The Right Place (寶勒巷)

营业中

休息中

🍊 餐廳名稱：The Right Place (尖沙咀)🐝 味道：7.5/10環境：7/10整體分數：7/10💰人均：$250+———————————————————尖沙咀出晒名好多Bar & Restaurant，每間都有唔同嘅特色。今次呢間除左有室內外兼備，有時仲會有尖沙咀睇添。招牌脆皮豬腩肉配酸椰菜及黃芥末 💰98卜卜脆嘅豬腩皮，咬落去肥瘦適中，好乾身，好適合配埋啤酒一齊享用。分量都唔少，岩晒一班朋友share一邊傾計一邊當小食咁食。黑松露安格斯牛肉煙肉煎蛋芝士漢堡配薯條 💰168見到個名咁長都知佢唔少野，上枱個時真係俾佢個分量嚇親。而且非常足料，對得住嘅個價錢，味道口感豐富，漢堡好juicy。烤三文魚柳墨魚汁意大利粉伴三文魚子💰188三文魚柳烤得岩岩好唔會過晒火，墨魚汁意大利粉有別於意粉伴墨魚汁，除左味道上之外，就係唔會食到成口黑晒，就算係Dating都唔怕。Tequila Sunrise💰78(H.H)去到bar真係無理由唔叫杯酒飲嘅！🗺️ 尖沙咀寶勒巷17-19號地舖 🔍#FlavorforToday尖沙咀🚆 尖沙咀站A出口，步行約5分鐘

鬧市中可以chill住傾計既地方，收工想同朋友chill下，又唔想去太嘈既地方、無意中發現The Right place 、完全係心水地方，餐廳分室內外、2種唔同感覺 👍🏻食物方面🍽️種類都非常多選擇食物都非常高質烤三文魚柳墨魚汁意大利粉伴三文魚子 | 🍝烤三文魚非常驚喜、食落表皮好脆，三文魚唔會好乾身，而且好香魚油香味，墨魚汁意大利粉味道做得剛剛好，同三文魚好夾，而且聽員工今介紹 ，食物盡量保持原汁原味，不會太添加鹽 ，非常健康白酒香草炒蜆：送酒一流，因為加佐白酒，完全食唔到有腥味，而且因為加佐蒜蓉 香味出嗮黎 🤤巴馬臣芝士松露油薯條 🍟非常香巴馬臣芝士🧀 配上松露油，但又唔覺得好油膩，都係配酒一流既小食 😍意想不到既餐廳，下次要再同朋友過黎chill下 😍

尖沙咀鬧市中一間fusion酒吧西餐廳—The Right Place，店舖設有室內、外座位、落地大型酒櫃，超巨型投影機等，並會一直播放輕快既音樂，整體氣氛非常chill & relax🎯 食物方面，涵蓋類別多元化，例如避風塘魷魚鬚，外層炸得酥脆，配上爆香咗既蒜末、胡椒粉等，鹹香惹味；拖羅蓉飛魚子牛油果脆卷，鬆脆外層加上內層拖羅蓉飛魚子既吊味，口感相當不錯👍🏻 整體屬於一間相當特別又有氣氛既酒吧西餐廳🍴

