WM Café & Bar (海之戀商場)

营业中

休息中

龍蝦湯味道就唔夠蕃茄湯吸引，卡邦尼意粉好味，唔係啖而無味，小朋友幾乎清碟，意大利飯份量夠，芝士餅又滑又香，最意外既係平日唔吃抹茶味的小朋友都覺得件餅好味道，特飲都唔錯，芝士奶蓋焦糖爆谷拿鐵會再叫，下次再試其他款式，環境舒適連小朋友吃飽都唔想走住，要坐多陣坐下坐下差唔多七點走人，近黃昏時間轉了出面坐，感覺更上一層樓，一個價錢合理食物美味睇到太陽伯伯返屋企既地方，值得推介，無論係大一班人定係自己一個人都好岩去食

最近，同王太后去到荃灣一家西餐廳食晚飯，價格適中，氣氛一流。我地點左吉列墨魚餅、辣豬肉絲披薩和大蝦檸檬扁意粉，此外加錢換套餐，其中包括沙律、番茄湯同兩件吉列生蠔。值得一提的是，由於聖誕節即將到來，餐廳裝飾左濃厚既聖誕元素，令整個用餐環境充滿節日氛圍。此帶一提，餐廳都有戶外座位，中意既可以邊吹風邊吹食！首先，吉列墨魚餅炸得金黃酥脆，切開後散發出誘人香氣。每啖都帶有鮮美彈牙既墨魚味，肉質細嫩多汁，搭配上芝士醬更係相當夾！辣豬肉絲披薩，薄餅皮脆香，上面鋪滿了熱辣的豬肉絲，搭配上辣椒仔同拉C芝士，口感豐富而鮮美。隨後係大蝦檸檬扁意粉。檸檬風味醬汁，清爽宜人。意粉煮得剛好，口感彈牙。喱碟意粉清新怡人，好適合夏日享用。另外，我還加左38蚊轉套餐，裡面包括沙拉、番茄湯和吉列生蠔。沙拉新鮮爽口，番茄湯濃稠鮮甜，而吉列生蠔亦好食！

是晚來到 WM Café & Bar 荃灣海之戀店，餐廳寬敞，充滿空間感。焗煙三文魚帶子牛油果意大利飯 $168顏色吸引！ 以鹽調味的牛油果醬汁包裹每粒意大利飯，質感濕潤，加上鹹香的煙三文魚和帶子焗製日本帶子明太子扁意粉 $158有鴻喜菇、3粒帶子，明太子忌廉醬汁味道微微辛口，creamy掛麵餐包 +$0 意粉 / 意大利飯套餐 +$38跟餐有是日餐湯 (龍蝦湯 / 蕃茄湯) + 吉列炸蠔 + 沙律 + 餐飲 (熱咖啡/ 熱茶 / 凍西柚蜂蜜綠茶)生啤 +$1凡於堂食選購任何一項主餐牌項目，可以 $1 換購生啤一杯_______________WM Café & Bar (海之戀商場) (荃灣)荃灣大河道100號海之戀商場3樓3094號舖_______________

今晚放工之後好肚餓，喺荃灣搵食，見到商場入邊有間餐廳裝修得好靚, 而且已經有聖誕裝飾，好吸引，所以我就入咗去試吓。我見啲主菜好大份量，所以我叫咗一份主菜，兩個人一齊分享，牛仔骨配鹹豬手加薯條，真係好大份，包含一隻鹹豬手，豬手焗到脆卜卜，入邊肉質仍然好嫩滑，鹹豬手嘅味道調得啱啱好，唔會太鹹；主菜仲有一大件牛仔骨，牛仔骨好香滑，琳琳嘅牛肉，好有牛嘅鮮味，加上淡淡的調味料，帶出牛肉嘅鮮味，熱辣辣，真係超正，連骨都食乾淨。仲有薯條做配菜，兩個人食都夠晒飽。因為太多肉，所以叫左一份沙律去調劑返，牛油果雞柳沙律，沙律加咗酸汁，味道好清新，沙律菜好新鮮，食完好開胃，幫助消化非常好。沙律上面鋪咗幾塊雞柳，雞柳好滑好Juice，再配上牛油果，牛油果整成果醬咁樣，家喺沙律菜上面食，感覺好新鮮、好好味。原來每個菜式都可以加$1換購一杯啤酒，於是我哋一人叫咗一杯，好抵食。

