THE BOTTLE & STEAK

营业中

休息中

每次都經過呢間酒吧，今日先發覺原來係有嘢食嘅，原來佢係餐廳加酒吧，中午仲有set lunch，價錢都相宜，有$68至$100，仲有嘢飲！所以今日特登行過嚟試吓佢嘅set lunch！佢嘅選擇都幾多，有牛扒、煙三文魚同埋腸仔，配麵包，薯條，仲有沙律，份量絕對構成。嘢飲有汽水果汁仲啤酒，呢度嘅啤酒種類真係啱晒啲鍾意飲酒嘅人，好多種類！牛扒—好食，有炭燒味😋烤德國腸—德國腸果然做得出色，唔係咁多餐廳整德國腸整得好食，呢間幾好食😋煙三文魚—煙三文魚烹調唔需要特別技巧嘅，所以唔使特別講，味道都幾正常可以食。配菜，個麵包我覺得好好食，熱辣辣鬆軟。

餐廳位於西營盤站附近，係間decent嘅澳洲扒房，今日食咗lunch set 幾抵食😄🔹️Lunch Set 美國安格斯牛扒鍵扒 (配澳洲雞鹽薯條+橄欖油香草中東包+特色沙律+餐飲 )$98牛扒都煎得幾好🐄，啱啱好5成熟，幾多肉汁和重牛味，配埋醬汁幾正。跟餐的薯條幾粗有口感🍿，加咗調味粉幾惹味，中東包都幾好食，香草味幾重，沙律菜都幾新鮮🥗，餐飲方面，可以係雪櫃自己揀樽裝或罐裝飲品，包括新鮮果汁、梳打水和咖啡，我揀左新鮮桃汁🍑，好fresh 好好飲呀。

西環之友帶我食平靚正牛扒✨去到餐廳見到座無虛席，好多外國人飲住啤酒鋸緊扒，相當有氣氛😜餐廳掛住一個霓虹燈，下邊有一個大雪櫃放咗唔同款式嘅啤酒🍻DB Honey Lager臺北熊讚蜂蜜手工啤🐝啤酒泡好似奶油咁綿密龍眼蜜配上大麥嘅味道原來咁夾！美國安格斯牛板腿扒（8安士）呢塊扒只係賣$138！仲配埋炸到黃金嘅薯條&大一堆新鮮嘅沙律菜🥗牛板腿扒表面煎到焦香，網紋好靚仔😎我叫左五成熟，入面真係好粉嫩粉嫩架！卡真炸雲吞 (5 PCS)飲酒點少得小食呢，呢度有得叫兒時回憶嘅炸雲吞😜雲吞皮炸到酥脆、乾身唔油膩，入面嘅蝦膠打到好彈牙！點埋沙律醬一齊真係勁好食😋The Bottle & Steak (西環)西環西營盤第一街5號地舖

上班族lunch 時段， 專程試呢間好評既西餐，電話預約，12點半左右愈黎愈多人， 接近1點已滿座。 酒吧格局小店，座位唔多，但人手更少🙈。 點左忌廉蘑菇湯味道中規中矩 太少蘑菇烤美式豬頰肉 + 澳洲雞鹽薯條+沙律+ 橄欖油香草中東包 豬頸肉厚切， 嫩口唔乾， 雞鹽薯條有陣巨浪薯片味（我覺得似😂）， 好惹味， 中東包香脆唔似蒜蓉包膩口。 挪威煙三文魚 配 薯蓉+沙律+橄欖油香草中東包 三文魚大大塊試上碟，概對較厚身， 唔會太咸， 薯蓉有香草同黑椒味， 好香， 冇牛油味（個人唔喜好）。 比西環區其他西餐，位置上稍偏遠人流旺區， 但性價比高，食物質素有驚喜。 失望既係當日豬頰肉等左成一粒鐘先有， 趕上班唔太適合。🙈

