The Salted Pig (MegaBox)

营业中

休息中

Megabox 睇完戲出黎，見到呢間餐廳晚市套餐都幾多選擇，於是同老公試下。餐廳環境超大，餐廳採用摺門，將全部門打開，更顯極大空間感。而且座位好闊落，坐得好舒服。晚餐套餐  $198/位頭盤老公揀咗海鮮蕃茄湯，我就揀咗帶子刺身。海鮮蕃茄湯海鮮蕃茄湯材料好足，有蜆、青口、魚、蝦，蝦肉彈牙，加入蕃茄醬同辣椒片，味道幾辣，飲完好醒胃。日本帶子刺身、柚子豉油帶子刺身好新鮮，配上柚子豉油，更突出左帶子嘅鮮甜。辣吞拿魚芒果意大利飯意大利飯軟硬適中，吞拿魚同芒果份量都幾多。意大利飯用上烘培芝麻汁、墨西哥辣椒。辣椒辣味再配上芒果甜味，味道甜甜辣辣，估唔到咁夾。燒阿根廷肉眼、雜菜沙律、薯條  +$100燒阿根廷肉眼有12安士，好大份。肉眼點左7成熟，入口肉味濃郁。旁邊配上新鮮嘅雜菜沙律，可以中和一下肉嘅油膩感。Brownie  +$18套餐甜品本來想食法式焦糖燉蛋，好可惜賣晒，於是侍應推介我哋食Brownie。Brownie 唔太甜，朱古力味濃，又估唔到又幾好食，為今餐晚飯劃上完美句號。

位於九龍灣ᴍᴇɢᴀʙᴏx11樓主打食豬肉既餐廳，同時都係Pet friendly 餐廳🐶我地一早打佐電話比餐廳留定有狗狗，因為餐廳提供比狗狗既只有近室外幾張檯既位置~如果提早在Openrice Book 都有訂座優惠架！💁🏻‍♀️ 餐牌野食選擇都幾多架，我地揀佐慢煮醬燒豬肋骨，配上燒烤醬，因為慢煮的關係，肉質非常淋而鮮嫩多汁，仲有椰菜沙律、粟米和薯條，CP值最高！份量都好大，２個人 SHARE食都會好飽呀！🤩 另外叫佐個蕃茄肉丸意粉，有４粒大大的肉九，配上新鮮蕃茄打成茸既醬汁，意粉都幾彈牙，感覺好開胃又健康呀～😗 店內環境清靜，有好多植物同豬仔圖案，最搞笑連隻碟都有豬仔仲寫住Lick ME架~有機會再黎試下啦～🥹

第1次去到此德國餐廳幫襯，揀左好耐先揀到食咩好.....也係入座前，先register做member先，Main menu 有85折.....最好味係即叫即炸既薯條！超脆卜卜，1個人食唔哂，份量唔少既！個豬肋骨大到，有我3個拳頭咁大！個汁係酸酸甜甜既，1個人食，都好飽肚！個凍飲Minty Grape,叫左少冰少甜，連些薄荷葉都食埋，潤下喉，因個薯條好熱氣！以1個運動底既女仔來講，依餐都好飽肚，食唔哂些薯條姐！我揀左餐廳外圍既吧枱高凳坐，別有番風味，唔會被溜冰場，吹來既凍風，吹到打冷震，而係餐廳外圍坐，可取到對面溜冰場窗外光線和中間扶手電梯既發光燈圍繞住，較光亮.....整體餐廳設計都好悠雅舒服，好多卡位／6人座位／吧枱高凳位，全部有既，畀到食客，多d選擇！如果係配粉面方面，唔一定食薯條，可轉為飯或意粉或焗薯，會更好，因薯條太熱氣，食完喉嚨痛和生飛滋！

