Xi Xup

营业中

休息中

第二次幫襯，因為呢到坐得好舒服，有種避世嘅感覺~幅大壁畫打卡一流~野食都好食~唔似得啲連所店，好有越南風味！🔹是日頭盤🔹 今日有傳統網紙炸泰卷，我最愛！因為啲芋頭餡真係好香~🔹特色小食🔹魚露炸雞翼 - 以為咸嘅，點知甜甜~但又唔似蜜糖雞翼，睇返原來係caramel~未食過呢種雞翼嫁~炸香菇蝦春卷 -好大條呀~成隻蝦見到~入面好足料~🔹札肉肉鬆越式法包🔹呢個包食完有啲念念不忘，因為酸酸甜甜青瓜絲同其他配菜好開胃，仲食到骨膠原添，原來係啲越南札肉(好似燻䐎)，豬皮條邊好彈牙~仲有個包好似有陣香甜味，紅色外表，睇返menu原來係火龍果包，重點係個包唔會硬同乾，唔會食到個口損哂，哈！餐廳又好細心切開4份上，唔會食到好論盡~食到連一條肉鬆碎都無剩！🔹牛肉河粉🔹賣相好高級~有牛丸，牛肉同牛𦟌~全部都好有牛味~🔹雞蛋咖啡🔹我喺越南飲過，真係一隻生蛋打落咖啡到嫁咋，呢度呢杯好吸引，超級高級版，打破左我對雞蛋咖啡嘅壞印象，落單嗰陣老闆話係滴漏咖啡所以要等一陣，想講絕對值得等，成杯咖啡好有蛋香味，咖啡好香好滑~🔹椰子咖啡🔹係我喺香港飲過咁多間椰子咖啡，最似返越南嘅味道，雖然唔係100%似，但我反而覺得仲

可能係香港唯一一間食到呢啲特色地道越南菜式( ˘ ³˘)？講起越南菜 來來去去不外乎pho同法包大圍隱藏左一間行型格路線既小店 @xixup_hk 原來係食正宗街頭小食.ᐟ‪‪‪.ᐟ‪‪‪◦ 大叻薄餅多年前係大叻食過呢款街頭小食念念不忘終於比我係香港搵到啦(꒦໊ྀʚ꒦໊ི )烤過脆脆地既米紙 上面鋪上蛋 蔥花 豬肉醬 肉鬆 芝士原個上 自己用較剪剪開食極有風味即刻喚起當地食既味道 好惹味又獨特～◦ X河粉主食都叫番個pho先 係餐廳名物啊( ͡° ͜ʖ ͡°)大大條牛骨髓 仲有生熟兩款牛肉同牛丸 咩都齊哂特別欣賞生牛肉 唔會太肥又軟熟又有牛味湯底係清甜路線 唔會鹹/油好大負擔整體份量仲夠哂我同男朋友兩份分◦ 斑蘭蜆湯配焗法包睇menu時感覺係特別既菜式 湯底真材實料 濃濃斑蘭香加埋蜆汁十分之鮮甜蜆完全無沙亦都算肥美( ˶˙ᵕ˙˶ )教大家一個隱藏食法 可以用焗法包配上面既牛骨髓 當牛油咁搽( ˃ ᵕ ˂ )◦ 滴漏咖啡傳統越南咖啡 濃濃既咖啡配練奶 苦中帶甜既平衡冒住晚餐飲啡會成晚訓唔著都在所不惜lol◦ 雞蛋咖啡非常推薦大家一試(ˊo̶̶̷ᴗo̶̶̷`)原本諗係咪會好似茶餐廳滾水蛋咁原來係打成甜甜地又重蛋香既

雖然 OpenRice唔多食評，但應該係幾年前睇過介紹，一直知道大圍有間特色越南菜，今日過開嚟就去試吓，原來真心正🥰 Weekday既 lunch set包小食、主菜同飲品就好抵，Weekend冇set要單點，但以佢嘅質素嚟講都算值得豬頸肉春卷撈檬 $88豬頸肉一大堆，仲配店家自製嘅冬菇蝦春卷同一條肉腸。撈檬汁係新鮮特調，唔係長期放喺枱面嗰啲🤣 酸酸辣辣勁開胃。冬菇蝦春卷勁好味，強烈建議單點小食！肉鬆烤茄子 $68魚露炸雞翼 $78呢兩款都係”Saigon Street Food”，另外仲有特多吸引選擇！平時食開涼拌茄子，呢個就係熱食小食，茄子好腍用蔥蒜調味，但食落主要係肉鬆甜味，都幾特別雞翼用麥芽糖漿造成脆皮，脆皮係滿滿雞肉肉汁，仲有炸蒜片好香口椰子咖啡 $48越南食店既越南咖啡真係好高質！用椰子做底夠清甜就算飲唔慣咖啡都唔會覺得太澀，沙冰質地打到好滑，仲有椰子雪葩、椰子脆片同椰絲，成個配搭勁清新🥰ibiero craft beer - KING IPA $68麥味重，8.2%酒精啤酒來講算高但又有陣香甜味易入口，果然手工啤係更有特色！