今日心血來潮想食扒 立即搵吓附近有咩餐廳見到呢間餐廳嘅評價唔錯 一於試吓先到達點已經大概下午三點仲有lunch set嘅選擇 二話不說 即刻點個扒先😆見到餐牌寫住加$15可以叫多個湯問問店員得知今日係忌廉蘑菇湯 正！ 加埋🤣湯嘅味道不過不失 有細細粒嘅蘑菇蓉如果湯既質地在濃稠啲就仲正嘞😆飲完湯後份牛扒都好快嚟到睇得出係即煎既 扒既坑紋十分吸引同照片中嘅係一樣🤣肉質帶點咬勁但唔難咬開 滲出牛本身淡淡甜味跟餐仲有沙律菜 中東包 同薯條沙律菜非常新鮮 睇落十分翠綠 唔係淋滋滋既中東包係微溫，中間有搽牛油 外脆內軟 伴隨淡淡嘅香草味 夾埋牛扒一齊食相當唔錯薯條炸到脆卜卜 熱辣辣一齊食好滿足呀跟餐再送指定飲品 今次揀咗芒果汁餐點嘅份量同質素絕對對得起呢個價錢好好嘅一次用餐體驗下次可以試埋其他菜式🤣

作為新界人黎講，今日大鄉里出省，去西營盤附近，飲下酒🍺，食下西餐🥩，chill 下。墨西哥🇲🇽脆辣雞翼鎚 $68首先，雞翼外皮炸得香脆，一入口好重香料味，雞翼裏面仍然有肉汁，不會太乾，辣辣地🌶，幾惹味，送酒一流🍻。黑松露芝士溫泉蛋大啡菇 $48 🧀🍄一切開大啡菇，溫泉蛋即時爆晒出黎，令人垂涎三尺🤤，一入口，大啡菇非常juicy🍄，好多汁，芝士味濃郁🧀，反而黑松露味道不太突出，但整體而言都幾好食😋。美國安格斯牛板腱扒（8安士）$128🥩最後重頭戲終於黎啦，店員建議食五成熟，雖然平時食開七成，就即管試下啦，食入口不會太生，可以接受，冧度適中，牛味尚可🐂，仲有三種不同芥末俾你選擇，十分有心思，配料仲有沙律菜🥗同薯條🍟，薯條粗度適中，有薯味，口感不錯，沙律菜十分新鮮，整體不錯，可以一試👍。後面又好大個酒櫃🍺，我地唔係好常飲酒都拎左兩枝酒試下。呢枝酒明明話有好多水果味🍉🍋🍍🍓，但飲落去一d水果味都冇，似係普通啤酒🍻，有種被騙既感覺🤣🤣。呢款對於唔飲酒既人黎講，易入口好多，甜甜地既apple cider，唔錯👍。

今日放工係附近有朋友推薦呢度嘅啤酒牛扒幾正👍，就即刻試下啦🥳.呢度嘅酒類選擇真係超級豐富🌟，有好多種之前完全未見過嘅啤酒可以係呢度飲🤪.USDA Top Blade Steak 8oz $128黎到當然唔少得牛扒啦😙，肉質都算好鮮嫩多汁，而且牛味都好濃郁😛.FR Half Chicken $158烤雞同樣好正🔥，我最鍾意個外皮好夠香脆，而且雞肉又唔會煮得太老，配上燒汁好正😍.Smoked Salmon Rosettes $58三文魚卷都幾抵食😆，加左蛋黃醬又有少少花之戀嘅感覺，三文魚都好肥美好惹味🤩.YB Little Bastard $54呢一款啤酒之前都未試過😝，見店員推介就試下，有幾種唔同嘅水果味，飲落幾清新別有一番風味❤️

西環有好多cafe、小店🏤，但通常價位都比較高💸。今次阿肥🦁阿瘦🐰揀哩間一聽個名就知係酒吧/扒房，夜晚過黎有多款啤酒選擇🍻，仲有得鋸扒😋。而今次想推介嘅係佢地嘅lunch set，只係$68up，仲要唔洗加一🤩，喺西環區嚟講性價比幾高！不過份量就唔係超級大，但普通女仔都會覺得飽😙。🐥牛油烤慢煮雞胸 $68雖然係雞胸，但可能因為喺慢煮嘅關係，唔會嚡熠熠，仲有少少juicy💦。表面用牛油烤香，配埋蒜香沙津醬食就更加惹味🤤。另外仲有沙律🥗、薯條🍟同中東包，感覺營養幾均衡🤣。將雞胸夾入個包，再加啲沙律菜，又係另一種食法！特別想讚下佢嘅薯條🍟，係粗身嘅薯條，食落口感比幼薯條好，亦唔會油淋淋👍🏻。🐟梛威煙三文魚 $78煙三文魚嘅份量都唔少，味道都唔錯😋，而且同蒜香沙律醬出奇地夾！鐘意食煙三文魚嘅朋友可以試下💁🏻‍♀️。而同另一個餐一樣，都跟左沙律🥗、薯條🍟同中東包。私心鐘意將沙律醬撈埋茄汁一齊點薯條食🙈，有冇人都鐘意？🍹蘋果汁/蜜桃汁 (跟餐)哩度嘅跟餐飲品一啲都唔hea，有多款果汁可以揀！蜜桃汁飲落係好似濃縮嘅果汁咁，都幾甜，而蘋果汁就正正常常😌。💸人均消費：~$70

