Terrace in seaside (MOKO新世紀廣場)

营业中

休息中

2025年7月26日 星期日星期日再加上放暑假，當然要出去好好玩返一日啦，放足一日電真係覺得勁肚餓，於是就打算係新世紀廣場食飯行過Terrace in seaside，發現餐廳有Summer Time “Terrace Passport” 活動，簡單黎講就係首先問店員拎本餐廳特有既Passport，之後到任何分店消費，即可得到1個悠閒印章當集滿3個悠閒印章，就可以獲得Game Tour挑戰資格，前往8間指定挑戰分店參與趣味挑戰，每日每店首位完成挑戰者，更即場可獲得$1,000旅避禮券添而當集滿挑戰印章，就可於活動結束後換取限定獎賞咁我哋當然唔會執輸即刻拎左本passport，喺呢間分店消費，賺取第一個印章啦睇一睇餐牌，發現有新菜式，仲要係我最鍾意嘅蜜瓜味，於是急不及待點咗嚟試吓，另外再要咗幾款食物，一定足夠兩個人食話咁快菜式同飲品就已經全部送上，甜品可以食完主菜後另外再起首先有韓式燉牛肋骨配飯，牛肋骨燉得超入味，醬汁係偏甜中帶微辣，啱晒香港人口味牛肉一夾就散，完全唔使出力，入口即化配埋白飯一齊食，真係每啖都好滿足而且佢仲加咗蛋絲、紅蘿蔔同蔥花做配料，唔單止令賣相更靚，仲有層次感黑芝麻點

一行4人連同2名小孩到餐廳食lunch, 喺 walk-in counter 準備入座時要求提供baby seat, 某位態度極差的工作人員表示只能提供卡位，我們表示baby seat 是無法 安全固定在卡位上的，但該員工表示無辦法再安排....我哋見到旁邊有兩張2人枱無人坐並可以合併，詢問是否可以安排合併，該員工不友善地表示不可以，通知我們可以繼續等待其他合適或離開.....我哋表示其實有訂座及表示不明白為什麼不能將空枱合併，最終該員工非常不情願及態度惡劣下作出安排，而亦將過程拍下，目的不是要公開而係將該態度極之惡劣的員工的行為拍下作為記錄。 作為飲食服務行業，對於一個客人非常簡單嘅要求，都要以非常惡劣態度作回應，相信喺香港不　會是少數，亦唔明該工作人員心態？🤷🏻‍♂️🤷🏻‍♂️🤷🏻‍♂️咁嘅員工都係想趕客啫。P.S 及後餐廳經理作出調停，態度合理友善得多。Thanks.

Terrace有間韓國cafe想食好耐！因為成間店都係橙色好sharp！見佢依家夏天有唔同野食，仲要有活動玩就吸引左我去🥹佢地本「Terrace Passport」好靚～好想中$2000旅遊禮券🤣🤣🤣-雞蛋多過飯的蛋飯卷🍙蛋量好多，超厚蛋燒取代米飯成為核心，包裹清爽的胡蘿蔔絲、青瓜絲，整體清爽不膩，夏季必選。 -韓式燉牛肋骨配飯🐮牛肋骨切方塊燉煮，肉質軟腍帶膠質，有啲似食緊牛腩但好易咬開！-玫瑰醬海鮮年糕🌹韓式辣醬混入玫瑰醬與奶油，辣度溫和卻保留辛香，質地creamy如義大利麵醬。而年糕特製成細長條，吸汁力強，好似食緊煙韌既烏冬！而海鮮新鮮彈牙。 -比初戀還要甜的蜜瓜窩夫🧇窩夫相對比較軟，有別於脆口好特別～而日本蜜瓜大大舊，如果再甜啲真係會好似初戀咁～-圓碌碌蜜瓜沙冰上而有整球蜜瓜果肉，造型吸睛。而沙冰細密無冰渣，啜到底部有啫喱，解膩效果一流。-飲完唔會手指指餅咖啡☕️液態提拉米蘇的儀式感，附贈手指餅乾可蘸奶蓋享用，可以先淺嘗奶蓋原味，再攪拌飲用，風味變化更完整。

