Wheatfield X 羅宋湯專門店 (MOKO新世紀廣場) (已結業)

點左一份秘製醬油撈麵套餐($85)套餐有三個選擇可以揀， Step one先揀心水嘅湯底，我哋就揀咗健怡紅菜頭湯配豬髀肉，Step two就揀心水撈麵嘅面底，我就揀咗上海麵，最後就可以揀一款套餐嘅小食，糖心蛋、麻辣雞柳絲或者是日蔬菜都唔需要加錢嘅，不過我就想配肉，所以就加$12揀咗香煎豬扒。另外都叫咗一份下午茶，揀咗海派羅宋湯（牛肉）配拉麵（$58)健怡紅菜頭湯湯底清甜，呈現鮮嫩嘅紅色，就算配左豬髀肉都唔會好多油，感覺健康。鍾意食素嘅朋友就可以揀素湯底都冇問題。秘製醬油撈麵都算係上海名菜，材料雖然非常簡單，不過醬油美味濃香，麵質彈牙。香煎豬扒海派羅宋湯（牛肉）配拉麵羅宋湯用料勁足，整碗都係滿滿既雜菜，湯底濃郁稠杰。味香色濃，牛腩入味。

好耐冇行街，MOKO一直都係SHOPPING之選，今次行過見到有新餐廳WOR~價錢都OK合理，門面都幾整潔，一於同朋友入去食下，下午茶補充體力之後，再行過~門面都好四正，吸引到我地入去~~有得坐呢個位，光猛又舒服~!可以靜靜地食野及傾計。海派牛腩羅宋湯拉麵$82--真係好濃的羅宋湯~個人真係好LIKE 蕃茄醒胃又酸酸甜甜的味道~牛腩肉地都稔，而且入味，牛同羅宋湯真係絕配~!另加左$18特價小食，係燒汁豬脾肉，個汁幾好食，而且有D SURPRISE有咁大份量~~!兩大件可以同朋友SHARE每人一件。好靚~$18好抵仲有埋餐飲，呢到既食具係一亮點，全部都有自己的LOGO，而且都好新淨。朋友就點左呢個清雞湯配雞柳絲菠菜麵$82，呢個比較之下就清淡D，湯底都好夠味，菠菜麵比較健康，麵質爽口，雞肉都可以。值得一提既係呢到既服務好好，既主動俾熱水我地，而且又提我地3號風球，問我地有冇下具.....真係覺得好有人情味同好WARM~!非常窩心的服務~!!!!讚!!!

一直都好喜歡飲羅宋湯 但製作太麻煩屋企附近開咗間羅宋湯主打嘅快餐店即刻同另一半去食下我地一人嗌一個餐海派牛腩羅宋湯螺絲粉餐:羅宋湯有牛腩同豬揀 個人喜歡牛多啲所以揀咗牛腩 牛腩好淋好入味 湯都好多配菜 羅宋湯好濃郁蕃茄味 帶甜度 如果喜歡辣 可以加2蚊配辣椒油佢嘅辣椒油有濃厚花椒油味 我自己覺得辣嘅版本好味啲螺絲粉會加落碗湯到 配埋幾塊 汁燒豬髀肉 真係勁飽飲品方面 嗌咗桂花烏龍茶 係茶包茶黎 唔夠飲可以加添熱水牛腩羅宋湯撈麵餐:撈麵揀咗上海麵 有啲似豉油王炒麵嘅味 淨食都夠味 淨飲羅宋湯會更濃郁香濃 香煎雞扒已經剪好 呢方面值得一讚飲品方面揀咗凍檸水服務:店員有禮 點餐用電話落單上菜速度亦快速店舖亦設有羅宋湯湯包外賣 鍾意飲羅宋湯嘅值得一試

