The Story Cafe and Bakery

营业中

休息中

呢間cafe唔係主打文青路線 但係裝修得好特別🤤天花板特登用左天藍色 仲特登加左個魚網係頂⚓️枱同凳都已藍白色為主💙🤍好有海洋嘅感覺🌊成個環境好舒服💓-草莓凍卷雪糕🍓 $52嗰球雲呢拿雪糕底有cream同埋士多啤梨切片墊住😋🌸兩條凍卷上面仲灑左啲糖霜😛成個擺盤好靚😍凍卷份量唔多 得一條再切一半🙈入面包住左士多啤梨同埋忌廉🤤戟皮做得幾煙韌 不過包得太多層有啲厚😣同埋忌廉多過士多啤梨好多～所以食落似係pancake再加cream🧐有樣嘢幾欣賞 因為佢個凍卷係即叫即做 所以個戟皮暖暖地🥳再加埋球雪糕一齊食 🧊🔥幾正😚如果士多啤梨嘅份量多啲就好☹️

同媽媽去咗青衣城行街，行到攰諗到搵嘢食醫肚之前嚟青衣城冇食到呢間，諗住今次終於有機會食，但係啲waiters嘅service真係差到冇得再差😑 一定唔會再嚟食我媽媽叫咗個晚餐，類似忌廉三文魚意粉(全名唔記得咗)，我就諗住試下個戴安娜牛柳，見平平地$72原本都唔覺等咗好耐，因為個晚餐好快到，但係我叫嗰個牛柳就等咗好耐都未到 至少有20分鐘見到隔離差唔多每一枱遲過我哋入嚟嘅人都有嘢食，仲要有啲係我哋落單嗰陣根本都未入嚟坐低，咁就催下單啦原本以為係漏咗單，點知有個waiter走嚟同我哋講係有落單嘅，但係俾同事唔小心cut咗單(? ) 跟住仲埋咗張單？！ 唔係好清楚佢講咩 總之就係冇牛柳 問我哋要唔要其他嘢食嗰時我媽媽已經就嚟食完，最後決定唔再落過單，食埋碟意粉就走人🤬啲waiters一句sorry都冇講 完全唔出聲 呢種服務態度真係好有問題😪雖然環境都唔錯，但係我哋坐喺角落頭，見到牆角都幾污糟，又有垃圾喺地下，衛生程度都麻麻地冇諗過寫第一個食評post就係為咗呢間cafe 冇乜事真係唔好再去我都幾鍾意影低啲特別嘅嘢食 但係今次連影都冇得影 真係冇嘢好講自問唔算太講究食物質素 但係啲嘢食冇嚟到

今日見這家餐廳換了新meun來試試，誰知order 了廿分種也未見我的豬柳卡邦尼意粉，反而隔離枱比我遲來的客人的order已經到了。於是我叫幫我落單的男侍應到廚房問一下，誰知他晦氣的說：「要時間煮㗎，邊有咁快。「之後就走開，根本冇打算幫我入廚房問問。我再叫另一個男士應跟一跟我order的餐，這時另一枱也在上意粉了，我問他為何遲來的都已有食物，是否漏單了？他說：「嗰枱早過你到㗎！」我忍不住告訴他另一枱剛order 不久的，食物都有了，他反駁說：「人哋叫飯㗎！」真係火扯！漏單唔緊要，但態度點可以咁惡劣！

早前見到这間餐厅裡面膜人都數幾多，而比较喜欢试新野嘅我就决定揾一天試下佢地早餐！- 地方可算是乾淨- 咖啡☕️即磨的也算不算- 腸仔蛋🍳多士，唔夠熱 (留意當時我算係第一張枱)- 碗麵好彩煮得唔太淋，只可惜D湯無乜味，所以麵就變得淡而無味😌

好想食全日早餐，都知道青衣城無咩選擇，唯有呢間the story有得食，最後當然是點了一個all day breakfast~All day breakfast單點$72，跟餐$82，不過個早餐都幾豐富，竟然有隻牛角包🥐！跟餐會多一個湯同餐包，但野飲都要用半價買！個湯真係麻麻地....跟杯泡沫咖啡都要加半價，職員又無講，我仲以為個餐可以包埋，埋單才知都要加$18換杯咖啡。不過見到隻杯咁靚，成set同杯咖啡襯到絕一絕，又係幾治癒的！全日早餐跟餐價$82+半價$18泡沫咖啡+1，埋單價約$110~