The bottle & steak 西環西營盤第一街5號地舖G/F, 5 First Street, Sai Ying Pun, Western District個門口好有格調又COOL, 落地大玻璃, 銀同黑架顏色, 望落去好型格台灣蠔製黑啤 $58，什麼？oyster ?有淡淡海水鹹味，但又有啤酒架汽泡，很有趣！$128 法式油封鴨腿DUCK CONFIT，鹹香惹味，肉味濃郁哦！一絲絲鴨肉連同脆皮，雖是油封但食入口唔會油滋滋餐廳自家製嘅燒汁，用好多蔬菜加小小牛肉gravy 整出嚟西環區呢個價錢食到咁豐富的美食, 隔幾條街相類似架餐廳, 一個MAIN COURSE都要過二百, The bottle & steak 物有所值。

好耐之前bookmark想試, 聽講有craft beer又有牛食, 高性比之餘環境又唔錯, 未知係失準定係點, 今次味道麻麻唔會回頭除咗menu上仲有open kitchen塊黑板, 我哋見USDA Bone-in Ribeye仲要係叫"The Boss"就揀咗當日最大份嘅20oz, 包埋薯條同肉汁, 加多個菜"橄欖油炒西蘭花苖"就夠啦等緊煮嘅時間就係琳瑯滿目嘅啤酒櫃揀咗2支同牌子嘅蘋果酒(cider)飲等3樣配菜好快就上到, 沙律同橄欖油炒西蘭花苖都正常, 但係粗薯條炸到又油又實, 唔通送嘅係差啲?!  牛扒一上就見到說好的T骨不見了, 我當係職員好意幫忙切開嘅時候掉咗啦, 然後牛扒係薄切, 係大塊咗少少但感覺同去超市凍櫃買嘅差唔多, 牛肉味道平平而且有筋 另外都有再飲比利時同澳洲啤酒, 如果like哂佢哋社交平台仲會有杯迷你Mimosa(橙酒加橙汁)

The Bottle & Steak🌟整體: 價錢合理 份量唔錯 啤酒一定係其中一個主角 厚薯條意外地吸引🏠環境: 長枱 bar 位 有少少cafe 嘅影子 不過第一眼入餐廳會見到一定係好似七仔飲品櫃嘅啤酒櫃🧑🏻‍🍳服務: ✅ 問下侍應有咩酒推介 佢都好用心咁成個雪櫃逐款介紹 有比利時修道院啤酒、台灣手工啤、香港手工啤酒☆║．．．．．．．．．．．．．║☆‼️ 美國安格斯牛板腱扒（8安土） $ 128✅ 秉承住美國菜風格 一定大大碟 $128 有8oz 牛排 一大碟沙律菜 厚薯條一堆✅ 牛排有少少筋位 不過 重肉味 生熟火候控制得唔錯✅ 不過薯條先係我最欣賞 厚身薯條就係正 仲有種少少似M記shake shake 薯條嘅調味 份量又慷慨‼️ Lindemans - Pecheresse ✅ 用真蜜桃釀製 風味獨特蜜桃既甜味同Lambic 既酸幾夾📍 西環西營盤第一街5號地舖⏰ 星期一至日12:00 - 00:00☎️ 電話號碼 星期一至日12:00 - 00:00📷 Fujifilm XE4 + 23mm F2📩喜歡我的文章，可以關注我及讚好以作鼓勵

