Try My Bread (營盤街)

营业中

休息中

呢間野一開就bookmark左🤤因為佢整得真係好似egg drop🙈所以想試試佢🥰-軟殼蟹滑蛋吐司🦀佢係原隻軟殼蟹夾喺中間再配埋炒得好滑溜嘅蛋💓💓成個包啲餡好豐富一啖好難咬得晒🤣軟殼蟹係新鮮即炸所以好脆😚面頭仲淋咗啲沙律醬～不過我個人覺得就算唔落都好好味🙈最底仲有啲生菜 可以減輕油膩感😋-火腿滑蛋吐司配特色芝士醬🍞呢個相對冇上面嗰款咁好味～因為配料比較普通得兩塊火腿🤣但係佢呢個就多咗芝士醬🧀但係我個人覺得唔太好味😟佢係偏甜嘅芝士味 有啲似芝士餅啲餡嘅味🙈-佢用嘅包應該係啲甜包🤤同埋佢烘過 食落又甜又脆💓正！但係覺得有樣嘢唔好就係食到底會得返啲生菜 冇晒啲餡🤣🤣🤣同埋佢啲醬都幾多 食落有啲漏～唔鐘意咁濃味可以叫佢少醬😛-越南滴滴咖啡☕️佢店入面放咗一張好大嘅poster show左呢款咖啡出嚟～我expect係好似啲越南餐廳咁有個壺比你自己滴啲咖啡🤣但係原來佢一早滴好晒🙈所以好普通～好似飲緊齋啡咁😟-青檸梳打🍹呢杯梳打個味都幾清新😋食完兩個包再飲可以解膩🙈不過如果佢可以用隻大啲嘅杯裝就好喇😟因為飲完一杯之後 佢原本比嗰啲青檸汁已經用晒😭再refill就冇晒味 淨係飲緊梳打水～

第一次試，叫左個越式法包同洛神花蜜外賣😋 材料好充足職員亦都好細心，會問客人要唔要走芫茜或者辣椒，即叫即整的， 都係大約等十分鐘左右， 因為佢啲料有酸蘿蔔，又有少少辣椒所以食落去有少少酸酸辣辣， 呢兩種味道配合得非常好， 微酸微辣好開胃👍👍 下次一定要試埋個軟殼蟹蛋包😁

最近，在長沙灣營盤街新開了這門滑蛋吐司專門店，此店早上10點開，吐司是即叫即整，需時我估10分鐘左右。我出門口前打電話去叫外賣，行到去10分鐘左右就到啦，見到店員差唔多整好✌🏻。打卡影相先，之後就放入自備盒，出外行山野餐去～牛油果拼蝦仁滑蛋吐司 (HK$40)🔹烤到外脆內軟的厚吐司(甜甜地很好味)🔹新鮮生菜 (爽脆清甜)🔹香濃滑蛋 (超滑剛熟口感)🔹2大隻蝦仁 (爽脆彈牙)🔹牛油果 (軟腍奶油口感)🔹蛋黃奶油醬 (超多的！) 我覺得這和韓國Isaac Toast的吐司一樣美味，從此我想食就出門前打個電話去就可以啦🤤

話說屋企附近開咗間新鋪之後見到網上介紹食特色多士同法包嘅鋪頭原來就係附近新開嗰間 就去試一試❤️特色法包小妹未去過越南亦都未食過正宗法包不過今次令我一試愛上 法包超級鬆脆入面嘅肝醬亦都非常之香 扎肉辣辣地連埋腌制咗嘅酸蘿蔔超級開胃☺️☺️由於本人唔識芫荽嘅關係所以 走咗.🔥有啲野唔方便系餐廳講 - 系好食既🥳今朝9:00就去到 已經有好多人幫襯鋪面唔大人手亦都唔多 仲有主打嘅軟殼蟹多士未試 下次...一定有下次 因為已經愛上法包了😋😋😋

依間座落係小街上既小店，沒有華麗裝修，卻有充滿心思既吐司。偶爾經過比門前既圖吸引住，第一時間諗起韓國著名既即造吐司。三個員工，共同合作，作為食客在旁睇住厚面包慢慢煎香，再將即炸軟殼蟹放上一點生菜，加上沙拉醬，已經急不及待想放入口裡😋軟殼蟹炒滑蛋吐司 HKD50滑蛋充滿香濃奶味，質感滑嫩。 軟殼蟹份量剛好，不會過多太漏，亦不會太少不夠喉，真的可以說是剛好。不會太油，亦不會太乾。 最重要既面包做到外脆內軟！整體分數頗高，但由於即制，等候需時，加上HKD50 在長沙灣會有點略貴。

軟殼蟹滑蛋吐司原隻軟殼蟹即叫即炸，好脆但唔會淋油唔係誇張，炸緊果陣都聞到係炸緊軟殼蟹嘅氣味，果然係有creamy 蟹膏！雞蛋係好滑，但蛋味唔係好濃果種。面包雖然焊過個仍然軟熟，帶少少甜味，包底夾左啲生菜，係爽脆唔係茶餐廳霉哂果種南瓜濃湯好濃南瓜味，個湯係有啲南瓜蓉帶質感果種，雖然小店但都有放多士粒同番茜响湯面，由於啲餸响面，所以食哂餸之後個包大約會剩5份1，用黎點呢個湯食埋佢就為呢餐劃上完滿嘅句號。呢間小店雖然好細，選擇亦唔係好多，不過好乾淨同食得出真係有用心做好食物，真心好食過韓國啲打卡吐司店好多！下次黎試下小食同湯粉物，用心製作嘅小店值得支持！

同朋友行過附近見到有新野仲要係法包！即刻外賣左正宗越式法包（$42）再加南瓜濃湯（+15）返屋企試法包好抵食，個份量仲要比出邊既大啲，一啖就享受到所有層次，法包嘅脆，肝醬、札肉嘅鹹，肴肉爽嘅口感，芫荽嘅香味，但我最愛係入邊既醃蘿蔔岩岩好唔會過酸🤤，同我係越南食嘅味道一樣，真心正，多多都食得晒👍食完好後悔點解唔買多兩條做宵夜南瓜濃湯非常足料，濃郁到好似食緊南瓜蓉咁下次再去試埋其他吐司同小食❤️❤️❤️

首先真係唔好意思，由於太肚餓，當我諗起要影相個陣，d食物已經落哂肚，一去不返啦⋯⋯今次我買咗以下食物，一陣逐一介紹：正宗越法包軟殼蟹滑蛋吐司南瓜濃湯咸檸梳打個法包好夠脆，新鮮。餡料份量啱啱好，食個陣唔會爆哂出黎，又唔會有汁滴滴下。味道方面，你會食到應有ge酸，而包上面d鴨肝醬ge咸，又令到整件事好夾好平衡，好好食。跟住就講下個吐司，吐司應該係煎出黎ge，好香，有d脆口得黎又好鬆軟，個蛋真係好滑，再夾埋軟殼蟹、生菜同埋少少沙律醬，正呀。個南瓜濃湯真係好濃，質感係好飲直接將南瓜打成蓉咁，好香甜好rich ge 南瓜味，我好鍾意呢個。呢間小店開ge位人流好少，附近客戶多數都光顧茶餐廳，通常特色小店做得好都無人識，加油呀，祝佢生意越做越有，咁我就可以長食長有😆😆😆