Tick Talk (已結業)

呢間咖啡店 我差唔多日日都幫襯 佢係車房中間 初初成日搵唔番佢 如果要搵 就搵個春夏秋冬招牌 同埋塊擺馬路邊既黑板初初可能無乜人知 唔洗點等 而家見佢假日都幾爆 有d客一落單就十杯八杯 有時都等好耐架 不過我都會照飲我既日間最愛係玫瑰咖啡 同埋flat white 晚間最愛係奇異果茶 酸酸地好消滯店主親切有善 最重要係好用心做飲品間唔中有新野會叫客人試下 唔洗驚飲到悶長沙灣區真係好缺乏呢種飲品店希望小店繼續加油期待你既鮮奶茶 同埋甜品

第一次發現呢間鋪頭係散步嘅時候經過，住喺長沙灣嘅我成日都好希望長沙灣可以開返間我喜歡嘅台式飲品店，而呢間舖頭輕輕滿足左我呢個要求。點解咁講呢？因為呢間並唔係主打台式飲品嘅小店，餐牌上除左珍珠奶茶，亦有以咖啡、紅茶、朱古力為基底的特飲，價錢由20至30左右不等。我叫左杯珍珠奶茶，盛惠$20。珍珠奶茶$20是常見價格，可是佢地嘅珍珠奶茶並唔係台式飲品般巨大，而（目測）似係星巴克tall size咁上下，所以相對起泥價錢都幾貴；奶茶是一早調較好一jar放在雪櫃，茶味夠濃郁奶味亦夠重，有著絲襪奶茶的影子，我喜歡！少冰少甜達到要求，make sense。而最令我歡喜的是它的珍珠：珍珠要好食，一定要夠甜夠入味，否則同食橡膠車胎無異👀，而呢杯奶茶嘅珍珠每𡁻一下都感受到令人滿足嘅甜味，外層微微溶化，似無還有，口感軟糯無硬芯，係個人最中意嘅程度，飲到最尾都無被冰茶嘅溫度硬化，比天仁嘅珍珠有過之而無不及。是以進駐 珍珠排行榜首位。但整體而言，輕輕滿足我要求嘅點係：好飲係好飲嘅，但$20只得咁細杯 心理上覺得實在太奢侈😩如果我成日買而俾供養緊細佬我嘅首領知道左，細佬我嘅命仔肯定不保啦😣所以如果店主你見到嘅，