The Place

地方企理,坐位编排比較擁擠,幸樓底高中和焗促感,食物二十來款,以午餐500多（含飲品）的價錢來说,可以说是不及格海鮮,4款,青口,波士頓拑,蝦,生蠔,全部係瘦到不得了,用的批發中下檔次的急凍海產,最令人不解的是用错餐拑竟被侍仔出言喝駡,呢一點已經足夠我俾負分,好大件事？需要如此repeat 3次？待客之道在哪？食物已經不是什麼上檔次,態度還如此惡劣,無辦法之下只能分享給大家以证視聽.熱盤十來款,燒牛肉肉質差還要medium rare處理,橡筋般的结構,血水傾瀉整碟,血色古怪,未入口而聞其異味,我切了一刀,放棄了,路過切牛肉的服務員跟我打了眼色,原來我未讀懂,現在懂了,壽司差過爭鮮,沙律酸過yogurt,我只能俾55分,食物服務價錢對不起食客,我5分飽已放棄,食兩球movenpick下火,今晚食the market應該無咁嬲

好耐無食buffet，一家大細黎食dinner buffet～上網search完，最抵食係用某信用卡，有72折，折實$573。冷盤有啲失望，竟然無蟹腳。啲生蠔細隻咗啲，不過都新鮮嘅，質素ok。熱食黎講，其實款式唔太多。芝士焗龍蝦質素ok。 熱食仲有片皮鴨，但個包超厚，個鴨勁薄，唔太好食⋯⋯ 蟲草花燉湯足料，夠火喉～ 海南雞飯細細碗，岩岩好，個油飯出乎意料地好食，啲雞都滑，推介！水蟹粥幾好食～食完可解膩甜品今期甜品主要用抹茶為主題，幾好食。同埋有個韓國麻糬曲奇，勁香，推介！ 台式芋圓仙草正常水準，不過不失～ Movenpick雪糕總共有8隻口味，除咗用cone仲可以用泡芙夾黎食～正！ 整體黎講，食物質素ok，但係款式比較少，同埋刺身壽司類quality較麻麻。冷盤如果有蟹腳就會再抵食啲。

第二次幫襯lunch buffet，無令我失望，其中熟食、甜品最出色。因為上一次食到水準不錯的海南雞飯，今次一定要返兜，點知今日無提供。幸運地遇到廚師一問之下佢竟然煮一份俾我！！！雞飯好出色，色香味十足，雞肉好滑，唯一建議唔洗落豉油，因已配三色醬。成碟清晒好滿足呀！想多謝及讚揚當日位廚師體貼的服務，係自助餐以上提供make to order services呢個服務係香港真係好難得！一定會再幫襯，希望再次食到美味海南雞飯

端午節去了這裏吃自助午餐跟女兒慶生。本滿心歡喜和期待有美味的食物品嚐，但是食物的味道很一般，老公喜吃的生蠔，他只吃了3隻就止步了，因生蠔洗到冇曬蠔味和很瘦削。海洋種類只有生蠔、龍蝦蟹鉗、蝦、青口及龍蝦仔。手切牛扒也比扒房的差。刺身只有4款（印象有三文魚、吞拿魚、希靈魚）。 即叫即整壽司。熱葷的選擇也不多，有印度咖哩雞、印度薄餅、生滾粥、即叫即煮湯麵、炸薯條、炸魚塊、燒豬肋骨、蒸魚塊（酒店自助餐竟然不是全條魚上，有點兒那個）、油菜、炒飯。本人唯一好評的是一系列的抹茶甜品。

上網見到cordis 推出宵夜自助餐，便約了友人一起來試試。我和友人都是生蠔愛好者，所以今次來食目標之一便是生蠔。一埋位，大家都努力進攻生蠔。一開始已經見人龍。生蠔是即開的，非常新鮮。每人每次限攞3隻。生蠔味道方面，口感比較creamy, 配檸檬汁已經可以好好地發揮它的味道。吃多了，加點cocktail sauce, 再吃又有令一番風味。自助餐其他食物種類不算太多，不過每樣都精緻到位。有中湯，蠔餅，pizza 也非常好食。到最後值得一讚便是甜品。movenpick 雪糕，waffle，豆腐花 好味👍值得再來一吃😃👍

今日休息，同未來老公仔去旺角食lunch buffet. 自助餐時間由中午12點至下午2點半。話曬五星級酒店嘅buffet, 環境一流，地點好方便，朗豪坊上面，一出地鐵上三層就到，算幾就腳。食物唔係特別好多選擇，但係應份有嘅都有，生蠔，海蝦，青口，龍蝦仔。對比同星級酒店自助餐，種類差不多。味道方面，生蠔算鮮美，每人每次限取3隻。過左點半，就冇咩人排隊。刺身有三文魚，希靈魚，𩶘魚等，冇咩特別。熱盤正常，有咖哩供應。雪糕有movenpick, 甜品有各款不同種類嘅綠茶口味，算唔錯。總體來說，味道屬中上。恒生卡有72折，每人折左301. 價錢都算抵，會再食嘅！

