Terrace in seaside (形點 I)

营业中

休息中

Terrace in seaside有幾間分店。今次去咗元朗形點一期嗰間。呢度嘅裝修有好清新嘅感覺。今次同朋友和小朋友lunch去食。⭐️Kids meal兒童餐 $88兒童餐包括：紫菜包飯、炸雞、水果、小窩夫、薯條、橙汁兒童餐食物好豐富。小朋友好鍾意食。⭐️韓式烤牛肉奶油闊條麵 $105牛肉好嫩滑。配上好creamy嘅闊條麵。我略嫌個麵油咗少少。⭐️無骨蜂蜜炸雞半份 $108炸雞好味👍雞肉肉質非常嫩滑，好juicy. 外皮炸得剛剛好，好脆，唔會硬。面頭有啲蜂蜜醬汁，超好味。餐廳員工服務態度好好，有禮貌。呢間餐廳整體上都不錯，如果鍾意食炸雞嘅人，呢間係唔錯嘅選擇👍

朋友係幾忙都要見，今次約到個大忙人，當然要帶佢食好西😌咁岩YOHO開左間韓國過江龍，附近又有停車場，方便友人泊車，實在一舉兩得😙繁忙時段要等位，建議一早book定餐廳原本位於韓國仁川，係一間坐擁無敵海景既海邊餐廳，主打韓式洋輕食為主，每間分店都設有柑橘樹佈置，亦係一間寵物友善既餐廳🍊濟州柑乳酸梳打 $48係紫色呀😍唔小心同杯飲品dress code🤣咁岩耳環同件衫都係紫色💜忍唔住叫友人幫手影相打卡🥭人生迷芒的芒果沙冰 $68大大舊芒果，份量十足，果肉酸甜多汁，沙冰芒果味香濃，夏天飲真係好消暑開胃前菜甜酸蘿蔔｜魚糕片🦑烏卒卒墨汁八爪魚燉飯 $132熱辣辣既墨汁燉飯，口感creamy，八爪魚爽脆彈牙，少埋芝士同沙律醬，咸香又唔會太膩。不過最好食完最好唔好笑😂個咀黑晒會變污糟🐷唔講唔知，墨汁原來係一種幾有益既食材😯可增強免疫力、抗炎症、抗癌、預防心血管疾病及抗衰老🐙極度惹味泡菜八爪魚飯卷 $115微辣泡菜加埋蛋絲、青瓜絲同蘿蔔絲，仲有彈牙八爪魚，口感豐富😋都幾惹味🧇芒芒夏日芒果窩夫 $138厚底窩夫配草莓、藍莓、芒果，賣相吸引🤩酸酸甜甜，飯後食都唔膩☺️

今日要同大家嚟到元朗區，坐落喺元朗西鐵站嘅形點商場，呢間韓國😍餐廳性價比極高，大家千祈唔好錯過，大家睇完我嘅報道快啲去啦⭐️=====================Food list📌😋⭐️烏卒卒墨魚汁八爪魚燉飯，賣相已經一流，加埋鮮甜嘅八爪魚，色香味俱全❗️😋⭐️極度惹味泡菜八爪魚飯卷，呢個餸除咗非常之好食之外，打卡價值一流，賣相極美觀，最重要係好好食😍😋⭐️開心果蜜糖窩夫，係我最鍾意嘅開心果甜品，加埋入口鬆軟嘅窩夫，口感一流❗️😋⭐️濟州柑乳酸梳打，濟州柑出名鮮甜多汁，加上有韓國直送香港，配埋乳酸，效果特佳，絕對係炎夏嘅一個極佳飲料😍

元朗有間咁正嘅餐廳我都唔知下次一定要帶埋貓bobo過嚟先得😘呢度餐牌啲食物名個個都好搞笑由飲品到主食到甜品全部都好好味芒果特別甜，就好似泰國嘅嗰種甜度燉飯食完完全唔覺得滯甜品係我最覺得出色嘅因為好有心思，甜度適中雖然我知道佢好多分店但係住元朗嘅我哋又多一個選擇食多幾次食埋其他款式先😆🤍烏卒卒蜜汁八爪魚燉飯🤍極度惹味泡菜八爪魚紫菜包飯🤍人生迷惘的芒果沙冰😂🤍濟州金橘乳酸梳打🤍開唔開心試咗先知嘅開心果蜜糖窩夫😂

