雁門山西刀削麵

营业中

休息中

【九龙城区】【雁门山西刀削面】喺土瓜湾见到呢间嘢个名就已经一阵热血，当然系谂起中国历史里面宋朝嘅雁门关之战啦。𠮶阵宋国军队喺现址山西省嘅雁门关击败辽国军队㖞，中国历史里面由成日被辽国恰嘅宋国所打嘅胜仗，当然要提吓，餐厅就系呢个名。我就比较少涉猎山西菜，不过知道山西最出名嘅就系「山西刀削面」，咁佢哋都系以呢样嘢作为吸引客人嘅方法。佢哋系写纸仔嘅方式落单，双拼只可以拼肉类唔可以拼饺子，所以都系叫碗 $56 嘅「牛展面」就算，一个𩠌。而我食就当然系食佢哋嘅「刀削面」，有其他款式嘅面我都唔谂住拣喇。啲牛展切得唔算厚，不过几腍几好食，个刀削面亦都唔粗，口感烟靱，好味。本身谂住食少少就算嘅我，都忍唔住直接食晒成碗，好彩我冇叫少面咋。我用 $5 加咗只「卤水鸡蛋」，卤得好够味，个卤水汁可以。所以我再叫 $21 嘅「卤水鸡翼」，有三只，肥美得嚟味香，好食。嘢饮我饮 $6 嘅「王老吉」，罐装𠮶只，提供埋饮筒。埋单 $88，我觉得唔错，听讲冬天有羊食添。。。（地址：土瓜湾马头围道292号地舖）#1amfoodie #foodie #hkfoodie #thatfoodiething #hkfood #fo