WM Café & Bar (啟岸)

营业中

休息中

呢間餐廳係office附近, 工作忙再加上年尾放假, 都有一段時間無食過, 印象中環境都坐得舒服, 今日見人少少就去食個靚lunch吹水..西式午餐黎講, 呢到都算平, 價錢由HKD70-130不等, 但因為最近減緊碳水, 所以就叫個美國豬柳、柚子蜜糖烤雞配意粉, 食少少意粉算…個套餐仲包左一客湯同一杯野飲, 今日可以簡蕃茄湯或龍蝦湯, 我簡左龍蝦湯, 都飲到少少龍蝦既味(唔記得左影相), 飲落唔咸等左一陣主菜就來, 睇落份量都唔算少! 我覺得豬柳同烤雞扒都煮到岩岩好, 2樣都唔柴….雖然我估應該係雪藏扒, 但豬柳仲有少少肉汁, 整體調味做得幾好, 仍然有少少豬肉香味… 另外柚子蜜糖烤雞的醬汁做得幾好, 少少甜得黎帶有柚子的清新味道, 雖然係烤雞但係原來係雞扒黎…不過整體都好食的!最後叫左個熱檸茶埋個靚尾, 我覺得今次的食物質素比之前的好食左

去開紅磡區，夜晚要搵食，這里對我來說是一個陌生的區域，馬上打開開飯網尋找美食，見到啟岸商場有間西餐廳，網上食評話晚餐套餐平靚正，咁就要試下喇。💪💪拖住 Honey直接上一樓，見到餐廳好大，樓底好高，而且全部都係落地玻璃，可以清楚見到街景，窗邊一大排卡位寬闊又舒適，而且仲見到有露台位置，如果唔怕吹風可以坐出去，吹下晚上的微風，浪漫一下。我同 Honey 就揀左窗邊的大卡位，店員姐姐慇懃招呼，送上餐牌，介紹今日的套餐，原來套餐很多選擇，眼花繚亂，有選擇困難症，於是就問店員姐姐有乜嘢好介紹，最終揀左香煎瑪利藍蟹肉餅伴蟹膏忌廉意大利麵，第二個套餐係柚子海鹽蜜糖豬🐷扒，這是當日的招牌餐。💥💥套餐非常豐富有，龍蝦湯蕃茄湯， 西柚橙沙律，我地好大食，再揀左兩個小食，炸蝦和香草雞翼，跟住就坐定定等食。飲完湯，食完沙律，就到兩個新鮮炸起的小食，炸蝦超新鮮，蝦肉鮮甜炸得脆卜卜，點啲沙律醬成就天花板美味。香草雞翼有五隻咁多，隻隻都焗得好香，焗走曬啲肥膏，雞🐔肉仲係好多汁鮮嫩，果然冇揀錯。👍 兩個主菜都好大份，香煎蟹餅意大利麵，蟹肉超多，海鮮味濃厚，意粉好熱好多汁，食得好滿足，入邊仲有好多新鮮嘅蘑菇。🍄🍄

同事仔發現公司附近有間好味又抵食嘅西餐廳「WM Café & Bar 」，Set Dinner都只係百零蚊位，今日放工即刻約埋我一齊去✌🏻一入去餐廳已經播放緊Blackstreet Boys，啱晒Happy Friday chill返晚😆所有套餐都包括餐湯同沙律，今晚嘅係龍蝦湯，入口creamy蝦味濃郁，沙律菜新鮮爽脆，加入香橙同蕃茄仔，酸酸甜甜特別開胃🥗安格斯牛肉芝士漢堡配薯條雙層牛肉份量十足，充滿肉汁，加上半溶嘅芝士、新鮮嘅生菜同蕃茄，口感非常豐富，一口咬落去啖啖肉，超高質嘅burger🍔配菜係粗身嘅薯條，熱辣辣脆卜卜，點上茄汁食到停唔到口😋柚子海鹽蜜糖法式豬鞍扒厚切嘅豬鞍扒足足2cm厚，肉質鬆軟juicy，醬汁帶柚子香甜甜地，配搭豬鞍扒最適合不過👍🏻配菜嘅薯蓉軟綿香滑，入口仲食到粒粒嘅薯仔粒，增添口感，推介🉐番薯條Set Dinner可以以優惠價加配小食，番薯條外脆內軟，加上大量嘅黑松露醬特別香濃，我地兩個都爭住食😆意式炸雞翼雞翼亦係即叫即炸，皮脆肉嫩多汁，灑上香草去煎炸零舍香口美味，超讚👍🏻📍WM Café & Bar (啟岸) (土瓜灣)土瓜灣馬頭圍道63號啟岸1樓13號舖人

