The Place

由於近排自助餐實在太難訂位，好多都需要提前一個月去作預訂。呢一間就算係酒店中最易book位嘅一間，之前食過佢嘅lunch buffet都覺得唔錯，所以今次就試一試佢嘅晚餐buffet。基本嘅海鮮，例如生蠔、蝦、蟹都有，但壽司刺身方面就比較少，熟食同甜品方面就款式唔多。伶我最失望係甜品唔可以自己伶，要職員幫手夾，有啲仲限制一次只可拎一份，而且甜品真係少得黎又唔多好食。對於600幾蚊一位黎講，呢個價錢係中等可接受，但配上款式甘少同其他酒店相比真係算性價比低。

之前公司+自己都食過呢間，質素係中等的，起碼唔會覺得有嘢係難食，點知經過昨晚之後，我會形容呢間嘢質素係斷崖式急跌，生蠔有3款，除左一款有些少蠔味之外，其餘兩款都係完全無味道，唔知以為生蠔俾水浸過夜，另外虎蝦限攞一隻，但居然d肉係霉既，其他海鮮小龍蝦，青口，生蝦都唔使講，都係一d味道都無，見人攞完一兩轉之後已經唔使再排隊，大家知發生咩事，食刺身，生文魚刺身可以有幼骨未清除，其他油甘魚希靈魚八爪魚又係好似浸過水既味道，爭鮮都好食過佢，一句講晒，冷盤完全唔掂，唯一可取之處係有大量煎鵝肝，唔使等，整體食品選擇少，我唔知餐廳係咪餐廳換左主廚，但以價錢對比食物質素，係完全唔合格，短期內應該“no next time!"

喺暑假即興約buffet同朋友相聚係一件好難嘅事，加上而家疫情大家都冇咩邊度去！早幾日就約到呢度嘅自助五餐，心諗呢度可能唔係咁高質，所以冇咁full!! 但係原來我完全唔會出去！呢度環境舒服，服務比五星級酒店更加好（我最近去嗰啲五星級酒店嘅餐廳麻麻哋）！呢度嘅侍應又有禮貌，又關心你嘅需要，又樂於助人！我簡直想寫嘉許書俾佢呢度一次3號可以拎三隻，而且好快！好正而且生蠔大大粒，肉質亦都好creamy我決定要食勁多生蠔！最後食咗差唔多12隻，都係覺得可以繼續食落去，哈哈哈好明顯係勁好味！不過已經太飽啦，想食甜品！呢度嘅甜品都係好高質素，雪糕仲有movenpick 八種口味任君選擇不過呢呢度嘅熟食你就唔好太多期望啦，唔會唔好食，不過就會普通啲，不過就係拎返個平衡囉～仲有一點想講，呢度仲包果汁同汽水任飲，呢個係意想不到嘅bonus ah! 朋友同埋我都話下次可以帶埋屋企嚟食添

因為staycation 入住左cordis hotel , package 包左入lounge ，同埋 the place 早餐，前一晚喺lounge 暢飲已經好開心，㸃知 早餐都好驚喜。不過可能因為暑假關係， 早餐係有限 時間， 我book嘅時候 ，只可以安排早上8：00 ， 真係好早， 仲要只係可以食1個半小時， 都幾趕。 不過食物質素都唔錯， 所以都覺得咁早起身係可以嘅。基本上都幾豐富， 唔單止有一般早餐有嘅茄汁豆，煙肉，腸仔， 亦有日式早餐， 最開心係有港式嘅早餐， 黑白奶茶好正， 仲有一啲蛋撻加菠蘿包， 好多嘢食。整體都好滿意今次嘅早餐， 係時間上面太少， 同埋太早， 可能有其他 時間 選擇， 但因為太full嘅關係 ， 所以要咁早。

ᴛʜᴇ ᴘʟᴀᴄᴇ的自助餐一向唔差，當中ᴀғᴛᴇʀɴᴏᴏɴ ᴛᴇᴀ ʙᴜғғᴇᴛ物值更高。最近以日韓街為主題，更聯乘𝕂𝕚𝕥 𝕂𝕒𝕥® 推出ᴀғᴛᴇʀɴᴏᴏɴ ᴛᴇᴀ ʙᴜғғᴇᴛ，由ᴘᴀsᴛʀʏ ᴄʜᴇғ 重新演繹一系列主題甜品*日式食物，最特式是即製爐端燒、章魚小丸子*韓式食物以泡菜炸雞味道最好冷盤有壽師師傅即場手握波波壽司較精緻，還有蕎麥冷麵，沙律等*甜品方面，喺𝕂𝕚𝕥 𝕂𝕒𝕥® 𝔻𝕖𝕤𝕤𝕖𝕣𝕥 ℂ𝕠𝕣𝕟𝕖𝕣，多款時令甜品，少不了以𝕂𝕚𝕥 𝕂𝕒𝕥® 為主題的特色甜品及𝕂𝕚𝕥 𝕂𝕒𝕥® 招牌朱古力。*ɢʀᴇᴇɴ ᴛᴇᴀ ᴋɪᴛ ᴋᴀᴛ ᴍᴀɴɢᴏ ʀᴏᴜʟᴀᴅᴇ*ᴅᴀʀᴋ ᴄʜᴏᴄᴏʟᴀᴛᴇ ᴋɪᴛ ᴋᴀᴛ ᴄᴏғғᴇᴇ ᴛᴀʀᴛ*ʀᴀsᴘʙᴇʀʀʏ ᴋɪᴛ ᴋᴀᴛ ᴄʜᴏᴄᴏʟᴀᴛᴇ ᴄʜᴏᴜx*ʜᴀᴢᴇʟɴᴜᴛ ᴋɪᴛ ᴋᴀᴛ ᴄʜᴏᴄᴏʟᴀᴛᴇ ᴍᴏᴜssᴇ當中ᴋɪᴛ ᴋᴀᴛ ᴄᴏғғᴇᴇ ᴛᴀʀᴛ及ᴄʜᴏᴄᴏʟᴀᴛᴇ ᴍᴏᴜssᴇ味道最好*雪糕櫃供應我最鍾意的𝕄𝕆𝕍𝔼ℕℙ𝕀ℂ𝕂，更有8種味道選擇。試勻所有味道，還是覺得搽茶、朱古力、柚子味道最好最此之外，每位可獲特飲一杯，包括

