THE BOTTLE & STEAK

营业中

休息中

最近發現灣仔呢間酒吧餐廳有100分鐘任食牛扒🥩配菜同小食，趁今晚Happy Friday約埋朋友一齊去食😋每位包一客熱辣辣餐湯同蒜蓉牛油包，餐湯幾大碗，飲完好暖胃。配菜有澳洲雞鹽薯條、黑醋橄欖油沙律菜、焗香草車厘茄，全部都可以任添，最愛雞鹽薯條，香脆鹹香。小食方面有墨西哥脆辣雞翼鎚、炸雲吞、脆脆魚手指、連蝦頭吉列大虎蝦、吉列酥炸生蠔，全部新鮮熱辣，炸物控一定開心，全部都係任食。主角出場，任食🥩美國安格斯牛板腱扒，肉質粉嫩多汁，熟度啱啱好，牛味香濃，唔會嚡口。最後仲有雲呢拿雪糕球配焦糖醬，完美的晚餐。如果飲得多可以加$68-$198/位，可以任飲100分鐘，啤酒紅白酒汽水任你揀。成個晚餐氣氛chill，CP值爆燈！

食物性價比高前菜嚟講最好食係黑松露炸蝦多士，非常脆，又香口👍🏻值得一試，牛肉質幾好，甜品有Churros, 幾唔錯見佢有放題$298任食牛，下次可以試下🥳不過嘢飲要再加68至1XX任飲🤣

有時想食得暢快唔一定要打邊爐或者放題，呢家餐廳推出100分鐘$298任食牛扒都好啱一班食肉獸！！前菜先有濃湯以及蒜蓉包作為頭盤，小食方面亦都提供炸雲吞、吉列大蝦、吉列魚手指、吉列生蠔🦪同埋炸雞鎚，全部炸得金黃鬆脆，脆卜卜非常邪惡。建議唔使食太多，因為有重頭戲陸續出場！！美國安格斯牛版腱扒都係任食，大大塊勁易切！特別鍾意邊邊位嘅炭火香氣，中間肉質部份都頗有肉香，而薯條、沙律菜、以及蕃茄仔雖然係配菜，但係都係任食架(・ω・)ノ必須要盛讚薯條好食到Encore ！！！！🌈小編比較鍾意樓上嘅座位，寬敞啲!

The Bottle and Steak撲鼻而來的是烤肉的香氣與輕鬆的氛圍法國蜜糖香草烤雞金黃酥脆的外皮裹著蜜糖與香草的香氣，雞肉鮮嫩多汁，每一口都能嚐到蜂蜜的甜與香草的芬芳，火候掌握得恰到好處。牛油扒珍寶虎蝦大隻虎蝦肉質彈牙，淋上融化的牛油更添風味，簡單卻讓人回味無窮。旁邊的橄欖油炒西蘭花苗清脆爽口，帶著微微苦味，正好中和了肉類的油膩感。美式慢煮烤豬肋骨慢火烤製的肋骨肉質軟嫩到幾乎脫骨，醬汁甜中帶辣，配上旁邊的脆辣雞翼，外皮酥脆內裡多汁，辣度適中，份量十足環境舒適，服務親切，是個適合聚餐的好地方

👍🏼抵食指數：⭐️⭐️⭐️⭐️⭐️😋好食程度：⭐️⭐️⭐️⭐️⭐️經朋友力薦呢間灣仔澳洲扒房，話佢好抵食又高汁。果然真係不負所望，100分鐘 $298 仲要免加一，任食安格斯牛板腱扒，有前菜、小食（任食）同埋甜品，真心好佛心，筆者極力推薦，不論食物方面，或者餐廳環境，乃至服務態度都為上品餐廳，平民價錢拍得住啲高級扒房嘅質素，實在難得！100分鐘任食安格斯牛板腱扒先來一客牛油蒜蓉包同忌廉湯，牛油蒜蓉包好香口，好好食，但忌廉湯反而就咸咗少少。之後嚟咗一盤小食（小食都係任食），有炸虎蝦、炸蠔、炸魚手指、燒雞錘、炸雲吞。筆者推薦可以再叫炸蠔同炸魚手指，兩者較為 juicy ，特別炸蠔好好食。主菜出場，美國安格斯牛板腱扒非常香，美味道來。砌落去，肉汁流晒出嚟，咬落去好 Juicy，而且好香口，好有驚喜！即使任食，主菜一啲都唔馬虎，好似去咗高級扒房嘅感覺。仲有佢嘅雞鹽薯條（又係任食），大大條，又好香口，建議再叫多一兩次！最後嚟咗一兜蕃茄仔，又好香同好 juicy ！至於最後嚟嘅甜品，係焦糖椰子雪糕，如果你鐘意食椰子食品，一定會愛上。埋單嘅時候，侍應都有問有無意見或改善嘅地方，態度非常好，好少有餐廳會咁問，值得欣賞！