之前係東涌食過既羅宋湯專門店一直都想再去食但奈何東涌對於我黎講實在太遠估唔到最近旺角開左間緊係即刻約飯腳去食啦🤩🍽全日自選湯麵套餐$82個套餐自由度都幾大可以選湯頭、選麵底、選小食最後揀咗羅宋湯牛腩配手打烏冬+溏心蛋羅宋湯係先係用茄膏同麵粉炒起用30斤牛腩煲成高湯再配十幾種蔬菜製成成個湯都好濃味 一d都唔油好足料 酸酸甜甜咁有少少辣調起成個味手打烏冬掛上湯頭👍🏼😋蘆薈熱情果桂花紅茶 跟餐+$14幾好入口 少少甜 不過飲落反而有少少似蘋果汁健怡紅菜頭湯配豬髀肉 +汁燒豬髀肉脆豬仔包 套餐 $88紅菜頭湯係俄羅斯既名物紅菜頭湯都好足料 完全唔油膩 微微甜豬仔包既豬髀肉咬落會有汁流出黎而個包的確幾脆不過就有少少乾呢個時候飲番紅菜頭湯岩岩好💬點餐非常簡單易用只要掃一掃個QR code就可以點餐少冰多奶走蔥全部可以揀

最近發現旺角太子Moko新世紀廣場開設了一間以經典羅宋湯加港式美食新概念作賣點，餐廳名為「Wheatfield X 羅宋湯專門店 」，單睇這名字就知道一定要來飲碗湯啦，愛湯迷快起動來飲湯囉。必吃選擇「廚師推介套餐」，心水湯類有四款可揀，我選擇了主打海派羅宋湯，而配料可揀牛腩或豬脾肉，我點了牛腩，脆豬仔包就選了香煎豬扒脆豬仔包。先講一下海派羅宋湯，湯料十足，牛腩份量多，湯味香濃，果然有經典的感覺。香煎豬扒脆豬仔包，包是很酥脆，香煎豬扒肉質嫩腍，配上番茄生菜更加清新解膩。套餐均奉送飲品，加3元就可點凍奶茶，味道不過不失。另一個套餐選擇是「秘製醬油撈麵套餐」，有湯有肉有麵，相當豐富。水心湯類可揀健怡紅菜頭湯，這湯連素食者必愛，味道清甜，健康又滋補。撈麵麵底今次點了螺絲粉，大大碗螺絲粉撈了秘製醬油，甜甜地又帶點豉油的鹹味，味道有點像瑞士汁。小食是香煎雞扒，肉質也算滑溜，煎得很香口。飲品配上熱的黑咖啡，咖啡水準跟港式茶餐廳一樣。餐廳有多款套餐都是全日供應，價錢由72元起，套餐包括全日自選配搭湯麵套餐、經典羅宋湯套餐、廚師推介套餐及秘製醬油撈麵套餐，款式選擇多羅羅，總有一款會適合你口味。

近日放工都經過新世紀開左間很醒晨的紅湯專門店，特意上openrice看過，有幾間分店，口啤不錯，才有意想試試這間店的紅湯有什麽特別，餐廳有的品種不多，我一心來只想飲紅湯，所以點了個經典餐，要了牛腩羅宋湯，個餐包括餐包和沙律，先講個紅湯，真心講完全沒什麽特別和驚喜，同普通花園餐廳跟餐的紅湯一樣，牛腩應該是燜好直接放在湯內的，完全沒有味道的，個湯應該放了大量的茄膏和茄汁，搞到很痴口， 餐包和沙律更加行貨，沒什麽好講的，奶茶完全不店，沒有茶味，快餐模式還要加一，80元吃這個餐十分不值，真心懷疑那些好評是點樣來的

