The 5B Private Corner

营业中

休息中

婚禮過後一對新人請我地呢班兄弟姊妹團食餐好呢間隱世餐廳係新郎哥揀喔🤭我地14人，book左周五晚上7點9我地有部份人7點3左右就到左餐廳都好好，比我地可以早啲入去坐住精選套餐都9款比大家揀套餐包括六樣野湯，牛油包，沙律，主菜，飲品及甜品飲品想揀特別的，可以優惠半價叫喔香香既牛油包，好好味另外叫了一啲小食我既主菜叫了黑毛豬8成熟，剛剛好份量好大，真的會食唔晒我叫左杯朱古力鮮奶，正建議可攪拌後才飲，否則好似我最後會得返鮮奶小食炸蠔好金香，好好味時間剛剛好，唔會炸到好硬甜品有雪糕/蛋糕選擇而每樣都有好多款揀偷拍新娘子揀既蛋糕我揀左我最愛的朱古力雪糕

今日同兩位朋友收工之後好想輕鬆一下心情，食下野傾下計，見到荃灣一個工業區入面有一間cafe 好似不錯，打去訂位，我哋book 7點，我哋早到左10分鐘，見到人流未算好多，我哋坐下低，睇到有晚餐套餐，有田園沙律+主菜+餐湯 + 餐飲+蛋糕/雪糕。 另外我們加左一個小食我們一人叫左一個晚餐set 巴拿馬火腿蘆筍忌廉汁燴飯 西班牙黑毛豬配自制蘋果醬 配薯角香草烤雞 配薯角 水蜜桃紅茶 海鹽咖啡 到我地最期待食蛋糕 芝士餅/ 粟子蛋糕/ 士多啤梨蛋糕

係荃灣既工廈區入面揾左好耐先去到電梯打開門就見到柔和温馨既佈置一個人黎既建議坐窗邊位，望海hea下一流可以拎d board game玩咩擺設都有d，好難話佢係咩風格總之望落就好舒服☺️同fd子慶生，豪爽d叫左2個肉類套餐🤤套餐包左沙律，餐湯，餐飲同甜品抵過散叫好多🐽香煎慢煮西班牙黑毛豬配自家製蘋果醬🐽🐑香煎慢煮紐西蘭羊架配薄荷醬🐑🦐黃金薯絲蝦🦐呢個黃金薯絲蝦($48)係單點既外面一層層薯仔絲包住隻蝦一啖咬落去外脆內軟幾有gimmick 當小食一啖一粒唔錯大大塊既黑毛豬一啲都唔‘鞋’反而有一種爽口既感覺👍🏼俾左2款醬伴碟:蘋果醬同芥末籽我就鐘意芥末籽多d覺得咸既野應該配返咸既食🙈甜品可以揀雪糕/蛋糕🍰好想試埋朱古力芝士同紫薯雪糕可惜冇咁多quota最後揀左抹茶芝士口感厚實 芝士味唔算好出反而食到更好抹茶既味道食到飽一飽落樓都只係每人2百幾

今日來左荃灣等朋友收工，無地方hea網上搵到間Cafe,抱住僥倖的心態無話好大期望地上去搵食，點知呢度竟然係世外桃源，so far去過咁多間cafe呢間我真係要排佢為最好的頭三位啊。呢間cafe叫the5bprivatecorner，雖然我唔明點解改個咁橋口既名，但原來有陣時就係咁樣先出乎意料。當我入到去，鋪面樓面都好闊落，一入到去就有種好舒服的感覺，印入眼簾的一定係牆邊書櫃的一系列書本，其實cafe通常都會帶給人一種感覺，就係文青風格，d人平時點解要坐cafe,好多時真係想靜下，睇下書甘樣。而周邊的裝飾品都帶懷舊的風格，好多懷舊小玩意，好得意。而呢度最大的特色係有海景，有幾何平民cafe 會有海景，呢度真係加曬分。我係度睇左陣書，發覺呢度播的音樂真係同成間cafe好夾，好聽之余，而且音量吾會影響到睇書的集中力，真係剛剛好。呢度都幾多野食揀，侍應介紹番order set dinner 會較抵，我就揀左蜜糖芥末素牛肉漢堡，會配埋牛油法包，田園沙拉，廚師餐湯，亦會配一杯野飲同甜品，我選了凍檸茶及紫薯雪糕。首先講個漢堡，真心好食，夾左芝士菠蘿片番茄片及酸黃瓜，超好味啊。而且完全食唔出係素，口