大圍隱藏著好多高質數嘅餐廳呢間主打越南菜餐廳位置唔算顯眼叫咗幾款菜式即叫即製．有水準踏入餐廳見到牆身畫上越南少女嘅人像畫配上高樓底．原來樓上仲有雅座成個感覺好舒適✨班蘭蜆湯 配 法包煮蜆食得多配上班蘭同香茅味道嘅湯底原來可以咁正加上粉紅色嘅火龍法包輕輕沾上湯底，味道滲入麵包之中✨燒豬肉米紙卷半透嘅米紙卷，包著粉絲同燒豬肉伴著秘製嘅醬汁，令味道更突出✨大叻薄餅呢款越式意大利薄餅有別於平日嘅口感薄薄嘅批底．口感香脆加上與別不同嘅餡料．份外滋味✨生牛肉河粉幼滑嘅河粉，湯底好香唔油膩配上牛丸同半熟嘅牛肉．嫩滑唔靭最正係附加幾款嘅香菜同九層塔加少許辣椒同鮮檸汁．係完美嘅配搭✨椰子咖啡Menu有多款唔同配搭嘅咖啡當然要試試越南最出名嘅咖啡面層加上椰子嘅咖啡，帶點沙冰嘅口感椰味同咖啡好夾，比例控制得好好✨滴漏咖啡睇住咖啡一滴滴咁漏出，好療癒加入煉奶．輕輕搞拌浸出濃郁嘅咖啡味道為味蕾劃上完美嘅句號

難得老友聚餐就選一間特別小店。 走入小店會有女生喜愛打咭的一副特別牆身，有男生慕求優閒嚐啡隊啤小座。 🤓我哋先叫一個「豬腩蝦肉米紙卷」、「班蘭蜆湯配焗法包」黎開胃。即包米卷飽滿饀豐味道清新，醬汁少少酸辣剛好吊胃。班蘭蜆湯鮮味厚肉，法包外脆內軟。😃人齊再加叫「香茅焗曹魚」、「大叻薄餅（雞肉）」、「火魔牛肉」，男生多叫「香菇蝦春卷」、「魚露炸雞翼」送啤酒」。🐟香茅焗曹魚，不論喜歡不喜歡食魚一定要食，當你一打開會聞到見到香葉同配菜，再拉開魚身香茅及蕃蕃茄就增加了菜色，魚肉嫩夾香，我會形容色香味俱全。🍕大叻薄餅，戒食澱粉或少食澱粉嘅朋友就啱哂，餅簿脆口，雞肉增加口感，面上肉鬆野味，加埋就係無罪疚感的美食享受。😅🔥🐂火魔牛肉，充滿儀式感食物😄，牛肉嫩滑😋，我只略嫌太多油。🫔🐔春卷、雞翼，用黎送酒及把歌談心不可輸的小食。😃會再次幫襯，下次一定試吓主食湯河、火龍法包。😍期待。

斑蘭蜆肉湯配法包係味覺同視覺既衝擊！個湯睇落好清澈透明，未飲之前仲驚中伏驚會好稀無咩味，點知一飲味道勁濃郁😍😍😍好香既香茅同埋斑蘭味！送法包一流法式麵包賣相好得意，係紅色既，仲要有一粒粒黑色，好似火龍果咁！但味道就同普通法包一樣朋友叫左個套餐，餐飲加$38要左杯雞蛋咖啡，本身我聽到$38都覺得幾貴，但黎到之後覺得物超所值！！個層雞蛋好綿密杰taktak咁，仲有點焦糖味，配埋咖啡簡直就係流質既tiramisu，超特別😍😍😍

