Triple O's by White Spot (太古廣場二座)

营业中

休息中

數一數手指，原來都有三四年無食過triple O’s，仲記得想當年仲興團購嘅年代次次都十張十張咁買見佢都屹立不倒左咁多年喺PP，係時候睇吓佢有冇保持水準蘑菇牛肉漢堡$72一路以嚟我最鍾意嘅一款感覺好似乾過以前唔夠juicy件牛份量好夠蘑菇依舊好香好味其實我鍾意食triple O嘅其中一個原因係佢個酸瓜又大件又好食，今次佢仲俾左兩件我，真係超開心另外佢分開放個酸瓜都係一件好貼心嘅行為畢竟唔係個個人都鍾意原味牛肉漢堡$62都係有少少乾嘅問題蕃茄同生菜好fresh，搶左fo 轉套餐$29套餐有粗薯條同汽水粗薯條好好食，外脆內軟又夠熱結論我覺得都OK食得過，絕對好食過PP另外S字頭嗰間burger

聖誕節收工之後同老公拍拖睇燈飾, 由荃灣坐巴士過海~無目的地隨便逛逛拍拖係太古廣場行左一陣街之後, 開始周圍既餐廳都座無虛席之後諗起一直收藏住既TRIPLE O係附近, 所以就黎左啦~店舖位於超級市場內, 可能聖誕節大家都去大餐廳食大餐~所以唔洗等位~1. 煙肉芝士牛肉漢堡$72(和牛漢堡扒、煙肉、芝士、生菜、蕃茄)每次探店都總會叫經典款式, 所以叫左無得輸既煙肉+芝士好大個, 一手掌握唔住 非常juicy, 秘制醬汁亦好惹味最畫龍點睛既係上面個塊青瓜(雖然好多人都唔鐘意)但配上上面塊酸青瓜真係令到成件事好爽~ 2. TWO x TWO Burger Combo $153呢個跟左餐 加左個薯條同oreo cookie milkshake個奶昔好味唔會太甜 比起SS黎講都唔會太「杰」整體都好滿足 但分店得番好少唔會專登再黎了....

原來已經得返Pacific Place同另一間分店😮‍💨佢哋嘅Burger係超好食～ Mushroom Burger $72最鍾意係呢款雖然會食得有少少論盡，但佢係我最愛嘅一款，漢堡扒Juicy，夾埋菇同醬我會比99分Chicken Tender $42/3 piece炸雞塊都唔會乾爭爭少少咬口脆脆地Combo Set +$29大家知唔知薯條唔係點茄汁最好食，係加錢叫個牛肉汁呀！不過呢個位置堂食唔係咁好坐，如果外賣唔遠就ok

依家餐廳真係難做，疫情影響大家都少左出街食飯，加上停最賺錢嘅晚市真係好多餐廳都頂唔順，TripleO呢幾年都有好多分店結業，我食得最多嘅荃灣分店都執埋呢日專程黎食TripleO懷緬下，好怕遲啲想食都無得再食不可能漢堡係我最愛，不過金鐘分店不及荃灣分店好味，包唔夠熱，食落感覺有啲唔同，可惜嘅係而家已經無得再品嘗荃灣分店嘅TripleO煙肉芝士堡肉質ok,但都係差咁啲，雖然係快餐，但出自唔同分店都有唔同味道另外薯條都唔夠熱唔夠脆，有少少失望但都希望tripleO可以頂住

終於有機會試到呢度嘅漢堡包, 叫了一個煙肉芝士牛肉漢堡，加29元配細凱撒沙律跟汽水。個漢堡包一拎出嚟係完全凍嘅，小小暖都冇， 而麵包我期望應該係硬身有少少脆，但係個麵包係完全軟軟的。 而塊牛肉食落有啲乾同埋完全冇肉味，亦都唔覺得有調味。 煙肉味道正常但肉質比較硬。至於個細凱撒沙律，我就反而覺得好食過個煙肉芝士漢堡包，凱撒沙律啲菜好新鮮好爽脆配埋沙律醬及芝士粒會令人想不停食落去。 如果要用咁嘅價錢食呢啲質素，我寧願去麥記食個漢堡包好過……

好多年前係CWB Times食過後就無再食過啦叫左Mushroom Burger 牛肉好香菇菇好juicy麵包都是有心的香香熱辣辣外香內軟林林的重有一大塊酸瓜酸瓜 比想像中甜 好好食喎因我地第一餐 所以 叫左佢cut in half 上 咁我地就當到早餐啦！去到食得🍔 又點會唔叫埋個薯條呢佢係 薯仔切條 再炸 好難唔好食重可以食多少少添呀有圖有真相 真心 勁好食見到有杯似OREO既飲品但因太飽未有試過下次試下先整體 依個mushroom burger 無Shake shack咁熱氣薯條 🍟依到最好食 😋第2shake shack 第3FIVE GUY 我會再去食下邊到好食再話俾大家知😉

來自加拿大嘅快餐連鎖店，但喺香港得返好少分店🙁🙁Cheese bacon burger有塊醃青瓜黎解下膩，個唔知點解係擺喺包裝紙上面😂但bun 唔算最鬆軟，但起碼唔係空氣包一㩒就扁，牛肉扒有牛味唔乾，成個包好balanced 好味Poutine芝士無乜存在感，Gravy好咸😨😨😨但個調味其實暫時係我試過最滿意嘅，薯條太太太淋好似無翻炸過嘅咁😭😭😭😭可以skipOreo milkshake好飲😋😋😋唔會太甜，好順好厚，仲有好多oreo 碎碎😋