😎 依間喺尖沙咀嘅酒吧餐廳，小編同朋友幾年前嚟過，嘢食都唔錯～ 依晚同另一個朋友再嚟食晚飯，發掘新滋味！😚🍗 避風塘香辣雞中翼 😋😋😋😋😋單骨雞翼炸得好脆，炸粉唔厚，食到雞翼油香同嫩滑感，帶有惹味嘅香辣，另有炸蒜同九層塔香氣，亦富有香港風味 😚 送酒佳品！🍝 烤三文魚柳墨魚汁意大利粉伴三文魚子 😋😋😋😋😋依款係餐廳嘅招牌主食，三文魚皮烤得好脆口，三文魚肉充滿油脂香，加埋三文魚子嘅鹹鮮，整體非常夾！而墨魚🦑汁意大利粉好彈牙，能夠掛起巴馬臣芝士🧀忌廉汁 👍🏻 唔會太杰，亦唔會太稀！Creamy嘅醬汁有檸檬🍋香氣，仲有半乾車厘茄嘅酸甜，十分有層次！🍝 澳洲牛面頰肉醬溫泉蛋意大利粉 😋😋😋😋依款係朋友揀嘅意粉，一上枱時已經聞到好香番茄🍅味～ 肉醬中有細細舊牛面頰肉，多一重口感，再拮穿內裡流心嘅溫泉蛋，同番茄醬汁撈勻，可以充分地包裹住每條意粉 👏🏻晚餐 💵💵💵 約港幣$240/人💁🏻‍♀️ 酒吧餐廳分內外場，設計帶有少許新潮港式元素。據小編嘅觀察：坐內場嘅食客普遍會叫主食，坐外場嘅就鍾意飲酒多啲～ 小編就覺得why not both呢？😁

•拖羅蓉飛魚子牛油果檸檬蛋黃醬脆筒（4件）（$128）咬開嗰個脆筒好有驚喜🤩！！睇落去細細份，但係一咬落去成個口都係拖羅蓉，間唔中仲咬到幾粒飛魚子😍好滿足！一入口，檸檬味充斥着成個口腔，牛肉果同個蛋黃醬好夾！•西班牙海鮮鍋飯（$308）海鮮好新鮮彈牙😍青口有濃郁海水味但完全唔腥！相較平時食到實肉嘅青口，佢係比較爽口😋魷魚有少少檸檬味好鮮甜個飯味道濃郁，亦唔會話太腍或者太硬，中間啲洋蔥令到口感更加豐富爽脆！•烤三黃雞半隻伴烤野菜（$248）隻雞好嫩滑多汁，一啲都唔會覺得好柴！另外可以點個碟上面嘅黑椒汁，更有另一番風味🤪雞皮脆卜卜，脆到好似北京填鴨啲皮，底下嘅啲菇鮮甜，尤其蕃茄十分出色！一咬落去就爆曬汁😋餐廳環境都好舒服，啲Staff都好好人🫶🏻

喺尖沙咀想搵地方食嘢，經過呢間餐廳見到室外座位都坐滿了人，原來係 happy hour 飲品有優惠🤩 即管入內試吓，裏面座位十分寬敞，有一幅壁畫好吸晴，仲有大螢幕播緊MV。Drink List 除咗有多款啤酒、有酒精和冇酒精Cocktail 外，仲有啲好特別名稱嘅飲品。餐牌上嘅 tapas & appetiser、main courses和甜品都有好多選擇呀♥️♥️♥️🐟拖羅蓉飛魚子牛油果檸檬蛋黃醬脆筒 $128賣相相當吸引，4件白色圓筒上面鋪滿飛魚子，仲有玫瑰花瓣做點綴🌹咬落圓筒相當鬆脆，夾着的拖羅蓉好滋味，加埋飛魚子卜卜聲口感好豐富😋🐷招牌德國咸豬手伴酸椰菜及薯條 $298好大碟，豬手已起咗骨，切開大大件，烤得皮脆肉嫩，味道醃得啱啱好、不會太鹹，配埋蜜糖芥末醬好正呀🤤🍺HH Thirsty $80Goose Island 啤酒帶有花香味都唔錯🌸整體來說呢餐食得好滿意，店員有笑容、服務態度好，值得一讚👍

依家就同大家講講我喺 @therightplace 嘅食物冒險經歷✌😋。首先，阿根廷紅蝦冰菜沙律真係不得了！冰菜爽脆得嚟又多汁，加埋啲紅蝦🦐，鮮嫩得滑，真係啖啖肉感！沙律嗰啲白菌同車厘茄又開胃，芝麻汁點綴得好適中，唔膩口。跟住個特濃龍蝦湯松露蟹肉醬配多士就厲害啦🔥！湯濃得黎唔會過重，滿滿桌龍蝦香撲鼻而來。龍蝦膏味道香濃，撈埋蟹肉醬真係鮮味綿長，仲有松露嘅馥郁，真係高貴唔貴味道！多士灸出嚟啱啱好，係湯料同脆卜卜感中搵到平衡。而家講吓經典蛋黃汁卡邦尼意大利粉🍝。個意粉煮得剛好，嗰種Creamy得嚟又有點點鹹香嚟自蛋黃同芝士，勁正！中間又夾雜埋脆煙肉嘅豐富滋味，真係好過癮，一啖接一啖，停唔到口！總括嚟講，呢度嘅fusion味道勁贊，每個菜都有佢獨特嘅一面，值得再去嘗試多次！👍🏻😍💯