【香煎慢煮黑毛豬】小編好中意食黑毛豬，見到餐牌有，即刻叫左黎試試。🤤🤤🤤我好怕黑毛豬煮得太熟，會好硬，切唔開🔪。但呢度既黑毛豬冇令我失望！超juicy! 一切落去，肉質好粉嫩，好易切，可想言之，廚師掌握火喉好準🔥🔥！肉質一d都唔鞋，仲有自家製蘋果醬隨餐送上，當初以為黑毛豬點蘋果jam會好怪，點知異常地夾！👍🏻👍🏻個蘋果jam 可以解到黑毛豬既油膩感！真係令人再三回味！😋😋😋 另外 佢仲可以跟意粉或薯角, 所以一定食到你飽飽【意大利黑松露雜菌意粉】意粉既軟硬度適中, 個汁creamy得黎又唔會好流, 真係好好味😋😋😋, 不過同黑毛豬比就真係輸左😅😅

10月3號，都係同女朋友去左呢間餐廳食，我覺得好食。我餐牌上果幾個餐既價錢已經係set餐，有哂前菜，甜品同飲品。我地叫左個素漢堡包餐同黑毛豬餐。先講個前菜，都唔錯。個素漢堡食落去同真肉漢堡唔會太大分別，但好好食。至於個豬扒，佢算厚身，食落好濃既豬味，覺得好好食，不過個醬就個人不是太喜歡，只有蘋果隻醬好味過芥茉醬。最後個甜品，我認為個綠茶芝士蛋糕好食，而個雪糕普普通通。個人覺得佢值得推介，因為唔貴同好食

呢兩日好攰，想搵間寧靜又少人既地方食野，想遠離城市，唔諗什麼黃藍商店，只是想靜下來唔做返工野食餐飯，用openrice附近搜索功能搵左間工廈cafe食西餐，岩晒我心意。坐低感覺俾我好舒服，員工有禮貌有人情味，可能其實係老闆😅餐牌選擇算多，但一個人食得幾多野呀。叫個dinner set食。呢度一個餐係包埋法飽+湯+沙律+主菜+雪糕+飲品。我就叫左個（巴拿馬火腿蘆筍忌廉汁燴飯$148），本來沒有抱太大期望，但又好令我驚喜，火腿係熱身，估計係燒過黎，濃味好多，燴飯其實係似意大利飯，濕濕地易入口，但又每一啖都有濃濃既忌廉味，無諗過100幾蚊都有咁高質。另外想讚下個coffee 👍🏻 香滑 ！再配埋雪糕真係好放鬆。係就係邪惡既晚餐，但總算放下心情。

今日係荃灣d工廠區見完客就搵下附近有冇d好野食通常d工廠區都會有d隱世餐廳搵搵下就試下呢間西餐啦見都好多好評我就叫個set dinner一個set有六樣野好豐富餐湯，餐包，沙律，主菜，甜品同埋飲品個湯幾濃味，唔會好似好水咁主菜就叫左慢煮西班牙黑毛豬配自家製蘋果醬配香脆薯角呢個好大塊好靚，入口鬆軟juicy，薯角即炸夠脆仲有藍莓蛋糕同雲尼拿雪糕揀做甜品我揀左藍莓蛋糕，水準唔錯再加埋杯香濃既熱咖啡超級滿足

