潤潤麵 (已結業)

我好少會開po寫食評 但呢間良心小店真係要讚下！我未試過食麵會飲哂啲湯 呢間我堅飲哂 上過雜誌專訪 岀名豬潤湯 用料靚 無味精 d豬潤一啲腥臭味都無反而好甜 豬扒勁入味 價錢又貼地！嗰日老闆親自岀黎招呼 服務好到加01！老闆話佢其實喺附近有間鋪賣開手機 頂左手搵左個舊同學做廚房 老友鬼鬼一齊做👻下次如果去開佐敦 強烈推薦大家去試下支持下 食唔辣既豬潤湯豬扒米通最正！😋😋😋😋😋 …查看更多

今日經過廟街，明明剛剛飲完茶，都被這間小店吸引入去。店舖裝修簡單光猛舒服，每個位置都貼心有扣方便食客勾住手袋，值得讚👍👍食物可能用心準備嘅關係所以需要一啲時間，不似其他食店即叫即到，由此睇得出係即叫即做。首先係下午茶加上已經食飽，所以嗌左個薑葱鮮牛飽，外脆內軟，牛肉有肉汁配上薑葱味好好食，麵包微暖不會太熨手。同伴叫左個豬扒包，一樣香脆肉汁鮮嫩，但可惜味道偏咸。小食嗌左牛油蒜香雞翼，熱辣辣起碼等5分鐘先可以食，同樣嫰滑蒜泥味突出，鐘意香口嘅朋友唔好錯過。…查看更多

佐敦的潤潤麵開業已經有一段時間，聽說早陣子易了手，近日天氣寒冷，不如去食碗豬潤麵補下身？香港以豬潤為主打的餐廳首推深水埗的維記，可惜近年跌了watt。潤潤面以豬潤之名開業，在今時今日健康掛帥的社會，會不會不合時宜？點餐是類似車仔麵形式，可以自由揀餸(但選擇不多)，麵，湯底和小食。見到加$10可以配胡椒豬肚湯底，不用多想，就點鮮牛，豬潤，配以水晶粉和胡椒豬肚湯。5分鐘內食物送上。先喝一口熱騰騰的胡椒豬肚湯，堅正，絕對是真材實料無添加的住家風味，在這冬日尤如沙漠中的甘泉，暖暖我的胃。豬潤較厚身，新鮮好味，”起沙”的口感一流，牛肉頗嫩，絕對不會”鞋口”。吃內臟會不會很不健康？這要視乎你是否經常吃，但對比起吃燒肉或打邊爐，這一餐已經算是很清淡。吃罷後穿上外套走到街外，肚內的暖意依然蕩氣迴腸，誰說平嘢無好，好嘢無平？…查看更多

味道好 情味濃 早上到柯士甸佐敦附近工作，早餐時間必須豐富 ，心想好耐無食過豬膶通，所以就入咗去廟街一間潤潤麵，靚仔老闆熱情招待 ，早餐時段我見餐牌有豬扒雞翼選擇，最後叫咗 ，餐肉煎蛋牛油方包 及必食豬潤通粉 熱檸水 ，豬潤唔老新鮮好味 加咗小小辣椒油，地方寬闊好坐，價錢亦都好相宜！在佐敦區很多食店林林總總，潤潤麵可以再試！旁邊亦有客戶在門口停車前來進食 ，老闆即時將名片放在車上擋風玻璃，若果黃腳立到都會提示下支持小店…查看更多

