THE CAPTAIN'S FISH & CHIP BAR

营业中

休息中

而家雞蛋仔嘅味道層出不窮，今次發現到啟德竟然有雙皮奶雞蛋仔 & 蛋撻雞蛋仔🤩超有香港特色，小店仲有唔同特色小食🤗✨雙皮奶雞蛋仔 - $38講真算幾抵，每粒包住滿滿雙皮奶，外皮好脆身，內裡充滿香甜奶香，必叫之選🥚 ✨燒賣 - 有得揀蒸/炸，剩係燒賣都有6款味，仲可以自己揀醬/粉，我就叫左炸蟲草花雞肉燒賣同香菇豬肉燒賣，香脆有咬口！✨巨大船長炸魚配明太子白汁意粉 - 個炸魚仲長過我手掌，而且仲好厚身，啖啖嫩滑魚肉，個意粉份量超多，撈明太子汁好惹味🍝 ✨黃金雙皮奶卷 - 炸得乾身唔會油膩👍🏽裡面好幼🥛 ✨六吋長倫敦豬肉腸 - 個皮超脆🧡沾茄汁食好夾✨抹茶雙皮奶茶 - 冇錯，又係雙皮奶🤣用飲管啜有d似奶凍，抹茶latte甘香清甜🍵 ✨Kiwi Lemonade - 奇異果🥝 同檸檬🍋 呢個配搭好清爽，食熱氣野飲一啖好解膩🍹

要幾早去先食到蛋撻雞蛋仔？😂今日經過AIRSIDE ，見到間賣雞蛋仔嘅小店都幾多人排隊，就諗住去八下啦，見到蛋撻雞蛋仔 好似幾吸引，排隊去買時已經售罄🥲....店員話由於限量發售，所以通常好早就賣哂🥹，之後佢推介我食呢個雙皮奶雞蛋仔， 話同樣都好受歡迎，一於要試下先😍，見佢哋仲有賣燒賣、小食、意粉，順便一次過試埋😂。雙皮奶雞蛋仔 $38 試食價用雙皮奶做餡料，夠哂特別。雞蛋仔現叫現製🔥，外層微脆香軟，內層滑溜香甜，充滿蛋香及奶香味，趁熱食特別香😍。花椒麻辣木耳豬肉燒賣 (10粒)$30燒賣皮薄餡料飽滿，口感軟滑爽脆，惹味香辣😋。日本原宿長薯條 $48薯條🍟好似一條飲管咁長🫢，蘸上粉醬炸至酥脆香口，加上芝士松露醬及紫菜粉，味道濃郁又鹹香，更加惹味😍。單骨雞翼(6隻)配招牌海膽汁意粉 $98單骨雞翼炸得香口惹味，意粉煮得啱啱好，口感軟滑柔韌，海膽醬汁平均鋪滿每條意粉🍝，每食一口，都充滿啖啖海膽香味😋。英倫炸魚(4oz)薯條 $88炸魚塊🐟份量十足，外層炸得非常酥脆，魚肉嫩滑細膩，加上大量薯味十足嘅粗薯仔，包你食得勁滿足。茉莉 $12烏龍 $12

見到雙皮奶雞蛋仔好得意咁 就入黎開餐港式燒賣有成六款口味😱😱😱可以蒸可以炸另外仲有美式意粉·炸魚薯條 以及多款小食真係好多選擇😋.🫧雙皮奶雞蛋仔 原價$45 試食價$38必食之選💕雞蛋仔外脆內軟 一咬開啲雙皮奶爆出黎😜好食到一下子清哂😂😂😂.🫧威尼斯「金章石意粉」單骨雞翼6隻配明太子意粉 $88雞翼口味有幾款 蒜香風沙雞翼味道蒜香十足 炸至金黃色 好惹味明太子意粉有驚喜 明太子醬汁超creamy😙😙.🫧香菇豬肉燒賣（10粒）$30 蒸的燒賣配xo醬真係一流 xo醬唔太辣 正！.🫧蟲草花燒賣 $30 呢款就試下炸 炸得岩岩好 唔會炸到乾哂燒賣咬開會見到一條條蟲草花 好足料自家製粒粒他他醬真係要試 酸酸地咁好滋味😋.🫧六吋長倫敦豬肉腸 $38肉腸脆皮 肉香味濃 👍🏻.🫧 奇異果原個檸檬果汁 $28 健康又解渴 甜度適中

