URBAN Cafe (彌敦道)

营业中

休息中

係旺角同觀塘都有分店嘅樓上cafe Urban Cafe人氣極旺，吸引咗男女老幼一家大細嚟食嘢，今次我就去咗旺角分店，門口都keep住有啲人係度攞籌等位。呢度嘅食物性價比幾高，唔使$300就有一個極之豐富嘅二人套餐😗😗有齊一人一份餐湯、沙律、主菜同飲品，加少少錢仲可以加配小食拼盤同心太軟，質素都對得住個價錢，好抵食😆沙律、餐湯沙律加咗啲柚子醋酸酸甜甜好開胃，餐湯幾creamy，入面仲有啲洋蔥同火腿粒。滋味小食拼盤（雞軟骨餃子、唐揚雞塊、薯角）另外加配咗呢個好豐富嘅小食拼盤，全部都係啲香口嘢，雞塊幾厚肉，估佢唔到入面幾juicy肉質嫩滑💦意式青醬忌廉海蜆野菌扁意粉味道唔錯嘅意粉，醬汁偏向似白汁，幾creamy，意粉唔會太淋幾掛汁，蜆肉份量好多，雖然有零星嘅沙但都可以接受。西班牙黑毛豬肋骨（配薯菜）幾大份嘅豬肋骨，醬汁鹹鹹甜甜好易入口，啲肉有肥有瘦完全唔會鞋，都唔錯😋朱古力雪山心太軟加配嘅甜品，可以揀朱古力／抹茶味，除咗心太軟仲有雪糕同大大pat忌廉，邪惡到爆。心太軟流心效果幾勁，整體就偏甜，朱古力味唔算好濃郁，小朋友會比較鍾意👶🏻PS點解會形容呢度係好玩呢，因為呢度仲有超級多隻可愛貓貓架

之前係urban cafe嘅老顧客邊隻貓叫咩名員工叫咩名全部記得曬 已經成年冇去過今日因為中間有冇嘢做要攝時間所以去返真係超抵79蚊可以坐到90分鐘有野食，又有咖啡飲又有貓玩 枱上一隻貓凳上三隻貓地下一隻貓已滿座全舖頭最受歡迎嘅位畀我坐咗個個女仔個人爭住同我枱隻貓影相幸福滿瀉被主子寵幸 好似住在天堂一樣

💖朋友無得養貓🐱好sad🙍🏻‍♀️，所以今日約佢黎旺角呢間好受歡迎👏🏻嘅貓cafe食飯。周圍都係貓🐈，好幸福🥰，仲會比人狂摸😂。朋友受到貓嘅寵幸，全程有隻貓訓係佢大脾🦵！1⃣️慢烤美國嫩雞胸配檸檬蘋果醬🐔 $138💖雞胸🐔鮮嫩，唔會乾澀。檸檬蘋果醬幾特別，酸甜清新。可以配扁意粉🍝或者薯菜🥔，要左薯菜🍟，食到最尾都保持住香脆嘅外皮，入面粉糯，配上酸甜嘅茄汁🍅好味😋，仲有一啲配菜🥬。2⃣️慢煮紐西蘭香草羊膝配薄荷啫喱🐑 $178💖好大件嘅羊膝，成份火雞腿🍗咁🤣肉質嫩滑多汁，一啲羊羶味都無。搭配薄荷啫喱，薄荷🌿味勁濃郁，食落好清涼。呢份同樣要左薯菜🍟。3⃣️蘋果越橘酥配雪糕🍦 $48💖雪糕係焦糖餅乾🍪味，脆脆嘅餅乾塊同香滑冰凍🧊嘅雪糕好好味，推薦👍黎呢度一定要食佢地嘅雪糕甜品🍨！蘋果越橘酥🥧有蘋果🍎嘅清淡果香同越橘嘅酸甜味，酥皮薄脆，仲可以搭配奶油同彩虹🌈朱古力碎🍫一齊食。💖食物都唔錯，雪糕好好味！食到後尾有人買左貓罐頭🥫，全部貓貓大遷徙，好好笑🤣呢間cafe好受歡迎👏🏻，夜晚要黎一定要book定位。

