翡翠，正路嘢無特別。之後嘅「金鳳齊鳴」係一品燒雞，份量偏細仲有啲鹹。「健康長壽」係薏仁鮮淮山浸翡翠，個賣相搞到我唔敢食，冇評價。「金銀遍地」係海皇海鮮炒飯喺大家都唔夠食嘅情況下我冇分到，都係冇評價。我有食「喜事連連」，即係菇絲炆伊麵，正正常常咁囉。最後到甜品，「福星高照」係養顏紅棗糕，夠晒熱辣辣，紅棗味亦都非常出，唔錯。之後嘅「神采奕奕」係蓮子百合紅豆沙，漏咗出畀我哋嗰檯，之後補返，好夠熱，味道正常。公司唔夠 budget 搞之下係咁上下質素，餐廳係有甩漏，不過整體嚟講算克盡己任。。。（地址：尖沙咀麼地道68號帝國中心1