Tom 中西泰料理 (已結業)

Standard lunch with familyWe are having lunch in Ma on Shan after we finished check body in hospital. I still remember what I had ordered last time.This time we had order chicken rice with salt and wonton noodles. I think it's better than last time. Wonton is fresh and taste good .

今晚一人見到有泰餐，就試下， 好後悔冇睇open rice 先， 好難食。 我叫左個綠curry 雞翼反， 等左10分鐘左右等既期間， 我叫到有小強在我位附近行來行去， 好噁心。之後就想快d食完就走。綠咖哩樣子好像不差， 都大份試左個咖哩汁，正路但到我食果雞翼就想死咸到一個極點。 飲左杯水都唔得個雞翼應該係用香芧雞翼去放係綠咖哩度。炸粉超厚， 諗住算呀， 唔食個皮會好點點知，個肉都係好超級咸。一間泰國餐都整到個綠咖哩甘， 我真係無言以對。 我只係食左幾口飯， 之後就放底走人。 真係冇下次

一行4人，點了4款食品，質素一般，衞生一般偏差。服務很好，侍應都快手，亦坐得舒服。牛腩河配凍鴛鴦，牛腩唔肥，唔"林"身，一河粉底算多，湯底一般，無特別。例湯，味精湯一碗前所未有咁半呢紅豆冰，紅豆唔起沙，又無落糖煮，花奶勁多，基本上似係飲花奶冰。芙蓉蛋飯，差，得5粒蝦，幾條芽菜，一條葱，咁精髓叫甜豉油都係無咩嘅，可能百物飛騰貴吧。。。青咖喱牛腩，個青咖喱汁，應該係買現成嗰日~，坐熱，倒出，完成。什燴炒麵，份量偏細，麵底都ok係脆嘅，個配搭就好似怪怪地

星期六下午到馬鞍山新港城午餐，見到呢間價錢合理，不會像大商場中的餐廳，收到貴一貴。下午茶三十幾至五十不等，但價錢有好大出入，一個雞飯38蚊，一要佢廚房炒野就最炒放低50蚊以上。所以無得選擇下，選擇左雞飯配凍奶茶。size都唔細，味道一般，不過不失。以38蚊黎講算是合格，可惜選擇比較單一。希望佢地改善到就會比較好，始終做餐廳選擇同食物質素都好重要。再上OpenRice 睇返留言，原來呢間餐廳的評語都好一般。

因為嗰日去完馬鞍山踩完單車，所以來新港城睇吓有咩食，咁啱見到呢度又有中、西、泰，唔同種類嘅嘢食，見幾吸引就入嚟試吓，點知原來係大伏先講友人嘅星洲炒米，勁細碟，有冇乜料，啲米粉又冇乜味至於我呢個陳皮鴨髀湯飯真係經典，以為湯飯一定係湯入邊有啲飯咁樣，點知落咗order唔使2分鐘就上到，心感不妙，食落更加係大伏，個湯冇乜味，又勁多油，好彩啲飯都算多，至於隻鴨比啲肉完全爛晒，又勁"鞋"食完仲有隻烏蠅飛左落隻碗到，好彩我哋食完姐，如果唔係都唔知點算不過值得一讚嘅係服務態度好好

有朋友推介呢間中西泰料理Tom的鴨比湯飯好好味，咁我就同細妹兩個去試下啦，佢叫鴨比，我就叫返傳統魚蛋粉同皮蛋粥，我覺得一間餐廳的基本食物都唔好食，其他野好食極都有限。先講鴨比湯飯，據我妹描述，D皮係浸到皺哂，肉又孩，湯亦都唔係幾好像，結果佢成舊都冇食哂，一面不悅的樣子，心痛!我碗河粉都係麻麻，魚蛋好圓，冇咩味，河粉好幼身，亦都唔滑，不過重點係冇咩味，要加辣椒油先多番少少味，唔算真係好好食，德興好味好多，但呢間價錢就賣$42，我就覺得唔多值得。至於皮蛋瘦肉粥又係冇咩味，如果冇落味精都仲講得通，但係碗粥太稀，皮蛋冇咩味，最慘係瘦肉極少，明顯係偷工減料，唔抵亦都唔好食。侍應上菜幾快，態度都唔錯，餐廳裝修都還可以，我覺得最大優勢係響商場唔洗行太遠，不過我諗應該唔會再試，有時候試新野就係要冒少少險，呢間都可以列入馬鞍山其中一間中伏餐廲。

人生從未食過，最難食既椒鹽豬扒飯。椒鹽，邊鬼到係椒鹽 ？塊肉煎兩煎，加幾粒蔥花紅椒就算Q數。塊肉又硬又乾，難食過豬肉乾。連白飯都衰格過人，冷飯硬米，硬係會食到煲邊既硬米。食物質素如此，味道一樣有咁上下。唔識調味就亂咁黎，奇奇怪怪，唔咸又唔辣。最離譜既係，間野真係連最基本既食物要求都冇。凍冰冰都可以俾客食 !就算係一早整好晒都扮下野，整返熱先好上盤啦。連扮野都唔做，誠意都冇，真係...其實佢自己知衰難食又冇料，唔切到塊豬扒幾件堆埋一齊搞外表，都上唔到碟。人生的一個美好午餐又浪費了。良心何在? 老闆何在?絕不建議!