味嚐不可

1.味嘗不可既羊肉煲 今次已經係我第三次幫襯羊肉口感豐富 肉質肥瘦適中 唔韌口 連我屋企人食完都讚好 重點係價錢合理 值得推薦 2.味嘗不可招牌 龍吉 呢個真係唔洗多介紹 小弟每次幫襯必點 滿口濃郁既感覺 用既材料十分豐富 比蘿蔔糕更好味既小食 呢個係小睇推薦中既推薦評分95以上 未試過既 一定要試下3.龍眼肉紅棗桃膠糖水 呢個第一次order 比想像中充滿驚喜 以為會好甜 原來入口唔太甜 桃膠份量比想像中多 感覺十分滋潤 值得推薦俾愛食甜品既大家…查看更多

估唔到除咗lunch平靚正之外 老闆娘話仲有自家製麻辣雞煲😳有二，四，六人，或者套餐跟美國自然豬梅肉 安格斯牛 美國肥牛 特性章魚燒丸 特濃香菇燒丸 。趁週末放假即刻訂咗個二人自家製麻辣雞煲，無揀套餐，驚食唔晒 ，老闆娘送咗幾粒丸俾我試吓，又幾特別喎，個香菇丸好香🤤228蚊有半隻雞 配菜有紫洋蔥，雲耳，豆卜，鮮冬菇。不過我唔係好食得辣 仲有得揀辣度 揀咗個少少少少辣😂 最正係個豆卜 吸晒啲汁 送飯一流😍溫馨提示 要訂嘅話最好早兩日同老闆娘訂😏下次多啲人食試吓跟埋個套餐先🤤…查看更多

味嚐不可 麻辣雞煲🐔真材實料 合理價錢今次係我第三次再order❤️因為味道確實唔錯 所以覺得必需俾個讚👍👍同推介俾大家真係值得一試既味嚐不可麻辣雞煲雞件夠彈牙 配料夠豐富 麻而辣度適中豆卜夠入味 總括而言 真心唔錯推薦俾大家值得一試👍👍…查看更多

終於搵到間長期飯堂，平時唔寫乜野食評，但呢間真心好食，好有屋企食飯既味道，唔覺有味精，味道好好，價錢適中（應該用平黎形容），份量適中，老板娘好好人，好值得推薦。琴日食左個牛尾牛腩飯，牛腩同牛尾都好入味同好淋， 之前試過蝦仁炊飯，手撕雞同埋墨魚餅，都係值得推薦，但遺憾地我冇影底相，所以share 唔到。對於我呢D 唔想煩，唔駛再周圍煩惱每日食乜野lunch, 11點落定單，12點就攞得，每日食個靚飯，返工時間都特別容易過。…查看更多

一直很忙，現在才寫幾星期前的食評😅。突然提前食中秋飯，四處張羅哪𥚃可以買到盆菜，問過的都只做節日，因為我們是早了中秋正日個多星期，所以都被婉拒了。幸好找到了味嘗不可，可以過一個有氣氛的節日飯了。盆菜訂的是四人份。到取的時候店舖很整潔，食物都製好放在大雪櫃中。盆菜份量很足，我們一男二女吃到一半已經飽了。必然的冬菇、雞、燒肉、瑤柱、芋頭、蘿蔔都有，驚喜的是居然有傳統的豬皮和炆豬肉。紅蘿蔔還細心的切了花😄。芋頭炆得粉嫩，難得的是沒有散開。西蘭花很新鮮翠綠，沒有一般外賣變黃的問題。鮑魚新鮮且個頭不小。所有食物都很入味。如果有支竹就更好了，因為我很喜歡吃支竹。雖然只是一份小小的四人份盆菜，但沒有欺場，是有手藝的良心小店，推介。…查看更多

今日去朋友公司幫手，以為今晚要食普通飯盒，他提議官塘一間外賣店，除了有住家飯的味道外，老闆超窩心，熱食的飯都放在暖櫃內，每盒飯暖烘烘的。店主每日安排不同口味，每個套餐有主食及飲品，飲品可轉無味精的湯或涼茶，好好味。朋友說如果不在官塘附近，也可用外賣快遞，非常方便。梅菜肉碎飯，梅菜肉碎味道很好，再加入沙葛粒，很爽口，好味。蔥油手撕雞飯，手撕雞是冷盤，雞肉很有口感，洋蔥不辣口，味道很好。金菇牛肉卷飯，牛肉卷用日本牛肉汁，甜甜地，配菜有爽口的蓮藕，冬菇，海茸用昆布豉油汁，少少辣，好味。燜燒胡椒豬肚飯，豬肚很林，胡椒味香，不太辣，剛剛好。土茯苓五指毛桃涼茶，非常清甜，十分足料。另外還有老闆自家制的麻辣xoxo醬，不太辣，很香好味。…查看更多