服務災難！店員表示，你無眼望唔到執緊臺，惡略體驗 價格：646（折後價｜原價3人$842） 「唔介意貼錢受氣嘅勇士，可以挑戰。」---🍽 食物：不過不失，未到非食不可 叫咗 牛肋骨、紅蝦意大利燉飯、炸雞、海鮮煎餅，整體質素合格： ✅ 牛肋骨夠淋，燉飯入味，炸雞脆口，煎餅一般 ✅ 味道正常，未見驚喜但無伏 ❌ 定價進取：折後$672呢個價位，大把更好選擇（而且折扣只有特定時段才有） 💣 服務：全程貼錢受氣食物無問題，但服務差到顛覆三觀 1️⃣ 預約當透明‣ Book 8:30枱準時到，門口乾等10分鐘無人理 2️⃣ 員工耍太極‣ 男店員話自己係新手：「我唔清楚㗎～幫你問其他店員」轉頭消失10分鐘也沒有其他店員過來～‣ 女店員黑面反窒：「你睇唔到執緊枱呀？」 3️⃣ 零歉意＋態度挑機 ‣ 由頭到尾冇一句「唔好意思」 ‣ 等足20分鐘先施捨一句：「唔好咁唔耐煩啦」 +多次反駁，強調我們睇唔到執緊枱，我想問預約意義何在？？同埋我想講最嘅係無人黎接待，預約左要等一小陣我都理解到，你如果一開始好聲好氣同我講唔好意思，今天人太多要等一陣先有臺我都理解到0安排+惡略態度，呢個就係你地舖頭

Terrace in seaside係我幾鍾意嘅一間韓國餐廳，環境同食物比我嘅感覺好清新🥢雞蛋多過飯的蛋飯卷的確好多雞蛋嘅蛋卷，加埋🥒青瓜、🥕紅蘿蔔，口感豐富😋🥢玫瑰醬海鮮年糕最好食！食咗好多😋醬汁好濃稠夠juicy，年糕質地煙韌，海鮮都新鮮高質🤤🐮韓式燉牛肋骨配飯燜煮得入味，牛肉超級腍，夠多汁，好好食👍🏻🍈比初戀還要甜的蜜瓜窩夫窩夫香脆，加埋清甜蜜瓜、忌廉，好夾好清新🍈圓碌碌蜜瓜沙冰一樣好清新，仲有啲啫喱咁，口感好好，唔會太甜☕️飲完唔會手指指餅咖啡幾好飲，鐘意飲咖啡嘅要試！🚩Terrace in seaside (旺角) @terrace.in.seaside.hk 📍旺角太子道西193號MOKO新世紀廣場3樓346&347號舖

話說 放假同母親大人去旺角食下午茶呢🫶🏻好耐都無出去漫活人生 係時候休息一下🎧呢度裝修係以木系為主 食物以竹籃盛載🪵成個感覺好舒服 就好似去咗度假一樣咁🏝️啱晒同三五知己 喺度傾吓計一齊聚聚舊😚聽講依家有期間限定 夏日陽光遊嘅活動☀️只要消費集齊咗印章喺護照 參加小遊戲💮可以贏取旅遊禮券 限定獎品同優惠卷添✈️-❤️Egg Gimbap ($92)❤️雞蛋多過飯的蛋飯卷 ($92)以為 一個平平無奇嘅飯卷 點知入面係有驚喜嘅呢😛賣相精緻 配料亦好足 紅蘿蔔同青瓜食落好爽脆呀😋蛋卷嘅蛋香味濃同香滑 睇比例 真係蛋仲多過飯哇😂整體份量好足 且夠扎實唔會散 呢個菜式相當出色😘-🧡Rice with Beef Rib Stew ($138)🧡韓式燉牛肋骨配飯（$138）面上有蛋花同紅蘿蔔 再用蔥花同芝麻作點䮕🤓牛肋骨份量好足 咬落肉質軟腍同燉得好入味🤩-💛Seafood Tteokbokki with Rose Sauce ($96)💛玫瑰醬海鮮年糕 ($96)賣相好邪惡 大蝦同青口食落特別鮮甜😚長條形嘅韓式年糕 食落好煙韌有咬口🙌🏻配埋玫瑰醬一齊食 有種甜中帶啲微辣🌹食落好有層次感 口感豐富特別開胃啊

