WM Café & Bar (雅濤居購物商場)

身為馬鞍山街坊，每次做gym都會經過呢間Cafe，但次次都無時間入去食個飯🤣今次就專登揀做gym前既時間去試下😌👉🏻是日精選餐湯 $38✨今日既精選餐湯係蕃茄湯🙂‍↔️味道清新帶微酸，整體味道好平衡，非常適合用來開胃。湯入面仲可以食到一粒粒既蕃茄，證明係真材實料😬👉🏻WM安格斯牛肉煙肉芝士漢堡 $98✨雖然只係單層漢堡，但其實都幾大個🤓麵包有微微烘烤過，鬆軟得來帶少少脆口，食落口帶少少甜味，唔會太乾。牛肉厚身，食到好香牛肉味，中間帶有肉汁，食落Juicy😌漢堡入面仲有蕃茄同生菜，增加口感外仲可以解膩。薯條就算放耐左都仲脆口，唔會係金拱門個種潸啤啤既薯條🍟👉🏻WM自家製蛋糕 $48✨自家製蛋糕可以揀巴斯克芝士蛋糕同檸檬蛋糕。我就揀左巴斯克芝士蛋糕😌蛋糕質地軟身，中間帶少少流心。蛋糕底加左瑪利餅增加口感，令整體更加有層次感🙂‍↔️…查看更多

上個星期五，我同老婆兩個人閒閒地喺馬鞍山逛街，行到鞍駿街15號雅濤居購物商場地下，見到WM Café & Bar呢間西式cafe，門口裝修幾簡約舒適，綠色植物掛滿牆，感覺好chill，就即興決定入嚟食晚飯。呢度係馬鞍山少有嘅西餐選擇，唔使去太遠，啱晒我哋呢對懶人夫妻。坐低之後，侍應好快就嚟招呼，推介咗佢哋嘅dinner set menu，我哋就點咗個，裡頭有香煎羊架配黑松露意大利飯、意式羅勒茄茸醬西冷牛排伴時令蔬菜，同埋一口香煎鵝肝多士，聽落就好吸引。先講開胃菜，一口香煎鵝肝多士兩件上枱，哇，熱辣辣地，鵝肝煎得外脆內軟，每一口咬落去都係奶油般滑溜，配埋多士嘅脆口，唔會太油膩，反而有種奢華嘅滿足感。我老婆一試就話：「呢個好正，入口即化，唔似啲平價cafe咁硬邦邦。」我都覺得係，鵝肝嘅香氣同多士嘅焦香混埋一鑊，食落去好平衡，當開胃菜絕對夠晒味，食完兩件就覺得胃口大開。跟住主菜，香煎羊架兩件配黑松露意大利飯。羊架煎得金黃，肉質嫩滑，咬落去多汁又彈牙，羊味唔重，唔會有陣陣腥，配埋黑松露意大利飯，飯粒粒粒分明，吸收咗黑松露嘅濃郁香氣，食落去有種大地嘅鮮味，微微嘅菌香滲入每粒飯，超級開胃。我老婆話呢個羊架比想像中好，唔似啲羊扒咁柴，煎得剛好七成熟，邊邊位脆脆地，裡頭粉紅粉紅好誘人。我自己都食咗一大半，意大利飯份量夠晒，配埋羊架嘅汁水，簡直係完美組合，食到最後一粒飯都依依不捨。最後一個係意式羅勒茄茸醬配香煎西冷牛排伴時令蔬菜。牛排上枱熱氣騰騰，五成熟嘅，切開見到粉紅色肉汁流出，重牛味，煎得外層脆香，內裡軟嫩，唔會太韌。茄茸醬酸酸甜甜，羅勒香氣撲鼻，塗落牛排上食，層次好豐富，蔬菜有西蘭花同carrot，新鮮脆口，唔會過熟軟趴趴，平衡咗牛肉嘅油分。我老婆特別鍾意呢個醬，話係佢最愛嘅意式風味，食落去清新又唔失濃郁。我都覺得牛排質素高，配埋蔬菜，健康又滿足，整個set menu食落去好均衡，唔會覺得太重口。整體嚟講，WM Café & Bar呢間cafe環境舒服，適合小倆口嚟relax，食物水準超出預期，特別係呢個dinner set，味道正宗又唔誇張，下次嚟馬鞍山一定再試其他菜式。馬鞍山朋友們，如果想食正宗西餐，呢度絕對值得一試！…查看更多