朋友之前黎過覺得唔錯，今次就帶左同樣鍾意猫猫既我黎體驗下😂入去之前要著左鞋套同消毒雙手先🤲🏻呢度係用電話scan Qr code落單，餐廳有wifi可以連同朋友叫左個二人套餐 $298是日沙律-有菠蘿同蕃茄，酸酸地幾開胃是日餐湯-煙肉蘑菇忌廉湯，好”杰”身，重忌廉味熱奶茶、熱檸水溫泉蛋煙肉野菌黃金卡邦尼扁意粉🍝忌廉味重得黎又唔會太膩，就算我地掛住玩貓，凍左少少先食都好味👍🏻安格斯牛肉手工竹炭漢堡🐮（配薯角）竹炭漢堡包比想像中軟身，牛肉扒肉質厚實，好juicy💦整體來講整個用餐過程都好開心，食物好食得黎，又有咁多猫猫陪住，一下子生活既壓力就無哂☺️🔸用餐時間90分鐘🔸要睇清楚店內貓貓守則

環境太細，貓貓無地方喱埋，只能在擠迫空間周圍行，坐又唔知坐邊好慘。讚好既人同老闆應該其實不太中意貓，你中意貓點會要佢咁辛苦。你可以放佢出黎搵錢，但我覺得首先要人道d比個好環境佢，有時自己想就出黎同人玩下，有時想休息都可以去休息，咁先係好既貓cafe講埋野食方面，其實係唔錯，服務員也ok唔會因為忙就無禮貌，野食質素幾好，野飲都好味。環境方面頭先講左，地方好窄，枱同枱之間太近，其實對人同貓都唔好希望改善下

今日約咗幾個舊同學出嚟食飯，其中一個朋友就提議去呢間樓上cafe，因為佢之前食過呢間嘅觀塘分店，食物環境都唔錯🥰所以我哋今次就揀咗呢間嘅旺角分店，收工過嚟同食完嘢返屋企都好方便😆Cafe位於彌敦道嘅大廈二樓，喺油麻地地鐵站行過嚟都只係兩三分鐘路程，好快就到～一坐低睇吓menu，見到都幾多選擇，無論係主食定小食都有好多款式，真係搞到花多眼亂🤣一向有選擇困難症嘅我，一於收窄範圍，直接揀個四人套餐 ($568)🤣四人套餐包咗四份沙律🥗同四碗餐湯，沙律菜撈埋少少胡麻醬，好fresh好開胃😋而果日嘅餐湯係南瓜忌廉湯，甜甜地幾好飲😋主食方面，四人套餐包咗兩份意粉同飯，我哋就分別揀咗即磨芝士黑松露野菌大啡菇忌廉意大利飯同日式青蟹籽大蜆大蔥忌廉扁意粉🍝意大利飯生熟程度啱啱好，保持到意大利飯煙煙韌韌既口感😳而黑松露同蘑菇永遠都係最好嘅配搭，撈埋啲芝士食嘅感覺好滿足🤤個意粉份量都唔少，蜆肉比得一啲都唔孤寒😳，配埋啲青蟹籽一齊食，令到成個意粉都好鮮味😋主食除咗飯同意粉，我哋仲揀咗個慢烤嫩雞胸(配薯菜)同挪威煙三文魚拉絲水牛芝士手工薄餅🍕一開始見到係雞胸，都驚唔知啲肉會唔會好粗好柴，估唔到佢真係整得好嫩滑😳食

老公呢排工作壓力太大😓，所以我專登搵d特別既餐廳，等佢可以舒一舒壓👍🏼佢咁鍾意小動物黎（urban cafe)真係very good黎到門口，要穿鞋套同消毒雙手🙌🏼嘩！入到黎真係大開眼戒🙀好多貓貓喔😍我地叫左2人餐南瓜湯超正👍🏼一絲絲南瓜蓉，好濃郁口感又綿綿。沙律酸酸甜甜，好開胃日式青蟹籽大蜆大蔥忌廉扁意粉，蟹籽青bb幾特別，配料洋蔥紅黃椒令到整體食落冇咁膩，蜆肉無沙巴馬火腿拉絲水牛芝士手工薄餅Pizza芝士可以拉絲，餅底香脆最後加埋個心太軟做總結幾濃朱古力味🙌🏼Hi，佢係紫菜呀😹 成餐晚飯都係笑住食，好開心🥰