早排已經嚟過一次啟岸，仲有好多嘢未嘗試，今次就試吓呢間西餐廳🙆🏻‍♀️。餐廳裝修闊落，亦都使用紅牆磚，有一種好外國嘅感覺。晚市套餐有好多選擇又唔係太貴，今次就揀咗個龍蝦套餐，$388加一但係已經包晒好多野食，性價比都幾高😚🤭WM龍蝦海鮮湯(2客)入口味道濃郁，入邊仲有海鮮配料豐富咗口感，幾好飲迷你沙律🥗雖然話迷你沙律，但係份量都足夠兩個人作為前菜，而且意大利巴火腿夠多，仲有蜜瓜喺度，味道清新波士頓龍蝦薄餅九吋🍕Pizza尺寸，兩個人啱啱好足夠。一上枱睇到用料豐富，有龍蝦、蘆筍、蟹肉、海蝦、蕃茄仔，鮮白菌🦞🦐，每一淡都有配料，另外有蔬菜配搭，咁就會冇咁容易膩口龍蝦汁海鮮芝士焗長通粉🧀長通粉佈滿好多好多嘅芝士，好吸引。龍蝦汁味道都非常之出眾，配搭埋海鮮一齊進食一流😍😍WM自家製蛋糕(忌廉芝士蛋糕)🍰今日係忌廉芝士蛋糕，食落有濃郁嘅芝士味，加左忌廉比較creamy，作為今餐嘅收尾唔錯WM心太軟心太軟熱辣辣上堂都做到少少流心嘅效果，中間朱古力唔算太甜🍫🍫，可以食晒一個WM Café & Bar (啟岸) (土瓜灣)土瓜灣馬頭圍道63號啟岸1樓13號舖

WM Cafe & Bar平時通常喺黃埔內街搵食，今次試下行出啟岸，試吓附近餐廳。迷你沙律包括左意大利巴馬火腿 ，沙律菜 ，蜜瓜，西柚，好fresh龍蝦海鮮湯有好重嘅龍蝦味，好creamy ，質素高👍🏻波士頓龍蝦薄餅薄餅餡料有波士頓龍蝦 ，鮮白菌 ，蘆筍，蟹肉 ，海蝦。蔬菜類同海鮮嘅比例配搭啱啱好，蝦蟹鮮味有菜類平衡返，出色嘅層次配搭。龍蝦汁海鮮芝士焗長通粉有帶子 ，海蝦 ，青口。龍蝦汁配海鮮好好味，超級推薦，長通粉口感亦佳。甜品order 左心太軟同自家製蛋糕心太軟熱辣辣上台，都流心嘅；自家製蛋糕有好香濃嘅朱古力慕絲，非常推介，值得一次。

