Yatai Plus

营业中

休息中

京瑞廣場唔少隱世美食，猶如另一個葵廣／旺中🤫咁啱要去沙田附近交收，專程嚟拜訪一下的確唔少小店，好多都好吸引想試因為未食午飯，見呢間餐廳多人等應該唔錯就去試吓有lunch set，主要食刺身飯、日式丼飯、湯烏冬等▶️ 赤の丼 ($85)一碗有齊赤海蝦、三文魚、吞拿魚、吞拿魚腩蓉、玉子蛋整體刺身唔錯，赤海蝦黏黏地🦐吞拿魚唔腥，三文魚肥美🐟吞拿魚腩蓉入口即溶另外有蔥絲、wasabi調味玉子蛋偏甜，口感一層層壽司飯質好食🍚帶有醋米味道▶️ 花の戀丼 ($72)真係成個花之戀配搭！面頭超多三文魚刺身，另外有爆多粒粒蟹籽同沙律醬😋▶️ 櫻花蝦燒茄子 ($38)估唔到咁大份設有三款口味: 香蔥、櫻花蝦、木魚絲鍾意佢茄子夠腍夠熟🍆完全朔晒醬汁，唔辛口三隻味都好惹味又好夾香蔥嗰個似章魚燒；木魚絲嗰個似大阪燒🤣用嚟餸壽司飯食都唔錯👍🏻推介叫一份作小食！▶️ 荔枝乳酸梳打 (+$18)朋友揀嘅特飲，話好清新解渴仲真係飲到乳酪味道面頭亦有真荔枝肉-雖然感覺港式化咗，但食物味道好唔錯刺身尚算新鮮，尤其鍾意燒茄子💜舖頭環境比較細，座位少，lunch time多人要等位服務還好啦，落單上菜快手，俾人感覺匆忙啲性價比唔錯，不

Yatai Plus餐廳位於新界沙田石門安群街3號京瑞廣場一期一樓,餐廳主打壽司刺身日本菜,有芭菲,牛角窩夫甜品和特色飲品供應,餐廳裝修設計簡約以木系為主調.服務員招呼殷勤走禮。花之戀丼(三文魚飛魚籽)配有玉子和青瓜,新鮮肥美的三文魚食落鮮甜嫩滑,飛魚子食落有卜卜口感,青瓜爽口清甜.還有一小碟酸薑,套餐包一杯特飲蜂蜜檸檬。滑蛋鰻魚丼配有蔥花,鮮菇和玉子鋪滿整個丼,鰻魚燒得焦香,魚肉嫩滑入口溶化,套餐包一杯特飲百香果綠茶。土咗豆腐配有木魚和紫菜.豆腐外皮焦脆,內裏超嫩滑,值得推介。餐廳現時做緊優惠,逢星期六日及公眾假期12:00-17:00惠顧刺身丼、丼飯、烏冬、特調飲品，即享$10折扣優惠#YataiPlus #石門美食 #香港日本菜 #新店速遞 #鍋物 #牛角包窩夫 #香港美食 #平民美食 #拍拖好去處 #HKEats #Croffle

[ #沙田美食 #caloriefoodie沙田 ]• 𝚈𝚊𝚝𝚊𝚒 𝙿𝚕𝚞𝚜 •🐿🦦-作為沙田友有時都會去石門覓食👅有別於市中心集中連鎖食店 石門有更多小店✨而𝚈𝚊𝚝𝚊𝚒 𝙿𝚕𝚞𝚜就係最近新開 主打日式料理🇯🇵價錢相宜仲要免加一 而大部份魚生丼都係💰$100內 ​-🦐 炙燒北海丼 💰$92通常見到有炙燒選項 都會不自覺揀咗🤣因為覺得魚生炙燒過後 種魚油香好正呢個炙燒北海丼有赤蝦、三文魚腩、帆立貝另外仲有甜甜嘅玉子燒、大量蟹籽~ 好抵食-🐮 牛肉壽喜燒湯 💰$88雖則牛肉質素唔係腍身個種 但份量超多✨而且壽喜燒湯底味道甜甜地 令蔬菜食落都係甜配菜有娃娃菜、金菇等 另外仲有隻半生熟蛋額外+💰$20的話 可加配白飯及三文魚湯-🍓 草莓芭菲 💰$58甜品有芭菲或者牛角包窩夫揀 芭菲賣相更靚~配上𝙼𝚘̈𝚟𝚎𝚗𝚙𝚒𝚌𝚔雪糕 揀咗𝚃𝚒𝚛𝚊𝚖𝚒𝚜𝚞口味咖啡嘅味道好濃 但唔知點解會有陣杏仁味😹芭菲配上新鮮士多啤梨、抹茶蕨餅、栗米脆脆等-🍠 熱紫薯拿鐵 💰$28味道偏甜 紫薯嘅味道點到即止😹-🍐 雪の玉💰$32👉🏻 荔枝、雪梨、愛玉飲前記得要先攪拌一下 有雪梨果肉食!!-📍 沙田石門安群街3號京瑞廣場1期1