位於MOKO 新世紀廣場3樓，店面以淺木系桌椅搭配綠植牆，店舖比起沙田分店更加大更加闊座位多，現各分店正舉辦「夏日陽光遊」活動，消費可獲活動護照，每點一道指定菜式可蓋印章一枚「夏日陽光遊」活動攻略 參加方法1. 於任何分店購買當季產品，集滿3個「悠閒印章」2. 獲得 Game Tour 挑戰資格3. 前往8間指定分店，完成挑戰遊戲，即有即可兌換一系列精選禮品與優惠。當日第一位完成挑戰嘅朋友可以即時獲得$1000旅遊禮券添4. 由即日起至8月31號儲齊三個印花可以即時換領Terrance帆布袋六個可以玩免費午市套餐如果8月31號仲可以投10位換到$2000旅遊禮券添護照專屬獎賞- 悠閒印章可兌換免費飲品、飯卷、炸雞及五折優惠券- 挑戰印章可兌換限定帆布袋、午市套餐，以及$2000旅遊禮券（限前十名）✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫ ✿ ✿ ✫🥢雞蛋多過飯的蛋飯卷💰92名副其實真係多多個飯啊！呢款蛋捲用咗日式玉子做法捲成一個蛋捲，外層以青瓜、紅蘿蔔、白蘿蔔絲、紫菜包住，最後滲上芝麻，內餡包裹豐盛，玉子中間仲保留到嫩滑口感但香味濃，

同Tiffany去完韓國未夠喉！一於再去食韓國料理。雞蛋多過飯的蛋飯卷見到個名唔駛多講，好喜歡紫菜包住薄薄嘅飯但又有厚厚嘅蛋燒，配埋青瓜絲、蘿蔔絲，清新得黎口感豐富。韓式燉牛肋骨配飯份量十足，燉牛肋骨肉質好軟腍又香濃，配上甜甜好微微辣嘅韓式醬，超下飯。玫瑰醬海鮮年糕有點驚喜😍加了玫瑰醬感覺好creamy又帶點辣，海鮮好足料有八爪魚仔、青口和蝦仁，長身年糕口感煙靭好入味。比初戀還要甜的蜜瓜窩夫蜜瓜當造季節清甜多汁，即烤窩夫外層酥脆、內裡鬆軟帶淡淡蛋香香味，加埋鮮奶油同蜂蜜，甜在心😍。飲完唔會手指指餅咖啡呢一個咖啡奶味濃，濃厚奶油加Espresso，咖啡味幾香，配埋手指餅好滿足。圓碌碌蜜瓜沙冰啖啖沙冰好冰涼消暑，仲有清甜嘅圓碌碌蜜瓜，好岩夏天飲。餐廳推出左Summer Time「Terrace Passport」活動，只要任何分店消費當季產品，集滿3個悠閒印章，就有Game Tour 參加資格，到8間指定分店挑戰，贏旅遊禮券、限定獎品、優惠卷等等，悠閒印章換免費飲品、飯卷、炸雞、50% off優惠券，另外，挑戰印章換限定帆布袋、午市套餐、$2000旅遊禮券（頭十位）！

好耐冇食過韓國菜，今日約朋友仔就一於試吓旺角呢間韓菜館預約咗11:30 ，原來佢哋都係11:30開門，早到咗可以影吓佢哋個門面，就喺兒童遊樂場對面，地點你講真係好方便趁朋友未嚟，叫咗幾隻餸。首先個流心芝士豬扒好多人都有叫，就叫黎試吓。我哋食嘅時候已經有少少凍咗，所以芝士唔係真係咁流心，但係個味道都OK嘅之後就係芝士味無骨炸雞半份，佢哋配埋薯條俾我哋，炸雞薯條不失不過，芝士粉都好濃郁雞蛋飯卷都係openrice見到比較多人叫嘅一道餸，試完之後真係覺得值得食裏面有青瓜絲同胡蘿蔔絲，夏天食好清爽朋友嚟到之後再叫咗一道海鮮餅，見到朋友食得好滋味，不過我覺得可以再煎得香口少少，因為本身個粉比較厚，如果可以薄身啲嘅話，應該會再好味啲但係佢真係好足料，勁多海鮮總括嚟講，呢間餐廳嘅食物都好好味，而且唔會好重味有機會會再嚟呢間餐廳食

