芙蓉同源 (已結業)

红磡宝其利街呢边餐厅几多，但茶饮店就颇少，经过呢间「芙容同源」，店面小小，同隔离两边嘅旧式小店有啲格格不入，反而吸引咗我去试下 /呢度好似比较多人会叫芋香系列，睇落都几吸水引，但咁啱因为我唔想饮到太饱叫个开胃啲，就叫咗酸酸甜甜嘅洛神花红宝石。洛神红宝石 $32味道方面比想像中易入口，有好香嘅洛神花味，唔会好似出面𠮶啲得个酸字，酸酸甜甜开胃又清新，特别啱夏天饮，不过相信洛神花口味就真系好睇个人口味。店主有特别介绍系用咗台湾运过嚟「洛神花蜜」加埋台湾入嘅「阿萨姆红茶」，呢款嚟自印度再引入台湾嘅茶种，浓得嚟比较少苦涩味，而自带麦芽香，喺台湾都好常见。