今日放工和朋友來到旺角moko行街， 順便試一試呢間新開嘅羅宋湯專門店，我哋點了兩個餐share食。秘製醬油撈麵套餐 $85海派羅宋湯 (牛腩) 羅宋湯材料好豐富，番茄 三色椒 西芹 椰菜 辣椒乾，味道帶少少辣，牛腩比較鞋口。上海醬油撈麵麵質偏向淋，我個人比較喜歡食爽口彈牙的麵。 不過勝在每一條麵都掛醬油味，面頭加咗啲炸蒜香蔥，幾惹味。香煎薄切牛扒 + $12牛扒不過不失，正常茶餐廳水平。湯麵套餐 $82海派羅宋湯上海麵 (豬髀肉)又係面質比較淋，掛湯能力很好，羅宋湯好飲。豬髀肉大大塊，比牛腩好食。香煎雞扒 + $12值得一試，雞肉口感非常judy， 表皮煎得香脆，肉質有彈性，好滿意。蘆薈蜂蜜四季春 跟餐半價 + $14搽底唔算好香，清清的，蘆薈爽口清新。

想介紹下間餐廳，佢雖然喺商場裏面，出入口嘅當眼位置👀，但真係幾易會錯過左佢🤫，當你唔為意就會經過左😯，甚至唔為意有依間野😝。餐廳主打羅宋湯，以套餐為主，都算多元化😛，起碼套餐可以自己組合👍🏻🔻全日自選配搭湯麵套餐$82🔻海派羅宋湯（牛腩）配手打烏冬。唔好睇個湯底望落有的淺色，好多菜🥬，食落好香蕃茄味🍅，少少辣🌶又帶少少甜味👍🏻，湯既質地比平時稠的的🤏🏻，就係因為咁，所以烏冬掛滿羅宋湯🤤，牛腩鬆軟👍🏻，配埋扁幼既手打烏冬，好似羅宋湯撈烏冬咁，真係有驚喜🤩。套餐仲有小食，揀左個麻辣雞柳絲🌶🌶🌶，又係唔好睇個樣，食落幾滑，而且真係都幾辣🤣，不過辣得過癮喎😬🔻秘製醬油撈麵套餐 $85🔻揀左紅菜頭湯同上海撈麵🍜，+$12要香煎豬排 🐷。紅菜頭清甜得黎帶點肉味，裏面有紅菜頭，豬脾肉，洋蔥🧅，西芹同薯仔🥔。而且紅菜頭又有多種營養，市面上都較少可以飲到🤩。飲完都覺得自己健康啲😬。上海麵係撈麵，而且已經撈好左😚。唔使自己撈，每條粘上佢哋既秘製醬油，入口帶點蒜香🧄味。腍而不爛🙌🏻。香煎豬排🥩睇落好似好dry，但事實係表面煎得金黃色。入口鬆化🙀，肉汁豐盛。**************************

我好喜歡飲羅宋湯，見有專門店就嚟試吓。叫咗撈面歺加麻棘雞絲。上菜超快，但....湯好油，面好油同雞絲冇味（冇味到似面粉🤦🏻‍♀️）可惜，有好idea 但結果令人失望.

今天假期去行下旺角MOKO新世紀廣場，肚仔餓 於是去搵下有咩食，發現原來新開左間餐廳用羅宋湯湯底做主打於是去試一試。我們一坐低職員就比左個qr code我地用手機下單，這個下單方法幾方便又新鮮，我們叫了二個set, 一個係牛腩羅宋湯烏冬配麻辣雞柳絲，牛腩想當軟腍唔靭，而烏冬配上買宋上入晒味非常好，麻辣雞柳絲好辣好合食辣人事，另一個叫了豬肉羅宋湯加秘製醬油撈麵配雞扒，有3大塊豬肉係羅宋湯裡好足料，而撈麵十分彈牙加上秘製醬汁非常好味，最後加上2杯飲品好滿足