🍊🍊 Terrance in seaside的食物真是一次比一次驚喜，今日餐廳又再畀我哋「翻牌子」，大吃得吃一番。🍳雞蛋多過飯的飯卷很直白的菜式名🤣就是韓國傳統飯卷超厚身蛋燒作為內餡，你紫菜包飯和蔬菜捲著來吃，清淡不失滿足。🌹玫瑰醬海鮮年糕非常驚喜。傳統辣口味的基本加上玫瑰醬，令口感更Creamy溫和。年糕形狀很特別！比平時吃的韓國年糕更幼身更長，真是有吃意麵的錯覺。海鮮有八爪魚仔、青口和蝦仁，貓太太幾乎獨攬一碟吃光光。🍛韓式燉牛肋骨飯肉比飯多🤩牛肋骨切成四方一口狀，比較有嚼勁。韓式醬炆得香濃，很下飯，碟中還有白蘿蔔和紅蘿蔔。🍈🧇比初戀還要甜的蜜瓜窩夫每次食完飯都要以窩夫收尾。夏令日子蜜瓜豐收，清甜香爽，加上鮮奶油、蜂蜜同窩夫。甜品食材大多取自天然，健康之選❤️🍈🧊圓碌碌蜜瓜沙冰蜜瓜汁打成沙冰壯，加上圓碌碌的蜜瓜，舒爽。🍦☕飲完會手指指餅咖啡簡直就是液態版提拉米蘇，濃厚奶油加上 Espresso，以手指餅蘸一口，甜品無誤。

📣📣📣夏日陽光遊 Summer Time集齊印花有旅遊禮券、限定獎品、優惠券等等…記得帶佢地本passport，食多d贏多d。雞蛋多過飯的蛋飯卷🥢好多蛋蛋我超鐘意，韓國壽司真係食極都唔厭。韓式燉牛肋骨配飯🥢炆得好鬼入味又林身，大大件好抵食。玫瑰醬海鮮年糕🥢年糕一條條好長😂有d似意粉，煙煙韌韌好好味，醬汁小小辣令到更加惹味，好多海鮮🤭正呀。比初戀還要甜的蜜瓜窩夫🥢蜜瓜🍈超甜超好味😋窩夫脆脆的，仲有蜜瓜忌廉，非常之清新的一個甜品。飲完唔會手指指餅咖啡🥤我想講杯飲品好好好飲，有奶蓋嘅口感夾埋手指餅一齊食十個贊，又飲到咖啡味夾到不得了。圓碌碌蜜瓜沙冰🥤滿滿蜜瓜，有蜜瓜沙冰、蜜瓜啫喱、蜜瓜肉，你話唔正呀…

Terrace in seaside嘅餐廳真係超出預期，每一樣菜都有驚喜✨。*雞蛋多過飯的蛋飯卷*賣相勁正，蛋香配飯好match，啖啖都感受到廚師心思。*韓式燉牛肋骨配飯*肉質軟腍入味，濃郁醬汁同白飯完美融合，食到停唔到口！*玫瑰醬海鮮年糕*勁有特色，海鮮鮮甜加上意想不到嘅玫瑰香，一試愛上。*比初戀還要甜的蜜瓜窩夫*賣相吸引，窩夫外脆內軟，蜜瓜新鮮多汁，真係甜過初戀🍈。*圓碌碌蜜瓜沙冰*清新解渴，夏天飲一定正。最後，*飲完唔會手指指餅咖啡*入口滑順，不甜不膩，啱晒想輕鬆chill下嘅你。整體嚟講，呢度嘅食物有心思，擺盤靚，氣氛又舒服。食完飯仲有遊戲玩，記得拎Passport。