之前吃過「麵麵店」，同址已變成「潤潤麵」，專賣豬潤麵和豬潤包，也吃過 。因為它就在我健身房後街，都常會經過。 剛巧這天「西九文化粵曲中心」開幕，純粹路過，人山人海。天寒地凍，想食碗熱粉，就飄了去「潤潤麵」醫肚。 首先我發覺在門口招呼的男店員非常有禮，甚落力服務，斟茶遞水，程度甚至有些令我覺得有太客氣的感覺。隨口問一句，原來此店在10月時又已易主，此男士就是新老闆 (即下圖，門口左上角相片的「店長」)： 內裡裝修沒變，都是沿用舊店的硬件。除了豬潤，這裏似乎頗落力宣傳香茅豬扒、雞扒，還有越南咖啡，食物選擇變得多元化。 想試吓香茅豬扒。原本跟豬潤湯底或蕃茄湯底 $42 埋單，不收加一。我比較貪心，選擇了雙拼香茅豬扒加豬潤。另見竟然有胡椒豬肚湯底，就來個「豬豬豬」的三豬組合好了，選了通粉做底用來吸湯。 店長之前說，香茅豬扒是即叫即煎，要等大約 3分鐘。帶骨半肥瘦豬扒上場，有手板這樣大，煎到燶邊： 香茅醃得幾入味，肉也不韌；而且和通粉分開上，唔會整到碗粉油淋淋。 喝啖奶白色的胡椒豬肚湯，幾得，夠辣夠熱夠香，甜而清澈： 湯沒味精感，也有相當多塊豬肚，雪白清潔冇怪味，嚐得出都幾足料去餚這湯： 豬潤比上一手舊老闆切得更厚，沒太多薑汁味，反而質地頗爽滑，算幾正斗 (雖然個人吃慣了「維記」豬潤麵的味道)。 最後埋單 $70。和店主聊了幾句，現在鋪頭的廚房班底都換上全新，難怪食物味道與選擇跟之前都不一樣，有變得更好了。 另見有些飯餐，什麼香茅雞扒飯配飲品 $40+，另要胡椒豬肚湯加 $10，個人建議值得加。呢啲湯真係出街食，好過自己煲，食完「利公民上身」，成身暖哂。 改變不可怕，變好更難得。大家下次若經過西九 / 柯士甸，不妨來整碗胡椒豬肚湯或豬潤麵，此小店值得大家來撐撐。 …查看更多

元旦過後，又開始忙到冇停手，午餐又變下午茶，下午三時許，路過佐敦, 有間”潤潤麵” , 看見店員熱情地走出來，那個害羞的表情溶化了筆者，反正未吃午餐，走進試試吧！:):)全店只得筆者一位進來，難道近期很多人怕吃豬？幸好坐下來後，相繼食客紛紛進來。水吧位置可以看到廚房內的情形，落單、出單溝通方便協調。食店左右兩邊鏡牆上貼了有關雜誌報導和招牌食品，圖文並茂，相當吸引。寸金尺土，食店左邊是作面壁設計，如果午餐飯市時段，一個人到來，面壁午餐，也是一個好選擇。:):)下午茶由$25-$28不等⋯⋯輕盈之選的話，吃個包配餐飲，但像筆者今天要豐富一點，只加$10 便可推加一碗米粉，這裡招牌越南滴滴咖啡都只是加$18，筆者粗略一算，最貴的包$28+米粉$10+滴滴咖啡$18=$56可惜時間太晏，怕飲了這杯咖啡今晚睡不了，故此決定留待下次早餐才試試那滴滴咖啡。喜歡這裡是作 “過膠餐牌” , 以水筆落單，循環再用，一讚。薑葱豬潤包$28~麵包用上軟豬仔包，但當店員端上檯面時，發現麵包面烘燶了，變成黑面軟豬仔包，可能廚師太忙了。原先想作要求退換，但諗深一層，小店經營困難，如果此包是自己在家做的話，也會接受，不要浪費食物嘛。:):)看著這麵包，真是名副其實的 “薑蔥豬潤包大人” ，黑晒口面吖！正所謂: 人不可貌相，包不可貌涵，豬潤醃得入味，煮得完全唔老身，豬潤做得剛剛好，葱切得很幼細，一絲絲的來雜什點點薑絲，薑蔥和豬潤味道，互相交錯，筆者大愛，已將那個黑燶的外表，一掃而空，包大人內心確係溫暖，看得出㕑師一份心意。炸菜肉絲米配鮮茄薯仔湯(下午茶餐)另加$10~炸菜肉絲相當入味，並不是罐頭貨色，所以應該是配鮮豬潤湯或骨湯底較適合，但由於落單時，看到那牆上註明番茄湯底為招牌產品，故此立即改上，店員也很禮貌地幫忙立即更改，一讚。濃濃的番茄湯底令米粉很入味，還有不只一舊的薯仔，相當足料，配上一條脆口生菜，作為一個$38的下午茶，簡直誠意十足。整體來說，下午茶抵食有誠意，另外要一讚那店員，無論在落單，或點餐，更正等等⋯⋯服務相當好而且有禮貌，老闆娘真有福氣，請到如此落力的後生仔，值得加許。…查看更多