呢間澳洲扒房可以任食牛扒，$258可享晚市100分鐘free flow 美國安格斯牛板腱扒，配菜同小食都係免費任加，啱晒各位牛魔王同愛肉嘅朋友仲有餐湯同甜品。餐廳裝修帶點澳洲玩味風，樓高兩層，下面啱happy hour同朋友傾吓偈，樓上就係主要牛扒用餐位。一坐低首先就送上餐湯，粟米湯同蒜蓉包一齊食味道好夾。之後就梗係主菜出場，美國安格斯牛板腱扒，牛扒炭香味濃，熟度拿捏得幾好，切開裏面仲帶一點點紅，食落去肉質嫩滑，以任食嚟講幾高質同性價比高任食嘅配菜都有好多款式，有澳洲雞鹽薯條、黑醋橄欖油沙律菜、焗香草車厘茄、脆辣雞翼錘、炸雲吞、魚手指、吉列虎蝦同炸蠔，普遍炸得香脆，香草車厘茄亦都好好香同juicy。任食100分鐘真係勁飽呢仲有焦糖雪糕畫上完美嘅句號

最近去咗灣仔呢間酒吧餐廳，主打手工啤酒& 牛扒，呢度有任食牛扒🥩套餐，啱晒各位牛魔王/ 食肉獸。餐廳樓高兩層，樓上酒吧坐位啱同朋友飲酒食下小食，樓上有卡位，用餐會坐得舒服啲。*—*—*—*—*—*—*—*—*—*—*—*—*✨Weekend Brunch with Free Flow Steak✨$198/位可以任食牛扒 100 mins 🤩一次性：🔶是日餐湯🔶蒜蓉牛油包🔶是日雪糕🍧店員先送來餐湯粟米忌廉湯，配蒜蓉包食很夾。最後還有一客焦糖醬雪糕🍧。任食：🔶美國安格斯牛板腱扒主角牛板腱扒炭香味濃，生熟程度控制得幾好，口感細嫩多汁，就算叫第二round質素亦保持到水準。🔶澳洲雞鹽薯條🔶黑醋橄欖油沙律菜配菜也是任食的，薯條香脆可口，沙律菜清新解腻。🔶卡真炸雲吞🔶墨西哥脆辣雞鎚🔶脆脆魚手指三款小食都可以任食，炸物即叫即炸，特別鍾意辣雞鎚，炸雲吞脆卜卜。

位於灣仔的扒房餐廳，  餐廳推出了100分鐘任食牛扒套餐，  逢星期日至四，僅需$258且免加一，  就可以任食牛扒加小食，  還包括一客濃湯、蒜蓉包及甜品。  以這個價錢來說，  對於大胃王或愛吃牛扒的朋友，  真心覺得很划算。   ⋆_____ꜱᴇᴛ ᴅɪɴɴᴇʀ ᴡɪᴛʜ ꜰʀᴇᴇ ꜰʟᴏᴡ ꜱᴛᴇᴀᴋ $258/ᴘᴘ______⋆  ✿ ᴀʟʟ ʏᴏᴜ ᴄᴀɴ ᴇᴀᴛ ꜱɴᴀᴄᴋ⧐ 墨西哥脆辣雞翼鎚  ⧐ 卡真炸雲吞  ⧐ 脆脆魚手指  ⧐ 帶頭吉列虎蝦  ⧐ 吉列酥炸生蠔  ✿ ᴀʟʟ ʏᴏᴜ ᴄᴀɴ ᴇᴀᴛ ꜱɪᴅᴇꜱ⧐ 澳洲雞鹽薯條  ⧐ 黑醋橄欖油沙律菜  ⧐ 焗香草車厘茄  ✿ ᴀʟʟ ʏᴏᴜ ᴄᴀɴ ᴇᴀᴛ ꜱᴛᴇᴀᴋ⧐ 美國安格斯牛板腱扒  ___⋆ ⋆ ___ 先說小食，共有五款，  一開始店員會送上小食拼盤，覺得好吃可以隨時再點；  炸物都是即叫即炸，不像其他放題餐廳預先炸好一堆，  因此保證香脆可口，這點值得一讚；  只要新鮮炸起，怎麼會不好吃？  當中炸虎蝦和炸雲吞最酥脆香口，  也是我們瘋狂ᴇɴᴄᴏʀᴇ的選擇。  .然後就是主角的牛板腱扒了，  本來以為

