Victoria Restaurant

营业中

休息中

在moko商場睇完戲，想揾下午茶，商場內星期六冇乜有下午茶的餐廳，所以出商場外食（之前在OpenRice search過）找到呢間餐廳，位置方便，又近花墟⋯之前打電話問了，5:30pm前仲有下午茶，入去見到唔多人（太好了），我同家人order了三個set, 分別是焗豬扒飯，黑毛豬扒意粉，西冷牛扒意粉，三個主菜也好食，特別是黑毛豬扒，服務員態度好，上菜速度快，埋單沒有加一，我哋比埋tips也是$200左右，非常抵，坐得舒服，大家也很滿意☺️

Restaurant Review📋Food🍽Grilled🇳🇿New Zealand Grass-fed Lamb🐑Tenderloin with🇮🇹Herbs🌿- Super Soft & Tender Lamb🐑Tenderloin. Succulent with mild lamb aroma- Rocket Leaves, Slightly Grilled Cherry Tomatoes🍅Baby Carrots🥕Mint🌿Sauce successfully balanced the Richness of the Meat- Black Pepper Sauce was savoury more than spicyAmbience💗- Cozy Resto- Good for talking

之前食過價錢唔太貴, 而且環境舒服, 食物質素又唔差, 所以就嚟多一次, 今次就寫一寫食評。法國芝士多士伴煙肉炒滑蛋 $42呢個就一般般, 因為芝士唔夠濃郁, 而且多士唔夠鬆脆, 個煙肉炒滑蛋亦唔太得, 蛋炒得太老。紐西蘭穀飼西冷牛扒 $72而呢份水平唔錯, 揀咗黑椒汁, 黑椒夠曬香口而且帶有少少辣味, 而塊西冷牛扒整得都唔錯, 可以值得一試。以上套餐包埋兩杯咖啡或茶, 分別叫咗熱朱古力同埋熱奶茶, 不過埋單嘅時候先知道, 原來朱古力唔係免費, 係要額外加$5, 如果知道要加錢嘅話, 一定會叫返其他嘢飲, 所以落單嘅時候最好同客講返聲會好啲。

餐廳正門有一大幅玻璃窗，配以歐陸風裝修，行去望一望餐牌，價格竟然非常親民！•🍝黑松露海鮮忌廉意大利飯(HKD 78)HKD 78嘅價錢已經係Dinner set，套餐包埋芝士焗香蒜法包，是日餐湯及餐飲，仲要免加一😱海鮮配料有青口、蝦、八爪魚等等，都幾足料！啖啖都有濃郁嘅黑松露味，飯比較多汁，又未至於好淋。份量睇落好少，但其實已經好夠飽👍🏼呢個價錢完全可以接受環境亦相當舒適，枱與枱距離唔會好近，同朋友傾心事都唔驚比人聽到☺️係一間會再光顧嘅餐廳！

同朋友相約於此店, 因為上次用餐經驗唔錯。呢次孖牛出擊, 香草醬燒牛肉伴欖油香蒜辣椒意粉。個名好長唔睇住寫唔返出來。不過食落又真的全部都有即使牛肉只有兩片。肉質偏瘦但保持有肉汁及適當家柔軟度。以72蚊的套餐價來講都好難苛求更高品質的牛肉囉！香草醬帶點酸。 欖油大量。 辣味屬於中間偏少少辣。另一個係美國安格斯西冷牛扒$128 牛扒肉質一般, 汁醬也一般。 這菜式有點豉油西餐風味, 有點沙律菜但比較份量少。 戀括兩次用餐經驗, 如果要求食飽的話這店可以滿足要求了。 其他的只能體諒一點。始終將貨就價的情況底下已經算做得合理同美味。

好耐無去太子，最近因要去附近處理一些事情，所以要去一轉，順便食埋個午餐先，原來太子有好多食肆，不同國家、不同種類的菜式都有，我選擇咗其中一間，見佢門面都幾好嘅西式餐廳，沒有選擇錯誤😋入到去餐廳，感覺好舒服，有小小歐陸風格，用餐餐枱係木面，圖案係一啲羅馬數字，幾靚。食物方面，款式唔算多，但價錢合理，我點咗個午餐，白湯應該係忌廉湯🥣，湯不算濃味，但配上蒜蓉包🥖都唔錯；雜腸雜菇蕃茄意粉🍝，配料份量恰到好處，唔好話好多意粉冇餸食，仲加咗小小芝士🧀，我鍾意❤️。餐飲當然係我至愛，凍朱古力啦，朱古力🍫味濃厚，唔會有好多冰溝淡咗啲朱古力味，但都好夠凍❄️整體來說，味道、價錢、環境等都唔錯，值得推介👍

