Trois Cafe (已結業)

同朋友行街行到攰，想食個下午茶，就見到呢一間門面燈光吸睛嘅餐廳，所以就決定入去試一試😋入到去見到餐廳個配色果然相當特別，咁啱我哋坐嘅位置有一個粉紅色牆同大圓圈嘅燈光，打卡一流😍雖然好肚餓但係都驚食唔晒，所以就叫咗一個輕食，用生菜包住嘅牛肉粒加上青椒，味道清新又惹味，即使普通生菜包牛肉嚟食，都唔會覺得牛肉好油膩，牛肉嘅口感亦都唔嚡，值得一試☺️另外仲有炸薯條，外皮趣卜卜裏面好軟熟，真係食到停唔到口🥰卡邦尼意粉每一條意粉都沾滿卡邦尼醬，醬汁嘅味道好濃郁，食落唔會好乾口，煙肉亦煎得好香口，每食一啖都覺得好滿足，而且飽腹感好強😊

入到去氣氛好好，門面擺咗好多烤好咗嘅曲奇🍪賣相好吸引，下次有機會真係要買來試下😋牛肉莎莎 呢道菜賣相好特別，生菜上面已經放好牛肉粒，仲有兩款口味😋，淨生菜包牛肉及生菜包青椒牛肉，牛肉粒輕輕炒過味道好香，加上山菜一齊食油膩感大大減少，青椒嗰款口感豐富，鍾意食青椒嘅你一定要試👍🏼另外仲配左炸番薯薯條，薯條好香脆，番薯味好出，咩都唔會好甜，配埋番茄醬食真係一流🥰吉列豬扒底部係烤過嘅多士，生菜上面放咗一大塊豬扒加上沙律菜同醬汁，層次好豐富🤩一咬落去香脆嘅多士再加外脆內軟嘅豬扒，沙律同醬汁鹹鹹甜甜，超鍾意呢個配搭🤤必食之選！同樣配搭左炸番薯薯條，份量少少大已經食到好飽👍🏼

今日同屋企人去咗灣仔會展美食節買嘢 臨走嗰陣 屋企人建議喺灣仔食埋野先返🙈 咁難得嚟到灣仔 唔係唔帶佢哋去試吓呢間人氣首選嘅打卡Cafe！等佢哋試吓Cafe都可以食到好味嘅嘢🥰我哋叫咗一個日本吉列豬扒厚多士同墨西哥軟殼蟹牛油果意粉吉列豬扒厚多士 豬扒好厚 有肉汁 咬落去好軟淋 裏面仲配搭埋沙律菜同醬汁 令到個包唔會好乾 一個口都咬唔晒 呢個配搭唔會伏 味道唔錯！墨西哥軟殼蟹意粉呢一個非常之吸引 面層有啲火箭菜 好新鮮 牛油果係原隻切片 份量超級多🤩配搭埋軟殼蟹一齊食 減低左油膩感 軟殼蟹食落啖啖肉 新鮮炸起熱辣辣 佢哋嘅意粉好出色 唔會好乾 好索汁 意粉重會有啲蕃茄仔 食落好入味好飽肚！屋企人話估唔到Cafe都可以咁好食 叫我下次經過灣仔要再帶佢過嚟試吓其他Fusion菜😍

今日放lunch 唔知食咩好 同事話介紹我去一間性價比高嘅打卡Cafe 唔好成日食頹廢午餐😂食下啲高質打卡菜 咁先係生活👍🏻Japanese Tonkatsu Sourdough with fries呢一個係新式fusion菜既吉列豬扒 底部係烤過既厚多士 配搭埋沙律菜同醬汁 上面有一層炸到好香脆嘅豬扒 層次好豐富🤩 輕輕一咬 外脆內軟嘅豬扒 啲肉汁必晒出泥 沙律同醬汁好夾 唔會太膩 超鍾意呢個配搭🤤必食之選！亦都會有配搭埋番薯條 份量多 熱辣辣又香脆 番薯條比較健康 食幾多都唔怕肥啦🙈再叫咗杯提起精神嘅咖啡☕️ 面頭有拉花 呢啲一定係打卡先飲㗎啦😋 啱晒我呢啲返工太大壓力 飲完好精神 可以繼續下午奮鬥😂