今日同大家分享下我喺灣仔The Bottle & Steak嘅100分鐘牛扒放題體驗！呢間餐廳環境幾正，樓上樓下兩個feel，樓下酒吧feel，啱晒同friend吹水🍻；樓上就闊落啲，燈光暗啲，好有情調，啱晒情侶撐枱腳👩‍❤️‍👨。頭盤夠晒誠意🥣🥖一坐低，每人送一碗忌廉湯同蒜蓉包。忌廉湯夠晒creamy，好香濃；蒜蓉包焗得啱啱好，外脆內軟，蒜蓉味十足，正！主角登場：牛扒放題🥩🤤主角梗係100分鐘任食嘅美國安格斯牛板腱扒啦！我叫咗五成熟，啲牛扒煎得啱啱好，外層少少燶，入面仲keep到juicy，肉味香濃，真係好食到停唔到口！重點係，每次上嘅份量都唔少，絕對唔會hea你！仲有蘑菇汁，同牛扒簡直係絕配！配菜都唔hea🍟🥗🍅配菜方面都好多選擇，薯條炸得香脆，鹹鹹地好惹味；沙律菜新鮮爽脆，加埋黑醋汁，好清新；焗車厘茄酸酸甜甜，好開胃！小食甜品樣樣有🍗🍤🦪🍦除咗牛扒同配菜，仲有好多小食，好似炸雲吞、吉列虎蝦等等，款款都唔錯！特別係吉列虎蝦，炸得金黃香脆，啲蝦肉彈牙爽口，正！最後食埋個焦糖雪糕，甜甜地，為呢餐畫上完美句號！總結：抵食之選👍🏻👍🏻👍🏻總括嚟講，The Bottle & Steak嘅100

「THE BOTTLE & STEAK 」位於灣仔廈門街牛扒餐廳，主打100分鐘任點任食牛扒、配菜和小食，睇到價錢更覺超值，餐廳環境上下兩層，樓下主要環境非常Chill，適合和朋友飲下酒食小食傾吓偈，樓上座位非常舒適，在這裏飲食牛扒非常暢快👍👍✨Fri to Sat Set Dinner $ 298✨ 100 Mins All You Cat Eat Steak ｜Sides ｜Snack▪️每位贈送一客🥣是日濃湯｜忌廉蘑菇湯味道濃郁夠Creamy🧄蒜蓉牛油包｜即叫即焗香口好食▪️任食牛扒🥩美國安格斯牛板腱扒｜意想不到質素咁高，邊位大少少肥膏，燒至外層焦香，肉質軟嫩又Juicy，仲可以無限追加，真係超級抵食▪️任食配菜🍟澳洲雞鹽薯條｜最喜歡呢隻粗身薯條鹹香惹味🥗黑醋橄欖油沙律菜｜蔬菜新鮮，醬汁夠晒清新🍅焗香草車厘茄｜清甜又Juicy配上香草橄欖油醬汁，超級好食，我哋encore咗幾次😋▪️任食小食全部即叫即炸，新鮮熱辣辣夠晒香口，吉列虎蝦超巨型，蝦肉爽口又彈牙，魚手指外層香脆魚肉嫩滑，沾上沙律醬超好食，酥炸生蠔都係必食推介，蠔夠大隻又飽滿👍👍🍗墨西哥脆辣雞翼鎚🥟卡真炸雲吞 🐠