今日同朋友喺尖沙咀行完街諗住揾個chill啲嘅地方食嘢，行過見到間裝修幾靚嘅酒吧餐廳叫The Right Place就入咗去。佢有室內同室外嘅座位，我地就坐咗室內，有個大mon可以睇吓MV聽吓歌。打開佢本餐牌見到有唔少選擇，有啲仲打晒星星咁一定要試吓啦！我哋前菜嗌咗個拖羅蓉飛魚子牛油果檸檬蛋黃醬脆筒，脆筒雖然得4嚿，但每嚿都好足料，有春卷皮、吞拿魚蓉、飛魚子同埋酸酸地嘅牛油果檸檬蛋黃醬，都食到有唔同嘅層次同味道。主菜嗌咗2個，分別係烤三文魚柳墨魚汁意大利粉伴三文魚子同澳洲牛面頰肉醬溫泉蛋意大利粉。墨魚汁意粉食落好驚艷，墨魚汁掛晒喺意粉丄面好入味，烤三文魚完全唔乾食，食落仲有好重嘅魚油香味，配埋爽脆嘅三文魚籽同新鮮嘅蕃茄仔真係好好食。另外一碟牛面頰意粉都唔差，牛面頰煮到好稔身，個肉醬茄汁都足料，唔算太水或者太酸，仲有一隻半生熟嘅溫泉蛋喺面，整穿佢撈埋啲肉醬意粉食一流，鍾意聽住音樂食好嘢嘅人又多一個好好處！📍尖沙咀寶勒巷17-19號地舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊

環境暗暗地好啱飲下酒傾計！另外都會有室外位置，不過太凍就無出去🤣🤣店員都好nice🫡🫡· 避風塘小食盤 $148見到好枱都有叫避風塘小食所以跟住叫🤣，朋友有選擇困難症所以叫咗係大雜燴咩都有，有豆腐有雞翼有魷魚鬚，豆腐滑捋捋個脆漿唔厚而且帶甜，幾好食有啲似日本炸豆腐小食，雞翼就普通，魷魚鬚都唔錯份量都ok味道都ok，食到最後凍曬都無淋，同埋真係幾啱送酒· 招牌德國咸豬手伴酸椰菜及薯條 $298好耐無食過所以就叫下😂一擺低，以為係咪叫錯因為我比較鍾意食脆皮嘅，但望落去好似好唔脆好韌咁，不過驚喜嘅係食落又幾脆喎幾好喎又唔會覺得好肥膩😂配埋佢地個蜜糖芥末醬一齊食唔會太漏· 澳洲牛面頰肉醬溫泉蛋意大利粉 $168有溫泉蛋嘅蛋汁撈埋落意粉好正🤤調味啱啱好，牛面頰原來係少少肉粒嚟🤣可以一舊肉咁就好🤣🤣· Goose Thirsty $95 佢啲嘢食真係好啱送酒忍唔住要叫翻杯，尼杯係店員推介，我覺得都不錯，易入口同飲順口，最怕飲到啲好苦澀嘅而且真係好似店員咁講飲落有花香味同埋有少少甜味第二杯半價！有興趣可以嚟試下~🍽 The Right Place | 寶勒巷 尖沙咀📍 尖沙咀寶勒巷17-19號地舖

