Virus Restaurant & Bar

营业中

休息中

野食等好耐，每樣野都係冇味。和牛餅食落去口感好差好古怪，完全不是和牛質素。豬頸肉真係好難唔好味，但都可以整到冇味。套裝四人餐每位199。店員話可以做五人餐，加多一位價錢，食物按比例加多一位份量。但結果食物份量完全唔係嗰回事，感覺同四人量一樣。餐牌寫雞翼雞心雞皮，諗住五人最少每樣野都有一串。出到黎加埋得八串，又細粒又細串。五人都唔知點分。有啲食物sold out但唔係預先問你轉其他而係轉完野食即刻上嗰一下先通知你。

偶爾喺朋友圈見到朋友打咭呢間餐廳、見到啲裝修風格已經勁鍾意｡ 終於有機會去到食一次。同之前見到啲人留言話有家嘅感覺一樣｡很有一種係日本時常幫襯一間料理給你那種家的感覺｡叫左個海鮮套餐,每人都係$208有成九道菜｡值得讚既佢地做嘅串燒每一種味道都唔同｡因為出邊食串燒好多時候都係得一個味。食曬咁多樣之後真係感覺到佢地對食物果種尊重｡食左一半嘅時候已經覺得好好味所以忍唔住加左半打燒生($138)。 果然真係呢度必試之一。濃濃的酒香加啲蒜蓉味｡正到爆我同啲朋友每人重加左$99任飲果個plan。紅酒白酒,啤酒,日本清酒任你飲｡開心到爆炸。而且啲酒嘅質素仲幾好添。因為我成日都喺銅鑼灣,所以以後同朋友食飯都費事諗咁多,直接揀哩度｡ 起碼冇時限唔會趕人走｡舒服到坐左幾個鐘都完全唔覺,時間過得真快｡支持支持!

Chill的小店，銅鑼灣鵝頸橋旁邊，好方便，見到馬場。感覺homey，好舒服，唔趕客，同朋友慢慢坐，飲飲酒，傾傾計，不經不覺3個鐘。味道剛剛好，用心，配酒最好 。

在灣仔商業區樓上，一入門口就有家的感覺，地方需小但五臟俱全，餐牌有各式各樣既套餐，我們點了串燒套餐，尤其鍾意個加$99/任飲啤酒，紅白，清酒，完全唔洗就住就住串燒食物亦很美味，種類亦多，一碟食完接住一碟，店內隨機播放著音樂，真係令人十分享受及放鬆當晚掛住飲飲食食忘記了拍食物相片，酒意正濃之際，從窗口望出去係𤌴爛既夜景，牆壁貼上各式懷舊電影海報，影相一流。仲有順便讚下店主相當友善客氣祈望再多來幾次。

在銅鑼灣漫步行走不小心發現了一家驚喜的店，隱藏在21樓，裏面有我們80後最情懷的電影海報，懷舊感十足. 一邊靠窗的座位望哂銅鑼灣嘅夜景工作人員非常Nice，環境好有格調，一個溫泉的食肆. 在銅鑼灣這種匆忙的區域，真的非常難得. 最喜歡的是加指天椒🌶️的烤生蠔🦪，又大又肥 都見差不多每枱都會叫這個的拉麵，麵的口感我最喜歡佢比較有彈性的，吃完之後猛喝了幾口豬骨湯. 超爽. 職員話他們拉麵湯底，是用豬骨新鮮熬製的 所以完全没有味精的感覺。其他串燒都能感受佢地嘅用心製作。

月前為友人送行，罕見試吃串燒，順度行動支持好像人很nice的店主？！的確有種平易近人，像光顧朋友的店。可能下午到埗，所以只開窗戶沒有冷氣，有點焗促，這幾天熱浪應該不行了。小小的店不是走亮麗路線，但裝飾充滿店主的風格。菠蘿特飲（無酒）⭐️⭐️⭐️⭐️比較推薦有酒精的⭐️⭐️⭐️⭐️⭐️因為酒精不多，只添香而不遮掩果味。燒安格牛肉粒⭐️⭐️⭐️⭐️⭐️不會失望，是好牛😆雞皮⭐️⭐️⭐️個人不愛，一般蝦⭐️⭐️⭐️⭐️雞軟骨⭐️⭐️⭐️⭐️個人對燒蝦和雞軟骨本身一般，火喉算剛好，有惹味。鮮魷⭐️⭐️⭐️⭐️⭐️最強下酒小吃叉燒拉麵⭐️⭐️⭐️⭐️⭐️推薦小辣。吃完一大堆乾燒蛋白質，來點湯麵不錯！最重要是麵不過稔。就這樣度過一個又愛又瘋的下午。

一餐飯由7點半開始，雖然好多人幫襯 好多熟客但樓面一啲都唔夠人上餐慢到嘔泡，不過都明白多人整野就一定耐，最後係食左3個鐘🙂🙂食到10點半另外令我最呆然嘅係個便當細之餘入面有粒圖釘😉😉😉最後埋單收足全費🥹多謝款待不過講返啲野食。都ok 嘅，不過不失咁雞翼，雞軟骨都幾香幾好食嘅而扇貝 海蝦值得一讚嘅 冇腥味

