Top Blade Steak Lab (希慎道)

营业中

休息中

晚飯時段，想casual食扒又想任食薯條，呢間位於銅鑼灣嘅 Top Blade Steal Lab 真係唔錯嘅選擇，黑松薯條更係賣點之一。即使係平日，人流亦唔少，唔想等太耐就要早少少先係門口取飛，行下街再等左15分鐘就有位，繁忙時段差唔多等左1小時，始終都位於繁忙區。問店員Guest Chef Flat Iron同Flat Iron有咩分別? 店員話Guest Chef嘅牛扒係用左3小時慢煮，口感會腍啲，而Flat Iron就係咁煎嘅。最後選擇 Guest Chef Flat Iron （下面） 同埋 Flat Iron （上面）各5成熟。 蒜頭都唔錯噢～至於Guest Chef Flat Iron係咪腍過Flat Iron呢，我就覺得相反喇。反而覺得Flat Iron更易入口，性價比更好。至於黑松露薯條都係好好食，好有黑松露味，而且店員見你食完薯條亦會主動拎新鮮整出嚟薯條問你要唔要加薯條，當然除左茄汁，如果有黑松露汁更好。

其實佢好多地區都有分店，銅鑼灣店唔知點解係平過中環店😂所以我地就去左銅鑼灣店食🤪 Guest Chef Flat Iron Steak 客席主廚限定平鐵牛扒 $248佢既牛肉係經過左三小時慢煮既，所以食落好嫩好腍，一啲都唔韌，個烤粟米切成易入口既大細，配埋佢特製既烤粟米汁，真係好好味😋 佢會跟個黑松露薯條，薯條係任食既，每人一兜，店員見到你個兜啲薯條就食晒會即刻問你洗唔洗refill😂好似驚你食唔飽咁啲薯條上枱仲熱架，黑松露味幾重，又夠香脆，食完忍唔住refill左一次，食到勁飽😂😂

Top Blade Steak Lab 是一間平鐵牛扒專門店，店子面積不大，walk-in 造訪在門外取票輪候一陣子也在所難免。平鐵牛扒在牛隻三角肩位置，筋腱部份相對多，需花額人手及時間去筋處理，過程中亦難免有較大的損耗。儘管如此，平鐵牛扒的平均單價仍比牛柳相宜。在肉質不比牛柳差太多的前設下，平鐵牛扒的性價比自然提升了不少。首次造訪，前後點了四款牛扒及一款豬扒菜式。香草平鐵牛扒是最基本的牛扒菜款，簡單以迷迭香草及海鹽調味，另配上一顆小編喜愛的全蒜。五成熟度的牛扒，表面烘烤至微焦，中心呈酒紅色，肉汁豐富。送口品評，牛扒肉質確實鬆軟稚嫩，牛味濃香，並泛著一般輕輕的炭燒風味。此菜式有外加 $70 增量 50% 的選項，適合大胃王或與友共享。是日特別版招牌平鐵牛扒屬每日限定菜式，與前者比較主要分別在於烹煮方法。牛扒以慢煮形式炮製，更能確保食材原汁原味，口感更軟更佳。相比剛剛的基本版，牛扒雖然切得更厚，但肉質仍然更鬆軟。除了歸功於慢煮手法外，亦不要忽略此件牛扒相對豐盛的脂質含量。第三道牛扒菜式美國 390 日榖飼 Prime 級平鐵牛扒，用上較高級的牛扒，肉味更上一層樓。同樣是厚切製作，口感上與