生牛肉河粉$98 推⭕️呢個係湯底同埋牛肉好食 半生熟 加埋啲肥膏 入口即溶 之後熟咗 肉質都軟熟 唔會好韌湯底 酸酸甜甜 微辣 會一啖接一啖飲河粉就平時食越南嘢嗰啲燒豬扒鴨蛋飯$98❌唔推可能真係河粉出色 豬扒鞋到阿媽都唔認得 又乾又鞋 啲飯又太淋！完全唔乾爽 唯一好嘅就係個汁好食 幾惹味 一定唔會encore 魚露炸雞翼 $78/5 ⛔️（覺得唔貴可以試）$15.6 一隻 完全性價比唔高但係味道唔錯 出邊炸到好脆 仲有啲炸蒜片個皮係有啲蜜糖喺上面 咬落去鹹甜鹹甜啲肉都滑 唔會炸過龍 會有肉汁咇出嚟 少油 不過唔係隻隻啲肉都咁滑椰子咖啡$48 推⭕️開頭飲係咖啡味出啲 上面啲椰冰融咗之後就融合得好好！椰子味出 好飲斑斕撞奶$38 推⭕️一路飲都有淡淡的斑斕味 幾香 可以試不過偏細杯依間係有加一㗎！！！環境係唔錯嘅 完全唔似越南嘢 暗暗地 氣氛幾好 但係嘢食真係貴 三樣嘢食+2杯野飲 兩個人食 每人都食咗$200 如果想食越南嘢/生日飯/想坐耐啲嘅話可能先會考慮食第二次

咁啱行開呢邊，所以再次幫襯這間以越南小食做招徠既餐廳。我依希記得幾年前嚟過。個打卡牆仍然好吸睛，所以成餐都係望住佢黎食，哈～先叫咗個「順化扎肉牛尾湯米線」，扎肉好味既，令我驚喜嘅反而係個牛尾，肉質淋身又入味，有三大件 $98，好可以但下次我會轉河粉，始終米線好似唔夠「越南」。本來想食過炒螺，但店員主動話依排螺唔靚，佢哋轉左炒蝦，所以就叫咗個 唔知咩「神秘醬炒蝦」，好似係$88。但佢個炒蝦嘅醬 甜甜地 又香口，入邊有啲炸蒜，好好味。餐廳乾淨企理，服務質素唔錯，chill chill 地好舒服。 正擔心佢 小店撐唔住，但七點幾開始多人，加油

呢間大圍越南菜係超級隱世🤫你唔開google map都唔知係邊🦭巨型壁畫絕對係打卡一流位🔥別出心裁既越南菜👍🦭直接一句：「你有冇試過PHO入面有成條牛骨髓🦭?」今次肥豹試左🦭1. 魚露雞翼食開越南野既朋友🦭就知越南野幾中意用魚露🐟講明先，中意魚露既朋友就會覺得唔錯既雞翼。首先，一上菜既時候就已經色、香、味俱全，好香既魚露味🐟雞翼表面都炸得金黃香脆👍唯一扣分為就係咬落去魚露味唔夠🦭較多甜味🦭2. 火魔牛肉呢個絕對打卡之選啦😂一上菜就同你點著曬個鍋🦭不過肥豹比4分佢更多係出於佢既創意😂好老實講味道就係普通既洋蔥牛肉，冇乜特別，但佢個擺設真係好有心👍值得鼓勵👍3. 椰子咖啡睇開肥豹既朋友都知肥豹中意飲咖啡🦭當然飲東南亞既咖啡個陣就唔同於傳統既咖啡，著重於佢既香氣同調味。呢杯椰子咖啡既香氣十足，面頭仲有椰子碎🦭飲落個口感超rich👍好值得試👍4. X 河粉黎到主菜既部分🦭呢個河粉真心誇張，成條牛骨髓放上黎😂好似個間feather and XXXX咁🦭但係坦白講佢既湯底同配料係正常水平，該有既味道都有🦭不過建議牛骨髓上之前可以燒一燒佢，咁D牛香味會再出D🦭5. 牛尾湯河呢個睇落平平無奇，但反而係

小食味道地道，性價比高，推介牛肉米紙卷，牛肉非常入味。苦瓜配搭肉鬆再加辣醬都好岩送酒，且清新。湯河湯底水準高，牛味濃，而且唔會太咸。麵料用料上乘，扎肉彈牙而且好厚。

