晌凍櫃裏面，件裝蛋糕都仲有好多款式，仲喺睇起嚟都好吸引，啲價錢又唔貴，大部份都喺30零蚊一件
，所以，就買咗兩件返去同老婆嘆下，作為飯後甜點。
2
一款喺見佢推廣緊咁熊本綾紫芋系列嘅蛋糕，另一款喺基本款式朱古力口味嘅蛋糕。
熊本綾紫芋系蛋糕 $32
雖然叫「芋」，但呢個喺日文漢字，其實即喺紫薯，賣相都幾精緻，一層疊一層，以朱古力海綿蛋糕、紫芋忌廉混有日本黑豆及核桃、加最頂層紫芋蓉。而面頭嘅紫芋真喺好香甜，下面嘅蛋糕好鬆軟，忌廉柔滑，混咗黑豆同核桃，口感豐富咗。
特濃朱古力脆脆蛋糕 $30叫得特濃朱古力所言非虛，由朱古力海綿蛋糕、法國忌廉（白色層）、比利時朱古力軟漿（最頂層）、朱古力碎碎、唂咕粉再加上比利時60%生朱古力組合而成，所以，每一口都充滿濃郁嘅朱古力香味，絕對喺朱古力狂熱之選；另外，有個驚喜位就喺白色嘅法國忌廉中間有少少好薄身嘅朱古力脆片，口感變得唔同晒。
以往都試過吓「A1」嘅麵包、蛋糕，一向以來對佢哋嘅出品都覺唔錯，而今次所試嘅兩件蛋糕，都喺高質素嘅出品，同老婆兩個都食得好滿足。