OMW每日返工朝早都唔想起身。但去到週末放假又會好早訓醒，叫醒我嘅係，早餐啊😝 呢間早餐OMW成日都食，食到好熟啦，應該餐廳廚房一見倒張外賣單就知係我🙈 👑美式熱香餅早餐：有熱香餅、加拿大煙火腿、牛奶炒蛋、薯餅，配嘢飲（熱朱古力）。🌮建議食法：熱香餅塗適量牛油、糖漿，將切細嘅煙火腿、薯餅、炒蛋放上面一齊食，好好食！🥞熱香餅：軟熟，香！我覺得佢甜度好好，冇麥當勞咁甜～ 🍖加拿大煙火腿：係有厚度嘅火腿，單食佢會太咸。將佢好似McGriddle咁夾喺熱香餅加糖漿一齊食嘅話，味道岩岩好！（薯餅、炒蛋、飲品喺扒類早餐再講） 👑扒類早餐好豐富，有扒（西冷牛扒）、蛋（牛奶炒蛋）、薯餅、蕃茄、腸仔、包（牛角包），配嘢飲（凍檸檬茶），加錢有麵食（叻沙榨菜雞絲米粉）。OMW成日食，下面講吓OMW覺得點揀最正～ 🥩扒類：扒類早餐有幾款扒揀：牛、豬、雞、魚。👑牛，係西冷牛扒。唔知大家平時食早餐會唔會叫牛扒，有啲地方食牛扒又細塊又薄到紙咁，大啖食 兩啖食晒 食空氣咁，而呢間絕對唔會。佢個長度就係長型外賣盒咁大塊，呢塊係用刀叉食嘅牛扒，放落口要咬吓，食落真係知道自己食緊牛扒，有牛味，有蒜味，有黑椒汁，大塊，好滿足！😱雞，喺外賣平台見多人叫，叫咗兩三次，但次次都有雪味，之後冇食過啦。⭕️豬一般、有時會韌，可以嗌。🙈偏食的我除咗吉列魚冇食過，上面全部食勻曬。大家食完魚可以話返我知覺得點～ 🍳蛋類：扒類早餐有得揀蛋：牛奶炒蛋、煎蛋👑牛奶炒蛋次次都係食呢個，唔鞋滑滑地，好香！⭕️煎蛋叫過一次，係燶邊全熟蛋，都唔錯，但之後都係會揀返牛奶炒蛋😝⭕️黑松露炒蛋以前有得加錢跟餐，宜家冇啦。佢係牛奶炒蛋面頭加少少黑松露醬，冇好特別，所以之後都係牛奶炒蛋😝 扒餐包呢啲：🥔薯餅：外賣嚟到有時係淋淋的，有時又脆脆的；但點都好，咬落去食得出有粒粒小薯粒，薯仔就係好食！🍅蕃茄：係有厚度嘅蕃茄扒，增加健康感。有時唔係蕃茄扒，係車厘茄。🥓腸仔：普通嘢，唔會太咸，冇怪味。有時廚師腸冇貨會開心upgrade咗做All Day果種高級脆皮外國腸。🥐包：平時係烘過嘅丹麥麵包，香香脆脆的很好食。今日係牛角包，少淋唔脆、少香。 🍜加錢有麵食：👑叻沙榨菜雞絲米粉對我嚟講係叻沙湯米粉。個湯唔差、有少少叻沙味，米粉係減肥恩物，仲可以放耐少少、遲啲食。雞絲我會夾走因為都係有雪味。榨菜爽脆，幾好。⭕️五香肉丁公仔麵呢個係邪惡之選，佢話係公仔麵，真係會跟一包麻油可以自己落！但OMW就麻麻地佢個五香肉丁，所以好耐冇叫啦～想放肆嘅話，食呢個都唔錯。⭕️仿鮑魚絲火腿通粉以前我成日嗌呢個，因為當時個通粉口感好好，有al dente感，不過宜家冇啦，可能轉咗通粉來源，然後冇再嗌佢喇。但overall要飽肚食個通粉其實ok！印象中個湯幾好味。 ☕️飲品：⭕️凍檸檬茶：comfort drink，有時會覺得唔夠甜；但今次我覺得啱啱好！⭕️熱朱古力：唔算好濃，嚟M嘅話可以叫嚟飲吓，唔會話好滿足。⭕️熱奶茶：呢個係厲害的東西！飲完會好精神！ 📍WM Café and Bar（外賣-馬鞍山）✨亮點：牛扒好大塊，扒餐好豐富！仲有熱香餅早餐😍 🙇🏻‍♀️特別嗚謝：勞苦功高、日曬雨淋嘅外賣員！…查看更多