記得之前食過已經覺得好好食但味道係好難忘今次再去食一樣冇失望👍🏻平日時間5:30pm去到好驚要排隊所以早咗到/(如果第一次來嘅朋友唔使驚唔識叫野食因為店員會好細心咁問你之前有冇食過如果冇嘅話佢會詳細介紹餐單俾你知)/—香草平鐵牛扒+50%—同上次一樣好重牛味真係唔係講笑，重要熟度啱啱好唔會太熟👍🏻/—Dirty Lemon Tea—（冇氣）—Dirty Lemonade—（有氣）味道係幾特別，似柑橘檸檬茶/然後重頭戲來啦任食黑松露薯條係即叫即炸所以等嘅時間會耐少少🤏🏻一上到枱係超級新鮮，好香黑松露味佢唔係出邊點醬，係由黑松露油炸嘅真係好好食！兩個人食咗四碟下次再挑戰多啲🤣🤣枱面有茄汁同埋黑椒可以任加一定會再來食!!!!👍🏻/溫馨提示：好多時都要等位大家可能要預多少少時間啦💕

Home Kong 香港 🇭🇰.<😈拍下過的銅鑼灣🎗西餐廳 @topbladesteaklab >​📍 銅鑼灣希慎道2-4號地下（利園二期，LV對面)📍💬特點 : CP值高，黃店，薯條任食，多靚牛 💬▫️成日排隊排到癲的黃店，今日終於可以一試，由於第一次嚟，在門口攞飛等了大半小時，其實可以download “Eat 365” app, 去用手機攞籌，或者上 “Steak With You”網站訂位。餐廳在晚市會開一半座位給Walk in, 一半俾訂枱。不過餐廳員工會間中走出來，有禮貌地 詳細地和客人解釋枱號的運作 這方面幾值得稱讚 ，因為不是每間餐廳都會做得到 ，即使是酒店也未必做到。▫️今日點了以下食物 : 🔸Herbly Flat Iron Steak 🔸(HKD $160)Flat Iron 平貼牛扒都是一項比較特別嘅選擇，根據餐廳資料，係被譽為牛肉第二嫩滑部位，僅次於牛柳 Tenderloin 。上碟已經切好一片片比客人食牛味十足，肉質軟嫩，沒有筋部，也沒有肥膏，黑椒同埋鹽的調味非常出色，配上香草同香蒜。不用芥辣已可以。個人滿意。餐廳推薦5成熟，這也是我吃牛最多點

🥩英國有間專食平鐵牛扒既餐廳相當出名，往往吸引唔少遊客光顧。🍟依家香港都有四間Top Blade Steak Lab分店供應平鐵牛扒同任食薯條，💰今次就黎試試呢塊扒性價比高唔高先！😛🔪香草平鐵牛扒（$160）🔪🧐雖然佢無肉眼、西冷咁受歡迎，呢個平鐵牛扒，即牛肩膀部位食落其實非常軟腍，🧂肉味濃郁，點少少鹽已經好夠味。🍄可以任添既薯條亦炸得香脆，更有淡淡既黑松露香，正！🧄而佢地既烤蒜頭同樣做得出色，又淋又香，令人食唔停口🤭🍋Dirty 檸檬特飲（$45）🍋😮佢有陣獨特既酸味，比平時飲開既檸檬果汁重口味，🥤啱唔啱大家口味就見人見智😉😋總體 (味道, 性價比, 環境, 服務態度) : 8/10——————————————————————————————🥩The Flat Iron restaurant in UK is famous and it attracted lots of tourists. 🍟HK also have four branches of Top Blade Steak Lab serving Flat Iron and free flow of chips, 💰so

之前咁岩銅鑼灣做野做完野上搵餐廳食嘢而咁岩約到好難得約到嘅朋友所以都不能待薄朋友所以就上網搵好適合兩個人去食嘅餐廳搵到呢間好適合兩個人去食嘅西餐首先一入到去地方好闊落坐得都算舒服而且問餐廳職員都好有禮貌介紹菜單上面嘅食物我今次係我第一次食三成熟牛扒塊牛扒肉汁鮮嫩可口配搭隔離嘅薯蓉10分幼滑另外食個蟹肉沙律佢都有唔少嘅蟹肉係裡邊依到最後佢招牌薯條帶有好香黑松露香氣如果可以的話我會想再去多次總而言之一定有回頭等候入座時間: 即時入座環境: 8/10衛生 8/10抵食(cp值) 7/10食物質素 8/10服務 5/10上餐/等候時間 9/10總分 45/60地址：銅鑼灣希慎道2-4號地舖