海鮮蕃茄湯這道湯擁有豐富的海鮮風味，其中蜆、青口、魚和蝦令湯汁更加鮮美。辣椒片的加入為湯中增添了一絲微辣的風味，令整道菜更加豐富多樣。 日本帶子刺身配柚子豉油帶子以刺身的形式呈現，質地鮮嫩，口感極佳。加上柚子豉油，以佢嘅酸甜平衡咗本身帶子嘅海鮮風味。 意式千層麵這道麵食將豬肉、意大利青瓜、茄子、蕃茄和水牛芝士融合在一起，形成多層次的美味。麵層疊疊，口感豐富，每一口都能品味到不同的風味。特別係啲水牛芝士好多，每一啖都食到好多芝士，絕對係芝士愛好者嘅必食之選。 燒阿根廷肉眼配薯條這道菜令我感受到了烤肉的獨特魅力。肉眼牛排經過燒烤後，外皮酥脆，內部嫩滑多汁。搭配薯條的酥脆口感，使整道菜更加豐富多樣。佢亦都煎得好啱啱，加上表面一層層嘅炭燒格仔紋，無論係視覺同埋味覺都有雙重享受。 黑松露雲呢拿雪糕+法式焦糖燉蛋黑松露雲呢拿雪糕令我驚艷不已，從來都冇諗過黑松露可以同雲呢拿雪糕搭配，雖然食落有少少奇怪，但係都係一個新奇唔錯嘅體驗。而法式焦糖燉蛋則是一道經典的法國甜點，口感柔滑細膩，佢嘅焦糖亦都唔會話太甜，啱啱好。

最近港股跌到😭，想save 吓$ 、找返d CP值高餐廳嘆吓，可以考慮嚟呢度。呢度食物嘅價$大眾化，但其質素可媲美洒店嘅餐廳，而且裝潢獨特，值得一試。2我就嚟嗌左佢哋嘅 tea, 非常美味！#thesaltedpig

第二次來這裡用餐,整體體驗都算唔錯,尤其啱有小朋友的聚會有提供小朋友餐又有畫紙遊戲比小朋友等野食嘅時候玩住先餐牌上的選擇都多,叫左小食拼盤,炸蟹餅,沙律,意粉,意大利飯等,份量唔細,味道也不錯,小朋友餐一樣好豐富又有甜品,上菜速度及服務也再黎megabox也可以再去

不愧是做🐷專賣店！ 這是我這輩子吃過肉最厚的豬肋骨我們order了⭐慢煮醬燒豬肋骨，燒烤醬鹹度適中不會搶了肉香味，店員說豬肋骨是慢煮的，所以肉質會呈現粉紅色，也確實很鬆軟，可以直接用叉子分開，很 好吃！ 拌碟的薯條很大一份，還有兩大塊燒玉米，份量巨大⭐西班牙海鮮飯西班牙海鮮飯是海鮮比飯多，真材實料，裡面有魷魚，魚塊，青口，蝦，香腸，每口飯都有海鮮味我飲芒果鳳梨沙冰配豬肋骨，我朋友飲紅酒，都很搭，豬肉料理真的很好吃，別的可以不吃但豬肉必須點

呢間megabox嘅Salted pig都嚟食過幾次㗎啦，平時同事生日、last day等聚會都係喺呢度食午餐，貪佢地方大唔使等位，午餐個set又幾抵食咁囉。是日舊同事過嚟話食嘢傾下計，於是我哋又嚟咗Salted pig，店員示意我哋坐第一張卡位，之後好快就送上水同埋餐牌。晚餐餐牌更多選擇，不過就係因為太多選擇，所以唔知揀咩好，最後都係決定要dinner set算了，選擇困難症😂⭐Seafood soup 海鮮蕃茄湯頭盤要咗海鮮湯，湯料有魚、蝦、蜆、青口，熱辣辣很鮮味，唔知係咪即叫即煮嘅呢，因為等上枱都等咗幾耐下，個湯好好飲，附送嘅多士都好香口，塗咗牛油又多nuts，仲有兩塊添呀，正🤤⭐Beijing style duck breast pizza 京式鴨胸片薄餅主菜之一揀咗薄餅，諗住呢個易share吖嘛，北京片皮鴨風味嘅薄餅，醬汁用上海鮮醬，上面放咗煙鴨胸、青瓜同大蔥等，雖然叫薄餅但其實唔薄身，拎上手都幾墜手㗎，烘得香脆，好好味🤤⭐Pork lasagne 豬肉意大利千層麵另一個就叫咗千層麵，上枱時勁香，一切開有芝士拉絲，千層麵本身千層麵旁邊嘅醬汁都充滿芝士，除咗豬肉碎，個千層麵仲夾