今日同朋友去太古, 行經Triple O, 突然口痕, 買咗外賣返去食大食妹近排食牛肉食得太多, 所以冇嗌牛肉漢堡, 反而嗌咗份fish burger<Fish Burger>Fish Burger嘅魚超脆, 外皮嘅炸粉厚度好perfect, 食到脆脆嘅口感外, 又唔會太厚炸魚食落啖啖魚肉好實在, 配搭生菜同軟軟嘅麵包, 好好食<Cookies and Cream Milkshake>難得食一次, 今次大食妹再嗌埋Cookies and Cream Milkshake呢個Milkshake雖然好貴, 但認真濃郁順滑完美, 雲呢拿味道突出, 上高仲有球雪糕, 幸福感好高

今日食評有✍🏻 Triple o@pp試食指數⭐️⭐店舖衛生⭐⭐侍應態度⭐️⭐⭐((每項5⭐️為滿分)) ·在香港吃漢堡包🍔薯條🍟我比較喜歡Mo記(自己估)同Tri記Combo 粗薯條係我嘅至愛今晚做到8:30pm😵‍💫飛的去pp吃個邪惡嘅漢堡餐平衡下😈1️⃣veggie burger 🍔combo 🍟Sprite 🥤🍔⭐️⭐⭐/5個包包得實方便吃Veggie漢堡都整得幾好味算比較有質素的素包🍟⭐️⭐/5今晚炸得腍啱我口味但未必啱大眾可改善下2️⃣fish burger 🍔combo 🍟Coke Zero 🥤🍔⭐️⭐/5一向冇失手的fish burger今晚炸得有啲燶又咸個包鬆軟但唔新鮮似係雪櫃攞出嚟解凍未透就焗🍟⭐️⭐/5·二人197對於此店的晚市出品有啲失望·599Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

個人對漢堡包都相當有要求首先個包體要好食入面嘅餡要有誠意醬料要夠多同埋夾個餡在要睇埋啲配料通常都係蔬菜部份好容易俾人忽略一定要夠新鮮先可以balance到成個漢堡包嘅感覺所以我都成日周圍去食唔同嘅漢堡包唔同嘅餡料.今次就去咗triple o佢係喺太古城great 既入面但眼見都成日有人排隊今次就take away 時間因為都拿捏得好好所以唔會俾個漢堡包等我太耐😹.我就嗌咗魚柳包加咗個Cambo要個炸魷魚圈同埋轉左嘢飲做oreo奶昔.佢個魚柳包覺得好體貼上面會有舊檸檬俾你而入邊嘅魚柳炸過之後皮薄餡靚有埋山菜喺入邊咬落去非常之有層次感夠爽又有魚柳味very good包體唔會話太厚或者太薄係恰到好處.佢個炸魷魚圈分量都OK嘅如果係女仔食嘅話絕對夠飽同埋佢都係皮薄餡靚雖然厚嘅炸粉有唔同嘅風味但係薄嘅就可以完全食到佢原先嘅質地.oreo 奶昔方面絕對係用足料嘅加上佢面頭仲有個小小嘅雪糕球如果你飲晒成杯嗰晚真係唔使食飯.so far所有嘢都OK可以再返黎吃

Triple O能照顧到素食的朋友，有veggie burger 提供。今天點了個Veggie Combo, 有素漢堡包、薯條和餐飲。事實上，吃完一個包都覺飽，加上吃完薯條就更full.

lunchtime趕時間就會過嚟依到食burger味道有保證得嚟，價錢又唔太貴無得食shakeshack嘛好彩中西仲有好多burger選擇連鎖定小店，一應俱全嗌咗兩個餐同同事shareBacon Cheese Burger $69🍔通常嚟親都係食依個塊肉肉夠晒厚，再加埋煙肉咪即係簡單又好味囉+combo $29 轉魷魚圈 +$15份量比我想像中大份又香又脆嗌兩個餐，一個薯條一個魷魚圈，真係perfect池🥳

連鎖🏘Burger 🍔店 煙肉🥓芝士🧀牛肉🐂漢堡 Bacon Cheese Burger $69啲配料🥬🍅🥩🥓好平均 個醬汁🍴係酸酸地甜甜地🤪塊牛🐂唔算好厚 不過咬👄落去唔會話散晒👍🏼有啲咬口👅 雖然醬汁多 又濃味 但都可以食得出牛肉🐂味 整體來講我覺得幾唔錯 🤤👍🏼👍🏼值得再試 意大利🇮🇹芝士🧀蒜蓉🧄薯條🍟 Garlic Parmesan Fries加左Combo $29 但呢款薯條🍟要加多$13先轉到我個人認為呢個唔好食 😢好失望😞首先佢芝士味🧀幾乎係食唔出 🌚個蒜蓉🧄太酸 🥴蓋晒所有味嗰種酸度直情變咗苦😕建議唔使加錢💸嗌呢個薯條🍟Oreo cookies 🍪Milkshake 🍼combo 另加$22呢個值得嗌 好重 奶味🥛同Oreo味🍶好多oreo 係入面 好正🥤🤤👍🏼👍🏼回頭度：🌟🌟🌟

👍🏻 職員友善殷勤，耐心解釋同提議小食同飲品點upgrade，仲提我地可以轉埋期間限定。職員follow up應記一功🍔 期間限定雙重芝士牛堡食唔到雙重芝士感，正常牛堡感。反而魚堡塊炸魚有驚喜，擺左一排依舊脆身juicy，魚肉仲好嫩同咬落有汁，配埋tartar sauce好正 🥛 milkshake保持一貫質素

平時食lunch同dinner就食得多，triple o 原來有早餐。今朝特登早啲起身返工前去試下。餐廳無咩人堂食，可能太早。我叫咗個魚柳包餐，配可樂同薯餅，都唔使50蚊魚柳唔係好脆，但係都係熱辣辣的薯餅就好脆，應該係即炸，我最鍾意