隔咗一段時間之後再食呢間韓國料理， 今次去到元朗分店， 呢度坐得非常舒適， 位置好闊落👍👍 烏卒卒墨汁八爪魚燉飯 🐙呢一個飯非常有驚喜， 開頭以為只係同外面差唔多嘅 味道， 誰不知餐廳原來加咗沙律醬， 配上有口感嘅 八爪魚非常好食 極度惹味泡茶八爪魚飯卷 🍙呢一個飯卷亦都好特別， 喺八爪魚同飯卷中間加咗一陣泡菜汁， 酸酸辣辣咁樣 非常開胃 開唔開心試咗先知嘅開心果蜜糖窩夫 🍰呢一個開心果窩夫性價比好高， 有開心過朱古力同埋開心果醬， 配上忌廉入口香甜， 而且窩夫本身非常香脆， 呢個值得再試 人生迷芒的芒果沙冰 🍹濟州柑乳酸梳打 🍹

🐙🐙烏卒卒墨汁八爪魚燉飯 $115燉飯好creamy，飯入面有d菇又有火箭菜，食落唔會膩口！而且八爪魚份量都幾多！🍙🍙極度惹味泡菜八爪魚紫菜包飯 $132泡菜醬都幾特別，唔會好辣好惹味，八爪魚都相當新鮮爽口，十分好味！🧇🧇開心果蜜糖窩夫 $138開心果味甜品呢期超hit，我都唔輸蝕叫返個窩夫試下，窩夫整得好脆口，而且d cream 唔會好甜，面頭有個開心果慕斯巧克力，十分特別！仲有蜜糖脆脆，好好味呀！🥭🍊🍹人生迷芒的芒果沙冰 $68 &濟洲柑橘乳酸梳打 $48芒果沙冰好新鮮，唔似出面加糖水得個死甜！柑橘乳酸梳打好好飲，夏天飲超級fresh！🍽 Terrace in seaside （元朗）📌 元朗朗日路9號形點 I L2樓2056號舖☎️ 库存量单位 3188 9238⏰ 星期一至日 11:30 - 21:00#Terraceinseaside #coffee #omurice #Cafe #打卡 #Chill #度假

喺YOHO 有間橙色嘅cafe十分搶眼🍊🍊，環境寬敞，一入到去已經覺得好舒服。餐廳主打fusion 菜，啲菜式都幾有趣😎🤪前菜係泡菜青瓜加埋酸蘿蔔，酸酸辣辣十分開胃😋😋極度惹味泡菜八爪魚飯卷八爪魚超大粒，配上少少辣嘅泡菜醬汁十分惹味，為飯卷添加左色彩，睇得又食得到😝😝烏卒卒墨汁八爪魚燉飯燉飯有口感，加入彈牙嘅魷魚増添鮮味，飯上面仲有蛋黃醬，令燉飯更加creamy👍🏻👍🏻開唔開心試咗先知嘅開心果蜜糖窩夫窩夫十分巨型，作為飯後甜品滿足我嘅甜品胃就啱哂。窩夫表面滿佈開心果粒加杏仁，加埋cream 一齊食極度邪惡。蜜糖仲會隨住窩夫嘅熱度而融化，十分美味😜😜😜人生迷芒的芒果沙冰 沙冰好有芒果香味，仲有一大塊芒果可以食🥭濟州柑乳酸梳打，加入水果同乳酸打成，夏天飲酸酸甜甜嘅梳打好爽快🍊

一行三人來到Yoho這間餐廳吃晚飯，被安排坐在角落圓桌梳化椅，望住落地玻璃外景色，感覺舒服。叫了幾個餐點，炸雞啲名好得意😂🍗廚房默默流淚白洋蔥炸雞（半份-有骨）（$128）炸雞可選半份或一份、有骨或無骨。好好味😋🍙醬燒牛肉飯卷（$88）有十大件，好足料👍🏻🥘牛油果泡菜牛肉炒飯（$128）餸嘅份量都好多👍🏻🍹柑橘乳酸梳打呢個好似係期間限定？最攪笑佢係成個柑橘咁上🤣整體來說，全部都好好味，值得再來。

你看我脸上就出现了笑容濟州柑橘乳酪 做得好漂亮，🍊乳酪和橘子的奇妙融合，尽管浓郁的奶香扎实又厚重，而橘子就在丝丝缕缕中带来酸甜和清爽，找到了一个很奇妙的平衡点🌪️，让他们互相融合傳統飯卷 是传统的口味，但没有想到分量这这么足，🍣里面不仅有黄萝卜，还有牛鞭草，软嫩脆爽中蕴含着各种不同的口感美了乐了