#chuchu食在荃灣📍 WM Café & Bar🐷已經食過3次WM，次次朋友問荃灣西有咩好食都會介紹呢間！今次去先知原來有outdoor，地方好大，仲可以望到海，個vibe幾正！🐷覺得呢啲涼涼哋嘅天氣坐出面仲chill！宜家已經有埋聖誕裝飾，好靚！—————————————————————❣️WM巴馬火腿蜜瓜廚師沙律 $98Parma ham份量都幾多，ham嘅鹹香配埋沙律菜感覺好fresh，沙律菜都好新鮮，蜜瓜都好甜！.❣️墨西哥雞肉芝士烤餅 $78唔係好餓就嗌左個小食，一份都有4件，中間夾咗雞肉同大量芝士，一咬就輕鬆拉絲！仲有墨西哥辣醬同牛油果蓉係側面，食落辣辣哋好惹味！.❣️日本帶子明太子扁意粉 $158一上到枱見到意粉好大份又好靚，帶子煎得啱啱好，唔會過熟！意粉真係好多，明太子忌廉汁好香帶少少微辣，意粉都好掛汁！.❣️窩夫配雪糕 $68窩夫都超大份差啲食唔曬，好欣賞佢係用酥皮窩夫，好驚喜！雪糕好好味，係雲尼拿味！加左士多啤梨醬，好夾！.❣️焦糖蘋果金寶配雪糕 $68一見到Apple Crumble就好想食！焗到熱辣辣，中間有好多蘋果軟軟地，同個面同底焗到餅乾咁，好正！讚讚！.💬 一定

WM Café & Bar (海之戀商場) 同朋友行街先發現，原來海之戀三樓都有好多餐廳，見到呢間餐廳價錢合理又多選擇，就入去試試佢!!!WM手撕豬肉薄餅餅底薄底，食落好脆，食完都唔會覺得好油膩~Pizza嘅材料豐富，有手撕豬肉、紫洋蔥、芝士、菠蘿，仲有墨西哥辣椒!!如果怕辣嘅其實都食到~只要唔好食墨西哥辣椒就唔辣~~手撕豬肉調味得好正好惹味，仲有唔少嘅拉絲芝士~正~🧀🧀🧀+38$跟餐(龍蝦湯+餐包+沙律+吉列炸蠔) 龍蝦湯湯充滿住龍蝦味，非常濃郁~~吉列炸蠔外層超脆~蠔大大隻~又無醒味~海蝦蒜片檸檬海鹽意粉夠彈牙，檸檬令意粉好有清新感覺~食完都無油膩感~罪惡感都少D~心太軟食到最後雖然好飽但都忍不住要叫個甜品作結~心太軟暖暖的~配埋雲尼拿味好重嘅雪糕~好完美!!!

荃灣美食眾多，但要搵到一間心水的並不易，今次朋友就帶小編到一間她經常光顧的西餐廳。黑糖麵包作為餐前麵包，甜甜的，不錯吃。炸洋蔥圈配車打芝士醬洋蔥圈炸得剛剛好，份量好多，車打芝士醬芝士味算濃。WM炸雞翼 (德州香辣味)雞翼即叫即炸，新鮮香脆，而且雞翼在沒有裹炸衣情況下，肉質依然嫰滑多汁，證明廚師掌握得火候剛剛好。雞翼是德州香辣調味的，帶小小辛辣，但又不會太刺激，突出雞翼的肉味。墨西哥雞肉芝士烤餅烤餅夾著以紅椒、墨西哥辣椒等調味的雞肉芝士餡，芝士微微牽絲，帶出奶香，中和了辣椒的辛辣味。烤餅還配上兩款醬汁，一款墨西哥辣椒蕃茄醬，辛辣程度比起德州香辣並不輸蝕，辣椒味更有層次、更嗆，嚐辣的朋友覺得好好吃，不可錯過；牛油果醬則清新不膩，更適合不太能吃辣的小編。日本帶子明太子意粉又一份量滿滿的菜式，意粉煮到Al dente，掛上滿滿明太子忌廉醬汁，明太子的鮮辣鹹香完全發揮出來，但同時不會過濃，配搭香煎帶子的清甜軟滑，剛剛好。意粉中亦帶不少鴻喜菇，令整體口感更爽脆、更香，食落更有層次，這道意粉絕對是今晚的vip!今日來餐廳還有以一蚊優惠價，試飲Orion生啤，我們點了一杯試試。生啤清淡，易入口，配搭炸

喺西鐵站直接上樓上，原來係一個好靚嘅新商場，行吓行吓就入咗一間餐廳食晚餐，呢間西餐廳裝修得好靚，好有歐洲嘅特色，牆壁用紅磚，種植咗綠色嘅植物，門口仲有聖誕樹佈置添。一坐低落咗單，每一枱都會有一條麵包，麵包暖暖地、甜甜哋、軟綿綿好新鮮。我哋叫咗一份鵝肝牛肉漢堡，我哋拆散個包嚟逐一試味，首先是個鵝肝，好香滑；跟住試漢堡扒，好軟滑，好Juice，唔會太乾點樣硬或者太熟；中間夾咗蕃茄、生菜、酸青瓜，配搭得非常之好，而面包皮脆脆的，入面軟綿綿，好正。另外叫咗一個巴拿馬火腿Pizza ，巴拿馬火腿苦軟滑，調味啱啱好，唔會太鹹。Pizza上面好多芝士，好香濃，Pizza底係脆卜卜，好好味。夥計好好人，同我哋介紹咗個優惠，原來每個菜式都可以加$1換購一杯啤酒，於是我哋一人叫咗一杯，真係好抵食。