羅宋湯專門店<Wheatfield X>開到Moko啦😍 之前係太古食過覺得好食又唔貴，開左新店又係公司附近就順便支持下💪🏻 餐廳主打食羅宋湯，但加入好多新式元素同麵食小食等，湯底用蕃茄 椰菜 蘿蔔 熬製超過30小時 ，湯底鮮甜又帶點點辣。羅宋湯主打分2種，一種係用豬脾肉的羅宋湯特別俾啲唔食牛肉嘅人都可以品嚐；另一種就係有牛既羅宋湯，搭配超過十種蔬菜:包含番茄，西芹，紅菜頭，椰菜等等... 除左羅宋湯 都幾推介「香煎咸牛脷脆豬仔包」，香煎咸牛脷 夠厚實又整得林身 配上香脆豬仔包 真係好夾👍🏻 平均消費都係幾十蚊一個餐，價錢抵食得黎又多野試，可再幫襯❤️

每次路過電梯口見到佢圍咗版寫住即將開幕，都滿心期待！今日終於再路過，見到已經開幕即時二話不說衝入去試食！叫咗牛腩羅宋湯、豬扒豬仔包、芒果蘆薈特飲。最先來係羅宋湯，一放低枱面已有一隻大烏蠅不停盤旋準備降落我碗湯上面，我即時攘開佢，相同動作維持了10次以上，然後再放低芒果特飲，隻烏蠅依然飛來飛去沒有停止以我當然亦沒有停止地攘開 ，我終於頂唔順叫個waitress 幫手，但換來的是無視直接行開！WTF ! 咁我只好用最古老的方法喺飲品上邊鋪張紙巾直到食完一整餐為止！一間舖頭無論佢嘅食物有幾好食，環境同埋服務差得咁緊要，我決定呢間嘢要永久blacklist !

有間羅宋湯專門店 喺太古城開咗好多年 分店最近喺旺角開張 約埋朋友去試吓-🥣#羅宋湯拉麵套餐 ($85）🥩#改牛扒 (加$12)羅宋湯可以揀牛腩或豬髀做湯料 牛腩大大粒好chewy 個湯味道唔太酸反而有啲辣 粉麵🍜選項有螺絲粉日本拉麵上海麵出前一丁甚至麻辣🌶撈麵 套餐有湯有溏心蛋🥚有麵 非常飽肚 可以加$12改食豬扒牛扒或雞扒-🐔🥣#清雞湯配雞柳絲菠菜麵 ($62）期間限定口味 個清鷄湯幾鮮甜幾好飲 菠菜麵唔會浸得過份腍身 跟餐送一杯熱飲☕️-🍹#凍芒果蘆薈紅茶 (套餐加$14）有芒果🥭香味 入口清甜涼快 消暑特飲-📍#Wheatfield X 旺角太子道西193號MOKO新世紀廣場1樓103號舖

聽講moko新開左間羅宋湯專門店，咁朋友有興趣，期待已久，咁就即管試下。坐低睇餐牌，基本嘅套餐無乜野食，都要80+，仲有+1,已經覺偏貴cp好低。不過叫得自己專門店，咁就期待下有咩料嘅羅宋湯值咁嘅錢。落完單，等左10分鐘到就上菜，首先用嘅係即棄餐具，因為店主打係湯，膠羹其實界咀，幾影響進食體驗;講反正題--羅宋湯，睇落無驚喜，食落一樣，感恩佢吾難食，不過所有野好似快餐咁撈埋一碟就算，毫無化學反應;真心隨便揾間茶記，味道用料都足過佢多多聲。或者可能今日佢水準差啲，不過價錢吾會令我比佢有反盤嘅機會，因為感覺比人呃，嬲嬲地就寫左第一份食評。

旺角店好難食，叫個餐等成4個字，對個湯本來有幻想，但一上枱係唔熱，豬脾肉係肉乾嚟，湯仲有d燶味！個乾撈麵叫正常少少，麻辣雞絲係後上，因為係炸嘅…但炸雞絲上枱係一餅野，仲油淋淋……$85個餐完全唔值囉😡完全無乜service仲要收加一，垃L圾