影片
营业时间
今日营业
11:30 - 22:00
星期一至日
11:30 - 22:00
公众假期
11:30 - 22:00
以上资料只供参考，请与餐厅确认详情
再战浪漫之《WM Café & Bar》再一次嚟到，土瓜湾嘅WM cafe，呢间真系好适合打卡同埋真系好chill架😎。餐汤：蕃茄汤 + 龙虾汤第一次尝试呢度嘅蕃茄汤，酸酸甜甜，非常醒胃。而龙虾汤，味道相当香浓，口感幼滑既感觉系一种享受😊。两款餐汤都值得一试👍🏻。沙律：是日精选沙律简单而传统嘅配料，生菜、醋、橙、橄榄油等等……细细个嘅沙律，食完相当开胃😆。小食：黑松露薯条 + 法包薄饼脆炸薯条，食落唔粉，炸得刚刚好，黑松露汁非常足够👍🏻。法包薄饼系餐厅赠送嘅，几惊喜😊，细细旧，食落好似pizza咁，一款几唔错嘅小食😁。Dinner set：澳洲和牛牛面肉蒜片茄蓉辣阔蛋面 + 香烤澳洲草饲羊架(2件)伴烧汁(五成熟)和牛牛面肉，非常软熟，份量十足。辣阔蛋面方面，辣嘅程度我同朋友都觉得辣得刚刚好，而且面条爽口弹牙，正😋；另外，羊架肉质鲜甜、烟韧，五成熟timing控制得几唔错，配上其他配菜例如薯蓉、红萝卜、笋等等……多重嘅口感😄。饮品：苹果红莓特饮 + 雪沙草莓苹果红莓特饮，两款嘅水果味均衡，相当清甜嘅感觉😊。另外，系一款奶昔嘅饮品，草莓味几浓郁，朋友话系几特别嘅感觉👍🏻。总结：启岸商场，可以称得上为美食商场，而且平民价，性价比高，环境优美。建议如果有位置嘅话，可以同店员讲坐窗边位，感觉更加浪漫架😊。《WM Café & Bar》土瓜湾马头围道63号启岸1楼13号舖
继续阅读
第二次黎呢到啦～ 感觉一样几放松舒服😌 灯光💡偏昏暗，装修以深灰同英伦式砖🧱为主，有一幅由绿化植物🌳同霓虹灯组成既墙🧱，仲有个露台仔，环境几chill🤩 食物摆盘几精致，价钱唔贵亦比起平价西餐高质👍🏻(5 😍 系满分，🤩系半分）海虎虾 · 香煎带子 . 香煎谷饲牛柳 · 时令蔬菜 · 红酒牛肉汁 🔥🦐⚪️🐮🍷 - $208 (好味指数：😍😍😍😍)虎虾🦐几大只，剥左壳既，可以啖啖肉咁食🤩 煎左会香口啲，鲜甜弹牙～ 带子⚪️煎到金黄焦脆，入面系半生熟既，质感软嫩～ 而个谷饲牛柳🐮煎得啱啱好，有均匀既油花分布，肉质软嫩，牛味🐮几香浓都唔错，唔觉得系靠松肉粉，配埋香甜惹味既红酒汁🍷几好，亦有清香既豆角🫛、爽口既红萝卜🥕同埋香口软滑既薯蓉🥔慢煮BBQ烧猪肋骨 (4条) 🔥🐷🍖 - $158 (好味指数：😍😍😍😍)另一个主食就叫左烧猪肋骨🔥🐷🍖，有4大条👍🏻 上面搽左酸甜又带有烟熏香味既烧烤酱🔥，惹味开胃～ 个猪肋排🍖肥瘦适中，表皮烧到🔥带啲焦香，里面既肉有慢煮过所以肉质软嫩，肉味几香浓同有油香～ 下面有炸到🔥金黄色既薯条🍟，香脆绵密，点埋酸酸甜甜既茄酱🥫一齐食几好～ 旁边有香口甘甜既烤牛油粟米 🔥🧈🌽、香甜多汁又可以解腻既烤菠萝 🔥🍍同埋清新爽脆既田园沙律 🥗～好味指数：😍😍😍😍推介指数：😍😍😍😍
继续阅读
喺红磡启岸巷子2楼，透过露台见到佢开阳得嚟好多灯饰，几有圣诞气氛，就上嚟试吓啦。我哋嗌咗两个dinner set Menu，C 香煎马利兰蟹肉饼伴蟹膏忌廉意大利面$135 呢个相对嚟讲性价比几高，有几特别。香煎蟹肉饼煎得几招香，食到入边蟹肉一丝丝，几有鲜味。加埋卜滋滋嘅三文鱼子，令平淡嘅意粉升华咗去另一个层次另一个系E柚子海盐蜜糖法式猪鞍扒$158 份量冇想像中咁大，啱女仔食。猪扒好腍身，有时想锯扒系个可考虑嘅选择套餐包柚子沙律同埋餐汤🧉是日餐汤系忌廉罗宋汤，加$10转龙虾汤。个汤都有几多蕃茄蓉，有阵熟悉嘅酱酸味柚子沙律酸甜开胃，好清新。觉得酱汁份量可以少啲，但味道好夹餐饮跟配热咖啡同冻白桃红茶即磨咖啡嘅奶好细心咁打热咗👍🏻暖笠笠饮落肚特别顺滑。店员话佢哋每两至三日就会换茶底，有时白桃，有时蜂蜜绿茶，等客人有多啲新意加配意式炸鸡翼（五件）都系$28 好抵食的炸鸡翼🤝每只只系几蚊，值得加另外试埋是日甜品（ $38 ），巴斯克蛋糕又几大件㖞😋芝士食落都几诱惑，饼底偏甜听住歌放松一下，过咗个甜蜜嘅晚上
继续阅读
成日都见到有人介绍呢间餐厅，今日咁啱喺附近返工，一放工就同同事嚟试吓啦。好彩今日比较早放，上到去仲有好多位置，而且仲有好靓嘅景色。非常推荐大家坐窗口位，因为可以望到街上面嘅景，感觉好chill。呢度嘅食品份量都比较大碟，但系价钱就好平，我认为呢个龙虾汤真系好足料，饮落唔会太腻，越饮越开胃。我最推介呢度嘅香烤澳洲羊架配烧汁，羊架有成三块 ，而且烹调时间啱啱好，亦都唔会太骚，啱晒唔系特别钟意食羊嘅朋友。而且佢嘅肉质好嫩滑，完全唔会有咬唔烂嘅情况出现。入夜之后，呢间餐厅更加有气氛，非常推荐大家五六点嚟可以试晒下午同晚上嘅景色。
继续阅读
放工行过土瓜湾，见到间有露天位几chill嘅西餐厅就试下💞餐厅灯光柔和💡感觉好放松啱晒收工嘅vibe～法包pizza晚市入座额外附送迷你番茄素食pizza，几开胃～😋蟹膏海鲜墨鱼意大利粉 $138作为墨鱼汁意粉狂迷 一见到有餐牌有就点左🤣卖相好靓仔，味道层次丰富🍝海鲜配料种类都几多：鱼籽、带子、鲜虾、鱿鱼、墨鱼仔✨佢嘅意粉整得唔错，下次会想试埋其他意粉🤣脆炸软壳蟹牛肉汉堡配薯条 $148个buger份量十足，除左大大只软脚蟹见得到之外🐂块牛都几厚！配埋热熔咗嘅芝士同食材成件事好正🍔而且食完个包薯条都仲系脆脆的✨柠檬芝士蛋糕 $48酸酸甜甜嘅甜品作结～🧀🍋
继续阅读