康得思酒店既staycation因為book左主席套房零房價可以有5500消費額食野check in完擺低行李就落番去大堂食自助午餐the place位於酒店大堂由朗豪坊四樓穿過天橋右手邊就係呢間我以前應該係無黎過因為餐廳開係大堂所以樓底都算高lunch buffet由十二點食到兩點半星期日中午時間基本都係坐無虛席二人檯排得都算密同食物距離亦都近都唔少人係附近行黎行去咁張二人檯都算大張同cafe too有得比好過同集團既the food gallery有紙口罩套刺身檯就係我地格離一共有四款三文魚八爪魚鯛魚同希靈魚咁呢碟係岩岩開始果時切既入到口唔難食好過cafe marco好多啦另外張壽司檯有即整壽司我就無理過綠色植物就好多野仲放左位廚師係度海鮮全部要搵廚師拎生蠔係紐西蘭全部開好晒每次只限拎三隻size一般不過好多碎另一邊海鮮係蝦小龍蝦同青口一樣都係由廚師夾比你我自己就幾唔鍾意小龍蝦難拆又唔好食呢一碟我就無再fill了始終都係lunch buffet無龍蝦係基本生蠔同長腳蟹亦都只可以二揀一cold cut係杯裝細細杯廚房位有一排熟食有燒豬亦都有燒牛不過兩樣都唔太好食而豬頸肉就唔錯點心得三

今日一行4人同朋友去食晚市自助餐，點知食咁多間自助餐最失望今次，又貴又麻麻地，生蠔無鮮味，好淡，麵包蟹超鹹，又無焗龍蝦食，只得無味道既細細隻龍蝦仔，仲要沒有鮮味。鵝肝都尚算ok,主食唔太多款式，仲要見到廚師煮食試味用煮緊湯勺試味，之後又放回湯勺再攪野食，但當然知道本身廚師好多都係咁，但你廚房開放式，加上又疫情期間，令人有D反感。只可以講今次最出色既係反而甜品幾好，刺身唔多款，又沒有帶子同甜蝦，失望，如果要7百幾一人今次既食物質素真係超唔掂，這間已列入不會再去，貴而難食

呢半年，我地屋企都去左五次食呢個康得思自助早餐。今次又黎到The Place食早餐。😙😙以下係人地早餐時段（今次先見）我地外人又比多左少少錢，就8點食到10點半。一如既往，呢度都係有鮮榨果汁，但今次黎既量就比以前少，用既杯比以往細，不過都好既，減少浪費，要既話就再拎，但可能要餐廳用多左水量洗杯。😆😆另外值得一提既今次整奄列、煎蛋既哥仔依然好有禮貌，每次煮完交給食客時都話‘’多謝你，小心熱‘’ 真係超級讚👍🏻👍🏻我地黎呢間餐廳咁多次，依然出印度飯，依然幾乎無人問津，但今次特別在有供應甜蕃薯，我相信好多人都miss左呢個。因為佢放左在印度飯、咖哩區內，我地拎左一個一齊食，甜甜地，幾好食。😋😋以下就係一些相，我覺得呢幾個月餐廳食物變化都不大，都保持得幾好咁。平日早餐自助，人均消費$140。😆

環境舒服，餐桌上擺設齊全，餐碟顏色有心思，食物選擇多，但魚生，壽司唔夠新鮮，但生蚝，面包蟹可以，唔使搶，熱盒（羊扒，牛仔肉好味），燉湯好，其他小吃唔錯，甜品好多選擇，飲品任飲，各樣食物衛生處理很好。整體唔錯，值得推薦。

前幾日好得閒，同老公嚟到康得思酒店食lunch buffet，我哋點幾先嚟到，所以食嘅時間好短，但見到食物種類唔多，質素一般，係驚喜lunch buffet有生蠔，同埋甜品OK，其他質素真的一般，

