Todai (已結業)

平日中午自助餐都咁爆... 唔駛做?! 款式算多, 味道可以。壽司都算新鮮, 熱盤比冷盤佳。而冷盤又比甜品佳, 未食過buffet d cake 款款一樣味道。麵豉湯好ok, 足料好味!即制pancake呢, 條友好求其, 但即整仲自己搭, 一定對胃口。120蚊食個叫做過下buffet癮的話, 食得過!

我一心去TODAI食蟹腳同壽司, 結果無令我失望..蟹腳好甜, 壽司多款式, 好味又抵食! 不過D熟食同甜品就麻麻.. 龍蝦, 蛋黃醬蝦, 帶子等等, 試過一件就唔會再去攞..我最鍾意食嘅Tiramisu, 梳乎梨同pancake...整得幾差下=.='

係美國加洲Todai食過，印象幾好，上次同老婆六點幾行街，見到香港都有，於是o稔住試試，點知個女仔話要我地排隊等，唔係等開門，而係等後補！有無咁誇！？不過要我等半粒鐘等後補，重分分鐘無得食，正一睬你都生積！就去左第二處食。今次有個老友話想去食，於是一早訂好位，入到去行個圈，地方好大，有壽司，魚生，生蠔，長腳蟹，有熱盤，有甜品，基本上選擇好多。好，開波，先要生蠔，長腳蟹、青口同蝦，生蠔ok la，但又無特別好味，蠔味淡，無乜鮮味，又未至難食，長腳蟹，好食過以前萬福個d，但又唔係好好食，青口，作進口黑色的，但無味之餘，texture好差，食左一隻就無食，蝦亦一樣無乜驚喜。魚生有三文、Toro、立魚等，三文同toro都好好，好新鮮，有鮮甜味，立魚就無味，兼有筋，如果鐘意食Toro 同三文就開心。之後就要燒牛肉同扇貝，扇貝細細隻，又只準每次挪一隻，唔好食，牛肉都幾好味，同其他酒店自助餐食的差不多，但發現佢有個法國辣根醬好特別，配牛肉好正。排隊要個開邊龍蝦，有d 乞食感覺，龍蝦都叫ok ，唔會令人討厭，但上面個芝士醬就無好過有。之後都唔記得食過d 乜，只記得老婆俾過d 同百x 超市差唔多的壽司我

我尋晚食o左啦, @$258未加一, 壽司有成廿款, 弊在壽司飯唔得, 硬, 壽司唔正宗, 全部冇芥末搽中間。長腳蟹剩得蟹鉗有甜味, 其他部位冇味。芝士開邊龍蝦排o左10min至攞到, 蝦身原來得好少兼且咸。梳呼里幾好, 法式蘋果批個千層好味但蘋果太甜。芝士餅完全唔掂, 我未食過咁難食既芝士餅呀！Tiramisu ok啦。士多啤梨cake呀藍苺cake呀咖啡泡夫呀全都一般, 雪糕幾好, 總括多野食得來其實多同類唔同款o者, 希望越大失望越大...我未試過食buffet食得咁折墮, 勁掉野食。咁死貴, 食完覺得有o的對唔住老公添。

上星期五晚食過, 唔係預期中咁好, 壽司款式只有十幾款, 同吉之島差不多, 魚生只有3款, 長腳蟹冇想像中咁好食, 其他都係一般係酒店食到既食物,最受人歡迎既係芝士開邊龍蝦,不過要排長龍攞,食落都係冇乜特別結論係名過於實, 如果係200元以下就好抵食...特別要注意既係佢地既鼓油非常咸, 影響哂的壽司,魚生味道

朋友請我食生日飯,我聽d同事講呢間餐廳d buffet 好正,於是黎試下~ 真係冇講錯!好多野食...龍蝦,長腳蟹,海膽壽司,生蠔,刺身,仲有好多甜品同埋其他美食~ 熟食普通,可以唔試!蛋糕細細件,可以食多幾款,唔錯!不過龍蝦要排長龍等...唔係任取!

d 甜品好細件,d壽司,海鮮都幾新鮮,大排長龍!~

$238 再加一質素比百幾蚊任食果D所謂日本菜好上十倍刺身, 長腳蟹, 龍蝦, 生蠔...尤其是甜品, 其他地方真係未見過有咁多選擇(三百蚊以上酒店自助餐\除外) 有機會一定會再黎

雖然我唔係近排食既,但以往食過幾次既經驗都好ok我覺得好低食...二三百蚊可以任食海胆....呢樣對於我唻講絶對係重點好多buffer都有魚生但真係冇幾多間有海胆(如果大家知除此仲有邊間都係任食海胆請話我知,要差唔多價錢喎)龍蝦,長腳蟹,生蠔,日本比較高級既壽司,多元化既甜品基本上一有d咩節日我都諗起呢間野囉食buffer我又唔太介意有d咩特別招呼喎最緊要成日換碟都ok靱