好耐無食buffet,，唔同酒店都做緊好多優惠，求其㨂左呢間黎試。6點半開始dinner buffet，差唔多時間我地先到，外面已經排晒長龍，平日夜晚都好多人🙈入到去坐低，就衝出去拎生蠔，每次只限拎3隻。仲有其有海鮮-螺，蜆，蝦，青口。生蠔都幾大隻，幾creamy，金屬味重，唔係即刻開殼，係已經開好一盤，師父沖一沖，刷一刷放落冰度自己拎。啲蜆幾鮮味，淡淡地。螺唔爽口，有啲韌。沙律菜唔算好多款，但基本嘅都有，蔬菜幾新鮮。魚生好一般，見啲顏色都唔太想食，頭一輪有人排，之後經過都無咩人熱盤重點係龍蝦同羊架，龍蝦肉有少少韌，但有蝦子蝦膏，😆👌🏼嘅羊架就好淡味，但肉嫩，加返啲鹽/醬汁食會更好。熱盤仲有啲印度菜，薄餅唔錯，加埋咖喱汁😋😋。當然仲有中菜-炒荷蘭豆，京葱牛肉，椒鹽排骨，星洲炒米同湯粉，都唔錯。仲有個燉湯，好味，飲左好多碗。芝士附近仲有西湯同蟹粥。甜品就最吸引，movenpick有8種味，朱古力有朱古力薄片喺裡面，😋😋，抹茶都唔錯，唔算超濃，唔會好甜。雲呢嗱都好食，乳酪味正常，另外士多啤梨同熱情果就有啲酸，焦糖燉蛋味有啲甜🙈。呢度都幾多抹茶甜品，試左個抹茶千層，我只食到千層酥嘅牛油味，食

今次係第二次嚟Cordis嘅the Place食buffet 第一次係上年嘅宵夜自助餐今次係4月30號 COVID-19 outbreak下食dinner buffet今日係公眾假期 佛誕 全場爆滿因為同屋企人慶祝 所以已經早10幾日就已經book咗位一行3人6點半入席 量好體温 要求下侍應提供信封暫放口罩先介紹一下有乜嘢好食先唔係好多酒店自助餐廳都有嘅芝士焗龍蝦呢度竟然有 仲要refill得好快 唔洗排太耐就拎到 其次嘅係有明閣嘅京式片皮鴨食 食一舊就夠啦 因為包皮太厚 凍海鮮有即開生蠔 每人每次只限攞三隻 比較需時 因為職員清洗得很仔細 其他有翡翠螺 蝦 龍蝦鉗 青口等 都係職員幫手夾 唔使顧客郁手 以免增加感染風險刺身有我好中意食嘅希靈魚熱盤種類唔太吸引 但值得讚許嘅係 食物都分開一碟碟 仲有職員幫你拎海南雞飯 味道可以哦蟹粥甜品要排長隊拎嘅疏乎厘係movenpick雪糕仲要係好多好多秩口味 整體感覺the place嘅buffet對疫情控制嘅態度係好的 只有少數幾個顧客冇帶口罩拎嘢食但熱食嘅種類如果再豐富D 就會更好原價:$698+10%/人特價後:$418(連service

最近疫情所致 多間酒店紛紛做特價優惠🥰🥰🥰早幾日起我去左旺角朗豪坊the place食晚市自助餐 🤓選擇唔多 👌🏻海鮮方面無凍波士頓龍蝦 長腳蟹 不過有美國生蠔每人排隊限攞2隻 味道好淡無海水味同蠔鮮味 唔知係咪洗太乾淨😹😹焗芝士龍蝦🦞肉質偏韌 應該係急凍熟龍蝦再加熱放芝士焗🤭 鮮味欠奉最值得一讚係衛生措施好好熱盤預先分好一小碟 冷盤用保鮮紙蓋住 甜品有movenpick任食😍-𝚈𝚞𝚖：👅👅👅/𝟻𝚁𝚎𝚟𝚒𝚜𝚒𝚝:💃🏼 💃🏼/𝟻𝙿𝚛𝚒𝚌𝚎: $500/𝚑𝚎𝚊𝚍.————————————————The Place (旺角)旺角上海街555號香港康得思酒店L樓層————————————————

又心血來潮想食自助餐，去了兩次"市場"，都想轉食其他，於是選了很久沒去的 The Place。我們8時多才到，而自助餐9時45分就完結，於是在餐廳門口做了防疫程序就立即進入作戰狀態。餐廳食客不是太多，就連取餐區都鮮有食客取餐，比較冷清。疫情關係，凍海鮮區只放樣本出來，需要時找職員，他們會從雪櫃直接取出海鮮給食客。是晚沒蟹腳，只吃了生蠔跟龍蝦鉗。生蠔: 不腥但好鹹龍蝦鉗: 預先敲殼，吃起來方便，肉質新鮮且富鮮味，不錯熱食區的食物也因應疫情而轉換形式，食物以一碟碟形式預先分好，再放在保溫盆中；有些則要經由職員拿給食客。小碟式取餐其實有點麻煩，大碟每次只放三小碟已經放滿，加上每小碟食物份量真的很少，如果要追加，就要多走兩趟忌廉汁燴三文魚忌廉汁味道不錯，奶味不會過重，三文魚肉嫩滑，薯蓉也很幼滑; 可惜，每碟份量少得離譜，三文魚只有骰子般大小，薯蓉又只有一小陀，算起來大概要來回5到6次，才可以吃到相等於平時自助餐一件魚柳塊的份量蕃茄醬青口（確實名稱忘了）醬汁的配料－甜椒，味道太突出，跟青口不合襯，青口本身亦沒鮮味黑松露汁炆雞（確實名稱忘了）烹調方面有點偏向中式，芡汁雖有黑松露味，但感覺還是搭配忌