前排父親節大食妹同屋企人去咗Cordis staycation, package包左The Place嘅自助晚餐於是我哋晏晝去做gym, 運動先可以放開肚皮食嘢<生蠔>老竇一嚟到就攞咗佢至愛嘅生蠔可惜The Place嘅生蠔顯得有啲瘦削但係唔鍾意食蠔肚嘅朋友都可以試吓<刺身>刺身種類唔算好多, 尚算新鮮, 而且三文魚都好厚切<壽司>大食妹唔食生野, 試咗幾件熟嘅壽司, 普普通通<海鮮>海鮮方面都比較一般蟹腳乾爭爭, 冇咩鮮味<煎鵝肝>煎鵝肝係唯一一個大食妹會食完再食嘅嘢食唔好睇佢煎得黑黑沉沉, 食落入口即溶, 甘甜肥美<湯粉>見其他食客話湯粉都好唔錯大食妹當然要試一試, 嗌咗個味增湯底嘅河粉加咗紅腸同豬肉丸湯底同河粉味道的確唔錯, 但紅腸同豬肉丸就有啲太咸啦<湯品>主食方面最後要同大家極力推介佢嘅燉湯呢個鮑魚蟲草花雞湯味道清甜, 非常好飲<甜品>甜品種類都有好多, 造型超級可愛仲有雪糕食添

🍽The Place (旺角)📍旺角上海街555號香港康得思酒店L樓層.自助晚餐 $678 +10%.係豐富嘅，有蠔有長腿蟹。海鮮類都足，魚生bar都多選擇，仲有得整迷你魚生飯。熟嘢方面都有芝士焗龍蝦放哂出嚟，唔洗排哂隊咁拎。甜品選擇都多，不過以小蛋糕為主，想食原個蛋糕就欠奉了。今期有榴槤Pancake，都幾特別，係cream多咗啲。整體嚟講，有啲太貴🙈.#利利仁飲食雜誌九龍區 #mongkok #mongkokfood #foodie #蛋糕 #sushi #sashimi #buffet #cake #dessert #lobster #cheese #macarons #cream #coffee #cordis #hotel #旺角美食 #allyoucaneat #hongkong #june #duriancake #durianlovers #durian #希靈魚 #旺角 #晚餐時間 #自助晚餐 #八爪魚 #ramen

已經唔係第一次食呢間自助餐，大概知道乜質素，食物嘅品種唔算特別多，刺身方面款式亦比較少質素亦唔算高。好似得四款，三文魚鯛魚希靈魚同八爪魚。質素仲差過平時食日本放題少少。生蠔係任拎嘅每人可以拎三隻，好淡口近乎無味，唔係即開，差唔多成晚任拎都唔使點排隊😊。凍海鮮方面有麵包蟹，虎蝦普通蝦同埋小龍蝦，普普通通正正常常亦冇乜特別。甜品方面我覺得佢款式真係少喎，一路呢間嘢我都覺得甜品佢真係應該加強一下🙈。今日比較開心嘅係有芒果拿破崙。但連芝士蛋糕都冇🤔如果係正價有七折左右都可以食下，如果正價我覺得唔值得嚟食。另外一讚嘅係執枱好快完工亦有禮👍

呢間自助餐真係唔錯，食物選擇好多，齋睇嘢飲部份都已經超過五款，仲有d特別既選擇添。除咗有西柚汁，蘋果汁橙汁，仲有個專櫃係有職員新鮮鮮榨蔬果汁比客人飲，呢點勁推介。仲有個專櫃係比客人自己沖港式奶茶，呢個玩法幾新奇。食物方便亦都有好多常見嘅港式早餐，例如蘿蔔糕點心仲有蛋撻菠蘿包。西式亦都有常見嘅薯餅煙肉奄列等等。呢度仲有個好特別既自動化pancake機，平均60秒就整到一塊pancake，新鮮好食。總括而言呢間嘅自助早餐好多新野玩，選擇亦都算多，味道就平均一般水準之上，整體感覺唔錯。

Cordis hotel staycation package 中包括The Place自助早餐，食物種類算係ok多！平日buffet breakfast 人不會太多，唔需要排隊，座位之間都分得幾開，坐得舒服。▧ 自助早餐食物種類算頗多，有中式點心，粥，西式breakfast例如omelets，腸仔煙肉，粟米片等等，仲有越南粉，各式各樣麵包，三至四種果汁，水果， Yogurt等等。特別想讚佢嘅蛋撻非常好食！最有趣係佢有部pancake 機，撳一個制就即刻整pancake。另外仲有個位置有員工為你即整鮮榨果汁，鮮榨果汁有4個options: 蘋果，青蘋果，紅蘿蔔，芹菜，係好少見嘅service👍🏻。仲有個位俾你自己沖黑白淡奶嘅港式奶茶，非常有趣用心！▧ 整體來說，各種食物雖然味道唔係好突出，冇乜特別，但平均都算合格，有幾樣Service同食物種類非常之特別，喺其他酒店好少見到。員工亦都好nice。