今晚同朋友慶祝生日，諗咗好耐都諗唔到去咩餐廳，就記起喺土瓜灣啟岸上面有一間西式Cafe，於是就決定喺呢度同朋友慶祝生日！我提早左一日話要係蛋糕上面寫Happy birthday，佢哋都好細心為我準備，而且送生日蛋糕嘅時候亦會播放生日歌，店員好主動幫我哋影相，服務好好！而晚餐叫左龍蝦餐，CP值都好高！🥣WM龍蝦海鮮湯首先，包咗兩個龍蝦海鮮湯，份量充足，龍蝦濃郁，香味十足，湯面加咗忌廉做裝飾，湯裏面仲有三至四塊龍蝦肉！👍🏻🥗迷你沙律（意大利巴馬火腿• 沙律菜•蜜瓜）沙律材料豐富，巴馬火腿好大塊，可以同朋友share，水果方面，除咗有蜜瓜，仲有蘋果、柚子、甜橙等，非常開胃！🍕波士頓龍蝦薄餅9/吋（波士頓龍蝦．鮮白菌•蘆筍•蟹肉•海蝦）呢個Pizza一分為六，兩個人食絕對係非常豐富同夠飽，每塊上面都有豐富材料，都食到係龍蝦肉，而且pizza係薄底，食落口非常juicy同香脆！好值得食！🍛龍蝦汁意大利飯 龍蝦半隻+$68我地加左$68要半隻龍蝦，龍蝦肉質厚實，唔算太juicy，但芝士夠補救番；而龍蝦汁意大利飯好好味，香濃龍蝦汁，而飯粒粒粒分明，外表軟滑，非常有口感，加上香濃嘅龍蝦汁，好cream

晚市套餐選擇多，包括沙律、餐湯、主菜，還有咖啡或茶。平日的晚上還可以半價加購指定食物。龍蝦湯濃稠度剛好，沙律新鮮。柚子海鹽蜜糖法式豬鞍扒軟嫩，特別欣賞細滑的薯蓉。美國安格斯封門柳伴燒汁，點了五成熟，可見的粉嫩。餐飲點了奶茶和咖啡，不過不失。室內環境悠閒舒適，燈光柔和，容易令人放鬆心情，是聚會談天的好地方。光顧的那個晚上剛好安排了靠近落地玻璃的卡位，可望開揚街景。上圖是餐廳一隅，不是所坐的靠窗卡位。

今日又去咗啟岸巷子搵食，上次黎過一次，印象中嗰邊都幾多餐廳，今次試吓間Cafe。今次揀咗一個Dinner set美國安格斯封門柳配燒汁。宜加叫一個set有優惠可半價加購食物，今日星期四係黑松露卡邦尼。今日餐湯係龍蝦湯，冇諗過跟餐嘅餐廳會係龍蝦湯，平時正常都要加錢😂個湯好香濃，望落都有用心擺盤。再嚟就係Salad，沙律菜新鮮，配有少量果肉，醬汁酸甜開胃。跟餐另外加咗份黑松露薯條，薯條份量好多，黑松露都俾得重手，如果薯條可以炸得更脆會仲正。黑松露卡邦尼，帶有濃烈嘅菌香，意大利麵亦十分掛汁，菌香香濃好味，有半價真係好性價比。第一次西餐叫安格斯封門柳，佢原來係一小片嘅小片，好有燒烤香既味道，肉味非常濃郁且帶有咬口。飲品揀咗特式朱古力，佢係杯好濃郁嘅朱古力，另外揀左香橙特飲，呢個似係用有橙汁加咗梳打水，佢嘅冰都係橙色

Lunch 諗住試新嘢,就叫咗美國豬柳拼柚子蜜糖烤雞配意粉 , 同埋紐西蘭肉眼6oz跟薯條 set首先係塊豬柳都煮得真係幾嚡,不過都食到豬味,叫做中規中矩.而雞就正常嫩口,雞皮有香烤下,配柚子汁都幾開胃,不過啲肉完全唔覺有烤過.然後個意粉同西蘭花,完全係白烚冇味,兼且個意粉係唔掛汁,份量勁少,同埋啲汁都係偏少,感覺似係減肥餐.另一個Set嗌咗六安士肉眼就真係非常非常之差,超薄切嘅cutting其實都唔緊要,因為6oz 嘅份量一定唔係多.然後塊扒係煮到全熟,well done, good job.食落去係覺得似佳寶賣緊十幾廿蚊嘅扒.絕對諗唔明點解可以午市買$128.因為見佢喺Menu入邊賣得最貴嘅一個set,諗住個質素都有保證，所以就試吓,結果係重大伏.不過都要讚吓嘅係個龍蝦湯味道真係唔錯,每啖都好濃嘅龍蝦味,同埋個薯條即炸夠脆同熱.順帶一提,咁樣嘅質素仲要煮成20幾分鐘先出到菜,我都覺得真係幾犀利.想試嘅朋友不妨考慮慳返啲錢去隔離食碗魚蛋粉,會更加開心同滋味.ps. 唔記得影個肉眼set,因為真係等到好肚餓.

