The Point - Pizza & Pasta (青衣城) (已結業)

回復晚市堂食，梗係要同閨密出嚟食返餐，互相擁抱一下，見見大家嘅笑容😄，把疫情下感受到既無助、壓力、轉變、感恩、歡樂，一次過傾訴😙。選咗一個我哋熟悉嘅地方、熟悉嘅龍蝦餐，因為她的實在太喜歡食龍蝦😆。$388 龍蝦晚餐嘅包括沙律🥗、龍蝦湯、Pizza 及主菜。我哋見隔離枱都係點呢個套餐。先來2杯飲品(+$38)，我杯Green Point 🍹，菠蘿味🍍，味道清新；閨密的Mango Tango 賣相好靚，芒果味為主🥭，香甜有層次。兩個一見面已經好開心，再嚟2杯咁靚嘅飲品，令整個人都好放鬆～🌿有2個頭盤：🥗迷你凱撒沙律配煙三文魚: 我哋加咗煙三文魚+$18，煙三文魚肉質軟滑，煙燻的風味及鹹味配以爽脆嘅羅馬生菜，是開胃的前菜。🦞龍蝦湯：熱辣辣，都幾濃郁。🍕🦞原隻火焰焗釀龍蝦比薩9吋大嘅香脆薄批，已經切好6份，芝士份量足，做到拉絲效果；Pizza上面鋪滿了龍蝦肉、軟滑嘅芝士、車厘茄，幾惹味😋。🦞主菜係龍蝦香草意大利飯，我哋加$98轉咗原隻龍蝦，每人半隻龍蝦🦞，唔駛爭😂；龍蝦醬汁香濃惹味，米飯吸收晒龍蝦汁，配以龍蝦肉、西班牙香腸粒香草、番茄，口感好豐富。

耐唔耐就會去青衣城，呢日同朋友一齊，肚仔餓要搵嘢食，記得呢間餐廳嘅Pizza🍕味道唔錯，咁就決定食過番尋味😆我哋叫咗特價 $388 嘅 LOBSTER SET FOR TWO 🤗有兩個 STARTER：- LOBSTER BISQUE (2 Bowls) ：味道好濃郁，有啲smoky嘅龍蝦殼味道😋；好似仲食到小粒龍蝦肉😋- MINI CAESAR SALAD（加 $18 加 Norwegian Smoked Salmon)：沙律菜🥗新鮮，簡單幾好味😋；挪威🇳🇴煙燻三文魚亦都幾美味😋包一個 PIZZA：- FLAMING LOBSTER PIZZA 9"：披薩🍕中間幾軟熟又有啲煙韌，邊邊就有少少脆，呢度嘅Pizza🍕不嬲都好食😋仲有一個主菜，揀咗：- LOBSTER RISOTTO 龍蝦🦞香草意大利飯（加$98有成隻龍蝦🦞）：意大利飯好似係用珍珠米煮，每一粒都非常圓潤，又煮得 al dente, 啱我胃口😋；個 sauce 就超級厚身，味道濃郁😋；飯裏邊亦都加咗chorizó, 所以特別惹味😋；而龍蝦🦞竟然有好多膏，食到我哋舔舔脷😆仲加 $38要咗兩杯 Mango Tango，賣相幾靚🤩

諗住試吓叫外賣，點知非常後悔⋯⋯叫咗個燒雞pizza, 去到個侍應攞住個綁得鬆拋拋的盒遞給我，還來不及接住，成個盒倒轉跌落地下，之後就綁返好俾我，全程沒有說過一句抱歉的說話⋯⋯雖然塊pizza 有個盒裝住，但都有個窿，在這個疫情嚴重的期間，因不敢堂食，而要食住一塊跌落地下的薄餅，掉咗又浪費，真係攞錢買難受⋯⋯雖然知道個侍應未必有心，但你都要綁好個盒呱？？？遞東西給客人唔使睇人有冇接住的？？？以為是一間高級餐廳，卻是這樣的待客之度，沒有下次⋯⋯食物的味道一般般，又干又硬⋯⋯

行過青衣城周圍都係人，入咗呢間叫咗2個set lunch, 再加一個火腿、水牛芝士拼盤，拼盤最後先到，發現得火腿冇芝士，叫咗侍應問，佢話係咁架啦，你哋係叫火腿拼盤，問佢拎餐牌再睇，寫明有水牛芝士，佢先死死氣拎餐牌去問廚房，轉頭拎住碟有2塊火腿幾粒芝士，話廚房比漏咗芝士，依家比返，仲話比多咗你哋架啦，原先冇咁多，好似話我哋攞著數咁，我就話洗唔洗同你講聲多謝，佢先話唔好意思囉，係呀個囉字係勁大聲！雖然百幾二百蚊嘅set lunch唔係好高級，但係侍應基本禮貌欠奉，食食吓仲見到有個廚師，行出樓面大大講粗口。

