逸東餃子

营业中

休息中

【大埔区】【逸东饺子】每一次讲大埔区嘅食肆，我都会好刻意咁强调大埔系一个人杰地灵多靓女嘅好地方。其实同食嘢都绝对有关，心情好啲咁食嘢，食乜都会觉得好食啲。而多啲见到啲靓女嘅话，又的确会影响到自己心情，所以绝对系有关嘅。今次嚟到大埔墟东昌街呢边食嘢，都讲过呢条街嘅几间食肆喇，讲埋呢间「逸东饺子」啦。坐低就梗系叫 $48 嘅「招牌鱼汤饺子」啦，呢个价钱系六只嘅价钱嚟，我仲加 $2 要咗双拼，但我首先系觉得个鱼汤几鲜几好饮㖞。我拣咗「粟米芝士鲜肉饺」同「芫茜胡椒鲜肉饺」呢两只味，两者都唔错嘅。之后叫埋 $46 嘅煎饺六只，我拣嘅味道系「咖喱鸡洋葱」，几浓几正，都几夹做煎饺嘅味。我再叫埋 $28 嘅「脆炸豆腐」，新鲜炸起都好食，估唔到。之后再叫多份 $48 嘅「鲍汁拼盘」，个拼盘有鸡翼、猪手、卤蛋、豆腐片，个汁唔算好浓，但几好味。嘢饮我饮 $14 嘅「热情果玄米绿茶」，热情果同玄米嘅味都出，唔错。呢餐夹埋食咗我 $186，食咗咁多嘢唔算贵啦下话。。。（地址：大埔东昌街6-11号东昌阁地下E号舖）#1amfoodie #foodie #hkfoodie #hkfood #food #foodpo