係荃灣，多數都係啲大型連鎖店鋪，想揾啲寧靜小店都難。朋友介紹左我黎依間cafe，話好舒服又好玩，所以就慕名試試。個門口好有屋企feel，要入玄關，四圍都係好別緻既裝飾，行入少少有梳化添，好有家庭味道。依度有bar枱可以睇海景，亦都有普通坐位，但共通地方係都幾闊落。睇下menu，上面有唔同西餐，仲有啲特飲同coffee添！我地叫左一個意粉餐同一個西冷配薯菜，另配蕃茄湯同檸茶。蕃茄湯酸酸地，幾開胃意粉：香口得黎配料充足！西冷配薯菜：西冷煎得剛好，口感鬆軟，薯菜即炸，十分新鮮！食完之後我地都坐左一陣，玩左d boardgame ，依度都係個傾計既好地方。總結，依個餐廳裝修佈置巨心思，可以睇海景，食物OK，同朋友聚會一流！

其實出街食野都未必要搵方便就腳既大集團既行多兩步 幫襯啲良心小店其實仲好食The 5B Private Corner 好易搵就喺工廠大廈5樓B室入去就見到荃灣海濱走廊 甚是寫意Cafe必不可少既Boardgames佢都應有盡有非常適合朋友聚會/Re-U這次與朋友黎食set dinner 以普通cafe 價錢卻包含6道菜式非常划算分別係沙律﹑餐湯﹑餐包﹑主食﹑甜品﹑飲料蜜糖芥末素牛肉漢堡 Impossible burger上網聽就聽得多呢款由外國革命性研發既Impossible burger聲稱話同牛肉口感做到9成9相似既素食漢堡今次就黎試一試佢一切開塊漢堡 連牛肉裡粉紅色半熟部分都做得好似食完都唔相信自己食左個素食漢堡香煎慢煮西班牙黑毛豬配自家製蘋果醬食肉獸當然要嗌返啲排食下慢煮既豬扒多肉汁不再話下仲要俾成呎厚 抵食餐飲我自己會推薦飲凍咖啡呢隻咖啡 經過淺焙帶出既果酸味 好少餐廳會做到香港人 加油

尋日行到腳都跛，所以今日就休休閒閒咁，休息返夠佢。於是我哋就搵咗間開起工廠大廈嘅樓上Cafe，短暫離開一下都市嘅繁囂。門口望入去，佢就好似屋企咁樣，擺咗五、六張枱，同埋有吧枱，又有書櫃擺咗啲board game比人玩。唔講咁多叫咗嘢食先，佢都有幾多款式，有burger，意粉，小食，甜品等等，如果平時嘅話我當然會第一時間間burger啦，但係呢排食得太多，所以都係唔叫burger，叫咗D餐 意大利黑松露雜菌意粉。首先嚟咗個湯先，我冇問佢不過放飲落去同你睇顏色都應該係羅宋湯，不過就冇碴，得湯，酸酸甜甜幾開胃。個黑松露雜菌意粉就十分之香，一擺落嚟就有陣陣嘅香味飄上嚟。個意粉都煮得夠硬，啱晒我胃口，而且好creamy。飲品方面，上得來cafe當然要飲番杯coffee啦，咁我就叫咗杯House coffee。咖啡都冇令人失望，好香濃。係呢個咁靚嘅環境，咁休閒嘅下午，再配埋杯咖啡，當堂覺得自己文青咗。如果早啲嚟嘅話，可以約埋三五知己一齊上來玩同敘舊，吹水都幾好。咁就可以輕鬆hea一個下午。