講到沙田好去處，石門而家開咗好多各式各樣餐廳小店、遊戲玩樂嘅地方。今日去到呢間日式西餐，種類繁多，有刺身丼、丼飯、鍋物、烏冬、沙律、小食串、甜品、特飲。🦐🍣炙燒北海丼（赤海蝦、三文魚、帆立貝） $92Seared Hokkaido Sashimi Donburi～ 經過炙燒帆立貝、三文魚、赤海蝦，咬起來鮮嫩甜美。蟹籽搭配丼飯，甘甜沒有腥味。🍠🥛紫の心（紫薯、牛奶） $32Purple Sweet Potato Latte～ 一直喜歡吃紫薯，將紫薯和牛奶結合起來，香滑的牛奶、甜甜的紫薯，味道好夾好好飲。🍓🍨草莓芭菲 $58 Strawberry Parfait（自選MOVENPICK®雪糕 ：我揀咗意大利芝士蛋糕 Tiramisu）、有新鮮士多啤梨、抹茶蕨餅、玉米片，用料豐富，可以同朋友開心share。

石門有好多小店，係openrice見到呢間幾吸引，book定枱黎試下😆間鋪唔算好大，坐位不多。睇餐牌樣樣都好吸引🤩🤩 雞肉軟骨餃子$35，個皮唔係脆口，但味都不錯，正常發揮！香蔥牛肉卷$48，呢個超好食，牛肉軟綿綿，我自己又勁鍾意食蔥，個汁又夾🤤🤤推薦👍👍牛肉壽喜燒鍋$88，個壽喜燒汁唔會太咸，牛肉加埋蛋汁食好正🤤不過朋友就話啲牛肉有少少韌。五極丼（赤海蝦、三文魚、鯛魚、帆立貝、松葉蟹爪）$128，呢個丼飯樣樣都有d，材料都新鮮，不錯👍野莓牛角窩夫$68，雪糕口味係自選，都有幾個口味揀。窩夫配雪糕食一流🤤🤤窩夫熱辣辣雪糕又凍冰冰，正！

好無食過日本野啦🇯🇵今日特登收工約同事去食下呢間日本野先，之前都有幫親開既，d野食又正宗，價錢又好合理💰食完中可以係個商場行下。成個裝修都係比較簡約，d菜式大部分都係即叫即做，食材又好新鮮,超推薦👍🏻依家仲做緊Promotion,係星期六日及公眾假期12:00-17:00惠顧刺身丼，丼飯，烏冬，特調飲品，即享$10折扣優惠☺️🌟泡菜豚肉辣湯稻庭烏冬 $65烏冬入面既料真係好足，有好多片豚肉🥓每一片都係好大片，d肉又好厚實。仲有好惹味既泡菜做鍋底🍲入面既烏冬煮到勁彈牙，好有嚼勁，嗦曬d泡菜既味道，食落去香香辣辣仲要全部都係即叫即食，keep住呢度烏冬最好食既時候😋🌟廣島蠔土手鍋 $88個鍋一送到來就見到入面有5-6隻既廣島蠔🦪每一隻都好肥美，個蠔煮到好鮮甜，一d都唔腥。入面既配菜都好多，有金針菇，雞尾菇，大白菜🥬豆腐等配料，成個湯底都係原汁原味，好鮮甜，無落調味料🌟赤蝦三文魚丼 $88刺身係勁新鮮，好明顯見到佢d紋理好清晰，三文魚既油花比較多🍣食落去個質感係比較滑身d，成口都係比三文魚既魚油包圍，超香。到赤蝦都係大大隻🍤食落去係比較爽口，鮮甜，超推薦🌟帆立貝粟米牛油燒 $58呢個小食真係好