呢一晚想食豬扒搵到銅鑼灣呢間叫Top Blade Steak House見呢度大部分人都會叫牛扒食而我因為食咗好多日牛肉呢晚好想食豬扒叫咗西班牙粟飼豬扒厚切豬扒肉質鮮嫩香草味濃 一啖蒜頭一啖豬扒 非常滿足而另外薯條係可以任叫唔嬲自己都食咗一碟半雖然我食豬扒 但我推介呢度嘅殼飼牛扒 同平鐵牛扒

呢間鐵平牛扒都食過好幾次🤤每次都覺得水準好平均，牛扒肉汁豐富、調味簡單但出眾、牛味一流！呢個牛扒肉汁juicy, 叫5成就真係煮到剛好5成！🫡 靚嘅牛扒唔需要多調味，呢個只係用左鹽同香草，更加突出到炭烤味同牛味！一流～～～～～除咗牛扒好食，薯條更加係用心又話質！免費全添之外， 仲要係用松露油去炸⋯一上到枱已經聞到香味，忍唔住食完一條又一條🫠🧚🏻‍♀️個人覺得兩個女仔可以一個加大一個正常～咁樣就剛剛好🤤

週末嘅Lunch 時段去人比較多，等位等左大約20分鐘。襯住有時間影下個店面，前面有位置做等待區，可以坐係度等，亦提供了酒精消毒。店員周不時都會行出黎同我地講返個等待情況，例如：有一枱就黎食完，請等多一陣。比人嘅感覺係客人無被忽略，反而係被重視，感覺即使要花時間等候，都比較無咁焦慮。門口已經有簡單嘅menu :未入去可以諗下想食咩🥹 我們一早諗好了！因為第一次食，有店員主動介紹menu 上嘅菜式有咩唔同。我地就叫左一個Flat iron 同guest chef flat iron ，店員指後者係經過慢煮，所以有少少分別。此外，再叫左兩支野飲，一杯檸茶，一支石榴汁。呢份就係guest chef 嘅…份量而言、兩份大小相若，味道上則guest chef 果份就多左少少濃味，但都唔係太濃，兩者分別唔算太大，兩份都叫左五成熟，肉汁豐富鮮嫩👍🥹但同樣都好好食，相比之下，我會覺得普通嘅flat iron 性價比較高。最愛都係黑松露嘅任食薯條，真係大愛，條條都好脆好香黑松露味🍟🍟🍟🍟推薦⭐️⭐️⭐️⭐️⭐️好中意呢種美式漫畫嘅裝飾，可以打卡！💕

十二月尾適逢考完最後一科final，於是就約咗朋友一同聚餐，大家都話想食牛扒，於是就上網揾咗有咩牛扒餐廳係好食嘅，咁啱見到呢間榜上有名，於是就膽粗粗帶住朋友入嚟試吓呢間餐廳((ps 大家都係學生🥲食唔起啲好貴嘅扒房同朋友大約六點左右到埗，餐廳當時冇乜人，我哋冇book位都即時有位坐，呢樣嘢係幾抵讚嘅，冇話為咗造勢而唔俾人入座😂😂😂。一入到去店員就好熱情咁同我哋簡介返個menu有咩扒，主打都係牛扒，一人一份咁，包任食薯條，限時個半鐘🥹。而我同友人三個人都係叫咗一模一樣嘅扒，所以試唔到唔同價錢級數之間嘅分別係點🥹🥹🥹🥹不過我哋一個叫咗medium rare(我)；一個叫咗medium；另一個叫咗medium done，但係我哋一致都認同呢間牛扒嘅質素唔錯，牛扒嘅牛味好濃，而且佢唔會切筋位俾你，唔會有牛扒咬落硬過自己條命嘅事情發生😅講返自己舊medium rare 牛，我覺得佢嘅牛味好突出，而且佢嘅口感好軟糯，真係做到medium rare 嘅口感，而且佢嘅牛扒面面都煎到好香。不過佢有樣嘢唔好嘅就係佢上菜之前已經幫你切好哂一細舊一細舊😂唔知佢係唔係餸頭餸尾用嚟煎牛扒😂😂😂errrr同埋我稍嫌