週末晚跟友人在太子站附近, 想找個西餐廳有時都唔容易, 主要是附近幾間稍有名氣嘅賣豉油西餐的都相對地取價積極, 行下行下見有間全玻璃窗對外嘅餐廳, 外觀吸引, 晚餐大概由$68 - $128, 有豬,牛,羊,  雞同海鮮都算各式其式, 試咗的計有帶子伴鮮野箘忌廉意炒粉$72, 帶子煎封得啱啱好一層焦色, 簡單炒一下鮮箘再倒入忌廉撈一下。簡單地全程可能只須5分鐘但效果穩定。西班牙黑毛豬仔鞍扒$118, 豬仔鞍同樣煎的時間掌握得宜。唔清楚佢地件豬鞍有無先做過慢煮?不過煎出來同切下去時已經清楚知道工夫唔錯。肉質彈牙兼且有豬嘅香味。其餘的餐湯同餐飽一般啦～這時勢哪有客人俾呢個價位對杯餐湯還有要求?! 難得的是餐茶個茶杯又見得下人喎！整個餐都係算"平靚正"環境令人輕鬆。還有是免加一呢～

.性價比指數: 🌕🌕🌕🌕🌗好味指數:🌕🌕🌕🌗🌑服務指數: 🌕🌕🌕🌗🌑環境指數：🌕🌕🌕🌗🌑.太子小店，雖然味道唔算非常好，但晚餐性價比非常高！所以都係值得推介😜！.-.Dinner Set $78✦黑松露忌廉海鮮意大利飯 包括: 芝士焗香蒜法包 伴 是日餐湯咖啡Total: $78 （全日免加一）..-✧ 黑松露忌廉海鮮意大利飯.有青口、八爪魚等等海鮮；個飯多汁，帶淡淡黑松露味，但略濕、少許偏軟，不過未去到過淋，性價黎計完全可接受，唔錯.❖評份：🌕🌕🌕🌕🌑.✧ 芝士焗香蒜法包 伴 是日餐湯.❖評份：🌕🌕🌕🌗🌑.✧咖啡.唔建議飲呢度杯咖啡，非常苦澀.❖評份：🌕🌕🌑🌑🌑.

經過太子無意之中發現的西餐廳，位置比較偏離大路再加上是平日晚上，餐廳𥚃只有少數客人，但反而覺得更加舒適。餐廳以歐陸裝修風格，牆上掛有世界地圖🌍及歐洲風景圖🐚作裝飾。晚餐價格親民，平均$100以下😱，有餐湯主食和餐飲，分量大性價比高。❤️蒜蓉包不錯，餐湯偏鹹🤭點了一份香草醬香蒜牛肉辣椒意粉，有驚喜！😱牛肉烹飪得剛剛好，鎖住肉汁，再配上微微辣的意粉，推薦推薦💕！另一樣主食是北海道帶子野菌忌廉芝士意粉🍽，滿滿的帶子配上香濃忌廉汁😋。不過相比之下，牛肉辣椒意粉的味道比較好😗。性價比高的餐廳，有驚喜。下次會再來💕而且餐廳內的餐具都有獨立包裝，衛生環境都做得相當不錯👍🏻。

<Victoria Restaurant>小編係太子想食個下午茶☕️點知見到呢間以🚢做主題既餐廳午餐都好多選擇，就入左去lu🤪————————————————- 餐湯🥣 -紅湯味道超級濃，帶有蕃茄🍅酸味！鍾意飲酸酸地又好濃既羅宋湯就要試下喇😆 白湯係蘑菇湯🍄，都唔錯！唔會飲到一舊舊，而且帶有微微蘑菇香————————————————- 蒜蓉包 -唔知係咪因為就黎完lunch，當日既蒜蓉包唔脆，麻麻地～————————————————- 香煎原條龍脷柳配意式香草鮮蕃茄汁 $55 -龍脷柳略嫌薄左少少，圖中係最厚肉部份～煎得都唔會乾～配上香草🌿蕃茄汁幾夾！薯角份量都唔少，小編淨係沾上個汁都覺得好味🤣————————————————- 芝士焗鮮茄厚切吉列豬扒意粉 $65 -呢個焗意粉超級多汁，所以絕對唔怕下面既意粉會越食越無味🤣豬扒的確係厚切！吉列炸漿亦唔會過厚😇所以都鬆脆的～ 豬扒肉質都唔錯亦唔會太乾鞋口芝士份量就可以再多d🤪🤪————————————————- 熱咖啡、奶茶☕️-咖啡同奶茶一般般啦！咖啡唔係好香或者濃個種～而奶茶就係西式個種，純紅茶加奶既味道☺️————————