講真，這次嚟到這間餐廳，簡直係一次味蕾嘅盛宴啊！海鮮焗飯真係每一啖都感受到海鮮嘅鮮甜，啲飯粒吸晒湯汁，食落去彈牙得嚟又唔會太乾，好夠勁！佢啲酸菜配脆皮豬腩肉，又係另一番體驗，啲脆皮啪啪聲咁脆，與軟嫩嘅肉結合得剛剛好，一啖嘅時候，酸酸甜甜嘅滋味，真係完美對抗肉嘅油膩感。而家少唔得提下嗰杯「周星星同學」，啲顏色粉嫩得黎飲落去清新得滯，飲一口已經覺得人醒晒，荔枝同菠蘿嘅香味十分突出，感覺得好開胃，啱哂夏日解渴。飲品一流後，嚟嚟碟楊枝甘露，呢個嘅味道甜而不膩，每一啖都充滿芒果嘅芳香，西米同柚子嘅加入令佢多咗層次感。呢次嘅食評，絕對係讚好無數嘅美味之旅，食物水準一流，服務態度都Keep得好好，等下次再同啲朋友嚟飽一頓！😋👍🎉

設有室外開揚位置，亦有室內寬敞座位！大幅壁畫好吸晴，仲有大螢幕播流行曲mv，好chill！👉🏻周星星同學 $78呢款Mocktail係Lychee Syrup+Mango+Pineapple Juice+Yogurt+Soda，好清新同時又有果香濃郁嘅口感，唔會死甜，賣相都靚！👉🏻手拆蟹肉蟹粉海膽番茄芝士忌廉汁扭捲粉 $208呢個期間限定不得了，長型扭捲粉好入味，就好似食緊蟹腳咁，手拆蟹肉份量又多，好鮮甜，仲要有大大啖海膽，唔腥好creamy！👉🏻澳洲牛面頰肉醬溫泉蛋意大利粉 $168牛面頰肉好軟淋，配溫泉蛋蛋黃撈埋一齊，意粉掛汁，整個口感層次非常豐富！

有outdoor area嘅bar & restaurant 食得出嘢食冇味精嘢食調味都好食 份量調味岩送酒！👨🏻‍🍳🤳🏻招牌脆皮豬腩肉配酸椰菓及黃芥末 $98❤️切得好精緻 個邊炸到好香脆好惹味好似我咁鍾意食脆炸嘢嘅實會鍾意😋個肉都做到鎖汁唔乾點黃芥末再加啲酸椰菓絲咁食幾好食 份量同味道都岩送酒 可以嗌嚟試吓😽👨🏻‍🍳🤳🏻西班牙香蒜辣椒煎蝦 $108同樣係細細份岩送酒嘅小食個蝦應該係冰鮮蝦 食落彈牙個汁調都幾好嘅 油香加蒜香仲有炸蒜好香口👨🏻‍🍳🤳🏻Seasonal crab menu - 手拆蟹肉蟹粉海膽蕃茄芝士忌廉汁扭捲粉 $208 ❤️呢個期間限定做到12月 !! ❄️(老闆話12月仲有聖誕menu好多蟹肉🦀個忌廉汁濃稠適中 有埋蕃茄芝士creamy得嚟酸酸甜甜咁🍅扭捲粉係長幼身通心我覺得幾好食👨🏻‍🍳🤳🏻紫霞仙子Mocktail $78 Calamansi Puree | Pineapple Juice | Lemon Juice | Butterfly Pea Tea | Soda啲飲品名好特別 最後揀咗Mocktail 呢杯微酸好易入口 唔係好重soda岩我👍🏻如果每樣嘅份量可