牛肉壽喜燒鍋$88+$20加配白飯和三文魚頭麵豉湯肥牛片肉質嫩滑，肉味香濃，壽喜燒鍋十分足料，有娃娃菜、豆腐、冬菇，食材都索滿湯汁，餸飯一流！加配嘅三文魚頭麵豉湯味道香濃，非常滿足。五目炒野菜$48鋪滿木魚碎的炒野菜，椰菜設成塊狀，伴有洋蔥、金菇等配料，份量很多。
雪之玉$32冰涷嘅雪梨茶，清甜好飲。熱荔枝雪梨茶$25雪梨茶好飲，飲落好滋潤。草莓芭菲$58其實我係為咗芭菲而嚟😝食到幾飽都要食甜品，芭菲杯雪糕有幾款口㗎可以揀，我哋揀咗Tiramisu，入面仲有新鮮嘅士多啤梨片、下層仲有抹茶蕨餅、粟米片，太幸福啦☺️

之前去咗石門站附近睇櫻花，一場嚟到梗係搵個地方食埋飯，小店裝修以木系為主，主打日本丼飯~ 🔘赤之丼 $85似乎係lunch set先有嘅丼飯，分別有赤海蝦、三文魚、吞拿魚同吞拿魚腩蓉，刺身新鮮，尤其是三文魚好肥美，有一大球吞拿魚蓉，刺身份量多，性價比高嘅丼飯，午餐奉送麵豉湯或者特色飲品，叫咗熱雪梨蜜，好滋潤好啱冬天飲~🔘豚之角煮丼 $78朋友單點呢個丼飯，唔係lunch set，肥瘦相間嘅五花肉，炆煮到軟腍，食落唔會超級肥膩，半熟蛋撈飯一流，肉嘅份量都好澎湃~🔘熱紫薯拿鐵 $28靚靚嘅紫色，入口順滑唔太甜，有紫薯味，特色飲品嘅價格都幾實惠～呢度嘅甜品都好吸引，但食完都飽飽地所以冇叫到，留返下次~

今日難得嚟到石門，就試下呢到啲餐廳，見呢間餐廳啲評價唔錯，就入咗去試下，點知就中曬伏。。。。。。首先，親子丼幾好食嘅，味道啱啱好，唔會太濃味，幾好。但係個海鮮丼出曬事，個貝同隻蝦係腥嘅，蟹就冇味嘅，得三文魚正常少少，但都未去到好食，而個飯又係唔好食嘅，依個質素收$128, 真係當人水魚搵人笨，見到一個負評都冇，仲有好多評論都讚新鮮肥美，真係唔知係咪得我一個咁唔好彩。。。如果你咁啱見到呢條評論，真係建議你唔好去食。

見到有新開鋪頭，緊係幫襯下。大蝦辛味噌櫻花蝦稻庭烏冬 $78以為個湯底會有蝦味，原來只係兩隻炸咗嘅蝦同埋一啲櫻花蝦。嗰兩隻蝦直接炸，而唔係吉列或者天婦羅，因為本身他唔係話非常大隻，咁樣炸令到佢蝦肉嘅存在感好低。朋友就叫豚角白湯稻庭烏冬、地雞糰子咖喱稻庭烏冬、廣島蠔土手鍋，賣相都不是非常吸引，較為普通，而定價都遍高，個蠔鍋仲要加錢配飯。明明見到OpenRice好評都好多，但整體感覺還好，估計可能係出名食刺身丼，其他菜式較為普通。