今晚和老公來到位於油麻地的樓上Cafe 吃晚餐，當晚全場滿座。餐廳內有很多貓貓，又可愛又友善的，在等候食物的時候，老公都連忙拍照。今晚我們點了一個2人套餐 ，有餐湯, 沙律, 頭盤, 主食, 意大利飯/麵, 飲品，十分豐富！是日餐湯是南瓜湯，可以吃得到一絲絲的南瓜，真材實料！是日沙律也很開胃，芝麻醬配沙律菜，特別fresh. 加了28玩加配滋味小食拼盤，有腸仔，炸薯角等，是最適合不過的餐前小食。溫泉蛋煙肉野菌黃金卡邦尼扁意粉溫泉蛋煮的恰好，呈流心狀態，卡邦尼扁意粉很creamy, 忌廉很香滑的。西班牙黑毛豬肋骨很大份，黑毛豬肋骨的肉質鮮嫩，多肉汁。最後每人來一杯飲品，老公點了抹茶拿鐵。我點了芒果荔枝梳打，甜度適中，賣相精緻。

星期日係觀塘行完街繼續工廈搵新餐廳醫下肚🍴估唔到呢間餐廳星期日晚都可以人頭湧湧😮兩個人撐枱腳最好就係食2人餐👫唔洗煩$328 包2個餐湯，2份沙律，2份主菜，2杯野飲 另加1收費是日餐湯：蕃茄湯，酸酸地幾開胃時日沙律：菠蘿雜菜沙律，都係酸酸地作前菜唔錯主菜：挪威三文魚溫泉蛋黃金卡邦尼扁意粉意粉份量都算多，味道適中唔會過咸或過淡！主菜：西班牙燒烤醬烤大豬肋骨3大枝豬肋骨，醬汁惹味，而且肉質都厚實！會比較適合男士食💁🏻‍♀️餐飲就選擇加錢轉其他特色飲品🤤百香果蜂蜜梳打 另加$4甜甜的😛菠蘿蘭香子 另加$20一粒粒蘭香子口感唔錯！都係好甜呀！最後另加$18 要多個自家製朱古力香滑奶凍🍫🍼加左幾粒棉花糖，朱古力奶味足夠！

今天和朋友到旺角這樓上Cafe，原來他們的點餐是手機落單的，非常方便二人套餐298餐湯沙律味道不錯，沙律菜也新鮮溫泉蛋煙肉野菌黃金卡邦尼意粉意粉爽口彈牙，醬汁含有溫泉蛋，每口也吃到溫泉蛋和卡邦尼醬汁啲味道，香滑可口西班牙黑毛豬肋骨薯菜黑毛豬肋骨煎得很香，很多肉薯條新鮮，外脆內軟，非常惹味蘭香子雜莓綠茶整綠茶的味帶點甜，士多啤梨和blue berries也微酸抹茶心太軟+ $25看見餐牌上這個抹茶心太軟覺得很特別便試試。抹茶味都很濃，切開有留心的綠茶，旁邊還有雲呢拿味雪糕和忌廉。

旺角區嘅樓上cafe林立☕️但未必間間都好食🤭之前去過觀塘分店嘅Urban Cafe印象深刻🤩今次同朋友試試旺角店🤪旺角店比起觀塘店面積細啲😀但亦都會同貓貓更加多接觸😽同朋友都唔係太餓👯‍♀️嗌咗午餐沙律同牛扒一齊食🍴挪威煙三文魚意大利黑醋田園野菜沙律 $87煙三文魚分量十足😻菠蘿香甜可口🍍新鮮嘅沙律菜夾埋意大利黑醋一流🥗燒紐西蘭牛肉眼扒配黑松露燒汁 $119dpz揀咗配意粉🍝另外可以揀薯菜🥔意粉煮得啱啱好🤌🏻彈牙帶牛油香🧈肉眼扒香嫩唔會過熟🥩燒汁提鮮而唔會太鹹跟餐沙律同餐湯亦唔敷衍💯甜甜嘅麵包粒同柑橘醬配沙律菜好特別🥗南瓜湯香甜濃郁🎃啖啖佈滿絲絲南瓜肉🤤出色另外跟餐嗌左兩杯嘢飲意大利焦糖咖啡 抹茶拿鐵餐廳好貼心可以比客人揀少甜✨雖然話唔肚餓但係dpz同朋友都嗌咗甜品試吓🤣雪山心太軟 $58心太軟做到完美流心效果🌋配埋dpz最鍾意嘅曲奇雪糕一流😽藍莓芝士蛋糕配雪糕 $48芝士蛋糕配埋酸甜嘅藍莓醬啱啱好唔會過膩🤤餐廳係採用QR code落單好方便📱店員態度親切有禮💁🏻‍♀️用餐過程愉快