第一次光顧這間店，落單點了這個午餐。烏冬彈牙、配豬潤6片、生菜數條、湯內有3件薯仔、少量蕃茄薑絲...。豬潤新鮮煮到剛好熟滑、蕃茄薯仔湯沒有味精，濃淡適中、湯內還可見蕃茄和薯仔有得食。整體說是好味，適合喜歡吃清啖食物的人。份量對女生來說是足夠，有飽肚感。…查看更多

店內裝修新，坐底見到點餐紙 用雙面 有環保意識。本人叫了豬潤雞扒面 ， 等左半個鐘 。 老闆好有禮貌 話因為廚房剛剛更新 所以出品會比平時慢。味道一般 飲得出湯底無味精 雞扒略細 ，$42 有點貴。…查看更多

本來是要到佐敦區內的一間店吃大尾魷的，但去到才知店是沒有做午市。拿著雨傘蠻狼狽的我，馬上便要決定要在那兒落腳開餐，不然很快就會變落湯雞了....此時抬頭一看，見到這店的小豬吃麵的卡通嘜頭，店名又叫作"潤潤麵"，想必豬潤一定是這裡的最耍家嘢....果然，看看餐牌，除了有豬潤外，還有一道小吃"豬潤包".....如店自慢不是豬潤的話，相信也絕不會看見有這一味吧。豬潤對年紀已不輕的本人來說，吃得太多負擔是少不免地大，故此在權衡之下，決定不點潤包，只在那碗茄湯牛肉米上，加入了馳名的豬潤....一看茄湯底紅噹噹色的，就估計是下了不少茄膏進去。果然，一喝下酸得令人咯喉，讓人很不舒服，眉頭一皺。儘管碗內下了不少新鮮蕃茄肉，但也蓋不了那股極人工的假味；再吃一件招牌物豬潤，入口既硬又帶點苦，絕對是在水準以下，此時，眉頭就更是皺得厲害了；牛肉也是好不了到哪裡，儘管肉沒下太多人造東西去鬆弛，但肉本身弄得過熟太老了，嚡嚡的咬口，絕對不能稱得上是好吧....在這兒所提供的小食當中，有幾款是挺過癮的，除有之前提過的豬潤包外，還有甚麼香煎雞尾包以及咖吔豬仔包。本來想點前者但今天竟從缺，也就無奈地要了後者來吃吃....味道是還可以，豬仔包烘煎得夠香夠脆，咖吔醬與半溶牛油塗進包內熱辣辣油香味濃，滋味自然不差....不過這樣小小的一個豬仔包，竟索價二十大洋，也就未免有點太過了....…查看更多

今日兩個飯腳都放假，一個人黎到呢間以豬潤作主打的小店食lunch。中午十二點來到，人流不多，只有兩三個人，環境清靜。第一次來到當然試試呢度既豬潤啦，所以叫左個豬潤鮮牛肉蕃茄薯仔湯米粉 （＄42）+ 熱咖啡 （＄5）。落單後食物好快黎到，賣相吸引。豬潤口感好滑，唔鞋，略嫌牛肉俾得太少。蕃茄湯底酸左少少，可以淡味返少少。咖啡不過不失啦，普通茶餐廳質素。總括黎講，食物味道都唔錯，店員十分友善。下次多D人，可以試埋小食，例如豬潤包。…查看更多