中午約咗朋友食飯，見到依間個裝修幾靚就決定試試。成間店以淺藍色為主調，座位較疏，感覺幾悠閒。中午時間到只有3-4枱客，見餐牌上有牛扒，作為牛肉愛好者Lunch就梗叫個牛扒同飲品，10分鐘左右就全部上齊。鐵板紐西蘭牛肉眼扒前菜蘑菇湯十分香，仲有小小蘑菇粒，口感很好。但餐包凍同有雪藏味，有小小扣分。主菜的鐵板不夠熱，牛扒一般，醃製得肉質很腍，沒有牛肉味，只有醬汁的味道，有小小失望。賣相 4/5口感 3/5味道 2/5番食率 2/5

星期五放工第一次試吓這餐廳。看看菜單，好平，一個餐有西湯，麵包，主菜，咖啡和茶，也只不過是七十幾蚊。在青衣城的確是很平的價錢。我知青衣城的租金是不平的，有一間開咗半年便關了。食物質素當然是一分錢一分貨，不過食飽便一定得。

今日黎左青衣城食下午茶因為想飲咖啡又想用電腦見the story 幾靚所以入黎試下喇！紅磚牆身好靚 門口有啲好靚既吊燈下午茶menu都幾多野揀下午茶飲品升級既話要加返飲品半價呢張係晚餐menu 決定下次黎見佢地幾乎啲野食都會用到鐵窩覺得幾特別！🌟Cafe latte 鮮奶咖啡/拿鐵 $1️⃣8️⃣（半價升級飲品）侍應妹妹一放低個杯我個內心已經係到吶喊💕💕💕個杯點解咁靚架💕💕💕係比較薄身既杯條匙都係一set既重點係杯Latte好飲架奶泡同咖啡比例好所以出黎既咖啡都好香滑☕️🌟芝士焗肉醬意粉$3️⃣5️⃣ （下午茶）佢地係即點即焗既，而且會用個鐵窩裝住食物睇落都覺得特別好味😋意粉軟硬適中肉醬好多，芝士又香噴噴食落唔會口乾所以我好快都食完成碟😋P.s. 咖啡值得一試，個杯又靚又好飲🌟想用電腦既你都可以考慮下呢邊，因為都連到隔離free wifi 🌟

一朝早要去青衣所以就決定係青衣城食個早餐，自從裝修左青衣城二期之後都好耐冇嚟過，經過見到呢間環境都幾靚裝修以海洋同船為主幾有特色🛳，望望早餐嘅餐牌又唔貴喎，就決定試佢啦😙！-叫咗一個C餐一個D餐，早餐來講勁豐富同份量好大份下😮，兩份早餐都包煎太陽蛋，腸仔火腿同一片多士，雞扒都幾大塊係稍為煎得燶咗少少，通粉唔會煮得太𣺉，整體真係唔錯，五香肉丁公仔麵，竟然係用出前一丁😱，而且唔使加錢，重點係凍飲都唔使加錢，不過杯凍奶茶就麻麻哋比較奶水feel，埋單加埋都係$78，係呢個時勢真係搵唔到咁大份又咁抵食早餐，飽到晏晝我哋都冇食到🤣！下次我會再幫襯！

話就話青衣城好多食肆, 但最弊間間都貴呢! 呢間 The story 開左好耐下, 開頭都要等下位,  但可能野食選擇少, 所以攪攪下都越來越少人. 最近經過見有D屋苑住戶/公司員工有85折, 所以就再試下, 3個人埋單唔洗$150, 食物唔算差, 所有今日又再encore喇~星期六 1pm 無人排, 正! 即刻有位!環境OK啦, 都算舒適餐有湯+包+野飲先上湯+包.    湯幾好飲下之後上飲品, size 唔錯, 跟餐的也不是細細杯香草烤雞甜粟米芝士鐵板焗飯 -  烤雞唔錯, 以$58個餐來說, 我覺得OK. 醬汁就少左D, 變左有D飯無汁餱, 感覺有D乾曾曾鐵板慢煮春雞仔 (半隻)  -  春雞仔都OK滑, 薯條都油下. 成個餐份量相對少, 男人食可能會唔夠飽埋單有85折, 總數唔洗$150, 3個人每人$50 有湯有野飲, 老實講, 我覺得好OK了! 

