Tivoli 意大利餐廳

营业中

休息中

今日同家人試左佢既晚餐﹐唔知係之前期望太高﹐定係佢D水準真係一般﹐食完有D唔開心。首先拎黎D麵包唔熱﹐又唔軟熟﹐擦牛油插穿塊麵包都未搽到上去﹐谷鬼氣﹗D主菜亦都一般﹐唔見到D咩意大利風味。再加一題係餐廳入面既燈光非常暗﹐擺D咩入口都唔知﹐但係又唔算浪漫﹐你話驚唔驚呢﹖﹗聽講呢間餐廳已經開左好多年﹐都算值得一試﹐但係真係試完一次唔會返黎個隻o羅﹗

呢間餐廳d意粉係我最鐘意食o既, 以前呢頭返工, 成日當呢度係飯堂, $28 個lunch set, 勁抵食. 情人節個排同男友去, 本來想散叫, 但見佢個set dinner 又好抵, 最後忍唔住都係叫, 又係芒果大蝦沙律, 田螺, 羊扒同魚, 我同個待應講話唔食羊, 佢話可以轉做雞扒, 本來個餐係跟薯菜, 我想食意粉, 佢就幫我另外叫廚房即整一碟意粉(額外加送, 即係有薯菜之外另加送意粉), 上時仲係冒哂煙, 真係好好味, 好彈牙! 成個餐最好食係個沙律同田螺, 個雞扒同魚好普通, 可能飲完個湯同食完前菜已有七成飽, 所以食唔哂, 對我講個餐o既份量太大喇!其實我過咁多次, 佢d侍應o既態度都幾好, 我就未試過遇到態度差.呀, 仲有呀, 佢地d牛油同麵包都好好味架. 我間中都會返回味, 如果想食意大利菜又唔想太貴, 呢度係唔錯o既選擇.

這裡的甜品是全店最差的食物,全部都不是home-made的,只是買外面現成的那種,全無特色可言,反而其他的菜就幾好!

唔覺得好好食...不過就幾正宗意大利菜。但係d野貴...係d甜品比較特別。

今日２人Dinner食的主菜係羊扒＋魚，其他的一樣有沙律、田螺、湯同飲品。我只係覺得個忙果“大蝦”沙律不太好之外，其他的食物都有75-80分。２個人以$288食意大利嘢都唔算貴，ｄService亦幾好，可以再去！

service is good. all the waiter are so friendly and helpful. the mushroom soup is a good choice. mushroom is very fresh. ox tail soup is also good. but i like the seafood soup. U can find a big prawn inside the soup. it's full of seafood. must try! don't miss the phara harm with water melon. yumi! pizza is home made. good! don't forget the dessert - fire ice cream. but they have some ready made dessert. it's not too good!

尋晚大約九點半陪一個朋友去食飯，因為我之前已經食咗飯，所以諗住去飲杯嘢，而我朋友就食set dinner。一落order之後，先知每人要有minimum charge $65，其實咁都唔係問題，但嗰個waiter o既態度就真係好唔掂，好似知道我地食得少之後，態度都當堂變埋(佢仲好似係高級少少o既waiter)，最後我食左個甜品至啱啱夠數，佢成餐飯都黑口黑面咁，又落漏單，俾錢o個陣仲一句多謝都冇講(我仲蝕咗句"唔該"添!!)。坦白講，做生意唔係做一次，D服務態度咁差，就算D嘢幾好食都冇用，況且我只係食左個我認為麻麻地o既沙巴翁，亦唔enjoy餐廳環境，所以我唔會再去﹗(補充一句，當時只有一位waiter o既態度好少少，而其他都唔係咁helpful同友善)

夜晚同個friend 一起0黎,都係第一次0黎呢到食飯.我們因為諗唔到食咩,所以叫左2人ser dinner ,1.芒果蝦沙律2. 龍複湯3.意式焗田螺4. 蒜蓉焗石班5.意式雞扒..$288....味道麻麻..我諗唔叫set dinner 會好D 既~~環保普通la ...

Set Dinner $180 一位,都唔算貴,味道都不錯,服務很好,但坐位迫左少少!!