土瓜灣自從開通咗港鐵之後, 起咗好多新樓🏢, 開咗好多新食店, 有多間分店嘅 "WM Café & Bar" 都進駐土瓜灣👏😙🥔煙三文魚牛油果醬賓尼迪 $108麵包用了牛角包🥐, 塗上牛油果醬🥑, 放了煙三文魚, 點上半熟蛋汁及荷蘭醬, 輕輕咬一口, 酥皮已經跌曬落碟😚, 真心超鬆脆😋, 好食得嚟又健康👍🥔焗法國黃油雞伴毛豆肉配牛肝菌汁 $168雞肉嫩滑入味, 毛豆肉配牛肝菌汁嘅薯蓉, 啱曬鍾意食薯仔嘅我🥰🥔黑松露卡邦尼🍝 $138卡邦尼汁做得好好👍, 濃稠順滑, 令意粉掛滿醬汁, 加入黑松露🍄, 醬汁味道更提升🤤🌟WM Café & Bar土瓜灣馬頭圍道63號啟岸1樓13號

WM Café & Bar 行開土瓜灣探個朋友，見到wm cafe😍諗起之前係馬鞍山食過幾好味，就同朋友去食下💛安格斯牛肉(200g)芝士漢堡配薯條 $148有驚喜😍上枱見到兩層牛肉兩層芝士個包夠熱令到芝士同牛肉溶為一體入面仲有生菜、蕃茄解膩！薯條好熱，入面有薯蓉，正！💛澳洲穀飼安格斯肉眼扒(250g)伴燒汁 $258一上枱見到真係好大塊！叫左五成熟有部分脂肪配埋一齊食恰到好處😋 牛扒重牛味配埋薯蓉、車厘茄、蘆筍、甘筍，蔬菜都幾甜！💛套餐跟龍蝦湯、精選沙律、飲品 龍蝦湯好重蝦味，感覺淡淡龍蝦咁飲品因為天氣凍揀左熱朱古力+$12，佢有埋cream好靚朱古力好濃郁😍 感覺勁暖😍價錢：$460 （已加一）（二人）⭐️⭐️⭐️評分：8.5/10⭐️⭐️⭐️📍WM Café & Bar (啟岸) (土瓜灣)土瓜灣馬頭圍道63號啟岸1樓13號舖

#fatchubelly 土瓜環📍WM Café & Bar (土瓜環)💥前菜沙律食落好fresh龍蝦湯好creamy 同重龍蝦味 🦞係叫dinner set 包埋💥 香煎馬利蘭蟹肉餅伴蟹膏忌廉意大利麵蟹肉餅煎得好香脆蟹膏加埋忌廉汁好好味超級推薦👍🏻💥美國安格斯封門柳伴燒汁封門柳牛味好勁😋肉質鮮嫩多汁配埋燒汁食一流💥白之戀人士多啤梨味嘅奶🍓甜度啱啱好啱晒好涷既天氣飲💥熱朱古力朱古力配埋溶溶地既棉花糖非常之好飲 ☺️WM Café & Bar (啟岸) (土瓜灣)土瓜灣馬頭圍道63號啟岸1樓13號舖