約咗朋友去荃灣呢間隱世嘅cafe位置比較偏僻，喺one midtown前面要喺海盛路穿過啲工廈去柴灣角街嗰邊先入到棟工廈入面環境幾寬敞，嗰日我哋好晏去，少啲人，好靜好舒服燈光柔和感覺溫馨主要採用木系裝潢設計有好幾張枱serve客，多人去到都無問題仲有窗邊都有枱同高櫈坐喺度歎下午茶之餘仲可以睇埋荃灣海景感覺幾梳乎水蜜桃梳打 $36梳打好似最特別，而水蜜桃味最穩陣所以就叫咗一杯呢個冰上面放疊2塊水蜜桃果肉果肉好鮮甜建議用匙羹攪拌一下先飲否則飲到底先飲到甜味熱情果菠蘿梳打 $36睇menu好似幾爽就試吓熱情果+菠蘿好清爽feel冰上面一樣有果肉，清清哋幾好飲仲有佢全部都係用環保鐵飲管值得支持香煎滋味豬扒漢堡 $58佢會配埋香草薯角+田園沙律沙律同薯角份量好足夠2個人食都OK豬扒好香口，質感嫩滑唔鞋口仲有芝士香味Affogato $48即係特濃咖啡配雪糕我不嬲幾鍾意食咖啡雪糕嘅雲呢嗱雪糕本身帶甜味淋上espresso咖啡之後味道略略帶上苦澀味而雪糕本身嘅甜味亦唔會消失晒甜味同苦味喺舌頭之間徘徊真係咖啡雪糕味張單最後仲寫住 香港人加油！良心食店，大家識做啦？！ 

同fd返工後，想搵個好食又傾得計既舖頭，係網上搵到呢間隱世餐廳，雖然有d難搵，但環境、食物都好值得！同fd一邊享受美食，一邊傾計，真你好正！最後仲忍唔住食埋甜品，佢d甜品好靚之餘，仲好好味

Private Corner，真係如其名非常之Private，位於工廠大廈別有洞天地有個小天地。如果本身唔係呢邊返工，要搵呢間餐廳都有啲困難。約咗朋友食飯但係搵唔到餐廳，打俾餐廳店員好有禮貌地教我點上去，抵讚。餐廳好闊落、舒適，裝修都好骨子。佈置擺設好文清感覺座位亦都舒服，有唔同嘅書同埋board games等等⋯⋯ Dinner set 係一個價錢有前菜、有牛油法包、湯品、田園沙律、主菜、飲料，包埋精選蛋糕同埋咖啡茶），大概係貴佢個主食$10左右，唔洗諗一定揀餐。蜜糖芥茉素牛肉漢堡🍔我哋本身係睇漏左個素字，完全係覺得好似食緊牛肉一樣，睇緊佢一面嘅肉質，有口感得黎唔會太硬。朋友先同我講原來佢係齋嚟嘅😱😱😱😱真係非常之驚訝同埋好出色！好好味亦都好香，質感得分！另外餐亦都配香草薯角及田園沙律🥗 $138焗白汁忌廉海鮮薯蓉批$148睇返OpenRice冇乜人試過呢個，兼且本身小編不太喜歡鹹味的薯蓉，但試過呢個之後改觀了！忌廉白汁同埋薯蓉個味道好夾！加咗不同嘅海鮮係入面，薯蓉上面係有咩咩燒過，即焗的味道！好推介！甜品有四款揀，我哋揀咗綠茶芝士蛋糕同埋芝士蛋糕，個人就認為芝士蛋糕已經好食！喜歡綠

荃灣最近多左好多新cafe☕️, 除左係南豐紗廠🏢，係荃灣工廠大廈裡面都有間隱世海景cafe!☀️ 本身對cafe食物expectation都唔係好高，通常本coffee比較重要☺️。但意想唔到每道主菜都幾好味，由其係西班牙黑毛豬🐖，叫左7成熟肉質常好👍🏻，加埋自製蘋果醬更加match。意粉和雞排漢堡包整體都唔錯😊另外特濃咖啡配雪糕(Affogato) 味道都好濃郁😋，可以慢慢嘆☕️🍦如果想係週末去，最好係openrice 或電話去book📞，因為有機會無位架！間cafe有埋board game玩又有長枱所以都幾岩一大班人去🤡.