因為去開嗰邊做嘢求其搵間餐廳食酥炸軟殼蟹甜椒羽衣甘藍意式三文治配炸薯條薯條好脆 唔似係翻炸 都幾新鮮南瓜鮮露筍蔬菜飯好健康嘅飯超清淡🤣完全無鹽所以最後我加蕃茄醬 好好食😋如果經過又想食西餐都可以試下不過唔會刻意走去食

前排係食大閘蟹嘅季節，我哋見到有間餐廳環境靚之外，仲有個大閘蟹套餐食🤤🤤個二人餐有頭盤、餐湯、主食、pizza和甜品！二人餐嘅價錢都係$598，仲可以食到好多嘅大閘蟹肉😚都幾抵食架！餐湯係蟹肉南瓜湯，非常creamy同濃滑，夠曬足料係可以食到南瓜蓉，而且仲有加埋蟹肉令到口感更加之豐富🤭頭盤方面，係有3粒的意大利炸飯糰蟹粉莎莎，主要係沙律菜做底，非常清新，沙律菜令到炸飯糰蟹粉莎莎冇咁油膩感。炸飯糰蟹粉莎莎咬落口非常香脆，入面嘅蟹粉好有實肉嘅感覺。蟹肉Pizza係我哋最想食的，它是由三款蟹肉餡料做成的，包括有蟹肉、軟殼蟹和蟹粉😳❤️三款唔同嘅蟹料加埋一齊令到口感好特別，仲更加豐富！而成個Pizza由於好多餡料睇上去好豐富，食落亦有唔同嘅驚喜😁😍最驚喜嘅係Pizza中間隻軟殼蟹，炸得好香脆同埋好味！通粉方面，蟹粉蕃茄長通粉，又揀蟹粉因為我哋都好鐘意食加上係食蟹嘅季節👍🏻👍🏻蟹粉非常鮮，加上用蕃茄煮出黎酸酸甜甜，食落更加開胄🍝令到味道更加平衡

用左openrice咁多年第一次寫食評，因為The Point 環境舒適、食物好味之餘，亦好想一讚貼心嘅店員!👍👍 平安夜一行五人點左好多食物，大部分都好滿意，推介黑松露芝士蛋黃醬薯條、食肉獸Pizza、紅酒燴和牛肋肉配蜆殼粉同M5澳洲和牛肉眼牛扒。 雖然大時大節客人比較多，店員有時難免分身不暇，但大部分店員都好有禮貌，服務親切。在此要特別點名多謝一位叫Manson嘅同事，事緣我哥哥點左一杯特飲Christmas Tree，上枱時問店員(眼尾快立到名牌叫Manson🙏) 攞飲管先知道原來係一杯熱飲😅... 因為佢非常怕熱，本身諗住唯有攤凍先飲，但估唔到Manson轉頭返嚟，除左飲管仲主動拎左一大杯冰俾我地，令熱飲可以即時變凍飲😍 佢仲貼心到攞左乾淨嘅碟同匙羹，等我地可以筆走上面層cream (Christmas tree造型嘅精髓)，倒完飲品再將cream還原😜。呢一下貼心嘅舉動真係完全意想不到! 令原本已經好滿足嘅平安夜晚餐更加開心圓滿👍🥰

聖誕節同朋友都想食芝士火鍋，但發現原來唔係周圍都有，見到呢間之前去過覺得唔錯既餐廳有就揀左係呢間過！員工服務態度好好，加分🌟.Fondue Special HKD788 （二人）呢個套餐包括餐湯2客、頭盤1款、海鮮芝士火鍋、甜品2款，都好豐富架🤩當日是日餐湯係蘑菇湯，我地揀左龍蝦湯（+HKD28）都幾香，都有好幾粒龍蝦係入面頭盤揀左經典凱撒沙律，當然大家有興趣可以加配挪威煙三文魚（+HKD38），沙律超大盤，我地三個人分都食左好耐🤣主角海鮮芝士火鍋🫕有數款海鮮，包括原隻波士頓龍蝦、南非鮑魚仔、扇貝、虎蝦、法國藍青口，仲有時令蔬菜拼盤同無限添加法國麵包🥖龍蝦分拆好，鮑魚都算大隻架！係扇貝細隻左d… 芝士方面比較稀同淡，如果濃d比較好畢竟其他食材冇乜調味😢甜品揀曬兩款！雲尼拿泡芙同棉花糖朱古力心太軟🍫心太軟個人覺得幾好，裡面真係熱既同流心🥰黑松露芝士蛋黃醬薯條 HKD88超大份薯條，芝士帶少少拉絲😋BBQ烤雞Pizza HKD128呢款9”pizza有烤雞、蘑菇、甜洋蔥，邊比較硬，但味道ok👌🏻.同大家分享埋平日既2人套餐 HKD398頭盤揀左2份肉丸，肉丸幾juicy😙主食揀左煙三文魚蘆