全國運動會賽事係馬鞍山舉行，順便幫襯下附近小店!WM牛肉煙肉芝士漢堡結合左優質安格斯牛肉的風味，肉質柔軟嫩滑又多汁，散發濃濃「牛香」，並以煙肉和芝士增添層次感，再配以酸種麵包和其他新鮮蔬菜，口感豐富兼有層次 ！餐湯蕃茄湯味道酸甜，番茄本身帶有天然的甘甜和微酸，這是番茄西湯最核心的風味，開胃之選!藍莓蛋糕的味道酸酸甜甜、莓果香氣濃郁，藍莓新鮮果粒形式散布在蛋糕中，其酸甜的滋味與芝士的濃郁形成強烈融合!…查看更多

喺馬鞍山海旁附近，環境清幽舒適，適合同朋友、情侶或者家人一齊chill住食餐好嘢！呢間Cafe係區內非常有人氣嘅西餐好去處，最吸引嘅係佢啲食物夠大份，性價比爆登！食材質素又高，4百蚊搞掂個套餐，兩個人都食到飽飽哋～ 😋🍴推介菜式：👉 日本帶子明太子扁意粉好多醬汁嘅意粉～每條扁意粉都吸滿咗明太子醬嘅鮮味，帶子又大又鮮甜！🍝✨👉 焗煙三文魚帶子牛油果意大利飯煙三文魚焗到好鹹香，食飯有帶子嘅鮮味同creamy嘅牛油果！🍚🐟🥑👉 WM自家製蛋糕$48嘅自家製蛋糕，芝士蛋糕味道像 大埔街市梁九記名物賣的John and Jill’s cheese cake堅好食😋…查看更多

今次去咗馬鞍山嘅WM Cafe,發現呢間小店嘅食物質素比預期中好👍,而且套餐價錢相當抵食💰我哋叫咗個雙層安格斯牛肉芝士漢堡🍔,牛肉大大塊,煎得恰到好處,肉味濃郁又多汁💦,芝士融化喺牛肉上面,配埋新鮮蔬菜同麵包,食落好滿足另外試咗海蝦蒜片檸檬海鹽醬扁意粉🍝,估唔到檸檬同意粉可以咁夾。海蝦新鮮爽口🦐,蒜片香脆,加埋檸檬嘅清新,成個組合好refreshing甜品叫咗焦糖蘋果金寶配雪糕🍨,熱辣辣嘅蘋果金寶配冰凍雪糕,冷熱交融,甜度剛好WM Cafe嘅環境簡潔舒服,服務態度都唔錯。以咁嘅價錢有咁嘅質素,確實值得再訪📍WM Cafe#馬鞍山美食 #WMCafe #香港咖啡店…查看更多

今日嚟開馬鞍山買嘢，順便嚟呢間「WM Cafe & Bar」餐廳dinner。餐廳環境舒服，坐位闊落。之前食過覺得幾好食，今日再試，味道依然。🥗青蘋果牛油果醬雞肉沙律青蘋果牛油果配搭健康清新，烤雞肉香口，好味嘅開胃菜。🍕意式巴馬火腿薄餅薄批入面有我鍾意車厘茄，巴馬火腿，Pizza 好惹味，香脆又有口感，唔錯呀。🍛烤大啡菇惹菌芝士意大利飯意大利飯本身味道已經豐富，加埋大啡菇結合咗濃郁芝士嘅香氣，整體口感唔錯呀。…查看更多