今次去Airside 就係想食呢一個雙皮奶雞蛋仔‼️ THE CAPTAIN'S FISH & CHIP BAR睇個名就知係主打炸魚薯條啦，但估唔到會因為雙皮奶雞蛋仔紅起🤣我哋前前後後既客都係過嚟買呢款雞蛋仔。不過既然一場嚟到我哋就試埋炸魚薯條🍟我哋最期待嘅雙皮奶雞蛋仔，真係要趁熱食，熱辣辣咬開中間真係有雙皮奶，外脆內軟，奶味香濃，真係唔錯喎！價錢唔貴經過真係要試吓😝我哋叫咗船長炸魚配招牌海膽汁意粉，炸魚都幾大條，粉漿唔會好厚，魚肉嫩滑🐟至於個海膽汁意粉，雖然個色好鮮艷，但係食落海膽味都幾濃，唔會好腥👌🏻見到佢哋仲有炸燒賣都好吸引，我哋揀咗炸香菇豬肉燒賣，有幾款唔同嘅醬汁，我哋配蜜糖芥末醬，燒賣唔會好粉，都有啲豬肉味、香菇粒。除咗炸燒賣仲有一款蒸燒賣，要咗麻辣木耳豬肉燒賣，再配靈魂辣汁，相當惹味。另外單骨雞翼配明太子沙律醬，個醬都好出色，配香口嘢都唔錯。🔸雙皮奶雞蛋仔🔸炸香菇豬肉燒賣 蜜糖芥末醬🔸蒸麻辣木耳豬肉燒賣 靈魂辣汁🔸單骨雞翼明太子沙律醬🔸船長炸魚配招牌海膽汁意粉🔸金橘熱情果原個檸檬果汁

.今日咁啱去啟德睇Cocomelon 🍉睇完之後去咗airside 食lunch😋 🌊The Captain 🌊 推門即刻見到巨型船長壁畫🫡⚓️！工業風mix海洋元素超有格調～水泥牆掛住航海繩索同救生圈🛟，枱面仲有迷你船燈💡 半開放式廚房見到師傅炸緊雞翼🍗，香到鼻哥窿都識跳舞💃 最正係高腳椅位對住商場大玻璃，睇住人潮食嘢特別好胃口😆 打卡位仲多過海鮮市場📸✨🍝【炸雞翼意粉 | 明太子汁 +$30】🍝 雞翼炸到金黃脆卜卜💥 咬落『咔嚓』聲仲有肉汁bi出嚟💦！明太子汁鹹香帶微辣🌶️，掛滿意粉索到吱吱聲～不過$88+$30略貴，但邪惡度爆燈😈 建議share食，唔係會膩到喊😂🐟炸魚意粉 | 海膽汁 +$30🐟 條魚柳大過我塊面啊！！🤯 外皮酥到似食緊薯片🍟，入面魚肉嫩過BB屁股👶 海膽creamy到癡線🧀，每啖都似吞咗啖海水🌊（係高級嗰隻！）$118+$30食到海膽味，荷包痛但舌頭爽～🍡雙皮奶雞蛋仔 $38🍡 即叫即整超犯規👮♀️ 熱辣辣脆皮包住流心雙皮奶🤤 咬開嗰陣奶餡湧出嚟仲有拉絲效果🧀 甜度剛剛好，食完成個嘴白晒似飲完奶🥛 必點但小心燙親條脷🔥妹妹仲爭住食咗半大真係好好食👍🏻🍓士多啤

香港特式小色—雞蛋仔，相信每個香港人由細到大都會食過，但要做得出色，唔係每一間都做得好。嚟到Airside，見到雙皮奶雞蛋仔海報，深深吸引我去試🤭本身好鍾意食雞蛋仔同雙皮奶，Mix埋一齊真係未食過。果然冇令我失望，雞蛋仔係即叫即製，雙皮奶用義順雙皮奶，甜度適中，奶味突出。每粒雞蛋仔都有滿滿的雙皮奶，絕對冇偷工減料，每啖都食到豐富的餡料😋而家每次去Airside，都會去幫襯，希望店主繼續keep住水準💪

出嚟依邊行街，行到咁上下有點餓，見到呢間舖有雞蛋仔吃仲係雙皮奶味，雙皮奶就食得多雙皮奶雞蛋仔都好似未見過，$38叫咗份嚟吃。大約等咗10分鐘就有得吃，剛整好熱辣辣的，甜味剛好，而且吃落又真係幾有奶味，整體好味道，值得吃吓😋🌟Encore 指數：7.8/10——————————————————————Total $38

咖吓好多地方都有有餡雞蛋仔朱古力。芝士。肉鬆都好普通話啦今次有我最愛嘅雙皮奶😍😍😍蛋殼夠脆夠香內餡雙皮奶都好香好滑少少甜熱辣辣超好食星期六日任何時候都好多人今次星期二下晝5分鐘就有啦🤤🤤🤤下次試吓蛋撻雞蛋仔先🤭🤭🤭

自從啟德呢邊開咗Airside , Sogo, 啟德體育完之後呢區多咗好多嘢食 今次試嘅係特色小食 CAPTAIN嘅雙皮奶雞蛋仔✨雙皮奶雞蛋仔 $38全部都即買即整人龍都好長 都等咗十分鐘左右估唔到雙皮奶配合雞蛋仔軟糯嘅質感都好夾😎小店仲有其他港式小食埋好似炸魚薯條🐟、魚蛋、意粉等等THE CAPTAIN'S FISH & CHIP BAR📍九龍城啟德協調道2號AIRSIDE G樓G014號舖

