Turning Point By Coffee Art (已結業)

二訪Turning Point 😃見佢哋出左個新嘅二人餐同晚餐，我哋4個人可以share食，試唔同嘅野～二人餐只係$588 ！有頭盤、兩個main 、甜品、餐茶。超級豐富😍頭盤除咗餐湯之外，仲有個fine dining級嘅精緻前菜🤤 有3樣嘢，細細件又開胃：-帶子刺身芒果咯嗲 （成個酸酸甜甜好開胃，帶子都新鮮）-松露雜菌酥盒（勁濃松露味，加埋個酥皮食就冇咁膩）-吉列牛側腹條（外面香脆，入面有肉汁好juicy，又有牛味）🔺前菜整體高質，每樣野幾啖有啲唔夠喉，食完會好想再食🤣 咁應該算係一個成功嘅前菜Main (1) 龍蝦尾配龍蝦汁意式雲吞同朋友一致認為呢個龍蝦係今日嘅MVP🏆龍蝦調味剛剛好，唔會太鹹，食到龍蝦嘅鮮味，亦煎得剛剛好，剛剛好爽脆口感。Mani (2) 美國頂級牛側腹配薯菜牛扒五成熟煎得唔錯，牛有肉汁有肉味👍🏻 薯菜味道正常，同埋好大份，我哋係食唔晒😂另外叫咗兩個晚餐，頭盤有湯同Pama Ham沙律（唔記得影相🫣）沙律係配青檸柚子汁，都係酸酸甜甜開胃野晚餐（1） 甲羅燒三重蟹肉忌廉汁意大利飯 $188個飯本身唔係好重味，我哋開頭仲諗緊點解會咁🤔 之後將甲羅燒啲蟹膏括晒出嚟撈飯一

Turning Point By Coffee Art (尖沙咀)📍尖沙咀彌敦道132號美麗華廣場1期1樓113A&113B號舖/觀塘成業街7號東廣場地下G46-G48號舖/將軍澳寶琳運亨路1號新都城中心一期G樓G95-96, G113-114號舖味道：😋😋😋😋😋😋😋環境：🎑🎑🎑🎑🎑🎑🎑🎑服務：😏😏😏😏😏😏😏😏初八當日特意抓緊假期嘅尾巴，同朋友行完街街後，就嚟到美麗華呢間餐廳享受一個慢活嘅下就啦～環境好舒服，有藤椅座位、乾花、乾草同紙扇做裝飾，係打卡之選👍1️⃣美國極黑和牛芝士漢堡🍔配薯條🍟 💰148塊牛肉好厚、肉汁唔多、但唔會柴、帶有淡淡嘅牛味；面頭嘅荷包蛋🍳同漢堡牛肉好夾，而流心蛋黃令漢堡牛肉口感更加smooth ；片裝芝士呈融化狀態、奶香奶香味，配合埋生菜蕃茄成件事係濃而不膩🤤個漢堡唔係行重口味，而係有啲清新，啱啱好嘅味道😍薯條🍟係偏粗身厚實、脆身嘅沙律菜🥗配咗柚子汁，酸酸甜甜呢個餐食完非常之飽足感😳2️⃣海鹽比利時70%朱古力（無糖）(凍）💰46就係飲緊無糖朱古力😂，好神奇地唔係勁苦、有少少嘅海鹽味，好好飲，下次會再叫🤤#香港美食 #美食推薦 #美食日記 #coffee #咖啡 #香港

Turning Point by Coffee Art疫情過後少咗過嚟食lunch見到佢哋定期轉menu都幾吸引所以早排又行嚟試吓新嘢不過今次人手睇落就唔夠啦唔趕時間，呢度慢慢坐都係個好選擇！封門柳好軟嫩，肉味濃郁韓日fusion意大利飯隻味幾特別個汁好creamy又帶點泡菜辣味加埋上面海量紫菜，真係好似韓式拌飯飯嘅硬度都適中，非常推介🤩軟殼蟹漢堡芒果莎莎加上炸軟殼蟹，口感幾豐富食落好清爽，唔會覺得油膩再加埋粗薯條，滿足感UP記得必飲咖啡，因為飲咁耐都好有水準偏fruity，飲落非常順滑。芒果莎莎軟殼蟹漢堡配粗薯條 $118。香煎澳洲封門柳配泡菜藜麥意大利飯 $128。Flat White $28 (lunch set -$10)📍Turning Point by Coffee Art尖沙咀美麗華廣場一期1樓113A&113B號舖