超高質超性價比高西餐🤩-兩個人食叫左一個set dinner同散叫一個pasta一個甜品，食到好飽好滿足！-• 香煎鵝肝 (set)個Set頭盤可選鵝肝/煙三文魚定吞拿魚沙律，我地就揀左鵝肝，一人餐有兩塊，應該係餐廳比多左我地😳 想講呢個真係好好食，個面雖然唔係煎到好脆，但個鵝肝好香好juicy仲好大塊入口即溶，係高質既用料可能出面散叫都要百幾蚊既質素，絕對唔係自助餐好乾硬咬完有渣個種，超正好impressive！• 泡沫牛肝菌忌廉湯 (set)好creamy好濃菇味，有一定杰度，好滿意。 • 茄蓉海鮮清湯少少蕃茄味，多多海鮮味，仲有好新鮮既海鮮，都好味但我個人喜歡磨菇湯多啲。 • 炭燒豚架 (set)慢煮再炭燒，唔會好似平時啲豬咁好乾，呢個個肉質仲好軟滑，仲好厚好足料，兩條骨既厚度🤤 個汁話係無花果，但我就覺得無乜特別有啲咸咁。 • 炭燒西冷巴馬臣芝士寬條麵薄切西冷好易煮得太熟好硬，但呢個完全無，意粉個汁都好rich好重料，都好食但就無乜特別。 • 焦糖燉蛋 (set)都大份，但唔係咁好食，散叫的話就不要。• 心太軟有流心但朱古力味不是很濃，普通正常啦。總結: 叫set/食扒，環境好

放工路過，抱住一試無妨既心態，行左入裝修歐陸風既「維多利亞餐廳」SET DINNER 6/70蚊至百零蚊不等，叫左兩個SET DINNER - 帶子野菌芝士忌廉意粉 同埋 意式茄茸鳳尾蝦天使麵。跟SET DINNER配蒜蓉包、餐湯、茶/咖啡。今日餐湯系南瓜湯，夠濃，味道夠香，唔係茶餐廳粉溝水嘅西湯！兩個意粉都有驚喜！原本見價錢只係6/70蚊，仲要唔使加一，都唔抱有好大嘅期望。點知一上枱就見到賣相唔錯，擺碟漂亮！食落調味不錯，帶子同埋大蝦質素不錯，意粉份量唔少，好夠飽！雖然食物比唔上高級西餐廳，但系呢個價錢可以享受到鬧市中的一點寧靜，真系意外驚喜！

今日去花墟買花，打算去附近揾食比我係等過馬路時見到有間餐廳過完馬路就吸引咗我過去睇下我去時係下午茶時間，係門口見到個餐牌同價錢都ok，就入去食下啦而家疫情關係，佢門口放咗消毒搓手液比我哋進入前消消毒入到去環境好靚，好舒服夜晚去食，應該好有情調加$5是日餐湯我開頭以為加$5得碗湯，冇諗過有蒜蓉包湯好香忌廉好滑好好飲蒜蓉包好香口煙肉芝士野菌忌廉意粉食到尾聲冇哂意粉啲料真係好多好多好超值🤣芝士焗意式肉醬意粉餐飲🍹正體嚟講，食物水準真係好食嘅開頭以為下午茶份量會細份量但原來都好大碟，好飽仲有呢度個個職員都好有禮貌同好多笑容職員會兜個圈去到顧客面前上菜或收碟，總之唔會阻礙到食客呢點真係要讚揚下，比我感覺好似去咗五星級酒店嘅服務

早前路經時發現這餐廳看似裝潢不錯所以也bookmark了預備來試沒有影下餐牌晚市約六七十元至百多元不等裝潢頗漂亮蒜蓉包和餐湯蒜蓉包香脆+蒜味十足湯也不錯可惜上了蒜蓉包和餐湯後一兩分鐘便立刻上了主菜如為食客預留多數分鐘會較好帶子白汁意粉擺碟頗漂亮調味不錯本來覺得稍淡但再吃下去配上芝士片的惹味鹹香便知白汁的調味是恰當帶子質素正常可惜意粉選擇上明顯較普通縱使烹調時間正確但仍略淋欠口感牛扒賣相不錯味道也ok可惜同樣明顯是食材質素稍遜有著頗濃的茶餐廳牛扒的鬆肉粉味有點令人失望總括而言環境，烹調，價錢也不錯可惜食材質素仍有改善空間當然不是說又要平民價錢又要星級質素但若能將食材的質素稍稍提升一兩級(例如意粉，成本應該不會差太遠吧)相信不難在太子站穩陣腳

機緣巧合下，抱住一試無妨的心態入店，竟然有驚喜，促使小弟寫下第一份OpenRice試食報告。香港在疫情影響下，街上幾乎人人戴口罩，飲食業尤其首當其衝，所以中午店內人流不多。店內裝修以黑色工業風為主，燈光偏黃，可以想像夜晚感覺一定不錯。由於正門有一幅大玻璃窗，中午時間尤其光亮。食物水準中上，獨坐於店內一角，耳邊聽著Air Supply... Hotel California 等等經典英文歌，飲一口苦澀齋啡，心中有一刻恍惚回到過去一般。風雨雖多，我們香港人都一一跨過，過去現在如是。