今日呢一間要介紹嘅Cafe 我係奔着一度特色嘅意大利fusion菜過嚟嘅🤩 因為上網見到好多人推介呢個特色菜 難得今日經過灣仔 聞名不如見面 一定要試吓佢先！Fushion Italian Sourdough with fries 💰108呢個意大利fushion菜 係由黑松露醬、火箭菜、蕃茄仔、巴馬臣火腿同厚多士組成 味道層次好豐富 火箭菜好新鮮 黑松露醬同蕃茄仔好夾 黑松露嘅香味同蕃茄仔嘅酸味 再加埋巴馬臣火腿嘅鹹香味 薄薄一片 再配埋厚多士同芝士 口感啖啖都食到唔同嘅精華 唔會好乾 食咗半個已經非常飽🤩但係又忍唔住繼續食落去 好開胃！！真係冇介紹錯！呢度嘅番薯條好粗 熱辣辣即叫即炸 比起坊間嘅薯條更健康 再配埋番茄醬 食幾多都唔會膩 好邪惡😍

呢間餐廳係我朋友介紹 佢話呢度嘅食物非常之好食 係創新嘅fusion菜式 叫我一定要去試吓！難得今日放假 就同男朋友一齊過！！呢間餐廳嘅門口有賣各式各樣嘅茶飲、曲奇同鬆餅 一陣間臨走之前買幾個返屋企做下午茶先🙈男朋友叫咗個鰻魚厚多士 望落個樣非常之吸引 我都忍唔住食咗幾啖 上面嗰層係黑松露蛋 之後係牛油果再夾住鰻魚 底層就係厚多士 一啖咬落去 口感非常之豐富 可以食到鰻魚嘅香味 你食到黑松露同牛油果嘅新鮮感 上面仲有啲火箭菜同醬汁 令到個包唔會好乾 呢個真係必叫👍🏻高度推薦！仲有啲熱辣辣即叫即炸嘅番薯條🍟 最令到我驚喜嘅係嗰生煎小籠包 喺呢度特色嘅fusion菜 港式嘅小籠包配上意大利嘅雜菌汁 就好多蘑菇令到個小籠包非常之香 加上醬汁嘅蒸發 小籠包唔會太乾 反而好濕潤 真係好創新前衛 但係味道又非常之夾👍🏻

餐廳裝修設計好獨特 店內用咗粉嫩嘅粉紅色 再配搭埋湖水綠色做對比 望落去格外夾 枱面亦都有時尚感嘅燈 同好似籃球嘅裝飾 令到好似置身喺香港屋村嘅餐廳感覺🙈當然啦 呢個係比屋村餐廳更加乾淨、服務質素更加好嘅Cafe店😂先講吓佢嘅食物先 因為今日唔太肚餓 諗住過嚟影吓相打下卡 所以叫咗我最鍾意嘅白朱古力抹茶鬆餅同抹茶士多啤利拿鐵☕️價錢都唔使過$100😋抹茶鬆餅上邊有一層口口嘅抹茶醬 令到個鬆餅口感唔會太乾 味道非常之濃郁 鍾意食抹茶既一定非常鍾意 連個鬆餅都係抹茶味😍抹茶士多啤梨拿鐵 肉眼望落去已經睇到分咗三層 最底層係士多啤梨醬 然後中間係拿鐵 上層係抹茶 非常之有層次 撈埋一齊飲口感非常之濃郁 三者嘅味道好夾 係一杯高質嘅飲品 非常推薦大家去飲！