馬鞍山西餐我一係食Beans一係食WM,我更鍾意、更常食呢間嘅，環境暗暗地、播住啲Jazz，無論自己一個定同朋友黎都坐得舒服、唔逼、無咁趕～最鍾意龍蝦湯同牛肝菌汁🤍但凍檸茶淡咗啲，唔係好夠茶味…查看更多

用外賣app叫$70海蝦蕃茄意粉一人餐，意粉好食，包小食同飲品，比起其他一人餐高質好多，因為一般都係mark up到好高，例如食個麥記譚仔都要$70，以後會經常叫…查看更多

成日去馬鞍山搵食都冇留意到雅濤居留下有間座得舒坐位又多嘅西餐廳。平時成日都想搵間有8️⃣至9️⃣座位枱嘅西餐廳好難，終於比我發現到啦😅下次可以同屋企人來食西餐唔洗成日去洒樓食中餐😊佢哋除咗坐位多之外，價錢大眾化而且食物質素都性價比高⋯⋯佢地有散餐order，或者比較化算嘅set menu ，跟餐仲可以追加好多款小食或者甜品🍧我哋又唔想食澱粉質所以散叫左個牛扒同雞翼：9安士安格斯西冷牛扒再加$38 升級套餐厚切牛扒七成熟煎得剛好肉質鮮嫩唔靭口，配菜仲有西蘭花同滑滑嘅薯蓉伴碟配埋佢地嘅秘製醬汁口感一流升級套餐包吉列炸蠔兩件、龍蝦湯、巴馬火腿沙律和一杯飲品龍蝦湯夠濃味，新鮮蔬菜沙律混酸醋汁感覺清新，值得一提係吉列炸蠔相常出色外皮夠脆蠔肉仍有肉汁。佢哋追加炸蠔做小食都係$12/3件。好抵食喎⋯⋯WM 招牌柚子炸雞翼雞翼肉滑炸得香脆，配上柚子蜜汁酸酸甜甜醒胃非常我哋一行二人叫這份量已經好飽肚，連甜品都唔order ，期待下次再嚟📍 WM Café & Bar (馬鞍山)馬鞍山鞍駿街15號雅濤居購物商場地下G01B號舖…查看更多

烤澳洲豬鞍扒 配時令蔬菜，薯蓉厚切的澳洲豬鞍扒甫上桌便香氣四溢。主廚火候拿捏精準，外層帶有誘人烤痕，切開後肉質呈現淡粉色，軟嫩多汁，毫無豬臊味。焦脆的脂肪邊緣增添油潤香氣，搭配綿密細滑的薯蓉與清爽時蔬，平衡感絕佳。份量十足，誠意滿分。WM焗安格斯牛肉醬芝士千層麵配薯蓉招牌千層麵同樣出色。層層麵皮間夾著濃郁的安格斯牛肉醬，肉香豐沛，番茄酸度明亮。表面焗烤至金黃的芝士拉絲誘人，奶香濃郁。肉醬與芝士比例得宜，每一口都飽滿濃香。搭配的薯蓉依舊保持高水準。…查看更多

63℃溫泉蛋凱撒沙律 - 這凱撒沙律真的超好味，特別是那個溫泉蛋，蛋白還微軟，蛋黃流心，加在沙律里真的提升了整道菜的口感。生菜清脆爽口，配上面包丁的酥脆和凱撒醬的濃郁，溫泉蛋一咬開，那滑順的蛋黃和醬料混在一起，簡直完美。意式巴馬火腿薄餅 - 這意式薄餅簡直是好吃到停不了口，巴馬火腿的味道特別香濃，與薄餅的輕脆完美結合。火腿的鹹香和薄餅的純淨口感，每一口都非常過癮，特別適合當作聚餐時的開胃小吃。烤大啡菇野生菌芝士意大利飯 - 大啡菇和野生菌的鮮美配上芝士的濃郁，味道層次豐富。飯粒烤得外乾內軟，與醬汁和芝士的結合剛剛好，不會過於軟爛也不會太乾，每一口都充滿著香濃的菇香和芝士味，非常滿足。…查看更多