另一間想試左好耐嘅餐廳，睇佢個店名都知佢咩料喇，牛扒同酒，地點都幾近港鐵站，大大個字好易搵，入內係全高枱，單邊大大個雪櫃放飲品，大部份都係來自世界各地嘅啤酒，見到佢有法國嘅 cider ，食野之前飲返杯先佢除左餐牌上面有嘅野，佢廚房上面有幾塊黑板寫左有啲咩特別嘅牛（同埋駝鳥扒），見佢個價其實都唔算貴，於是就叫左個 "Butcher Special” 嘅 Bone In Ribeye 20安士 五成熟，跟住問題就嚟喇。廚大哥喺冰格拎塊牛出嚟連包裝沖水解凍，跟住就直接放落個 grill 度，跟住就用個 grill press 壓住佢，好大嘅白煙，加埋出嚟見到塊扒入面嘅顏色，已經有啲唔係好開心。 同埋佢出埋grill press ，塊扒都係無乜grill mark， 加埋 佢隻金屬碟係凍嘅，上枱之後好快塊扒已經凍晒同出晒油。 以一間以牛扒做招牌嘅餐廳，仲有咁多好評，係覺得有啲出奇。不過，見好多其他食評啲相就唔係咁嘅，可能果日咁啱失手。另外，佢嘅20安士牛，係大而薄，而唔係一般 steak house 咁厚切配菜方面，沙律係正常，薯條上枱嘅時候已經唔熱喇，反而佢個菜，係全晚最好食，好香，夠熱，

自從搬咗過黎西環，我地一有時間就會發掘下新餐廳😋，今晚我地就黎咗《The Bottle & Steak》，一次過滿足到🐷👧想食西餐又比到我有放工happy hour嘅感覺👍🏼《The Bottle Steak》主打食扒同飲手工啤，個啤酒櫃好似去咗便利店咁，好多款可以揀，有哂價錢同埋酒精濃度喺個牌上，簡單易明好貼心🥰其實除咗枱面上Menu嘅選擇之外，開放式廚房上面亦都有各種各樣嘅廚師推介👍🏼價錢都算大眾化😊1️⃣美國安格斯牛板腱扒 $128店員推介叫我哋食5成熟，塊扒上枱嘅時候已經聞到好香嘅焦香味，同時店員都會遞上3款不同嘅芥末介紹俾我哋選擇👍🏼2️⃣澳洲豬鞍架 $158豬鞍肉嫩多汁，大大件厚切豬鞍，超滿足😝3️⃣挪威煙三文魚玫瑰 $58煙三文魚卷成一朵玫瑰花嘅形狀，再加配埋微辣嘅蛋黃沙律醬，好開胃，做前菜一流👍🏼4️⃣手工啤 $44今晚我揀咗支熱情果味嘅手工啤，酸酸地酒精濃度不算高，超好飲🍺Main Dish都會有薯條同黑醋汁沙律菜等等嘅配菜，個薯條一啲都唔Hea熱辣辣又脆口，成件事都好Perfect😋留意到當晚嚟幫襯嘅都係年輕人居多，連店員同兩位廚師都係充滿熱血嘅年青人😂我哋埋單嘅時候，負責招呼我哋

是日同HONEY經開西營盤，西營盤都有好多唔少的特色餐廳~~在第一街見到哩間扒店，另外見到有個酒櫃可以選擇自己鐘意的酒，食牛扒，另外佢的黑色設計，真的好型~~同HONEY都點左佢地的美國安格斯平鐵牛扒 ，另外點左個挪威煙三文魚玫瑰小食，我就點左個常陸野貓頭鷹啤酒，另外HONEY飲dbbeer  Apple Cider 常陸野貓頭鷹啤酒 -- 哩個日本啤酒，佢系白啤來的，飲落有少少橙花味，清清地食牛扒真的唔錯DB Brewery PineApple Apple Cider - 真的好正，唔系假的PINEAPPLE味，好清新的感覺，真的HONEY都話想買幾支飲~~美國安格斯平鐵牛扒美國安格斯平鐵牛扒，我地叫左5成熟，都做到，另外有好多的著條同埋沙律菜，真心覺得好超值，因為平時食都要2XX-3XX不等挪威煙三文魚玫瑰小食挪威煙三文魚玫瑰真的好靚，另外挪威煙三文魚啖啖肉，真的好正~~

This shop size isn’t too big, having around ten tables in total, you can sit in high chairs, the environment more like causal styleDuck Confit in classic french bistro recipe not having strong duck flavorUS Angus Top Bode Steak in 8oz having good beef flavor, but a bit too hard to eatGrilled Aus Pork Rack moisture infused won’t be too salty i like the side area which having better fat ratio and the texture is good, even not too tender but quite chewy, best meat of the day They have two types of