荃灣海之戀有間性價比高既西餐廳，可可以享受一下市區嘅寧靜！晚市係可選可選漢堡，意粉，意大利飯等等再加$38升級套餐，計返其實都幾平，因為佢一個意粉都係百零蚊到！唔只價錢平，份量仲非常多，有啲嚇親，唔似平時cafe既份量！黑糖餐飽，好軟熟日本帶子明太子扁意粉，帶子煎得剛好，唔會過熟，夠彈牙，意粉好多😂女仔兩個都夠食，明太子忌廉汁好香，意粉都掛到汁！烤大啡菇野菌芝士意大利飯整個飯野菌味好重，大啡菇上鋪滿芝士!加$38 套餐,有龍蝦湯/蕃茄湯選擇，龍蝦湯味濃，唔似罐頭湯，蕃茄湯同樣入邊有好多切碎嘅蕃茄柚子沙律夠哂清爽，吉列炸蠔，炸得夠香脆，蠔完全唔腥餐飲選左咖啡同凍西柚蜂蜜綠茶仲有$1生啤優恵，仲可以續杯🤩🤩🤩今次真係飲飽食醉

店子西式料理為主打，選用美味食材炮製而成。店子外之戶外地方看到海景，下午時帶朋友到來，帶有寧靜又舒適的侘寂氣息，就連餐具也滿有西式感覺。令人心情也會好，店子以西式料理作主打，再訪高質小店，出品賣相吸引！棒滿滿之活力，玩味十足。凱撒沙律 足夠沙律菜，加點黑醋吃令人開胃。 龍蝦湯濃郁濃香之感，龍蝦肉口感大，很棒。 小食炸蠔脆口吉列，質素棒～肉質鮮嫩，店員送上了松露醬！炸起很好吃，配上松露蛋黃醬，金黃香脆！香濃，脆脆，不錯。青醬蘑菇露荀意粉在新鮮蔬菜和香料配下，意粉香味滿滿～青醬香氣醃料滲透意粉，滲著青醬之味道，不錯的 快樂又清爽之好地方！朋友聚餐選地方，好評店子。墨魚汁墨魚意粉配上鮮味之意大利面，味道開胃，意粉掛汁，墨魚汁意粉這菜式滿滿西班牙感覺，魷魚仔墨魚汁意粉，非常口感大之魷魚仔再配上足料配菜，淡淡香滑墨魚汁意粉口感十足。具有濃郁的風味，魷魚的味道和香氣醬汁。感謝非常棒

正好喺呢頭附近工作，見到依間店面偏向暗黑風又十分應節，門口仲有一個勁大嘅南瓜裝飾，和朋友就決定試試進去先見到勁大面草皮牆身先認得原來前排有光顧旗下另一間餐廳平日晚餐時間到，不用等位可以直接進入。今次叫咗2個主食和小食，少不了就梗係加$1換購手工啤酒等咗大概15分鐘就有。意式巴馬火腿薄餅佢嘅餅底係薄底，鍾意餅薄餡料多人士嘅至愛。巴馬火腿片的鹹香配上清新嘅火箭菜，搭配冰凍嘅啤酒真係一流烤大啡菇野菌芝士意大利飯大啡菇烤得十分juicy, 芝士意大利飯比其他意大利飯更為黏稠口感上係我至愛入口帶住淡淡芝士香又不會太膩，中間仲帶野菌薄片增加口感層次WM炸雞翼德州香辣味偏向有少少似新奧爾良風味嘅雞翼，香辣粉與四川辣不一樣，辣味會一下爆出但不會太持久，連不食辣嘅人都食得特色炸薯條酸忌廉牛油果醬薯條放咗一陣但仍然十分香脆，牛油果醬🥑嘅清新搭配酸忌廉十分解膩，忍唔住一口接一口咁食。仲有戶外平台位置，一出去時見到不少人在外面愜意吹着海風傾計。放工後小酌一杯都係一個唔錯之選