見到個餐牌啲野食幾正價錢唔貴就入咗去試試🤔坐底咗諗住叫侍應過黎落單，但係舉極手都冇人理🤗鋪面唔係唔夠staff，而係佢哋個個企曬喺度，望到我都當見唔到繼續傾計🙄等咗成一分鐘終於有個staff過黎落單但態度極差😤嘢食等咗一陣就到。叫咗一個軟殼蟹忌廉炒飯個賣相完全唔吸引啲炒飯夠乾身但，係就完全冇味🤢上面隻軟殼蟹夠大隻，但係就已經放到凍曬同埋淋晒而且入面得好少肉🥴望落去大隻係因為出面個粉好厚，真係好難食🤮啲staff仲要奇奇怪怪每次放食物上張枱度都唔會放張枱嘅中間係都要放枱角😯見到隔離嗰枱嗰碟嘢俾個staff放到就黎跌落地，明明張枱就乜都冇🤷🏻‍♂️

假期到青衣城逛街午飯，原本想食來自日本的天丼，但大排長龍， 不加思索下被這間外表舒適， 裝修年輕，重點是不用排隊的 餐廳吸引住。餐牌內選擇不多燒春雞就佔2 款由於不想食雞，便點了餐廳推薦的鐵板牛扒餐，送來的牛扒應該是十成熟， 我完全咬不動，只好和先生交換他的咖哩豬扒飯食，先生形容牛扒難食過擦子膠。咖哩豬扒飯，白飯混合咖哩汁一起進食卻意外地沒有咖哩味，味道淡口，可以說是很難食，幸好豬扒味道正常。跟套餐的檸檬茶進口又苦又澀，原來是沒有加糖水的。。。 只好請侍應送來糖水。總括 ：餐廳服務差， 侍應愛理不理。食物差，沒想到在大商場內光顧， 食物味道和質素竟也可差到如此地步，以後不會再光顧。

當日來到約下午十二時半青衣城，每家餐廳也大排長龍，找到這家外觀討好而又人不多的餐廳，所以來嘗一下怎知請店員幫忙按等候票，店員竟視而不見，最終我們自行在收銀櫃位按票餐牌上價格相當合理，我們點了鐵板紐西蘭牛肉眼扒及秘制咖哩豬扒芝士鐵板焗飯套餐先上的是餐湯及麵包，忌廉湯不過不失，而麵包雖不滑亦是和暖的然後上飲品竟然沒連糖水上，誤以為已配糖怎知非常苦，找店員要糖水時，兩位年青店員看到後立馬轉身，十足舊式酒樓主菜的鐵板牛肉眼扒，真伏牛扒完全熟，韌的如香口膠，內配非常咸的薯角及沒有味的蔬菜，極品然後咖哩豬扒焗飯是又一傑作，咖哩味不足、豬扒老、薯角咸、蔬菜沒味，非常失望

一個人的下午茶食物有驚喜❤️吉列豬扒雜果沙律炸薯角豬扒好大件好厚☺️☺️係即叫即炸~very juicy一啲都唔乾👍至於雜果沙律炸薯角～正常普通茶餐廳味道環境好舒服😌好relaxing☺️但是~~~~~~~~~~~~~~~~~~~~~~~~~~~~~~重點收費係茶餐廳價錢,低食的☺️！唯一美中不足係“服務員”淨係顧住自己傾計，唔多理D客😅要叫好幾次先過嚟😑要杯水姐⋯唔好意思囉阻住你哋傾計🙄

行過商場見到餐廳嘅裝修以海洋同船為主，佈置得好靚好有特色，所以吸引左我地入去食晚餐。鐵板紐西蘭牛肉眼扒 ($82)肉眼扒都幾大塊，肉質比較有咬口，咬落肉汁都算多，唔會話煎到鞋烚烚。不過牛肉味偏淡亦都無咩油香，整體不過不失。80幾蚊就可以係西餐廳食到肉眼扒餐算係幾抵。咖哩牛肉溫泉蛋芝士鐵板焗飯 ($68)咖哩汁偏似港式咖哩，味道甜甜地又唔會話太辣太重香料味，不過咖哩醬汁唔足夠撈飯，令到整體焗飯較乾身。面頭芝士睇落份量好足應該好惹味先喺，不過食起上嚟就欠缺芝士味，有點失色。除主餐以外，餐牌上的甜品賣相都相當精緻，而且款式選擇多。不過我地當天已經食得太飽，惟有下次有機會再嚟試下呢到嘅甜品。