去開銅鑼灣買野，晚餐想食牛就去左利園後面既希慎道Too Blade Steak House，黃白色既正門好易揾。之前經過都見有人等，今次可能因為時間尚早，唔洗等可以直入坐低。落完order好快就有飲品同兩盤聞名既邪惡松露薯條比你食啦，條條薯條都炸到金黃香脆，入口係好香濃既松露油味，真係食到停唔到口。飲品方面，無飲house wine，叫左一杯dirty lemonade同一杯Suntory生啤，聽左靚仔哥哥介紹mix malt and black，飲落順口啲同層次豐富啲。主菜叫左flat iron steak香草平鐵牛扒同ultimate burger 終極漢堡。flat iron 其實係僅次於tenderloin 既嫩牛，今次既兩大塊牛扒，已切好一片片方便客人食，食落牛味夠，外面焦香，牛扒肉質好嫩好軟，配料有香草同軟糯又甜甜地既烤蒜，碟邊仲有黑椒同鹽自己調味。終極漢堡一出枱高比佢個size嚇親，漢堡扒好厚身同半融既芝士，仲有蕃茄、生菜、煎蛋、酸瓜加沙律醬，加埋牛油味好香烤到好脆既包，大滿足！支持Top Blade！好想快啲再去食！

~ hkd $300 per person to have a nice steak 🥩 Very impressive 👍🏻medium rare: soft and strong taste 👅 staff introducing the best option ard $300come with fries 🍟 and it is free flow 🍟: taste very good too Also have a few beers options 👍🏻👍🏻👍🏻

今日假期， 落利園行街嘅時候，嚟咗附近呢間食牛扒，啱啱好入到去有個沙發位， 職員好熱情咁介紹俾我哋聽有咩最受歡迎，Prime 級平鐵牛扒sold out， 所以叫左另外最受歡迎嗰幾樣😋最吸引係可以任食黑松露薯條（凡叫了Main course 就可以配給😋）免浪費，所以都係逐份逐份加上🍟🥣House Soup (南瓜湯）酸尾尾，幾好飲😋😋😋🥗Super Food Salad 蔬菜好新鮮，不嬲鍾意食藜麥，啱哂 同埋汁好味😋😋😋😛主角黎啦😃🥩Herbly Flat Iron Steak(每日限定）肉質鮮嫩，好味😋😋😋😋😋🍔Ultimate Burger一個足料嘅牛肉burger，配上新鮮嘅蔬菜，完全唔覺得流，好味😋😋😋😋🍹Dirty Lemon🍋自己溝嘅Drink, 好Fresh 🍋

以前去英國一定會去食Flat iron😍喺銅鑼灣見到呢間主打Flat iron嘅餐廳就想試吓有冇英國嘅感覺其實係兩間完全唔同嘅餐廳😂呢間都好食😋不過枱與枱之間好貼，好似搭枱咁😔😔Staff態度都唔錯，好細心介紹餐牌👍🏻🍴香草平鐵牛扒 Herbly flat iron steak🥩牛扒味道唔錯，配菜烤蒜頭好香👍🏻🍴是日精選招牌平鐵牛扒 Today’s guest chef flat iron🥩冇記錯係慢煮牛🤔都好食👍🏻👍🏻相比之下肉質係嫩滑同淋身啲任食薯條熱辣辣🍟有好香黑松露味👍🏻👍🏻🍹Dirty lemonade幾特別味道有啲似超酸糖😜幾好飲性價比頗高嘅一間餐廳，都會再去食☺️