兩個人五點鐘去到,叫咗個salad + pizza $24 嗰個+coffee , salad 好好味, pizza 普通啦雖然叫小小嘢,但係服務就好好,重點埋支candlebut 個toliet就差咗d$70 有個燭光下午茶with gd service

終於試o左佢個dinner~ order o左個二人套餐$288~ 有:芒果大蝦沙律- 半個芒果連皮上, 原來芒果肉底放o左大蝦, d蝦幾甜, ok~龍蝦湯- 罐頭湯底, 底有好多碎蝦肉, ok啦~香草煎石班- 魚肉竟然係爽口喎, 唔係一般食開o個d稔o既所謂石班柳~ 配菜o既火腿薯仔幾好味~燒羊骨扒- 即係rack of lamb, 三件, 要五成熟變o左七成(都預o左o架啦), 肉質一般(都預o左o架啦)~ 都係一樣o既配菜~咖啡- 無香味, 但唔算水~另外佢地24周年, 可以用$24食到佢地個周年pizza~ 批係即叫即做, 就o係門口玻璃窗o既open kitchen度整, 街上行人可以望得好清楚~ 12"薄pizza, 係ham, cheese, and onion topping~ 批底好脆, 但放o左5分鐘之後開始un, 所以要食得快d~ 依味算係咁多味最好食o架啦~Service真係唔錯, 好有禮貌~ 環境都好適合拍拖o黎o既~

我好鍾意呢度，環境幾ROMANTIC，交通方便，唔係好多人(但最好訂檯)；果度有個HK$280二人套餐，都幾抵食：(一) 巴拿馬火腿配密瓜，白酒煮青口，龍蝦湯，蒜汁石班及釀雞胸；個經理好NICE，會走嚟同你傾計，係一個唔錯之拍拖地方。

尋晚0係呢度食飯慶祝生日, 地方都唔錯, d裝飾好靚, 我個人認為. 燈光好暗, 好適合情侶談心. 而且仲係candle light dinner添!!侍應推介二人套餐, 有頭盆, 湯, 主菜, 同coffee/tea. 其實都幾抵食, $288. 但係我地都係散叫. 要左一個龍蝦湯, 好香, 好滑, 仲有好多龍蝦肉, 好正. 菠菜生蠔湯, 好多菠菜, 仲有三大隻肥0者0者0既生蠔. 好美味. 配埋蒜蓉包, 好正. 但係d包包有un左dd, 但係就好香.maincourse要左一個意式扒海鮮, 有一大件魷魚, 魚柳, 同埋大蝦. 上面鋪滿蒜蓉, 好夠味. 但係就冇汁0既. 魷魚好好食, 唔un. 其他兩樣就ok啦. 另外要左一個蜆肉意粉, 我地揀左墨汁麵. 唔錯, 但係好多油. d蜆肉混入左d辣椒, 好醒胃. 仲要左half bottle紅酒, 幾好, 都易入口. 我覺得d服務幾好, 都好細心, 而且好有禮貌. 都唔係咁差丫. 埋單五百幾, 都唔平. 但係overall都好好.

叫左個pizza alla tivoli，基本上幾大份兩個人都share得(類似pepperonis既small size)，仲只是48 ja，個cheese同tomato sauce又夠晒濃又多餡，好味!另外個皮好薄好脆，好似食餅乾咁好得意，味道雖然唔夠new orlean pizza特別但係口感一定比所有pizza店出色~野飲叫左latte，唔錯呀，$12蚊(你去starbucks/pacific/mccafe都唔止啦)，仲要杯野一黎到d香氣即刻撲鼻而來，同埋飲落都幾香滑。我覺得好好飲啦，不過我好少飲coffee，如果有邊度d coffee係極正既就介紹下啦~有d人話呢度d service好，但有d人又話好差，我發現到個原因啦~~點解呢?因為睇下呀boss係唔係度lor~~我岩岩入去個陣3/4點，咁岩成間餐廳無乜人，我入去食野好似阻住佢地吞pop咁成日想趕我走，例如1)d staff走晒出黎吹水仲要大大聲咁講+粗口滿天飛(廚房個d staff) 2)d staff(waiter除外)行過我個位會大大力咁dum一下個地，什麼意思??仲有我黎左咁耐淨係得一杯水飲晒無同我斟過，好彩叫佢斟

佢d甜品好似幾好味，不過好貴，件件都要40以上，不過好多我都未聽過，同埋d相影得個賣相好好+好食，下次試下先~