呢間Cafe之前經過幾次已經好想試吓！難得今日朋友有時間 就邀請咗佢一齊去 朋友同我一樣好鍾意影相📸️佢哋嘅座位充滿時尚感 顏色同格調都好夾 而且10分乾淨 店員嘅服務態度都好良好 真係值得推薦！叫咗個鰻魚牛油果厚多士同牛肉莎莎先講吓個鰻魚牛油果🥑 佢哋好夾 上面嘅火箭菜幾新鮮好Flash 鰻魚汁好濃郁 鰻魚好厚身 食落口啖啖肉 再配埋厚多士一齊咬 口感非常豐富 有層次感🙈最令我驚喜嘅係 裏面夾咗黑松露蛋沙律 黑松露嘅香味擁晒出嚟 個蛋好軟滑 呢個真係超級啱我食🥰牛肉莎莎 有好香 用生菜包住牛肉粒 識落口唔會好油膩 反而有咬口 可以培養我多啲食菜😂 除此之外 仲配搭埋番薯條🍟 清新中帶一點熱氣 好邪惡😍

今日同男朋友行街 雖然佢唔係好鍾意食啲打卡Cafe 但係佢都會陪我過去影下靚相 之前朋友介紹過呢間《trois cafe》 性價比高 幾舒服 所以就一於去試吓！呢度嘅環境好精緻 有粉紅色嘅外牆！我哋叫咗個鹽酥雞配印度酸辣醬 鹽酥雞同個酸辣醬嘅組合好好 炸到好香口 唔會太油膩 酸酸辣辣嘅感覺好開胃 餐前小食一流！仲叫咗個牛油果軟殼蟹意粉 軟殼蟹啖啖肉 即叫即整 拎出嚟真係香氣撲鼻🙈好鍾意食軟殼蟹 酥脆嘅感覺 再配埋牛油果食 可以減低油膩感 意粉嘅汁好入味 同意粉一齊食 酸酸地好開胃 兩個share啱啱好🙈男朋友都好滿意呢間餐廳 員工嘅服務態度都唔錯 有機會過嚟灣仔會再去！

價日黎預左要派隊。派左40幾分鐘，終於等到。不過係坐大枱，圓窗位應該要到2046。入到去就後scan QR code，體温之類就坐得。因為都食左午餐先黎，所以無叫太多。叫左個爆谷炸雞。培茶卷蛋。朋友剩係飲啡。佢話好好飲。飲完杯ice latte又再叫一杯。咖啡會係配一個合桃，都唔錯。等大概10分鐘，炸雞到。真心無乜期待，因為舖頭太靚。以為啲打卡Cafe唔會好食。點知。。。。個炸雞，一流。佢好多汁，好嫩多汁。佢外面包左隻好惹味嘅醬。唔知係咪醬，好惹味，辣辣地，甜甜地，辣辣地。好正。會再配兩款汁，一款係泡菜沙律，另一款係芒果醬。都幾refreshing。下次會再同朋友黎。不過真心坐位太小。黎要預排隊，如果有得book位好好多囉！

呢一間係一間創新嘅Cafe 不論係食物同裝修風格 都好有特色 設計好獨特 到到都係打卡位 呢度主打fusion菜式 味道質素都好高！非常推薦大家同朋友一齊去！今日叫咗個鰻魚牛油果 呢度菜式好特別 唔係到到都見到有 呢個配搭非常之創新 鰻魚好香 識落口啖啖肉 唔會好乾 冇乜碎骨食落好安心🥰 有牛油果同黑松露沙律一齊食 感覺好健康好Flash 食完都唔會有太大嘅油膩感👍🏻除此之外我哋仲叫咗個卡邦尼意粉 意粉好濕潤 爽口彈牙 再配搭埋卡邦尼汁 食唔停口！煙肉有鹹香 再配搭埋意粉一齊食 好飽肚好滿足 真係Cafe必食嘅食物😋