2005年6月19日(星期日) 下午12時我們一大班人來這裡吃自助餐，因我們人多關係，他們安排我們分別坐在兩張長檯。這裡地方很大，座位也好多；因這天是父親節，餐廳差不多全滿。這裡擺放食物的地方頗寬敞，拿食物沒有擠迫的感覺。食物種類不少，還不停refill，大家不用爭食。食物大致上可分成三部份，有冷盤、熱盤和甜品。冷盤：個人覺得以午市自助餐來說，這裡的冷盤算好豐富，例如壽司有十幾款，賣相不差，師傅把壽司飯弄得較細小，這樣可以令食客們試多幾款；還有切成細細塊及加了醬汁的雜錦剌身，味道也不錯。至於凍蟹蚶，這款食物比較搶手，吃落淡淡肉，好有口感，但略嫌咸了些。熱盤：種類繁多，因要留肚吃甜品，我只吃了燒羊肉、燒雞肉串、煎三文魚扒、蝦天婦羅、扁意粉和炒飯。整體上熱盤食物的質素和賣相都好好，沒有因大量製作而處理馬虎；個人頗喜愛煎三文魚扒，肉質非常嫩滑，配上面層的香草，好美味。甜品：這裡供應各式各樣的蛋糕、甜點和本人至愛的雪糕；雪糕有幾款味道，如朱古力、菠蘿、芝麻和綠茶，每種都十分軟滑好味。至於甜點，每樣都細細件，製作精美，我只吃了Tiramisu 和香橙焦糖布甸，Tiramisu味道幾好，當然不能拿

幾星期前發現呢個website,鍾意食o既我好自然就左摷右摷搵好o野食,無耐就俾我發現Todai食評幾一面倒,可謂好評如潮,適逢男友升職加薪,即刻提議食Todai賀一賀佢,點知...令我o地可以盡情發揮,當日全日行Ocean Park兼唔食正餐,心想咁餓o既情形下,食乜都會更滋味.一入座,即攞兩隻招牌長腳蟹腳試.... 即刻異口同聲嗌好咸,真係咸到食唔到,雖然預o左唔會有北海道食o既咁清/鮮甜,但都唔使咸到呀媽到唔認得... 唔知係唔係因為咁,當睌由我把口入肚最多o既應該係我o地o既生命之源- 水.唔知係唔係咸親係脷,當睌食o既刺身都唔覺得好味,不過公道講句海膽同生蠔都仲okay.... 跟住食食下見到好多人排隊,於是去睇下,原來係輪一人半隻o既白汁焗龍蝦.見限住一人一份,miss o左呢一轉又要等十五分鐘,又想兩個人一齊食,於是全枱出馬...雖然都幾好食,但我見到差唔多原場仲有得攞,仲唔使排隊,覺得可以彈性少少俾一人(Max)兩份,等D客可以留番個人係度睇住張枱呀,話晒都坐o左入o黎食緊,唔使再做勢宣傳啦,不如做好D口啤!除o左龍蝦之外,扇貝同埋芝士焗蝦都係一人一份,但好無聊,無人排

好多選擇,大多數o既質素都好得boo! 好味o既有: 海壽司,三文魚子壽司,三文魚刺身,吞拿魚刺身,小柱刺身,Chocolate Truffle Cake, Chocolate Mousse, 芝麻雪糕,朱古力碎雪糕,菠蘿雪葩,白汁焗龍蝦,周打蠔仔湯,薄切西冷,意式生牛肉伴沙律,疏乎里.中價o既自助餐,好多選擇! YEAH

本人在六月三日晚上七時在該餐廳和朋友食自助餐,大約在九時,該餐廳職員在沒有提供理由的情況下要求我們提早結賬,雖然我們感到出奇,但亦不以為然.最後我們約九時三十分離開該餐廳後,當我們準備離開美麗華商場時, 才知道警方因懷疑附近有炸彈而把道路封鎖.本人認為該餐廳沒有第一時間把消息告知食客,甚為不負責任,完全沒有理會食客的安全,只顧及公司本身的利益.本人感到極度不滿!!!!!!!!! >.<

星期日bf在這兒慶祝生日在openrice睇左好多食評,最後choose左呢到,果然無介紹錯,一d都無令我失望,仲有驚喜tim12點1去到~~wah~~幾多人wor, 眼見好多一家大細一大班fran又有, 亦有d couple,小朋友,老人家都好多~~要line up入座眼見原來有咁多野食,好surprise,out of expectation環境都ok ar~~~不過係台同台之前距離好近so我bf都拉開左張台d地方都幾乾淨企理, 同埋我好鐘意佢d food分3part的計設,地方都幾大,so就算咁人攞野食都唔會話好迫野食分3part: 冷食/熱食/甜品同大部分人一樣, 我一開始就攻sushi,日本野先1) 冷食countersushi我無試晒, 不過甘蝦,軟殼蟹,碎salmon,甜腐皮sushi very gd~~同埋佢d 飯細細舊, 唔會'則'飽你但我bf就話d魚類sushi麻麻~~手卷就有tuna,加洲...好唔得, 紫菜超un...個人又無心機整, 好難食d烏冬冷麵都唔錯,冷麵油左d個凍蟹....唉~~~~又咸又鞋,好彩我不嬲都唔好~~不過真係好咸好咸law,我食左兩啖就放棄

今晚同班舊同事慶祝生日第一次嚟，睇返之前D食評話呢度D嘢好掂，但我覺得並冇太大驚喜(其實有點浪得虛名就真)。嘢食唔係差，service就勉強合格，應該可以改善。但o甘嘅價錢我寧願去洒店食。