呢間位於airside既小食店，周末下午已經見到超旺人氣，好多人龍排隊買佢最出名既雙皮奶雞蛋仔！店內都有位置堂食，我地就點左一份雙拼炸燒賣、炸魚意粉、單骨雞翼同埋雞蛋仔，仲可以加$12蚊有大大杯茶飲，好開心！雞蛋仔內餡我哋選擇香甜雪白既雙皮奶，令人忍唔住一口接一口，我地堂食留意到差唔多每個入嚟落單既都會點雞蛋仔，證明真係名物嚟。炸燒賣都有好多款，可以揀雙拼同埋配一種醬，我地揀左蟲草雞肉燒賣同花椒麻辣豬肉燒賣，意外地同明太子沙律醬非常夾，大推！

炸鱼明太子意粉是一道结合了意大利面与日本风味的创意料理，近年来逐渐受到食客的喜爱。这道菜的最大亮点在于其独特的风味与丰富的口感。首先，炸鱼的外皮酥脆，内里鲜嫩，能够很好地增添意粉的层次感。鱼肉经过炸制，保留了鲜美的海味，搭配明太子酱，形成了一种独特的咸香味。明太子的独特风味与意粉的柔韧相结合，使得整道菜品既有海鲜的鲜香，又带有浓郁的酱香，令人垂涎。其次，意粉的选择也很重要，通常使用的是细长的意大利面，能够很好地吸附明太子的酱汁，使每一口都充满风味。食材的新鲜程度直接影响了整道菜的口感，因此高品质的食材是制作成功的关键。然而，部分食客在品尝后可能会觉得这道菜的味道偏重，明太子的咸味可能会掩盖鱼肉的鲜香。此外，对于不习惯明太子味道的人来说，可能需要时间适应其独特的风味。总体而言，炸鱼明太子意粉是一道新颖且美味的创意菜，适合喜欢尝试新口味的食客。虽然存在一些小问题，但整体上仍然是一道值得推荐的美食。

葡撻雞蛋仔食得多啦～雙皮奶雞蛋仔食過未呀？係Airside 見到一間特色既鋪頭賣啲幾特別既小食除左有雙皮奶雞蛋仔外仲有炸燒賣同超長薯條雙皮奶雞蛋仔 $38即買即整夠哂熱都幾香可惜既係唔夠脆口同入埋無太多雙皮奶如果可以再滿啲就好啦🥹依加仲有得優惠價$12加配烏龍茶一開始以為係一支支既點知原來係一杯杯仲要都幾多冰有啲失望 因為睇 menu個陣係支裝版THE CAPTAIN'S FISH & CHIP BAR九龍城啟德協調道2號AIRSIDE G樓G014號舖#Foodie_aki #yum_yum #foodie_aki啟德#啟德美食 #airside #雙皮奶雞蛋仔 #雞蛋仔#港式小食 #香港小食

住附近食過一次佢嘅雙皮奶雞蛋仔，今日1月1假期去到多人都預左等。幾乎個個人等左好耐都問佢幾時得，每次店員都冇應確實時間。然後見到店員比左雙皮奶雞蛋仔排我後面果個人，我問店員點解比佢先，佢話唔同味道個出餐次序唔同。.我問排我後面果個人買左咩味，佢話係雙皮奶雞蛋仔，我再問個店員，點解會比佢先？店員仲吹水話個味唔同，我話問左佢係一樣味，佢冇正面回應，我問收銀店員我果份仲有幾耐，佢將同一句嘢問廚房，問完都係冇回應，店員都係不斷出餐比其他人。我就話姐係幾耐？如果耐過5分鐘就要退錢，果時已經半個鐘，佢先至話兩分鐘，最後出到。最尾先話唔好意思撈亂左單，送返杯熱茶比我，但sorry我冇手拎，冇要到。.好啲嘅做法：出錯單已經要講句唔好意思我而家整比你+講個時間要幾耐，收銀都可以講句麻煩你等多陣，唔係次次都將客人同一句嘢轉述廚房但係冇應過客人，其實冇乜禮貌。我都唔想講得咁難聽，其實handle唔到可以唔好接咁多單。開得起商場就要接受到商場嘅人流，或者其實棟個牌係度，寫「雞蛋仔要等30分鐘」已經得，想食嘅咪照等。.再講味道，其實ok，味道創新，本身等緊果時仲諗下次食咩好，但係可能遲啲先喇。

今日嚟到啟德Airside雙皮奶雞蛋仔，非常好食，最欣賞個雙皮奶唔係太甜，好適合關注糖尿問題嘅人士。個人建議熱辣辣食嘅時候真係非常好食，攤凍咗雞蛋仔會厚身。老闆好好人，喺我哋等待食物期間送咗一杯熱紅茶同埋燒賣俾我哋食，燒賣裏便係好多真材實料，食得出蟲草清香同埋雞肉嘅味道裏面一啲都唔粉，大家過來Airside不妨一試！

初試雙皮奶雞蛋仔！第一次食雙皮奶雞蛋仔，都幾特別幾有驚喜既，老闆都送野飲！好好人，hehe 不過真係要立刻食，一凍左成個都會林晒，拎左返公司已經林林地！奉勸大家一定要趁熱食