一個字：差。我地嘅食評就係我嘅topic: 食物欠佳，服務質素欠佳。我哋試咗佢哋嘅午餐lunch set ，佢主打好平$98，但原來因為食物質素咁差所以先$98。你以為好平$98可以expect啲乜嘢，但其實呢個質素我諗係可以$48。怪不得我哋嗰日午餐office lunch hours weekday黎，全場先得幾圍入座，完全唔使排隊。如果真係咁抵咁好食啲人就大排長龍啦 ，11點幾就過嚟排。 我哋四個人食完個個都係劣評。大家叫咗唔同嘅lunch set，都係冇一碟可以讚。

👎🏻👎🏻👎🏻每人$258 不需要任何加一我哋冇加任何飲品 餐廳亦都會提供任飲嘅選擇 我哋就冇加到嘢飲 如果食任食嘅套餐 每樣嘢食都會嚟一次 之後就可以無限任叫 除咗湯同埋蒜蓉包之外 嘢食嘅賣相麻麻地一開始嚟嘅炸物份量都唔算少 食完基本上都已經飽咗一半 全部都係買返嚟現成嘅貨 最失望嘅係天婦羅下中間竟然係凍 我哋都明白呢一個價錢唔可以要求好高質嘅食物 但係最少到係要熱嘅🤢老實講所有炸物都唔吸引諗住牛扒會好啲 點知全部都係根嘅位置 根本完全切唔開 加埋其他嘢 簡直完全唔抵 呢個價錢可以去其他好食嘅餐廳 大家千祈唔好因為任食就嚟10個伏！！！👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻啲職員幾個後生仔 喺度細聲講大聲笑 係咁講粗口又話好多客 真係完全唔掂👎🏻

牛扒放題一直喺to do list入面，可以無限任食牛扒，係一件超幸福嘅事💕！今次搵到呢間小店，環境乾淨裝修好似酒吧咁，推出咗勁抵食嘅牛扒任食套餐，星期日到四供應，性價比超高，仲唔快啲約埋朋友一齊嚟挑戰吓食到幾多塊！-----------------------------🍻◖Set Dinner with Free Flow Steak◗ $258 p.p.呢個價錢可享100mins任食牛扒+小食，每位贈送一客蘑菇湯、蒜蓉包，最尾仲會有一球雪糕，不過淨係encore牛扒，都已經值回票價🥳！如果好酒嘅人，仲可以+$68-$198要埋個free flow！— ᴀᴘᴘɪᴛɪᴢᴇʀ —🍗/墨西哥脆辣雞翼鎚🥠/卡真炸雲吞🐟/脆脆魚手指🦐/帶頭吉列虎蝦🦪/吉列酥炸生蠔🍟/澳洲雞鹽薯條🥬/黑醋橄欖油沙律菜🍅/焗香草車厘茄會先有一個炸物拼盤上，乜都有啲先試吓邊隻啱口味，再瘋狂encore！五款炸物同三款小食都係任食，個人最鍾意炸雲吞🥠，薄脆香口，有卡真香料食落更惹味；粗切嘅薯條新鮮炸起，外層綿滑，加上鹹香嘅雞鹽，同平時食開嘅薯條有少少唔同🍟～— ᴍᴀɪɴ ᴄᴏᴜʀꜱᴇ —🥩/美國安格斯牛板腱扒呢個價

呢間餐廳本身已經出名而高性價比食高質牛扒，最近由香港大學開到灣仔，晏晝lunch set $100唔使！最近更加推出任食牛扒套餐！係星期日至四只要$258 ，以及沒有+1服務費！首先沒有一客是日濃湯配蒜蓉牛油包，然後會有小食包括墨西哥脆辣雞翼鎚、卡真炸雲吞、魚手指、吉列虎蝦、吉列酥炸生蠔。吉列蝦非常大隻，有整一隻手掌咁大，而脆辣雞翼鎚非常推薦，調味好出色。小息食完都可以再encore！即使任食牛扒都唔會降低品質，係美國安格斯牛板腱，肉質較嫩滑，油脂及牛肉味道比較平衡的一種！而且呢度嘅粗薯條都好好食，外脆內軟，配上牛肉汁特別滋味！

牛扒又生又臭又難食又苦 吞都吞唔落去 好大浸血腥味 又貴 $398/位 未計加一講幾次 都係好難食 第二次到嘅嘢都係苦 話係任食 話要加嘢都要討價還價 不知所謂 冇下次 仲要撞正聖誕 乜心情都冇曬