星期五嘅晚上總要放鬆一下有live show演奏嘅餐廳係香港唔算多而呢間係尖沙咀嘅The right place就有live show咁啱上星期嘅happy Friday就同朋友去左呢到一邊食飯一邊enjoy音樂避風塘魷魚鬚作為送酒小食絕對係100分避風塘好惹味 味道辣中帶點微甜炸蒜炸成金黃又唔會好油膩魷魚鬚彈牙唔會過韌辣肉腸忌廉藍青口藍青肉嫩鮮甜 青口自身帶住濃厚海水鹹味配搭辣肉腸為青口鹹香味增添層次感忌廉濃郁但唔會過膩經典蛋黄汁卡邦尼意大利粉呈奶黃色嘅卡邦尼汁好濃厚再配埋大量芝士後質感更濃密卡邦尼汁充滿忌廉及蛋香意大利粉充分掛上卡邦尼汁 入口彈牙得黎又香濃周星星同學以荔枝。芒果。菠蘿汁再配上乳酪及梳打充滿一陣熱帶果香味道好refreshing Gin The right place 有各款Gin牌子可以選擇可能滿足到鍾意Gin嘅朋友今次就揀左來自日本嘅Gin入口帶點橘香感 質感清爽又清香

餐廳環境舒服，分為室內、室外座位，地方寬闊，10分適合收工後和朋友飲返杯～點了給款小食聊聊天，相當chill ～我們點了：招牌脆片豬腩肉配酸椰菜及黃芥末 $98豬皮10分酥脆！ 口感介乎於燒肉和德國鹹豬手之間～鹹香味濃，配上酸椰菜黃芥辣，去油解膩一流，外脆內嫩！ 一口接一口，停不下來(⁎⁍̴̛ᴗ⁍̴̛⁎)避風塘魷魚 $98炸得香脆、微辣、帶點蒜味，10分香口！魷魚相當彈牙，有口感！鹹蛋黃雞翼 $98熱辣辣，是我最愛的一道小食！😆愛蘇內院，而且留有肉汁！是一道高質的小食😊紫霞仙子$78calamansi puree, pineapple juice, lemon juice, butterfly pea tea, soda賣相一流！漸層10分漂亮！口感清爽，是蝶豆花茶配上梳打水，還有一點橘子、檸檬、菠蘿等清新口感～非常解渴(*ˉ︶ˉ*)周星星同學$78外型更加吸引！酸酸甜甜，充滿了果香，入口是芒果、荔枝、乳酸等口感⁄(⁄ ⁄ ⁄ω⁄ ⁄ ⁄)⁄尖沙咀酒吧選擇一向頗多，但是如果想找個地方靜靜地或是大吃一頓的話，我覺得這裏很不錯！ 餐廳地方頗大，設有大屏幕，播放著香港流行曲的MV～頗有情調，港味甚濃

酒吧有室內同外既位置, 室內有一大幅貓咪既壁畫, 另一邊就係港式茶餐廳懷舊風既裝飾😌 呢度既食物走Fusion為主, 有西班牙, 港式, 泰式唔同既選擇, cocktail都係中西合璧🤩鹽焗原條鮮魚配泰式辣汁🐟($238)原條新鮮爐魚中間塞滿洋蔥, 番茄, 檸檬, 再用一層厚厚既鹽去焗, 保持到魚肉既鮮味之外, 唔洗額外既調味都已經好足夠, 如果想再惹味啲既就可以點埋個泰式辣汁👍🏽 另外仲配有沙律菜同椰菜仔🥬 老闆娘話呢味餸只係做埋今個月, 下個月先黎就冇嫁喇, 想食既話就要快啲黎喇😎 北海道鮮帶子香蒜辣肉腸扁意粉🍝($218)厚厚既帶子煎到好香啖啖肉, 配上乾爽既意粉, 辣肉腸, 車厘茄, 波菜, 辣度剛剛好, 忍唔住想食多幾啖😍避風塘蘿白糕🌶️($88)煙韌軟綿既蘿蔔糕粒粒都煎到好香, 配上大量辣既脆脆好惹味, 送酒一流🥰茶是故鄉濃🍶($138)Spiced Rum, 焙茶, 抹茶, 白可可, 全脂奶調成既呢杯茶味雞尾酒勁易入口, 放係個中國風情濃郁既迷你花樽形器皿度勁靚🤩呢度既環境氣氛好啱一大班人黎吹水飲野食野, 鐘意睇波既呢度都有超大高清螢幕, 插既歌都係一啲耳熟能詳大家都鐘意既