參加完婚宴午餐，朋友帶我們去尖沙咀美麗華商場的Turning Point by Coffee Art ，他說這兒的咖啡很好，而且很貼心，咖啡師一般會根據理想的溫度出咖啡，但有些客人偏愛比較熱的咖啡，落單時可以提出，他們會盡量做到客人的要求。Cappuccino （$38）我喜歡卡布奇諾取得一個平衡，三份一濃縮咖啡，三份一牛奶，三份一奶泡，有著咖啡的香醇及柔滑。Ginger Honey Latte （$42）鮮生薑蜜糖latte天寒地凍最啱飲，生薑味好出，放於咖啡中好夾，但這個一定要加點甜才突出它的口味，蜜糖是最佳伴侶，又健康又好味。朋友說他們的甜品也做得很好，因為實在太飽，下次吧！

實講，啱啱行完街，想搵個地方歎返口茶，於是我就咁橫衝直撲入咗Turning Point Cafe。實不相瞞，呢度嘅環境真係幽靜得嚟又唔會太放，啱曬想食個悠閒午餐。首先叫咗份卡邦尼意粉，真係食到出奇。唔似開邊霸市咁重奶味，倒係幾得意咁帶出啲煙韌嘅培根香，仲有芝士嘅幽香，正啦！再點上份清酒蟹肉海膽汁忌廉意粉，有冇搞錯？份量多得嚟，海膽掂到不得了，鮮甜得滯，扁意粉吸晒啲汁液，每啖都滋味十足。甜品嘅鐵板香蕉雪糕班尼，咬一口，熱哄哄嘅香蕉撞埋冰芝芝嘅雪糕，頂級爽💥隨手再啜一啖Green Tea Latte，咖啡師拉花技術一流，抹茶香得咁天然，啜一啜，苦中帶甜，寫意喎！要揀最掂嘅餐點，莫過於個靚仔沙地亞美哥。個軟殼蟹快响口入面脆嘅，個牛油果滑嘅，插實嘅蝦夾埋嚟簡直係人間至味。言歸正傳，Turning Point Cafe嘅食物同服務都實有水準，下次還攞班友一齊黎試！👫🏼🍴✨

和朋友聚會來食飯，見到門面令令藤椅打卡位。入座後叫了一個能量salad和一杯cocktail Sunset，橙味很重，無咩酒精味，杯很大容量很多，68$很抵，很漂亮的飲品。我和朋友都不斷拍照。朋友叫了個牛側腹，比較韌。不過不失啦

成日經過都見到呢間餐廳個藤籃椅好eye catching但一個人去食又好似嘥咗因為一個人無得影靚相終於有次同友人行過入咗去食份輕盈tea set因為唔太肚餓關係，主要主要都係飲杯啡雖然當日咖啡師只係拉咗個可愛心形，唔係典型拉花心，但收到個刻都好開心因為有時轉下都唔錯cute後來網上見到原來係可以拉獨角馬如果早啲知道，都可能會要求呢份輕盈all day breakfast味道不過不失！鐘意食啡菇嘅我，佢煮得原汁原味！多士仔脆！蛋香！整整齊齊，乾乾淨淨，無野要挑剔

聖誕節同朋友喺尖沙嘴搵野食，見到餐牌圖片幾吸引，所以就去試吓啦！店員好好咁安排左入面嘅位置俾我哋，唔會望住商場外邊，方便我哋傾計👍🏻🥩U.S. Prime Flank Steak w/ Cheese Truffle Cream Sauce Conchialie $228dinner set包飲品同埋沙律或餐湯呢個牛肉正正常常，口感未去到好淋，但都可以接受👌🏻貝殼粉嘅松露味唔太出，食落只係感覺到好creamy🫢份量方面就啱啱好，唔會太飽同時唔會唔夠👍🏻🥗Crab Roe Salad有兩粒帶子好大粒，菜都新鮮嘅🍹Cold Brew Earl Grey Tea +$10本身冇跟冰嘅，非常好！

🎄🎂Happy birthday to you@TURNING POINT TST已多次黎食，環境真係好舒服，服務又好ART OF BOWL$108: 有多走健康食物，真係又好食又有益，包括有提子乾、雜果仁、三色藜麥、羽衣甘藍、牛油果、脆包粒、雜菜配青檸柚子汁，每款少少，岩晒選擇困難症既我地，可以一次試晒多款食物煙三文魚水波蛋牛油果醬牛角包窩夫$128最鍾意水波蛋既蛋汁，配牛角包窩夫好正，窩夫牛油味濃，酥香鬆脆，極邪惡雞翼配腐乳香草醬$48:雞翼有5隻仲配埋沙律，好豐富。腐乳醬好香濃，咸香惹味同雞翼好夾日本黑芝麻芝士蛋糕$45:店員有按要求畫上聖誕🎄同祝賀，抵讚