今天是結婚三周年紀念日，因為身體不適，所以不想出遠門，老公就建議到樓下西餐廳吃一頓簡單的西餐慶祝。這間餐廳情調還算不錯，因為是朋友的關係，人不多，所以我們被安排坐在舒服的卡位。點了一個二人套餐：忌廉龍蝦湯：份量不算很多，龍蝦的味道也算足夠，不會太杰，也不會太稀。頭盤-巴馬火腿哈密瓜多士：哈密瓜甜甜的，配上鹹鹹的巴馬火腿，真的是絕配。只是多士略嫌不夠脆。伊比利亞有骨豬扒配帶子、青蘋果條、柚子海鹽醬：厚切豬扒很Juicy，烹飪得剛剛好，不會太老。青蘋果條很清新。烤好的蕃茄也甜甜的很好吃。安格斯牛柳配海虎蝦、帶子、時令蔬菜：牛柳也烹調得剛剛好，配上薯蓉醬汁很好吃。海虎蝦也很爽口彈牙！整個吃完已經很飽。自家製芝士蛋糕：兩件蛋糕味道很不錯，不會很甜。而且份量很足夠，不會過多。整體來說，在一個屋苑商場的西餐廳能夠品嚐到一頓豐富的西餐，真的不錯。…查看更多

同太太撐台腳 馬鞍山WM Cafe二人餐琴日同太太去咗馬鞍山鞍駿街雅濤居商場，試吓地下新開嘅「WM Cafe」。鋪頭唔算大但光猛乾淨，卡位坐得幾舒服，啱晒兩公婆靜靜哋食餐飯。 香煎帶子配豬柳先上檯嘅係香煎日本帶子配檸檬鹽烤美國豬柳。兩粒帶子煎得金黃微焦，咬落去外脆內軟，仲有淡淡海水鮮味！豬柳反而有驚喜，表面烤到少少脆邊，肉質唔乾柴，淋咗檸檬鹽汁好醒胃。最抵讚係旁邊嘅薯蓉，香滑到太太忍唔住偷食多兩啖。 蟹肉意粉爆魚籽跟住上味噌松葉蟹蟹肉意大利麵，一上枱就聞到濃濃海鮮香。意粉掛滿橙黃色嘅味噌醬汁，每啖都食到絲絲蟹肉，仲要係鮮甜唔腥嘅松葉蟹！最過癮係鋪滿面嘅三文魚籽，一咬落去卜卜聲爆開，鹹鮮味同蟹肉夾到絕。意粉煮得啱啱好，彈牙唔淋，份量夠兩公婆分。 整體夠抵食兩個人食晒兩道菜飽到捧住個肚走。食物有水準之餘，侍應阿姐仲好細心，見我哋飲品飲晒主動問要唔要加水。呢餐飯食得舒服，唔使趕頭趕命，同太太傾住偈慢慢嘆，街坊小店有咁嘅質素真心難得！ 總結如果住開馬鞍山想搵間唔使排長龍、坐得舒服嘅西餐，WM Cafe值得一試。特別推介佢哋嘅海鮮菜式，夠鮮又唔會落重味精。…查看更多

上星期去左馬鞍山 WM Cafe & Bar，燈光柔和，座位寬敞，成個人都放鬆咗。😎海蝦蒜片檸檬海鹽麵：蝦夠大隻，蒜香突出，檸檬味清新，麵條煙韌唔會過腍，鹹香適中。芝士芥末烤雞肉忌廉長通粉，忌廉汁滑溜包住每條長通粉，雞肉嫩滑，芥末味帶少少刺激感，芝士香氣同忌廉完美融合，唔會膩。😋套餐升級有吉列炸蝦、廚師沙律同湯品，炸蝦外脆內彈，沙律新鮮，龍蝦湯同星日餐湯都暖胃又有層次。西柚蜂蜜綠茶入口清新，西柚微酸加蜂蜜甜味，飲落唔會太膩，茶味都幾突出。環境舒服，適合慢慢嘆返個悠閒晚餐。…查看更多