真係想像唔到銅鑼灣會有間禁高質又平民既日本菜，最初在門口等候時有點想會否中伏，但入内令人眼前一亮的感覺，食物高質好味，令我和友人也覺得係物超所值，即叫即做新鮮熱辣，味道一流、服務態度親切有禮，環境不但舒適而且裝修也很特別，餐具🍴很美，真的是一間令人意想不到的餐廳，這次用餐經歷真的很難忘，一定會回來再光顧！可惜今晚只想和友人好好傾談，沒有影餐牌和四周環境，我們叫的也是店裡比較貴的套餐，但真心唔覺得貴，這個價錢食這麼優質既食物，真的未曾遇過。可以說是真係一間就像店名「病毒🦠餐廳」會感染人再幫襯和傳開去給也喜歡食日本燒物既你你你同你😆，所以盼望老闆在這疫症時間，努力挨下去一定可以生意興隆、財源廣進。

好難相信喺銅鑼灣有一間食店環境舒適，價錢平，招呼好，第一次去已經可以好快同職員打成一片，串燒套餐$198一位，任飲泰國象啤、青島、Sake、紅酒、白酒三小時$98一位，絕對超值。燒蕃茄仔，甜而不膩爽，Juicy香，唔燶，燒得剛剛好蝦大隻，燒得好香扇貝大隻，個汁好好味燒豬腩肉堅Juicy, 腍，唔硬魷魚有驚喜，腍身，唔乾硬，配七味粉，餸酒一流鰻魚炒飯香噴噴魚柳好滑食店座位唔多，如果大班人去，分分鐘可以包場

星期六晚銅鑼灣玩完想搵間坐得耐既鋪頭朋友搵左間串燒鋪一行入去鋪頭感覺有串燒小店既味道老細親力親為，上菜燒野食斟酒一腳踢串燒質素甚至比一般串燒鋪好食價錢都非常合理，大部份食物價錢都低於100唯獨差小小既位就係間唔中會傳黎一陣陣食煙產生既二手煙味，但唔知道會唔會係同層其他人食煙所產生。推介 魷魚 雞翼 五花肉每樣食物都十分夠熱，即燒即食既感覺調味岩岩好，甚至唔需要點七味粉去加強食物既味道，Encore左幾次。總括而言：一班朋友聚會既好地點

100分滿分！支持小店👍🏻👍🏻👍🏻Sze’ s boss is friendly and nice . Fresh food and yummy which is Surprise and unexpected ，超水準，超預期!Price is acceptable and reasonable . 超抵食，Add on unlimited drink deal for 3hrs 👍🏻👍🏻Thank you having a nice and wonderful day at virus 👍🏻👍🏻👍🏻

幾年前黎過呢間嘢；記得當時d酒係任飲的friday night, 想飲酒都好正常吧；好！就呢間~由於唔想用腦嘅關係；直接叫2-3人餐（每位198），銅鑼灣/灣仔來說 算相當合理食物比我記憶中有進步，連擺盤也進步不少，令我和朋友猜想，是不是換老闆了呢？其實d嘢都交得足；無整定先；所有嘢都熱辣辣咁上桌，熱得黎調味都可以，送酒一流；不過建議超級肚餓嘅朋友要另外再叫其他嘢蒜蓉大扇貝 岩燒大虎蝦燒汁魷魚串燒車厘茄 （very juicy）串燒羊肉串 (孜然味好重；但並沒有蓋過羊肉味）芥末魚柳 （呢個有驚喜，起先我以為好似fish and chips 咁上，但都一整塊咁上，有好明顯嘅芥末味，相當醒神）多春魚拉麵（本來想要鰻魚炒飯但售罄了）酒就不過不失啦，afterall, 放題。。。； 你想點？

初以為餐廳酒吧食物水準一定唔及正常餐廳，去嘅原因都係聽朋友話,呢度晚飯時間有個任飲時段｡$98三個鐘任飲紅白酒、啤酒、清酒。覺得好抵,隨意叫左10樣8樣o野食送酒。樣樣嘢食嘅味道都有唔同嘅煮法,而且都好好味。和牛粒好juicy,而且入口後有溶嘅感覺！燒生蠔都正，個size好大隻，而且啲蒜蓉有個好獨特嘅味道,忍唔住問下服務員,佢同我講話厨師加左小小酒落去。唔怪之得！環境嚟講，小店算係有特色｡消費都性價比高,值得推薦｡

一班朋友搵咗個呢度諗住可以靜靜地傾吓計，環境 裝修和佈置都有特色。食物方面，嗌咗多人燒烤海鮮套餐，上菜速度剛好 唔會堆到成枱餸或等好耐先有得食，每道菜的presentation亦可以 都是黑色石板上菜，但成班朋友都覺得每樣燒物都非常鹹，鹽落得太重手了，可能咁樣想令你會嗌多幾杯嘢飲啦飲品方面，啤酒朋友話比較淡，普通嘢飲亦尚可接受。比呢個價錢有這樣的食物質素，似乎有點名過於實，如不太計較食物質素，這裏的確是一班人聚會的好地方

第一次寫食評。黎左幾次都覺得好正。有兩次黎隔離枱都係日本人, 居酒屋認証 以前大廈地下有牌廣告牌, 而家冇左, 唔喺openrice search 或者朋友介紹, 未必搵到黎。氣氛好好, 傾計一流, 枱唔算多, 空間足夠唔會嘈到隔離或者聽到其他人講野。食物逐碟上, 一直熱辣辣~ 我地叫三人份198 per head 燒物套餐, 另加野飲,份量好足, 差D 食唔哂。最後可揀鰻魚飯或者拉麵, 雖然食到最後好飽, 但都覺得好好食。係條羊串騷少少, 其他野食都好好食。下次再帶其他朋友上黎。