今天晚上，我和家人到位於九龍灣Megabox的The Salted Pig餐廳享受了一頓豐盛的晚餐。我們點了墨西哥夾餅，裡面包括了烤雞肉、夾餅、燈籠椒、洋蔥、辣椒和墨西哥辣椒芫荽，帶來了一股新鮮辣味的享受。接著，我們品嚐了慢煮醬燒豬肋骨，配上椰菜沙律、粟米和薯條，肉質鮮嫩多汁，讓人回味無窮。我們還點了炸脆皮猪腩肉，搭配蘋果蓉和杏脯酒汁，再加上香濃的海鮮蕃茄湯，美味絕倫。最後，我們享用了甜品法式焦糖墩蛋，帶有濃濃的焦糖香氣，讓我們大快朵頤。作為飲品，我們享用了紅莓汁和番石榴蘋果汁，名為紅粉佳人，濃郁的果味讓我們陶醉其中。這一頓豐盛的晚餐不僅讓我們享受了美食，也讓我們與家人共聚一堂，共同度過了一個溫馨的夜晚。我們在The Salted Pig餐廳度過的時光將成為我們珍藏的美好回憶。

The Salted Pig喺九龍灣MegaBox嘅一間餐廳，位置好方便啊，Lunch都幾乎滿座！我同朋友去嗰陣都揀咗佢哋嘅Set Lunch。我揀咗BBQ豬肋骨，朋友揀咗炭燒肉眼牛扒。兩份主菜份量十足，肉質鮮嫩多汁，炭燒風味香濃。配菜同餐湯南瓜忌廉湯都好味，令整個餐感覺更加豐富。而我地仲試咗佢哋嘅小食，包括秘制香料脆雞翼同酥脆魷魚圈。雞翼炸得金黃酥脆，香料調味帶出特別嘅風味。魷魚圈外脆內嫩，好適合當開胃小食。服務方面，服務員非常細心，對一對眼就知我想落單，態度友善周到。餐廳環境乾淨整潔，枱與枱之間距離寬鬆，而且仲有梳化座位，好舒適。The Salted Pig值得一試，食物美味，服務周到，環境舒適，係一個適合與朋友或家人黎嘅好地方！

去完Megabox玩，想找一間適合一家大細聚餐、飲一杯、休閒一下，我通常都會去The Salted Pig 豬門店。因為餐廳大好闊落，開揚玻璃間隔，裝修夠chill，梳化卡座坐得特別舒服 ，餐廳水準穩定，可以慢慢坐。餐廳充滿大型飛豬壁畫和擺設，餐碟都印有飛豬有趣的風格，類似XXX Tuesday美式餐廳，不過就主打吃豬的不同菜式，選擇多元化，亦有漢堡、海鮮，甜品、Cocktail等供應，也有兒童餐。餐廳很大，進來的第一印象是乾淨開揚，而職員亦都好年輕非常有活力，經常會幫我們加水👍🏻。食物: ⭐️⭐️⭐️⭐️🥗牛油果香芒大蝦沙律 Grilled Prawn & Avacado淨係睇到顏色嘅刺激已經覺得口水大增，好多牛油果，芒果同大蝦非常之夾，沙律菜同車厘茄都非常新鮮，甜辣汁有少少辣，但係好開胃！我哋好鍾意！🍖脆皮鹹豬手 Crispy Pork Knuckle $318完全冇令人失望，呢一間嘅鹹豬手做得出色！一定要點! 豬皮唔係「硬脆」係「酥脆」，而肉質唔係太鹹而且係軟滑，食落唔油膩，配菜有紅蘿蔔、薯仔和酸椰菜，好好味再多啲就好！豬手大家share食，幾多都食得晒！🥘西班牙海鮮炒飯 Seafood

