Wildfire Pizzabar (鯉景灣) (已結業)

呢度嘅餐牌定期都會轉嘅所以真係好有新鮮感~想成日都黎!!午市套餐會跟餐湯，自助沙律吧，仲有甜品同嘢飲㗎😋好豐富!以為係粟米忌廉湯啦點知係薯仔忌廉湯😋係自助形式，所以可以飲多幾碗因為疫情嘅關係，自助沙律吧取消咗，但係職員會根據你嘅人數每樣都夾返啲俾你，有啲咩特別鍾意食嘅仲可以添加。我個人最鍾意食沙律菜佢個汁好味😋另外嗰啲火腿都唔會話太鹹可以一塊接一塊咁食仲有啲豆同埋脆麵包條呢🤤煙肉pizza烤得啱啱好，啲芝士仲有啲拉絲添！呢個牛扒叫咗五成熟但係似乎全熟左，所以有啲失望~飯後甜品仲有泡芙同埋水果等等~菠蘿同埋蜜瓜都超級甜!!!

今晚帶左一個朋友去西灣河蘇豪區Chill 一 Chill, 一邊吹住海風，一邊享受美食，再加一杯生啤，好舒服咁渡過一個晚上🍻🍻凱撒沙律 HK$139沙律菜好新鮮好爽脆，配上流心蛋，煙肉，要讚一讚佢個煙肉，以風乾形式，好薄一片，味道夠鹹巴馬火腿雜菌Pizza HK$169味道幾好，pizza 皮唔會話好厚，適中， 巴馬火腿都算多，酸上火箭菜同雜菌。 very good 燴牛肉闊條麵 HK$179牛肉好重牛味，而且咬落有口感，唔會話好硬身，闊條麵配上巴馬臣芝士，味道唔錯。 間唔中黎呢到Chill 下，叫幾道菜，一人一杯啤酒🍻 都幾正

落嚟蘇豪東食野，總有幾間有feel既餐廳，今次揀左wildfire 入去試~呢排個個帶罩，係疫情較嚴峻既日子wildfire 都會係客人入餐廳前幫手量體溫，確保客人係安全環境下享受晚餐，呢點值得一讚👏🏻 如果可以提供埋酒精消毒液就更好！2個人叫左牛扒同pizza～牛扒係五成熟既牛胸肉，好嫩滑而且好有牛味，唔多好肉既我都忍不住食多幾舊😻Pizza方面叫左「黑無牛」，顧名思義係無牛無肉，啱哂素食控！而且pizza 底係薄批，好脆口，配上重重芝士、紅莓醬，酸酸地幾清新😋

同朋友想係夜晚搵野飲下又想搵個地方唔太嘈可以吹下水就去咗西灣河嘅soho east見到wildfire 星期1-4 有全日4折Happy Hour 優惠就衝咗入嚟飲野因為我地食咗野咁主要做係飲啤酒為主咁大路野例如Asahi 呀 Stella 個啲一定有嘅咁我地兩個主要就試咗佢自家嘅wildfire 啤酒飲落係幾爽口同飲到淡淡嘅麥香同埋佢都幾夠氣所以飲落係幾爽口而酒吧係喺海邊，環境係同其他bar 區唔同會靜啲慢啲，同人傾計一流👍🏽👍🏽👍🏽

今日應東區冇咁多人，所以黎衣度食。前菜係龍蝦湯，湯底好味，還有一隻龍蝦尾食。主菜我食燒鷄沙律，份量幾多，夠兩人吃，除了雜菜，還有芒果同柑，醬係柚子汁，味道唔錯。老公就食🔥豬肋排，一樣份量足，味道可以。

平安夜唔想出去同人逼，選擇了這裏，樣樣都好好味，蟹肉湯好鮮味，MINI BURGER 三款都好好味，特別是牛肉漢堡，煙肉饀餅都好正! 服務又好，侍應又好客又有禮貌! 

假日來到港島蘇豪東，打算享受一個悠閑的下午茶。看到Wildfire門前貼上二人下午茶套餐頗為吸引，下午茶時段由2:30-5:30，時間剛好，於是決定入座。二人下午茶套餐$229，包括8吋意式薄餅（可選其一），我們要了蒜香海蝦帶子薄餅，鹹點有意式炸飯波、松露吞拿魚多士、香煎紐倫堡腸、酥炸魚柳、脆炸雞槌和煙三文魚多士；甜點則有馬卡龍、朱古力餅撻和藍莓芝士蛋糕，飲品要了凍咖啡和凍檸檬茶。以下午茶套餐而言已很豐富，食物質素也好，環境清靜，想要享受一個悠閑的下午，這裡算是不錯的選擇。

星期日想搵間西餐廳在Soho East食brunch, 見佢價錢ok, 以前食過午餐，下午茶，pizza 也唔錯，但已經有好幾個月沒有去了，所以試吓brunch。服務員一開始是木無表情，可能剛剛開舖卦，點完七成熟的牛扒後，來到的牛扒竟有9-10成熟，我叫那位服務員來確定我剛才點的是七成，佢番查張單說：「係七成！」我表達牛扒太熟跟本不可能是七成，但她一點反應也沒有就走開了！牛扒是brunch menu 中最貴的，但有這種服務態度，實在叫人太失望，應該唔會再幫襯😔