暑假到喇！又係時候帶埋小朋友四圍去飲飲食食呢間餐廳最近推出《Summer Time 夏日陽光遊》除咗品嚐多款韓式美食．仲可以挑戰小遊戲消費集印於「Terrace Passport」可以贏取旅遊禮券．我地已經帶定護照，準備開展夏日探索旅程啦！一齊嚟贏豐富禮品帶返屋企啦點咗幾款新菜式都好有水準✨雞蛋多過飯的蛋飯卷✨韓式燉牛肋骨配飯✨玫瑰醬海鮮年糕✨圓碌碌蜜瓜沙冰✨飲完唔會手指指餅咖啡最後加埋招牌Pancake．香甜鬆軟✨比初戀還要甜的蜜瓜窩夫 💡 簡單3步參加：1️⃣ 任何分店消費當季產品，集滿3個悠閒印章2️⃣ 即獲 Game Tour 參加資格3️⃣ 到8間指定分店挑戰，贏旅遊禮券、限定獎品、優惠卷等等🎮 四個小遊戲等你挑戰！✔️ Ttakji 打畫片、Gonggi 拋石仔、投壺挑戰、經典層層疊柑橘🎒 夏日護照限定獎賞：🌟 悠閒印章換免費飲品、飯卷、炸雞、50% off優惠券！🌟 挑戰印章換限定帆布袋、午市套餐、$2000旅遊禮券（頭十位）！

今日嚟左Moko嘅Terrace in seaside 食午餐～餐廳環境開揚，好大，坐得好舒服。餐廳最近仲推出左《Summer Time 夏日陽光遊》「Terrace Passport」活動，大家可以攞住passport完成消費同參加8間分店嘅Game Tour 活動，有好多禮物同旅遊禮券等住你攞！參加步驟好簡單。首先，喺任何分店消費當季產品，集滿3個悠閒印章，獲得Game Tour 參加資格！之後就可以到8間指定分店挑戰，贏取旅遊禮券、限定獎品、優惠卷等等～ 例如可以換領餐廳免費飲品、飯卷、炸雞、50% off coupon！挑戰印章仲可以換限定帆布袋、午市套餐、$2000旅遊禮券（頭十位）！雞蛋多過飯的蛋飯卷飯卷份量多，名副其實，蛋塊真係好大舊，比飯多！飯卷食落唔會heavy，雞蛋有蛋香，而且好滑。其他配料有紅蘿蔔、青瓜等等，食落好爽脆，味道清爽。韓式燉牛肋骨配飯燉牛肋骨飯十分推薦！牛肋骨大大舊，已經煮到好入味、好淋，食落牛味香濃，質地軟淋。醬汁味道甜甜地，配飯都唔錯。玫瑰醬海鮮年糕年糕好特別，呈長條型，較幼身，每條都好煙韌，佔滿曬醬汁。醬汁少少辣，好creamy，好惹味！年糕面頭

每次想食韓國菜都會諗起Terrace in seaside皆因佢哋定期會轉主題有新menu最近就係蜜瓜主題 炎炎夏日又可以食到韓式fusion菜仲可以食到清甜蜜瓜 絕對係happy summer 🔸 雞蛋多過飯的蛋飯卷呢款飯卷真係名副其實雞蛋份量多過飯感覺似食緊雞蛋卷 而且雞蛋好滑嫩再夾埋蔬菜絲 營養健康！🔹 韓式燉牛肋骨配飯牛肋骨份量多而且大嚿醬汁濃郁甜鹹平衡 同蘿蔔一齊炆煮 軟腍入味 輕輕一咬已經將肉件咬唔配埋吸滿牛肋骨醬汁嘅白飯 忍唔住食多兩啖🔸 玫瑰醬海鮮年糕呢度嘅韓式年糕係長條形 更煙韌掛汁拌上濃郁嘅玫瑰醬汁 咸甜中帶點微辣配埋蝦仁、魷魚、青口令味道更豐富🔹 比初戀還要甜的蜜瓜窩夫 鬆軟嘅窩夫有蛋香 配上清甜多汁嘅蜜瓜每層夾住鮮蜜瓜忌廉 沾上蜜糖更好味每一啖都可以感受到甜蜜嘅感覺 唔怪之得叫 比初戀還要甜 ( ´▽` )ﾉ🔸 飲完唔會手指指餅咖啡 手指餅放喺咖啡杯邊 想食嘅時候再點咖啡面層奶蓋厚身奶味重 配上醇厚咖啡 中和咖啡的苦味 變得更易入口🔹 圓碌碌蜜瓜沙冰 蜜瓜做形圓碌碌 入口冰涼沙冰用蜜瓜汁打成 果味甦濃郁下層仲有啫喱 多重口感飲完即刻感覺消暑解渴！ 🚩 Ter