泰廚泰國菜館

营业中

休息中

同朋友喺旺角試咗呢間馳名多年嘅泰菜館，味道品質保持到水準。最正係宜家做緊「一元菜式」同食埋個泰式2人套餐，份量足，值得多加支持👍🏻⭐️「一元菜式」揀咗泰式生蝦同泰式椰汁糕，生蝦大隻又新鮮彈牙，配泰式辣醬同蒜片，酸辣鮮甜好開胃，份量有4隻，質素完全唔似一元！ 😎椰汁糕軟糯香甜，椰奶味濃，入口清涼，係甜品嘅好選擇🥢泰式2人套餐好有誠意，招牌泰式咖喱白貝配泰式薄餅係亮點，白貝大大隻佈滿整碗～ 入口肥美鮮甜，咖喱醬混有大量雞蛋，濃郁帶微辣，香料味突出，配薄餅一齊食，薄餅香脆吸曬醬汁，論盡回味無窮🤩🥢小食拼盤配雞串好啱share，雞串燒啖啖肉，配花生醬好惹味。拼盤仲有春捲同蝦餅，春捲皮脆餡香，蝦餅彈牙🐷泰式豬手炆得軟腍入味，肉質嫩滑，醬汁帶點甜同香料味，配埋旁邊鹹酸菜非常解膩，骨膠原爆錶🥣泰式魚肚羹湯頭味道濃郁，魚肚爽口，仲有大量配料🍧D24榴槤炸彈係甜品控必試🍹飲品試咗青檸冰同香茅冰，簡簡單單已經好足夠