平日夜晚到訪 餐廳好大 但入座率得2成 所以坐得好舒服有set dinner選擇 食set比較抵 二百幾就有頭盤+主菜+甜品 但因為款式唔太岩 所以我哋選擇單點 openrice 訂座有8折我地點了三款食物Slow-cooked crackling pork belly - 所有配菜都好好食 好有誠意 反而豬腩肥的比例太多 所以好膩Chicken florentine orecchiette - 青醬貓耳朵個青醬汁有驚喜 好濃好好味 雞肉就一般Impossible burger - 薯條份量好多 新鮮炸起 本身一上枱見到塊肉睇落好乾 點知食落juicy 外邊煎得焦脆 醃料亦都醃得好好整體來說 食物質素算高 但服務方面就有待改善

The salted pig雖然以豬肉作為賣點，但同時有好多其他菜式可選擇。裝修用上酒吧風格，感覺好chill好舒服，座位寬敞，啱晒一班人嚟傾偈食嘢～今日食咗：金龍報喜五重奏- 醬燒豬肋骨- 歐式脆皮乳豬- 慢煮脆皮豬腩肉- 煙燻豬肉芝士腸- 招牌德國鹹豬手乳豬同豬手上枱仲熱辣辣，外皮脆卜卜，內層脂肪同瘦質均勻，食落好軟綿。豬肋骨用上秘製醬汁，肉質鮮嫩軟腍，啖啖肉，幾滋味。豬腩肉用上慢煮方式，外皮香脆，內裏軟淋，口感豐富，好香油脂香味。煙燻豬肉芝士腸，賣相吸引，食落香噴噴，豬味濃郁。配菜同樣出色，有烤番薯、薯仔，加上現時芥末籽忌廉汁，將焗嘅配菜，顯得更加出色，出乎意料好食安格斯牛肉芝士漢堡配薯條安格斯牛肉牛味頗濃，軟淋淋，肉内仲保留到唔少肉汁，加上新鮮蕃茄、生菜、芝士、酸瓜等，口感豐富，啖啖滋味。兒童餐- 漢堡包配薯條/ 肉醬意粉配薯條兩款兒童餐都好足料，漢堡包係Mini版嘅牛肉芝士漢堡。肉醬意粉口感唔錯，肉醬煮得好入味，配上巴馬臣芝士，都好惹味兒童餐仲配有果汁，同雲呢拿雪糕，性價比好高好想同大家分享一下～The salted pig雖然以豬肉作為賣點，但同時有好多其他菜式可選擇。

今日同朋友去左Mega Box搵食，朋友話不如試下呢間豬既專門店，有好多唔同豬既食品可以品嚐到，一入到去，親切既店員好快帶我地入座，睇過個Menu，好多唔同種類食物都有，睇到我地心大心細，基乎每一樣菜式都想試下。招牌手撕燒烤豬肉三文治之前試過呢到既手撕烤豬肉，所以今次黎必定要encore，手撕烤豬肉好香BBQ醬煙熏味，配上酸種包，呢個組合真係無敵！而且手撕烤豬肉口感一流，加上呢個餐配上薯條，大大碟，性價比好高，食左半碟已經開始飽。雜菌松露意大利飯雜菌同意大利飯真係好夾，松露既味道都濃郁，好creamy，食完一啖真係忍唔住想再食既感覺，而且雜菌份量都幾多，好健康既感覺，食完個口好香！意大利飯米口感非常豐富，每啖都充滿住松露既味道。脆焗火腿芝士雞胸扒上菜既時候真係嚇親，無見過d咁大塊既雞扒，西頭配上番茄醬同水牛芝士，極為邪惡，每一啖都充滿芝士香，加上番茄汁酸酸甜甜真係好好味，雞胸好Juicy，而且唔會好「鞋」，配搭得岩岩好。

行完宜家想食野，搵到呢間一睇就知專食豬🤣餐廳好大，坐位舒服。佢地嘅碟好可愛啊😍而且平日定時有做優惠啊好多都好岩胃口食！一定要叫份豬肉主菜先，點了「慢煮豬肋骨」！果然正！豬肉超嫩，醬汁入味，而且份量好足！味道處理的非常平均，唔會過濃。另外再叫了半份「海鱸魚海鮮燴」，呢個都好正，估唔到係好似湯咁上菜，味道好豐富，樣樣都好鮮味。想再對自己好啲，所以再食埋甜品「香蕉雪糕新地」真係有啲瘋狂😆因為真係幾大杯架！下次都要試下燒豬先😆