之前係觀塘食過覺得唔錯 咁岩同男朋友係旺角行街 諗唔到食咩 就去左試一試呢間旺角分店入到去 整體環境都ok 不過比起觀塘就細d 但都坐得幾舒服 我地都係嗌左一個二人餐前菜係忌廉南瓜湯同胡麻沙律 兩樣野都好好食 由其是南瓜湯 奶味香濃 好正 我地仲加左個小食拼盤 有三款熱辣辣的炸物 好惹味主菜我地就揀左溫泉蛋煙肉野菌黃金卡邦尼扁意粉&安格斯牛肉手工竹炭漢堡配薯角 兩樣主菜都份量十足 意粉就比較港式卡邦尼 重忌廉味 而漢堡的牛肉十分juicy 肉味亦好濃 配埋爽脆蕃茄 真係好好味最後我地加左一客抹茶心太軟做甜品 呢個真係有驚喜 中間流出濃濃的抹茶醬 食落去又唔會太甜 配埋曲奇味雪糕 認真一絕

一直想到「Urban Cafe」玩樂，今晚終於得到這個機會了，未出發已經興奮。進入去前先要穿上鞋套，以及消毒。首先有餐湯和沙律為這個2人套餐打頭陣。當天供應的是忌廉南瓜湯，creamy質感帶著啖啖南瓜蓉。而沙律就分別有雜菜、車厘茄和菠蘿粒，拌上日式芝麻醬。意粉掛上忌廉醬汁，混合溫泉蛋的蛋漿，有著濃郁的奶油和蛋香。意粉質感屬於偏硬，再配上煙肉片和野菌增添一點口感。薄餅就有一點遜色。餅底是薄身，口感不腍也不脆，有點說不出的奇怪；入口更是乏味。上面舖著的巴馬火腿和水牛芝士就正常發揮，唯可能放了一會才開動，拉絲效果不怎明顯。來一杯暖暖朱古力，可以選擇少甜。賣相吸引的炸雞翼，入口香脆。上面灑上大量炸蒜粒，令雞翼更惹味。最後送上幾張可愛貓咪照片。

呢間CAFE不得不讚真心高水準，而且仲好適合一家大細黎用餐！【安格斯牛肉手工竹炭漢堡配薯角】大大份超飽肚又有滿足感竹炭麵包外脆內軟好有口感重點塊安格斯牛肉又厚又多肉每一啖都超多汁超嫩口【避風塘香酥雞翼】雞翼大大隻啖啖肉外脆脆內多汁又嫩滑，超惹味又香口！【三重芝士肉醬意大利粉】肉醬及芝士份量都好足料啖啖肉醬加芝士，超香濃惹味！【金文不芝士挪威煙三文魚意大利黑醋沙律】愛芝士又愛煙三文魚既我每次黎都一定會叫呢個沙律因為佢一份有好多芝士粒同煙三文魚每一粒都可以食到超香濃的花士粒沙律菜亦都非常新鮮加上黑醋點綴酸中帶甜非常開胃!!仲有叫左杯「蜂蜜甘桔檸檬梳打」&「特濃鮮奶朱古力」蜂蜜香甜清爽又消暑朱古力香濃鮮奶又滑超好飲！

自從屋企養了寵物貓貓之後， 特別喜歡逗牠們玩耍， 所以今日再光臨餐廳，又可以近距離親親牠們，推開門已經有幾隻活潑貓貓 ，來歡迎我， 逗得我開心透了 ，餐廳要求客人進入餐廳前，必須戴上鞋套及清潔液搓手， 做足衛生安全措施。二人套餐 $298 是日餐湯是日南瓜湯， 味道 香甜， 還有啖啖南瓜肉。爽脆沙律菜，伴着酸酸沙律醬， 是滋味開端。日式青蟹籽大蜆大葱忌廉扁意粉： 肥美挺身的大蜆， 和煙煙韌韌的扁意粉， 掛滿大蔥忌廉汁， 十分惹味， 再輕輕拌勻日式青蟹籽與扁意粉一起吃，每口特別鮮味窩心。巴馬火腿拉絲水牛芝士手工薄餅： 叫即製的手工薄餅，上枱時， 熱呼呼， 香氣十足， pizza 批邊烤得香脆可口，提起 pizza 還有邪惡的拉絲， 表面鋪滿巴馬臣火腿、 滑溜雜菇， 入口卜卜脆之餘，伴著巴馬臣火腿的鹹香及油香，帶來意外驚喜。芒果荔枝梳打 (另+ $4) 芒果荔枝梳打，每一口是馥郁芒果荔枝果香， 香甜迷人。朱古力雪山心太軟(另+ $25)、 抹茶雪山心太軟 (另+ $