近幾年多咗屯馬綫，間中會搭車嚟土瓜灣食嘢呢間餐廳位於啟岸裡面環境舒適．坐得好舒服✨黑松露卡邦尼意粉卡邦尼幼滑嘅忌廉配上黑松露嘅味道更香濃更滋味✨墨西哥牛面肉餡餅外層餅皮包著蕃茄醬同牛面肉口感相當唔錯✨茄汁煙肉意粉配鮮雜果薯條兒童餐有車仔嘅造型一次過享受主菜．小食．水果同飲品小朋友都食得特別開心✨Caffe Mocha朱古力同咖啡比例恰好唔會太甜面層仲有打成泡沫✨荔枝蜜桃梳打荔枝同蜜桃混合嘅梳打冰凍又夠汽層次感分明仲加上蜜桃果肉同薄荷葉點綴二人 / 四人套餐都好抵下次再嚟可以試下

1. 安格斯牛肉(200g)芝士漢堡配薯條 $148Angus Beef (200g)8 Cheese Bunger with Fries漢堡包入面既麵包烘得夠香脆，安格斯牛肉漢堡扒有兩層，入面有少少黑椒調味，牛肉漢堡扒嘅熟度係七成，咬嘅時候充滿肉汁，而且入面仲有雞蛋，成個包食落都好Juicy ，又唔會煎到好油；薯條係用咗粗薯條，份量都幾多。🌟 評分: 8/102. 柚子海鹽蜜糖法式豬鞍扒 $158French Pork Loin with Yuzu Honey豬鞍扒可以話俾入口即溶，雖然睇落去好瘦，但係都可以做到黑豚肉咁腍，豬鞍扒既肉質帶少少粉嫩，生熟度到啱啱好，食落有淡淡肉香，醬汁好易調出豬嘅香味，伴碟有好綿滑既薯仔蓉。🌟 評分: 7/103. 是日甜品 - 巴斯克芝士蛋糕 $38Daily Dessert好濃芝士味，頂層焗到焦香，唔會太甜，食落又唔會好膩，。食落有濃郁嘅芝士味，而且好creamy 。🌟 評分: 8/104. 忌廉龍蝦湯（跟晚市套餐）湯味濃郁，濃稠合度啱啱好，龍蝦味道十分突出，上枱嘅時候都係熱辣辣，而且表面加咗少少忌廉，令入口好creamy。🌟評分：7.5/105.

適逢假期，到外用餐，來到土瓜灣啟岸的WM Cafe吃晚餐，這裏環境舒適，座位闊落，適合和知己朋友享受美食和聊天，渡過愉快的週末💗有一陣子沒有來過，今晚來到，發現有新的dinner set，而且非常實惠✨價錢由$128至$258 不等，包括了餐湯，沙律，主菜，而且只需要加$28就可以加小食，而且份量不少，好抵食👍🏻🌟#澳洲和牛牛面肉蒜片茄茸辣闊蛋麵澳洲和牛牛面肉經過燉煮後，肉質非常軟腍，吸收了湯汁，非常嫩滑多汁入味✨闊蛋麵煮得剛好，彈牙有嚼勁👍🏻 蒜片和茄茸的組合增添風味💗裏面仲有健康的毛豆，增添辣味口感醃椒，好食😋🌟#香烤澳洲草飼羊扒(2件)伴燒汁澳洲草飼羊扒經過烤製後散發出濃郁羊肉香氣🤤叫咗七成熟，肉質鮮嫩多汁，烤得剛好的程度令口感極佳，而且完全沒有羶味👍🏻伴隨的燒汁與羊肉完美搭配，yum！🌟#黑松露蕃薯條蕃薯條炸得金黃酥香，外層酥脆內裡軟糯，濃郁獨特的黑松露醬與蕃薯條非常搭配，食到停唔到口☺️🌟#意式炸雞翼(5件)炸雞翼炸得非常剛剛好，表面金黃酥香，內裡多汁嫩滑💗配上意式香草，香味更上一層✨🌟#是日海鮮餐湯海鮮餐湯的湯底鮮美，口感濃郁，加上香滑忌廉，味道更加香濃✨🌟#精選蕃茄柚子沙律