餐湯方面 我哋揀咗龍蝦湯 真材實料 真係食到有龍蝦肉 而且幾濃味👍🏻而沙律方面 我哋就加咗煙三文魚 沙律嘅份量十足 而且煙三文魚嘅份量一啲都唔吝嗇 我哋兩個人都食唔晒碟沙律🙊之後終於到主角出場 就係海鮮芝士火鍋 海鮮包括有龍蝦 鮑魚 帶子 蝦 同埋青口 都係高級海鮮食材👍🏻👍🏻而且質素亦都唔差 鮑魚彈牙 龍蝦亦都可以媲美酒店自助餐嘅質素除咗海鮮外 都仲有蔬菜拼盤同埋麵包芝士火鍋底亦都值得一讚 芝士唔會太杰 食落一啲都唔膩👍🏻👍🏻最後我哋亦都揀咗棉花糖心太軟作為飯後甜品 好欣賞佢心太軟夠熱度適中 而且旁邊亦都加咗餅乾脆脆 可以有不一樣嘅口感😋😋😋

就到聖誕梗係要食返餐好，見到呢間餐廳推出芝士火鍋（兩位用），於是就嚟試吓凱撒沙律配挪威煙三文魚煙三文魚同沙律份量十足龍蝦湯味道好濃味，入面仲有蝦肉主角海鮮芝士火鍋出場上層有原隻波士頓龍蝦、南非鮑魚仔、扇貝、虎蝦同埋法國藍青口，海鮮新鮮而且大大隻，食落好滿足下層係時令蔬菜拼盤，配合濃味芝士一齊食正呀仲有法國麵包可以無限添加，啱晒大胃王飲品揀咗雜果賓治棉花糖朱古力心太軟上枱時熱辣辣，估唔到棉花糖配心太軟竟然幾夾，非常推介食埋個咁正嘅甜品為呢餐畫上一個完美嘅句號

喺青衣城shopping肚餓，見到呢間有個海鮮芝士火鍋，心動要試。原來呢個芝士火鍋只係出左一個星期。套餐可以加錢配龍蝦湯，個湯好濃，有正宗龍蝦湯會有嘅苦澀味。凱撒沙律，沙律醬量適中，撈得好均勻，呢樣值得加分。重點來了，芝士火鍋！等芝士滾嘅時候可以就咁食住啲麵包粒先，無論點唔點芝士都好好食。海鮮芝士火鍋重頭戲當然係海鮮，擺明有心思。啲蝦好爽口，點左芝士嘅味道好特別。其他海鮮同芝士都好正，最有驚喜係青口，好鮮。除左海鮮仲有少少蔬菜同貝殼粉，個人認為食晒全部野再將貝殼粉同菜倒落芝士撈埋食。食完主菜食甜品，炮芙就套餐有嘅，我哋再加錢加一個心太軟。心太軟熱辣辣，一切開朱古力流出嚟，視覺好滿足飲品方面揀咗榛子朱古力，食完心太軟朱古力味仲留喺口，飲多杯朱古力當堂覺得更飽肚，而且味道都好好飲。

聖誕聚餐同家人來個暖笠笠芝士火鍋🫕無限添加外脆內軟嘅法國麵包之外，仲有海鮮如原隻波士頓龍蝦🦞南非鮑魚仔、虎蝦🦐法國藍青口🦪扇貝🤩🫕Fondue Special $788 for 2🍲Soup 餐湯Daily Soup 是日餐湯為南瓜忌廉湯，南瓜味好濃～Starter 頭盤🥗Caesar Salad 經典凱撒沙律：煙肉絲加上麵包糠脆粒，滿滿沙律醬淋滿沙律菜上面～Seafood Cheese Fondue 海鮮芝士火鍋🫕🥖Baguette(Unlimited Refill) 無限添加法國麵包！外脆內軟法國麵包，最索芝士味！呢個超好食！🦞Whole Boston Lobster 原隻波士頓龍蝦，大大隻龍蝦有，已切開2邊+2隻龍蝦鉗，啖啖肉～🔸Baby Abalone 南非鮑魚仔，估唔到都幾彈牙帶點鮮甜！🦪Mussels 法國藍青口，青口大約有5~6隻，無沙幾好🦐Prawns 虎蝦，有5~6隻，已剝殼好易入口🔸Scallops 扇貝，有點兒乾身🧀芝士火鍋，芝士味道好足！用火熱住好暖笠笠～食芝士火鍋前一定要留肚！如果芝士食哂可另加購芝士Seasonal Vegetables 時令蔬菜🥗有車厘茄🍅