🎁今日繼續黎觀塘工廈尋寶，呢間「味嚐不可」主打飯餐，亦有提供沙律、炊飯同小食，款式多樣，📄好適合大家外賣返屋企或者返公司慢慢嘆🛋️🍄冬菇臘腸雞炊飯（$48）🍄🐓一開蓋見到冬菇、臘腸同雞肉鋪得滿滿，份量十足！😛炊飯味道調得啱啱好，既入味又香口，🤩令人好想追住食，而且性價比超高👏🐥胡麻辣椒手撕雞（$48）🐥🐤雞肉撕得大細剛好，配上清新既胡麻醬同小小辣椒醬食，感覺非常清新👅🧅蔥油手撕雞（$48）🧅💁‍♀️呢款手撕雞撈有紫洋蔥，表面再撒上芝麻，🤪夠曬惹味，餸飯食一流🍚🌶️自家製麻辣XO醬 25ml（$12）🌶️🤲🏻XO醬由店鋪純手工製作，🦐裏面有蝦米、蝦乾、瑤柱、辣椒等，相當足料！😊食落唔會太辣，配搭各種美食都好夾！🥄🌼涼茶🌼😎涼茶材料有菊花，飲落好舒服，兼清熱解毒👍😋總體 (味道, 性價比, 環境, 服務態度) : 8/10——————————————————————————————🎁Today let’s continue to hunt for good food in Kwun Tong, “Try Try Sinn” are selling rice set, they also offer salad, snacks, etc, 📄which is suitable for take-away and to enjoy at home or office🛋️🍄Mushroom, preserved sausage and chicken with rice ($48)🍄🐓There are mushroom, preserved sausage and chicken all over the rice, and is of great portion😛 The rice is seasoned well and taste delicious, 🤩and it’s of high CP value👏🐥Shredded Chicken with sesame and chilli ($48)🐥🐤The chicken is shredded in good size, together with the sesame and chilli sauce, it’s refreshing👅🧅Shredded Chicken with shallot ($48)🧅💁‍♀️This flavour have red onion inside and topped up with sesame,🤪it’s delectable and goes perfect with the rice🍚🌶️Home-made XO sauce 25ml ($12)🌶️🤲🏻The XO sauce is purely hand-made, 🦐it has dried shrimp, dried scallop, chilli, etc! 😊 It’s of mild spiciness and matches well with lots of food🥄🌼Herbal Tea🌼😎There are Chrysanthemum inside and it’s so comfortable to drink with👍😋Overall (Taste, CP value, Environment, Service): 8/10…查看更多

夜晚收工諗唔到食乜 屋企又無飯食 最後決定買個外賣翻去食今次試下個金菇肥牛卷 一如既往好食 有住家飯嘅味道，配埋個秘製辣椒醬 夠哂惹味 不過最驚喜嘅係個涼菜 聽老闆講話黑色一條條嗰啲叫海茸 對身體有益 試完又幾好食喎 小小辣 夠哂味 送飯一流 下次要睇下有無得單點下先仲有個醃蓮藕，本身我係唔食蓮藕嫁，因為唔鍾意個味道，不過又廢事哂，決定試一舊，點知食完停唔到口，好爽脆，又夠味強烈推薦夜晚唔想煮飯又諗唔到食咩嘅可以去試吓囉，臨收工打電話過去叫定，收工過到去即刻有得攞，時間都慳返…查看更多

味嚐不可 名就聽過下終於都有時間試一試 一試堅有意外驚喜飯餐必食推介豬頸肉飯除左飯餐外其他精美小食一樣無骨雞腳爽口彈牙新鮮即製墨魚餅 完全無味精 濃郁墨魚香黑松露低溫雞柳 好食 讚老闆娘精心製作 對客人態度亦100分價錢夠平 親民價另外重點推介:龍吉龍吉 聽聞係老闆娘既鎮店之寶 今日試完終於明白哂果然材料豐富 斤兩十足 老闆娘親自挑選材料 純人手家庭式製作絕無味精添加 已經贏左煎香後食用完全更加冇得輸所以龍吉真心推介 我會再幫襯老闆娘自家製辣椒油 真係同喺街食既辣椒油係兩回事 值得一試…查看更多

竟然係工廈都比我遇上一間咁有愛既小店🥰食物質素唔Hea, 仲要款款都有份量，雖然每日推出嘅款式有限，但以老闆one man band 黎講都真係已經💯，老闆仲要勁有愛話要再諗多啲新款式，依家連我家既‘揀食怪’都讚，話可以成日食，令我最煩腦既晚餐都有着落👏🏻😂唔使再晚晚諗食乜，Order左拎返公司，夜晚帶返屋企翻熱就搞掂，好過自己又要買又要洗又要煮又再洗😵‍💫價錢仲要超大眾化，平靚正🥹🫶🏼老闆仲會跟飲品，有時仲會跟涼茶/餐湯😍涼茶同餐湯都係超足料💪🏻😠，🙅🏻‍♀️唔係茶記嗰啲洗碗水… 真心推介大家黎試吓呢間有愛🫶🏼又有質素既小店，我真係試過唔同款式，先上黎寫食評😋👍🏻…查看更多