今日夜左放工，直接出街食！🛎 $158 日本帶子明太子扁意粉我好中意明太子！個種鮮味同微辣嘅風味好正🥰配上鮮甜嘅日本帶子同扁意粉，係一個絕佳嘅組合！帶子有成3粒咁多🫣兩面煎到金香，好靚而且扁意粉又夠彈牙，明太子醬料好掛身👍🏻🛎 $88 WM焗安格斯牛肉醬芝士千層麵配薯蓉千層麵層層疊疊～鋪上濃郁嘅牛肉醬🍝再撒上香濃的芝士層芝士🧀️經過烤箱烘烤至金黃酥脆！！！每一啖先係食到麵既軟嫩口感，跟住牛肉醬濃郁既肉香，加上醬汁既濃稠口感逐漸散發出黎💓仲有芝士既濃郁奶香，真係超滿足❣️薯蓉口感又好滑順，正💴💯🛎 $58 吉列墨魚餅 6件吉列墨魚餅外脆內彈牙！有成6件咁多😈入面係滿滿既墨魚肉，炸粉幾薄身，口感一流～配蜜糖芥茉醬超正🤤🛎 +$1 生啤原來叫左主餐牌食物，就可以+$1加生啤！叫左幾多野食就可以加幾多杯😍勁抵

最鐘意出荃灣去donki行街，朋友介紹有間隱蔽西餐，價錢平靚正，甘去試下先👅🤤黑糖餐包(配上牛油) 🥖呢個係免費送架，真心好似某大連鎖餐廳的水準，新鮮熱辣辣出爐，外脆內軟好味道🙆日本帶子明太子扁意粉🍝 $158帶子外脆內嫩，軟嫩多汁，配埋滿滿的忌廉汁，口感豐富，扁意粉煮得幾好，軟硬適中，仲有少量菇配埋，讚😝WM手撕豬肉薄餅 $128🍕材料非常豐富：有手撕豬肉、墨西哥辣椒、紫洋蔥、芝士、菠蘿同燈籠椒等等..食材新鮮，每一塊都有芝士拉絲，薄批設計，可以二個人食一個PIZZA都唔過份😋😋炸檸檬雞鎚 $58 💁炸雞鎚新鮮炸出來，有少少檸檬清香，感覺冇甘油膩感，有酸酸的更加醒胃😝下次再出來荃灣要再再去呢間西餐，試下座下出面望住海景食飯，人生一大樂事❤️💕

就近荃灣西鐵站的海之戀商場其實好多野食，今次揀左位於3樓的西餐廳🍴試下。餐廳座位寬敞，就算坐喺卡位都好闊落。點左個套餐，CP值都幾高🤩。🍝日本鱿魚筒蒜香墨汁扁意粉$138呢個意粉真係好驚喜🤩，魷魚好新鮮，個意粉好濃蒜香而且好滑口，份量都幾多。作為大食妹嘅我食完都覺得勁飽😚。個墨汁會食到成個咀都係黑色，要記得抹嘴😆。+$38轉套餐🍽️跟是日餐湯、吉列炸蠔及廚師沙律、熱咖啡或茶或凍西柚蜂蜜綠茶🥖套餐跟一條餐包🥗沙律由番茄🍅、西柚、菠蘿 🍍、沙律菜制成。所有蔬果都好新鮮，落左少少芝士粉，食落咸咸酸酸😋。🍤炸琵琶蝦本身套餐係跟吉列炸蠔，因為冇晒所以餐廳改咗查琵琶蝦。炸到好酥脆，點埋醬更好味☺️。🥃熱檸水✏️有加一服務費📍 WM Café & Bar (海之戀商場) (荃灣)荃灣大河道100號海之戀商場3樓3094號舖

啱啱去完Donki行街，上一層就見到呢間餐廳，見到餐牌上面嘅食物都好吸引即刻入去試吓餐廳環境清靜，一坐低店員就放低兩杯水，非常友善晚餐主菜加$38轉套餐，有是日餐湯，吉列炸蠔，廚師沙律同一杯餐飲，性價比極高沙律入面有車厘茄蕃茄顏色，夠晒紅又新鮮蔬菜使到好乾淨顏色嫩綠，配埋特製嘅醬汁，入口鮮味可口炸蠔size唔算大隻，一共有兩隻，但係炸粉做到非常薄，外脆內軟，濃郁嘅海鮮香味，好香嘅蠔香味，仲熱辣辣，明顯係剛剛炸起德州烤牛仔骨德國鹹豬手配田園沙律薯菜嘅餐$338份量相當多豬手非常大隻，肉質爽口豬手嘅外皮做到卜卜脆又唔會太鹹入口夠晒惹味，牛仔骨肉質嫩滑牛肉味相當重，經過醃製後嘅味道，更加出眾，望落似非常油膩，但食落入口，加埋旁邊嘅薯條相當脆口，配埋茄汁，一流美國特選安格斯西冷（9oz)配時令蔬菜，薯菜$288有兩條非常大嘅蘆筍，作為配菜，又夠粗身，顏色程鮮綠色，牛扒燒到有坑紋，肉質有咬口，牛肉味重，廚師有返相當嘅水準，旁邊仲有半隻蕃茄，非常新鮮，又鮮甜，夠晒健康