店舖位置有點偏，星期六晚去食都係得幾枱客，但啲食物真係唔錯，希望可以頂得住盅入面係牛，唔記得菜式名🤫，港女打卡一流，啲蝦片脆卜卜，不過冇乜蝦味，啲牛醃料幾好味，不過啲牛碎濕濕咁，口感差少少。斑斕撞奶好好飲，斑斕味唔會太搶，味道好夾。豬肉鬆法包，穩穩陣陣味道唔錯zdw燒魚有驚喜，平時通常食泰式燒魚，原來越南製法咁唔同，夾好多香料同埋會比較濕身，味道同質感都幾好，啖啖肉見到隔離枱食，我地又叫個黎試下，朋友話平時數量有限，賣晒就無，啲蜆肉大大粒脹卜卜。斑蘭布丁，個樣都幾嚇人好重斑蘭味，不過個質地比預期實少少，唔係好似平時食開嘅日式布甸或者芒果布甸嘅質地。

今次嚟到大圍咁遠覓食😂見到IG呢間餐廳嘅壁畫牆好吸引🎨呢間餐廳同其他越南菜唔同🇻🇳黑白風比較型格既路線 定價係呢區來講算比較高🖤 味道方面果然幾有越南特色🥴 但係入口程度就見仁見智⭐️ Com Tam 🥩豬扒飯係好地道街頭嘅美食🛵 豬扒香脆但調味可以更Fine🔥 鴨蛋既香味好獨特 如果更濃就更好🍳⭐️ Bun Thit Nuong 🍜豬頸肉加上春卷嘅撈檬🥗 豬頸肉調味酸酸地又帶甜味🍋 夏天食係幾清爽 ⭐️ Bo La Lot 🍖呢個牛肉串燒用香葉包住🌿 滲入晒香草味 配上菠蘿醬同埋楊桃🍍 味道配搭好Exotic同開胃🏝 比起主菜出色

坐得舒服既越南餐廳食物選擇貴精不貴多👍🏻大圍太多食物嘅選擇, 見到餐廳嘅門面好特別, 朋友亦都介紹, 就揀左呢間食物做得好精緻, 睇得出餐廳對自己出品好有要求X河粉上枱簡直係嘩嘩聲, 河粉湯底偏甜, 好有特色撈檬亦好出色, 個汁經過特別調配值得一讚既係成個飯既煎鴨蛋, 好濃味但又唔會搶過左豬扒既味道不得不讚就係個椰子咖啡真係好好飲椰子同咖啡作出好好既平衡（最衰無影到）🥥📝X河粉📝豬頸肉春卷撈檬📝燒豬扒鴨蛋飯📝椰子咖啡

餐廳門面及內廳都裝修到似酒吧般，餐廳樓底頗高，用上黑色磁磚、藤製裝飾，配以微暗燈光，是比較暗黑的時尚型格👍🏼👍🏼內裡最搶鏡的打卡位，莫過於高牆身的一位越南女仕壁畫，藝術味濃，幾乎每個foodie都會一提😆😆🔸️ X河粉｜$148 ⭐️⭐️⭐️這個X河粉係最多foodie推介的一個菜式，上檯時絕對比佢大大既骨頭🦴吸引著，骨頭入面充滿著fatty既骨髓，即係脂肪，但亦唔算好重油膩味。湯底唔算非常濃，較清甜。反而入面啲河粉同配料好普通，河粉滑但過腍，一夾即斷，牛丸都好一般，失望🙈🙈🔸️ 順化豬腳牛尾湯米線｜$98 ⭐️⭐️⭐️個湯有牛味，辣辣地，牛肉幾軟腍😂😂🔸️ 雞蛋咖啡｜$58 ⭐️⭐️⭐️底層用越南咖啡，會比普通咖啡更濃更苦，所以面層就用雞蛋🐣+其他材料打成嘅一層厚而順滑的泡沫，飲落似焦糖布甸咁甜甜地，係幾香滑幾有特色既越南咖啡。但甜不抵苦，飲唔慣🙃🙃🔸️ 椰子咖啡｜$48 ⭐️⭐️⭐️椰子刨冰+椰子乾片+越南咖啡，意想不到的淡味，非常一般😇😇整體一般，食物OK，但價錢偏貴及份量偏細，CP算低。唯一好嘅都係裝修得幾型格，但無咩都未必會有下次🥲🥲Xi Xup📍大圍積存街70-72號景星樓地舖

今日嚟咗大圍積存街比較入少少嘅一間越南菜叫咗個檬粉食，份量飽肚都足夠見到隔籬枱啲嘢食都幾吸引有個火魔牛肉好香，下次來必定會試而且店員服務態度好好，有禮親切，同個女員工電話得返1%佢話幫我叉電不過比較想試嘅係pre order嘅嘢食，可惜今日即興過嚟冇得試😢呢度環境都比較舒服樓底高最適合同朋友過嚟食飯吹水，值得一試可以再覆桌