假日同朋友仔係soho east 海濱長廊散步, 行到攰攰地就去食個下午茶補充能量。沿途有好多唔同嘅餐廳，最後揀咗呢一間嘅下午茶set , 係出面見到d 人叫個set, 係有2 層。見佢有pizza, 有咸點同甜點, 就坐低試試。 佢個set 擺設幾搞笑，分2 層，上面吊住擺pizza, 下面就放咸點同甜點。 望落幾得意，但係放左係面前就會發覺個pizza 正正阻住左我同坐係對面ge 朋友仔傾計。你會不唔為意縮埋一舊去避開上面個層，為左同朋友有個好d ge 眼神接觸。 ( 我唔知其他人有冇哩個問題，定係我ge 高度咁岩阻住左我😅)好彩，食完個pizza, 侍應會幫你拎走上面嗰層。終於可以無障礙咁同朋友傾計😂🤣除左佢個擺設，d 野食真係好一般。Pizza 我揀左至尊，講真無乜特別，勝在夠熱。其他咸點真係普通到唔普通。甜點每樣食一啖就放棄。.....哩個價錢，有pizza , 有炸物，有野飲。勉強合格啦。

因為小朋友钟意吃比薩，平時常常來吃或是外賣。今日點啲比薩竟然完全未煮熟。同waiter溝通后，完全沒有抱歉，仲問我想點！以為個manager會講道理啲，講完情況後，佢仲惡過之前的waiter。仲同我講個pizza就應該係咁樣。餐廳食物未煮熟，一句sorry唔應該係最基本的禮貌嗎？？？點解咁難？？！結果小朋友等咗整個鐘都未有嘢吃。大人唔使吃，都氣飽了！直到買單，個manager都未講一句sorry，仲好黑口黑面！

Wild fire@西灣河味道唔錯，係lunch時間可能啲人忙服務差咗少少😌食物：❤️❤️❤️❤️叫咗四個set lunch，semi lunch嚟，出面除咗沙律仲有甜品拎，味道都唔錯。主食，食Pizza嘅餐廳Pizza當然冇問題，估唔到個漢堡同個意粉都做得幾好，牛扒就真係差啲，不過通常食pizza嘅餐廳牛扒都係麻麻。8” Pizza❤️❤️❤️❤️牛扒❤️龍蝦漢堡❤️❤️❤️Carbonara❤️❤️❤️份量：❤️❤️❤️夠食，出面有沙律吧，又有兩三款甜品揀，一定夠飽。環境：❤️❤️❤️都幾多位，坐得幾舒服服務：❤️❤️麻麻哋，一去到冇人招呼我哋，咁lunch時間我哋都識做自己入去搵位，點知之後個女侍應先喺後邊叫返我哋由鋪頭尾行返去鋪頭頭仲有少少黑面，食到一半啲碟未用完又俾人問都唔問就收走價錢：❤️❤️❤️每人$130左右，西灣河嚟講唔算平嘅餐廳，但行咗出去海邊係會貴少少，呢個價錢可以接受，啲職員態度好少少會好啲。#wildfirepizzabar #wildfirepizza #hkfoodie #hkfoodies #hkfoods #hkfoodieblogger #蘇豪美食 #hkfoodieblogger #hkfoodie

呢間係我食得最多次嘅西餐廳 食物普遍質素都幾高 屋企人甚至覺得呢度嘅德國菜好食過佢地係德國食到個d 好鍾意半自助餐入面嘅嘢食 尤其是焦糖燉蛋 小食就最鍾意炸魷魚 steak都唔錯

久唔久都會黎wildfire食飯飲野，靜靜地，唔會好似旺區好多人，黎Girls talk幾好。意粉幾好食，唔太流，岩岩好。炸魷魚圈幾出色，即炸熱上，又唔會un，調味幾香口，意外地好食。個牛排係最貴，但反而係最唔好食果樣野......望落煮得幾好，但好un....好失望............最尾叫翻杯cocktails chill下，我地用eatigo個app book位，食野有折，但飲品無折，但都幾抵！

咁岩喺呢邊上堂。於是就行左去蘇豪東搵食。見到有個semi buffet。入面又冇咩人就衝左入去。一坐低侍應就送上一條烘麵包條。好可惜條麵包已經又凍又淋。之後叫侍應落單舉手舉左好幾次先有人理。2個人order左辣雞肉pizza同buffalo wings。原本對buffalo wings充滿期待。期待熱辣辣嘅雞翼配上又辣又有少少酸嘅sauce。可惜雞翼肉鞋。個sauce又唔夠刺激。個番薯條又唔係即炸。失望。而個pizza用料尚算充足。但味道普通。個辣味蓋過左芝士味同餅底嘅麵粉香味。相比之下。salad bar嘅沙律同水果就質素較好。大路貨式。雖然選擇唔係多。但叫做足夠。最後2個人都一致認為成餐係個焦糖燉蛋最好食。百零蚊喺蘇豪東食個lunch叫做平常。望住啲人輕鬆放狗又真係幾寫意。但食物質素同服務質素都真係有待改善。

Wine and restaurant, 很適合來吃東西傾計，但這海邊地方也非常適合一家大小來，竟然運baby high chair和kids cutlery set也沒有。點了parma ham pizza, 底很薄脆可口😋👌牛扒配上燒烤了的小蕃茄👍很香口！食物質素好，但份量不多，建議比平常order多一份餐分享會比較足夠。