今日同男朋友嚟咗灣仔嘅trios Cafe 餐廳嘅設計非常之獨特 用咗粉紅色嘅外牆 配搭左圓形嘅大玻璃 真係好靚📸講返啲食物先 佢哋除咗環境靚之外 食物嘅質素都好高 今次試咗一個鰻魚吐司同咖啡佢哋嘅牛奶咖啡有拉花 味道香濃 咖啡味重 質素好高 打卡影相都好靚🥰而個燒鰻魚厚多士 牛油果，黑松露蛋沙律，火箭菜第一次試牛油果同鰻魚嘅配搭 出奇地match 鰻魚好厚 冇乜碎骨 鰻魚唔會好油 煎到有少少焦香味 配上黑松露蛋同牛油果 真係好創新 層次好豐富！呢個真係叫推薦！總括嚟講 呢間Cafe食物質素偏高 環境好靚 真系好推介！

今日終於等到好姊妹一齊放假啦 梗係要去Cafe影靚相 呢度最特別嘅係門口出邊嘅大玻璃係圓形玻璃之外 裏面好多粉紅色外牆可以打卡 加上食物好精緻 啱晒我哋呢啲港女去打卡😋我哋兩個叫咗一個意粉一個牛肉莎莎❤️❤️❤️❤️💕意粉方面我哋叫咗墨西哥軟殼蟹意粉 一上枱驚艷到我 軟殼蟹好大隻 炸到卜卜脆 成隻手掌咁大 咬落去啖啖肉 仲有啲蟹膏添🥰 牛油果俾咗一整隻 一啲都唔吝嗇 同意粉一齊食真係好夾！💕牛肉莎莎 好好食 用生菜包住嘅牛肉粒加上青椒 味道清新又惹味 似泰式嘅生菜包 牛肉唔會油膩 好乾爽粒粒分明 值得一試 另外仲配左番薯條🍟 外皮脆卜卜裏面好軟熟 真係食到停唔到口！

今日同閨蜜去灣仔行街 想食個high tea 見到呢一間有一個圓形落地窗嘅Cafe 就俾佢吸引咗入嚟！成間餐廳呈現粉紅色嘅佈置 座位都好闊落 餐廳環境好舒服 亦都好乾淨 好愉快咁過咗一個午間時間🥰我哋叫咗一杯拉花嘅咖啡 咖啡上面嘅圖案好精緻 然之後隔離有粒合桃 有種甘澀味同咖啡都幾夾！再叫咗個新派意式 Fushion Italian Sourdough with fries 呢個係一個意大利嘅fushion菜 係用咗車厘茄、黑松露醬同芝士 在配搭上風乾火腿 有鹹香 在配搭埋清新酸酸地嘅車厘茄 味道真係好夾！幾特別亦都會有小食番薯條🍟 乾身脆卜卜 再配埋茄汁一齊食 真係好惹味😋

今日介紹呢間餐廳係朋友介紹俾我嘅 佢話食過一次之後成日都心思思想過嚟 所以佢今日帶咗我過嚟試吓係咪真係咁好食😋因為我哋已經食咗lunch嘅關係 所以我哋叫咗兩個小食當下午茶😍水牛城辣雞鎚好惹味 比較辣 一啖一舊好滋味！餐廳已經好貼心咁反轉咗啲骨 就咁食已經好方便 啲雞肉好入味 水牛城汁就比較辣 冬天食返啲辣辣地嘅嘢真係唔錯！另外我哋叫咗鰻魚牛油果 裏面有黑松露蛋沙律，火箭菜 厚多士再配埋鰻魚好夾 鰻魚非常之厚肉 食落去冇乜碎骨 最靈魂係有個黑松露蛋沙律 好特別 坊間好少見會咁樣整🙈 黑松露味非常之香 再配搭埋嫩滑既蛋沙律 仲有好新鮮嘅牛油果！呢一個真係必叫！