今日夜晚同HA 做醫療嘅friend 去左The Place 食自助餐。宜家酒店做緊醫管局員工優惠，半價可以食到5星級酒店嘅自助餐，真係有今生冇來世。平日收工日子去食，估唔到都8成滿座前菜拎左少少試下，因為疫情關係，全部野食都係預先分好曬係碗度，冷盤仲用埋保鮮紙蓋住，確保衛生，值得一讚。主菜有10幾款，豬牛羊魚咩都有，各自用左唔同嘅汁煮，肉質唔錯又入味。羊扒同rib eyes 肉質有彈性又有肉味，值得一試。不過我就食唔慣用薄荷醬襯羊扒，好似食緊牙膏咁。咩醬都唔點仲好食。海南雞飯有驚喜，雞嘅肉質好滑又冇⻣，飯味好香又煮得啱啱好，好食到食左2碗芝士焗龍蝦就正常水準，不過不失。甜品都有十幾種簡，Terimisu同蛋白凍係必食之選。貴價Movenpick 雪糕居然提供8隻口味咁多可以選擇！The Place 嘅食物水準好高，宜家仲有HA優惠， 絕對值得一試！

係疫情下，我哋咩大時大節都黎依到慶祝，我仲介紹幾多朋友仔黎食，絕對係信心保證，但經過今日，我唔會再黎！我今日專登帶個仔同老公黎，慶祝老公生日，同我哋結婚十五週年，點知今日嘅buffet cut左好多野食，魚生海鮮唔生鮮，海鮮得返生蠔（尚算正常），爛青口，蟹又無，我曾詢問經理，經理話貨期問題，所以無貨，竟然要顧客接受此解釋和結果。最後，牛肉部和焗龍蝦的兩位師傅，特別帶眼鏡的那位，不知是否疫情下令他心情不好，用好不屑的眼神和態度對待顧客，令我們有如欠了他一般，我們真的十分不滿！但此地方的環境和樓面員工服務始終十分良好，但廚部有這些不尊重客人的職員，我極度失望！

環境尚可，待應服務不錯，食物是敗北。海鮮選擇極少，網站顯示有蟹腳鵝肝，去到完全無影，詢問經理原因，卻說來貨問題，唔捨得比人食不如考慮索性停業。牛排龍蝦熱點的香港廚師態度極差，客人出去拿東西吃時像乞丐一樣，貼錢買難受，反而外籍同事態度友善，值得讚許。Overall食物質素過低，麵檔的面和湯比街邊車仔面更差。甜品部女廚師服務很好，食物也很好。食物選擇太少了，價錢算是中位價酒店自助餐價錢，雖然是少數有生蠔的晚市自助餐，但是生蠔的質素也只是一般。另外，食物除了不新鮮，選擇少之外，溫度不足也是一個大缺點，每一樣食物溫度都不夠。飲食環境正常，只是感覺上非常強大壓迫咁，每一秒也如坐針墊，這是我27年來最糟糕的一次生日。總括而言，不用錢可考慮一下，永不錄用。

本來今日去日本,但去唔成,唯有去撐下本地酒店.見到openrice有七折,梗係去試下、 經濟唔太好試下 lunch buffet啦,一行同阿媽二人,阿媽仲有長者優惠.去到12點,剛剛好,食物質素唔錯,有生蠔有凍蝦.有青口,龍蝦鉗.食物種類lunch嚟講算ok.但值得一讚係員工服務&衞生情況。仲有free兩小時泊車.首先一入門口有量體溫，每張枱有相隔一定距離.唔使寫紙仔落order可以自己出去揀.每樣嘢佢只會擺一個display出嚟,你有需要服務員會拎畀你.一啲show出嚟嘅食物全部有保鮮紙包住,衛生情況良好.推介

雖然疫情影響心情，但餐廳的食物安排細心衛生。一入口有探熱，提供的食物都係獨立封好的，而且份量少，十分適合女士。場地位置安排合適，枱之間有適合距離，唔會聽到隔離傾偈，但唔算有靚景的酒店海鮮有生蠔，細隻又新鮮，配白酒唔錯熱食有咖喱，簿餅，好食既甜品有雪糕雞蛋仔，可以打扮精緻再食落肚整體都唔錯，心情都開心晒，值得再去嘅。