一直都好想食芝士火鍋，咁行開青衣城見到有二人餐芝士海鮮火鍋就同老公去試，感受一下聖誕氣氛龍蝦湯唔知大家覺唔覺得普遍嘅龍蝦湯有浸苦味，但呢個冇，仲好香甜我鍾意凱撒沙律份量好大，最鍾意係已經撈好晒沙律醬，而且好平均，每啖都有沙律醬然後就嚟到重頭戲—海鮮芝士火鍋海鮮拼盤有龍蝦、青口、帶子、蝦、鮑魚，全部都好新鮮爽口，另外仲有一盤蔬菜拼盤，相對蔬菜烚得耐左，所以無咁爽口，仲有一籃麵包粒可以無限refill，麵包同芝士火鍋簡直係絕配，吸晒啲芝士，芝士控一定唔可以錯過！飲品-榛子朱古力本身好鐘意飲朱古力，然後見跟餐可以優惠價轉就即刻轉左，好味！最後到甜品，有兩款心太軟同泡芙我個心太軟係用熱pan上，上面仲有燒左既綿花糖，雖然好熱，但係好好味！泡芙就太淋有啲失望⋯個二人餐睇落份量好少，但其實係絕對足夠，食到好飽！

很懷念在瑞士的日子，朋友特意來到一間新派菜式餐廳品嚐他們最新推出的海鮮芝士火鍋，最出名在於他們是使用瑞士的芝士，而瑞士的芝士出名香濃、惹味、柔軟，是任何人包括不太喜歡芝士的我也不期然愛上它的。他們的餐湯是香濃菜湯，適合清淡的人士。另外很喜歡吃海鮮的朋友他特意另外安排了龍蝦湯，鮮甜惹味。普通的凱撒沙律當然不能夠滿足我們，我們另外加配煙三文魚，令整個沙律菜更豐富美味。前菜吃完後，今晚期待已久的芝士火鍋終於送到我們面前，服務員尚未將火鍋送到我們面前遠遠的已經聞到芝士的香味，令我們垂涎三尺蠢蠢欲動，看到兩層海鮮塔更令我們忍不住立即試食。要品嚐他們的芝士味道，最好方法當然是用法國麵包嘗試，一浸下去便已經感受到芝士的柔軟，吃後更可以清晰地品嚐到芝士的柔軟及些少白酒的味道， 十分新穎。我們還未吃上海鮮及主菜，麵包已令我們差不多吃了三分之一的芝士。海鮮已經煮熟，所以我們只需要輕輕的將海鮮放進芝士中大約10秒鐘便可以立即品嚐到海鮮的鮮味和芝士的香濃，而且他們還配有蔬菜、蜆殼粉、薯仔，絕對不用擔心吃不飽。最後甜品我們選擇了棉花糖朱古力心太軟和雲呢拿泡芙，記得朱古力心太軟需要大約20分鐘時間準備，所以記緊提

🫕今日食左個暖笠笠芝士火鍋, 超興奮！有無限添加法國麵包！！Fondue Special $788 2people南瓜忌廉湯為是日餐湯，南瓜味道都幾濃，湯裡面仲有粒粒南瓜經典凱撒沙律為頭盤🥗勁多沙律醬，好濃味既煙肉絲配搭脆脆麵包糠🫕海鮮芝士火鍋，海鮮方面都幾豐富OMG!有無限添加法國麵包🥖 麵包吸哂芝士汁勁好食！原隻波士頓龍蝦🦞龍蝦身已預先切開2邊，龍蝦鉗要自己夾開，方便食用味道都好鮮甜南非鮑魚仔　每人1隻夠哂彈牙法國藍青口 無沙青口夠哂清甜虎蝦，肉質都唔錯扇貝 大大隻扇呀芝士火鍋包埋時令蔬菜：車厘茄、西蘭花、薯仔、茄子、南瓜健康平衡返～甜品雲呢拿泡芙 棉花糖朱古力心太軟　+$38要等20分鐘, 大家記得預早叫甜品!飲品有半價優惠榛子朱古力+卡布奇諾