撐小店系列之濃郁蕃茄薯仔湯🍅之前做完推拿求拿食少少嘢番學，行入橫街，黃色的小店幾醒目，雖然無乜人的小店，但都幾驚喜😳點了豬潤扎肉通粉，蕃茄薯仔湯好濃又鮮甜。而且，加剛熟的豬潤，扎肉有咬勁，幾好食。By the way 佢加$10仲有胡椒豬肚湯底揀，我其實唸住試不過見周圍的雜誌都係介紹蕃茄薯仔湯，都係試左代表作先！豬潤加哂大量薑葱僻腥，雙拼$39 唔貴又好食！最衰已經夠鐘番學又好飽，唔係嘅話仲有薑葱豬潤包，都係比較特別的新嚐試！…查看更多

今日行到佐敦廟街，入咗一間食面的餐廳叫做潤潤麵。坦白講我好欣賞佢個無味精豬潤湯底， 配香茅雞扒同埋煎雙蛋加生菜係好味。 仲有佢嗰杯細路仔鴛鴦， 即係好立克加阿華田， 味道都幾得意呀。但係我最唔欣賞嘅就係佢哋嘅服務態度。 明明炸到啲春捲焦曬同埋爆曬口佢地都係話正常。 仲要畀個藉口我話因為春捲皮薄所以炸到咁深色!當然味道好差，我食咗半條就放棄。除咗有燒焦嘅味道之外， 餡料又冇味道淨係靠嗰個酸辣醬，完全失敗! 仲要話係自己做所以係推銷物品。這樣對食物冇要求嘅餐廳真係唔應該再去， 唔通 一百蚊都唔使嘅一餐， 就真係唔需要對食物有要求， 好心傷😥😥😥…查看更多

游完水又肚餓啦梗係要食返啲嘢先啦。細路鴛鴦好耐冇飲過啦。薑絲豬潤包，好多豬潤同薑絲絕配。香茅雞扒水晶粉，湯底番茄湯。原來水晶粉係咁樣架，仲彈牙爽口添。香茅雞扒整得好靚。個番茄湯仲好勁番茄味添。嘩好抵呀。…查看更多

料又少 又無味 浪費時間和金錢又中伏 地方企理是陷阱⋯不去也吧 三塊牛肉及豬肝收四十元不如去打刧沒有驚喜 只有失望入面大把位坐就知沒有人去差到不得了完全有被騙感覺 垃圾 中招…查看更多

之前有介紹過阮小儀有份投資的「麵麵店」 最近經過廟街近佐敦柯士甸方向，想再吃一次，卻意外發現同址已變成「潤潤麵」，專賣豬潤麵和豬潤包。 向食店阿姐八卦，食店與前店有沒有關係？阿姐說不大清楚。即使沒有明星效應，當日吃的麵食我也覺得是不錯的。 內裡的裝修以簡約為主，感覺舒服，其本上沿用番「麵麵店」的硬件。 講起豬潤麵，條件反射當然是大佬級的深水埗「維記」，滑豬潤滿滿薑汁味，加上豬潤湯底配丁麵，一流！今次「潤潤麵」的出品，也勝在「夠薑」。 自己的麵自己點，點餸紙可以逐個配菜、湯底及粉麵自由配搭。我點了豬潤、兩隻太陽蛋雙併，配豬潤湯底丁麵 $39。 豬潤份量不算很多，勝在質地頗滑，若能起沙就更正。 湯薑味足，湯中亦找到大塊薑片，也沒有味精感。 除了麵食，亦有薑蔥豬潤/鮮牛肉包選擇，把豬潤/鮮牛肉與調味料在鐵板上炒香，再夾進烤脆的豬仔包中，每個$20，下次會來吃。 若硬要比較，個人始終覺得「維記」還是勝一籌。「潤潤麵」算是值得「翻兜」之選，相比「維記」是較乾淨及光猛，有時嘴饞想食豬潤麵，又撞正大佬級老店早收舖或太遠，可以來這裡作另一個選擇撐撐小店。 …查看更多