The Restaurant

营业中

休息中

趕上班的中午，又要匆匆解決「吃」的問題。由家裡一直走到北角，竟然還沒有找到合意的。終於來到北角地鐵站，眼前出現了宜必思酒店餐廳的宣傳牌，寫著「午餐 $38 起」，酒店喎，真是便宜得沒話說啦。酒店的裝潢以精簡為主（我去旅行也會想住這種酒店啊），餐廳裝修也是很簡約的，像飯堂多過像餐廳。很簡約的，像飯堂多過像餐廳。當然最煞食的，還是這個海景！是日的午餐餐牌上的食物價錢要由 $42 起跳（物價上漲嘛，沒辦法，但樓下的宣傳牌要改一改了，明天新修訂的商品說明條例要生效了）。餐湯和飲料是自助的，是日只得一款。又是吃素日惹的禍，這個令我摸不著頭腦的忌廉湯讓我喝得有點顧忌。主菜從 set lunch 那幾項去挑，國際品牌酒店無論如何都會有點素食的，例如這款炸南瓜薯仔餅伴雜青沙律芝麻油醋汁（$42）。這個價錢，要在比較好的茶餐廳吃個飯也有點勉強。［自己出去斟的咖啡就甭提了。］我想這一道其實是日式西餐來的，左手邊的雜菜沙律上面明明是日式芝麻沙律醬啊－餐牌的英譯就比較傳神了。這個兩塊南瓜薯餅似是日式可樂餅的樣子，熱辣辣相當香脆，裡面以南瓜蓉為主，很香甜。後來我發現，這兒除了酒店的住客之外，還有不少街坊和附近的

最近有同事說ibis 酒店內有間餐廳, 地方不大但勝在有大枱, 多人去食都冇問題, 而且最吸引的是湯和飲品是任針的. 所以就算食不飽, 飲都可以飲飽.這地方有點像hostel, 用餐地方就好像hostel 的人食早餐的地方般, 沒什麼裝修, 食完就上路.是日叫了個煎魚拼薯菜.湯是羅宋湯, 味道濃, 很多渣, 證明真材實料!煎魚拼薯角, 份量較少, 看起上來都覺得不飽了. 汁的味道不錯. 薯角炸得不太濃, 健康點.其實來過這裡食過幾次, 食物質素不差, 賣相亦討好, 看似是廚藝中心學廚的製成品. 只是份量很多時都較少了.

經常在北角食 lunch，周圍去都已經有d悶，今日同事帶我黎 ibis hotel 食 lunch，一直都無留意呢間，不妨一試呀!set lunch 全部大約三十幾，有齊湯、主菜、飲品、甜品，抵食~忌廉湯：~自助形式，好似食buffet 咁，如果有件多士更好~ 哈!! ~個湯一般，飲唔出係乜乜忌廉湯，見就見到有少少菜葉碎，落左少少胡椒粉都 ok!西冷牛扒意粉：~賣相幾靚~原本係跟飯，問到都可以轉意粉既~塊扒唔錯，不過係全熟果隻，所以略為實左少少，意粉+汁都幾好!! 飲品：~又係自助形式，有汽水、咖啡、奶茶之類泡芙：~跟餐每位1粒，好似元氣果隻~夠凍，所以好好味!!overall 呢間餐廳都算唔錯，值得再幫襯~~

今日陪老公落北角睇鞋，行完已經接近下午兩點，唔想又去飲茶咁悶，醒起附近有間叫「宜必思世紀軒」的酒店，佢嘅餐廳中午有 set lunch 供應，決定同老公去試吓。由於去到已經過咗午飯繁忙時間，餐廳內只有寥寥可數的客人。侍應叫我地隨便揀位坐，然後遞上餐牌，個 Set Menu 有六款選擇，價錢都唔貴，由 $34-$36, 另收加一服務費，而餐湯及飲品就採用自助形式，客人可以自己出去攞，飲幾多都得。扒西冷牛扒飯配黑椒汁 ($36) -- 個黑椒汁其實調校得唔錯，幾好味，而個飯整到一個扁嘅圓桶形狀，都幾美觀，，可惜塊牛扒實在太韌了，少點牙力都無法咬得開，仲俾老公潤我話一早就估到呢啲餐廳做嘅西冷扒唔慌會係乜野好貨色日式照燒牛肉飯配菠菜餃子雞翼 ($36) -- 呢個反而唔錯，照燒汁好好味，撈飯食一流，肥牛一啲都唔韌，隻雞翼內裏釀咗切碎的菠菜，幾有心思餐湯係好稀嘅忌廉栗米湯，咖啡、奶茶、汽水全部自助，想飲多少，悉隨專便；反而個 puff甜品有驚喜，雪到凍冰冰，口感唔錯，老公話如果個 puff 係任食就好了。侍應哥哥仲話無限時間，任你坐多久，悠悠閒閒慢慢嘆，埋單都只係 $79, 的確唔錯，不過老公

本來想去食拉麵，但由於拉麵店坐滿人，我和同事又不想等位，於是就去了附近一間酒店食半自助的午餐，在門口會有個牌列出今天供應的午餐價錢都合理，每款連加一約四十多元我試了白汁法蘭克福腸闊條麵，味道普通雖然羅宋湯任飲，但是甜既，味道好奇怪幸好，咖啡奶茶任飲，不失為一個多同事聊天的好地方最後，侍應送雪糕糯米糍給我們作飯後甜品

此餐廳的特色是lunch唔洗等位，餐湯餐飲自助任飲，價錢都算合理。主菜選了帶子茄醬菠菜意粉，賣相ok；帶子有三隻，應係雪藏貨；菠菜意粉菠菜味唔突出，味道普通，但勝在較健康。

老豆好介紹。四十蚊有自助湯及飲品，又有個幾四正的午飯，有意粉或日式咖喱選擇，北角一帶高檔之選。

日期：2007年12月24日平安夜，我和男友只是隨便揀一間餐廳黎慶祝．見到哩間酒店樓下既牌，有三個主菜可供選擇，每位HK$130．餐湯（美國煙火雞忌廉湯），餐包＆餐飲自取．法式焗田螺酥盒：熱騰騰時即刻放入口，好香脆．男友要個聖誕雜扒配金巴利汁（日本黑豚肉，牛柳，牛仔肝，煙火雞）：總括黎講都唔錯，唯獨是個牛仔肝好靭．我就要個香煎帶子蟹籽，三文魚花扒芒果忌廉汁：食物點芒果汁食，好美味啊．藍啤梨果凍：清清地，好似燉蛋咁滑，好正啊！