黎到石門，揀咗間日本嘢食！我哋叫咗個牛肉壽喜燒、番茄稻庭烏冬、雜莓牛角窩夫同埋芒果芭菲🍽️牛肉壽喜燒都幾足料，有冬菇、金菇、溫泉蛋、娃娃菜同豆腐等做配料，壽喜燒湯鹹中帶甜，味覺享受😋🍽️番茄牛肉稻庭烏冬個湯好濃，番茄味好出，番茄味滲入牛肉，好入味好正！烏冬唔會太淋，唔錯👍🏻🍽️野莓牛角窩夫自選配嘅係Movenpick嘅Tiramisu味雪糕，超足料，有好多士多啤梨，croffle亦都好脆，有焗返熱！🍽️芒果芭菲多重味覺享受，最尾嗰層芒果汁撈埋粟米片、芒果等超正！

晚市好多選擇，有熟食、鍋物、刺身飯等等。揀咗廣島蠔士手鍋$88。鍋入面有好多鮮蠔同埋豆腐，湯底鮮甜又濃郁，好適合喺寒冷天氣食。仲可以加$20揀埋白飯同三文魚頭麵豉湯，真係超值！我哋仲叫咗九州醬油漬丼$98。丼飯有三文魚、吞拿魚、油甘魚及三文魚子，魚生味道鮮美，相當唔錯。飲品方面，我試咗熱荔枝雪梨茶$25，味道香甜。甜品叫咗焦糖香蕉牛角窩夫$68。牛角窩夫好酥脆，配有焦糖香蕉。小店來講真係有驚喜～～～

屋台即係日本街邊檔，食物平靚正。係石門就有間「屋台+」，食物一樣平靚正。叫得「屋台+」就係主打日式食物，除咗一般丼物，仲有刺身丼、窩物、小食、甜品、特飲等。午市刺身丼都唔洗$100就食到。我今次食呢款赤の丼都係$85，已經有赤海蝦、三文魚、赤身、拖羅蓉，而且份量仲唔少添，又包咗味噌湯。刺身質素都唔會Hea你，$85真心超值。另外加錢叫咗杯飲特飲「赤の果」，係雜莓沙冰。估唔到飲品都有甜品屋質素。最後想講埋佢哋個小食「沖繩風大蝦」真心好食，酸甜有少少辣，大蝦開半炸到卜卜脆，加埋紅蘿蔔，洋蔥、冬菇粒炒埋一碟，賣$58 一碟真係良心價。

星期六黎到石門 去左商場搵野食。發現一間幾光猛既鋪頭。🎉有推廣優惠星期六日及公眾假期12:00-17:00惠顧刺身丼、丼飯、烏冬、特調飲品，即享$10折扣優惠。位置不大 但環境很好👍🏻廣島蠔土手鍋 $98 +$10（麵豉湯&白飯）廣島蠔非常鮮甜！粒粒飽滿 裏面還有豆腐、紅蘿蔔、冬菇、白菜、金菇、等等。土手鍋的湯底並不太鹹，有少少辣，凍冰冰飲碗暖湯非常不錯，適合湯飯！麵豉湯加入了新鮮三文魚，魚肉好滑，令湯汁生色不少！九州醬油漬丼 （三文魚、吞拿魚、鯛魚、三文魚籽）$98魚類新鮮肥美，三文魚籽非常鮮甜。蛋味香濃 不錯的選擇！推介程度：⭐️⭐️⭐️⭐️⭐️

朋友偶爾選擇的店舖，環境乾淨企理，以木色為主，感覺舒服。食物價錢相宜，我點了魚座丼，有三文魚、油甘魚及魚籽，賣相不錯，份量很足，味道亦可，惟不算令人印象深刻，屬合格之選，不過不失。餐廳以QR code點菜，是社恐人士的恩物，款式不少，由凍食到熱食再到甜食也有，可慢慢思考和比較想要點甚麼菜。上菜速度很快期間客人不少，不斷有人排隊入座，但不會感受到店員趕客的壓力，可安坐直至享用完食物，這點很加分，能好好與友人相聚傾談，很是不錯。