先唔講宜家通漲到食個飯都 60-70 蚊，貴到傻。作為觀塘低人工窮食師，咁岩比我搵到呢間上樓外賣店，一開始抱著一個嘗試既心態，feel feel 佢。到目前為止，試過幾款食物，味道都唔錯，完全係住家味道（高質的），重點係唔貴！另外， 佢仲有個自家製麻辣油，麻而不太辣，好岩我呢啲唔食到辣既人！ 可以話係令我體驗到麻辣， 但又唔會食到成口好不舒服。（鐘意食辣既人應該未必岩😂）食物：五香燒豬頸肉- 豬頸肉入味爽口 ，份量足- 配菜既調味偏向藥味黑松露低溫雞- 雞肉粒保持嫩滑- 黑松露香味好夠，個汁份量都唔少優點：- 食物份量足夠 (料唔會比少）- 價錢公道，性價比高- 老闆娘好好人缺點：- 位置有啲偏僻…查看更多

落雨濕濕，梗係嗌外賣。。。打開open rice 見到呢間就係我棟工廈，就一於試下去買外賣。。佢每日都有幾個唔同菜式可以選擇，我今日就食左呢個燜燒豬軟骨，估唔到好有驚喜🤩，價錢咁平，但係湯同餸都咁足料又幾好食，果豬軟骨燜得夠淋而且好入味🤤，豬軟骨舊骨淋到我可以就咁咬之後吞，唔駛吐出黎,而果湯似屋企媽媽煲啲靚湯🥰，平時唔飲街湯既我都飲晒，仲有菜墊飯底，食得出廚師用心去煮，抵食又好味👍，我會多啲幫襯，支持小店✊…查看更多

家姐介紹我幫襯呢間工廈小店，佢只係做外賣，唔做堂食～叫咗「梅菜肉碎炊飯」($38)，今日老闆娘仲煲咗涼茶，隨餐送✨梅菜肉碎炊飯味道好好，唔會好鹹好油配菜份量好多，唔會食到半路就冇哂肉送飯～✨涼茶（跟餐送）材料有土茯苓、牛蒡、竹蔗等等，好足料！老闆娘好親切友善，雖然得佢一個整午餐，但都食得出好有心機去製作，有住家飯嘅感覺，幾健康！份量我覺得啱啱好夠女仔做lunch，重點係$38包嘢飲真係好抵！…查看更多

今晚屋企唔煮飯，所以買3個外賣飯盒返屋企食，因為之前午餐食過哩間，都幾好食，而且38蚊包埋紙包飲品都幾抵食，知道今日可以早啲收工，所以訂咗三個飯餐放工拎。店員仲話明天會煲湯添，如果聽日午餐，有時間我都想飲個湯囉😅大家都不妨試吓吖！btw. 今日買咗一個金菇牛肉卷飯一個豬頸肉飯同埋一個燜燒燒韓式柚子金沙骨。金菇牛肉好夠味，呀囡都話好食；猪頸肉飯味道好特別，帶甜味既香，唔係一般燒猪頸肉咁簡單；出面食金沙骨通常都係紅卜卜果隻，今次用柚子醬，又另有一番風味！！🤤🤤…查看更多

又到放lunch時間，觀塘區工廠打工仔既我又煩惱緊食乜好。周圍都係等外賣排隊放lunch大軍，今日係open rice發現新驚喜。比我搵到一間新晉樓上叫‘未嘗不可’既外賣，竟然係賣炊飯。睇完個餐牌好有驚喜，主打營養健康，方便快捷，最緊要平得黎送嘢飲。😄😄😄 我抱住1516既心態，order一個$38京蔥煙鴨胸飯。就算唔好食都唔心痛，因為真係平同埋唔使同人迫食飯。上到去攞外賣，老闆娘好有禮貌招呼。見到有人喺度買辣椒醬，聽啲人係社交平台講好似幾好味,原來呢度都仲有老闆娘自家製既辣椒醬賣。老闆娘俾埋辣椒醬我試。試完不得了，啱晒鍾意食辣又食唔到辣嘅我。最終買埋一樽$20辣椒醬45g。 打開個飯盒溫度啱啱好，賣相唔錯，食落去啲飯好乾爽同埋少鹽少糖少油，有咬口有層次感，飯入邊有京蔥，菜脯，煙鴨胸肉粒。我手多多加啲辣椒醬落去撈啲飯，勁惹味下。份量啱啱好，加埋嘢飲已經好飽。建議大家試一試呢間嘢，平民價錢，健康好吃，又有印花儲吓換其他嘢食。…查看更多