喺Openrice見到夜晚9折，於是就book咗呢間Cafe。一去到就知道中伏，menu只有2－3頁係正餐，其中1頁係沙律及all day breakfast，幾條菜加牛油果就差唔多$100，同朋友2個人叫左意大利飯set dinner($188)連一碗湯及飲品一杯及牛肉burger($148)，味道一般，份量略嫌少咗D，牛肉漢堡仲係“鞋“嘅。環境方面，只有外面幾張枱係靚DD，入面其他位置都係好普通，呢個價位絕對有其他更好嘅選擇。但因為正正係美麗華入面，所以好大部分嘅錢係人俾租金嘅。至於員工方面，正當我同朋友討論緊d野食嘅時候，有個店員就不斷徘徊，雖然可能係想及時為我地落單，但令人有少少唔舒服。正因為太少選擇又貴，所以諗咗一段時間都未揀到食咩餐。呢間Cafe長時間有9折，其實都係免加一咁，但係性價比一般，味道不過不失，絕對唔推薦！

呢度嚟過幾次，坐得舒服，唔full都唔會趕人走，真係幾好嘅選擇。有打咭嘅藤椅位，有普通座位，環境ok舒服。我們3個人order三樣都好適合減肥期間食，protein, good fat, carbs, fibers都有，份量適中，好好。除咗紫薯蓉唔甜冇乜味，其他都好不錯👍🏻👍🏻牛油果唔生硬好perfect👍🏻👍🏻吞拿魚好好味👍🏻👍🏻牛柳唔韌又有牛味好不錯👍🏻溫泉蛋紫菜飯賣飛佛正呀！如果加入少少麥米或糙米會更健康有𡁻口。咖啡都好香，over average.甜品嗰種pancake我其實鍾意食再上一次食嘅芝士（鹹）pancake，甜呢個口感有點太實淨煙韌。

同幾個外國朋友在美麗華行街想搵個地方坐一陣，見到呢間就腳去飲咖啡食件cake。一進店，大約三至四個後生侍應生，全部都西口西面好似唔想做生意咁。咖啡不是什麼特別，食cake叫三樣野兩樣都冇。跟住隔一陣，黑口黑面咁樣過嚟話每個人一定要叫一個item 。就算係，態度差好啊。因為有朋友係唔飲咖啡的，之後叫咗杯可樂😂（因為叫咗一件cake, 實在唔好食）呢啲後生仔真係同老闆倒米，下次唔使旨意再去！點解要睇你面色受你氣！？

過時過節食，間餐廳都好少人其實坐得幾舒服，又唔限時，食品同服務質素都唔錯服務員雖然唔算好熟手，但態度係好好環境黎講最大缺點係個位有d 熱卡邦尼扁意粉 $128意粉掛汁又夠煙韌，醬汁好CREAMY不過有點咸。我係覺得好食，但非清淡人士之選肉同樣都係好好好咸，唔係求其用d煙肉，如果再脆身就更好食美國極黑和牛芝士漢堡配薯條 $148burger塊肉同薯條幾好，厚身肉汁多牛味濃郁，薯條香脆軟糯，沙律菜都新鮮不過塊包就乾同硬左D

同朋友行商場也感到有D攰,見到有間cafe,一於飲番杯咖啡,食個tea先！☺️店內環境舒適，裝修別緻，門口有打咭位!加上平日也比較靜，真係充電夠正！之後當然再行過街！美麗華商場1期1樓113A

約咗朋友喺隔離諾士佛台飲嘢，但係未夠鐘，見又未食飯，就同另一位朋友去咗呢度食。因為時間不早的關係，一陣又要飲嘢，就叫咗一個set dinner share，另外再叫飲品同買雞翼。揀咗美國頂級牛側腹配芝士松露忌廉汁貝殼粉，個味道又整得唔錯個貝殼粉索晒忌廉汁，好Creamy，又唔會太漏。另外個牛煎得都好好，5×熟啱啱好。食物嘅味道我會比一百分但係唔知係咪因為我哋太夜入去食阻住佢哋收工，啲店員姐姐黑口黑面咁，明明佢哋應該未收舖😅