每次黎呢到食嘢，都有季節限定既野食，都幾跟季節黎出相關既餐廳泡菜黑毛豬配飯 $89泡菜比較偏酸唔會太辣，黑毛豬腩肉肥瘦分明，肥嘅部份爽滑唔會有油膩感！加埋泡菜同蛋絲一齊食非常下飯！泡菜同腩肉真係最好嘅配搭！粒粒魚籽與三文魚蛋黃醬飯卷 $108勁多蛋黃醬喺面頭，超邪惡 卡路里爆錶，不過食好嘢就唔好諗卡路里🤣粒粒魚子 味道鮮鹹 慢慢就食到佢嘅鮮味同鹹 幾有層次 ，配埋壽司嘅蘿蔔絲、青瓜絲 清新嘅配搭 同3文魚蛋黃醬好夾芒芒夏日芒果窩夫 $138呢個超巨型嘅芒果窩夫 有三層，每一層都有芒果同埋忌廉，忌廉雖然都幾多，但係食落去唔會好油膩 讚另外芒果都唔酸幾甜 粒粒口感 夏日限定一定要食人生迷芒的芒果沙冰 $68上到嚟非常打卡！有成半隻大芒果放喺個杯！切開嚟食芒果夠熟！香甜唔會酸！沙冰都會食到啖啖芒果！非常足料十分推薦！清爽爆汁西柚檸檬梳打 $46整杯味道都好清新，夏天一定要飲呢類fresh drink😆男女老少都啱飲

🥭天氣咁熱, 梗係想食番啲又fresh又開胃嘅野食啦~ 呢日同豬生係yoho俾佢門口嘅裝飾吸引咗, 望入餐廳見佢落地玻璃, 係以濟州金橘做主題, 好似置身園區,好清新~.我哋嗌咗兩個主食: 🧡 泡菜黑毛豬配飯, 泡菜係豬生最愛, 所以佢勁快就嗌咗呢個飯, 黑毛豬肉質鬆軟, 配搭泡菜嘅微辣, 非常開胃😝🧡 粒粒魚籽與三文魚蛋黃醬飯卷, 小丸子就嗌咗最愛嘅三文魚籽, 配搭三文魚蛋黃醬嘅飯卷, 最中意佢勁多內餡, 有青瓜絲同蘿蔔絲, 勁fresh! 仲有兩杯特飲同甜品窩夫:🍹芒果沙冰&西柚檸檬梳打超冰爽嘅芒果冰沙, 仲有半隻芒果🥭 超吸睛😍 西柚檸檬配搭夠清新, 勁岩炎炎夏天必嗌嘅飲品🧇芒果窩夫餐廳推薦窩夫之一, 窩夫3層高, 配搭忌廉同芒果醬, 鬆軟嘅窩夫同芒果醬搭埋一齊食勁正!!! 旁邊仲有開胃水果添~.#Terraceinseaside #Innisfree #VitaminCPowerUpSet #coffee #creamsandwich #omurice #Cafe #打卡 #Chill #happyholiday #hkfoodie #foodporn #foodphotogr

▪️慶祝生日叫的生日窩夫▪️ $8- 呢個生日窩夫又軟又糯,口感好特別。雖然表皮唔太脆,但整體仲有啲韌性。▫️韓式豬手(半份)▫️$122- 韓式豬手一般啫普普通通。不過配埋麵豉醬、蒜頭同辣椒,就出咗韓式豬手嘅風味。半份剛剛好俾兩個人食。▪️明太子蟹肉飯卷▪️$88- 呢個好健康。飯卷包咗酸蘿蔔、青瓜同紅蘿蔔,又脆又爽,加埋明太子嘅香氣, 幾正。▫️濟州柑橘乳酪▫️$68- 好香濃嘅柑橘味,入口仲有好多柑橘肉粒,清新爽脆。係個常見嘅甜品口味。舔脷指數：6/10😄📍Terrace in Seaside (全港有好多間分店)元朗朗日路9號形點 I L2樓2056號舖

約朋友聚會，之前約過去「Terrace in seaside」尖沙咀分店，體驗好好，今次見元朗都有分店，一於去試下，質素有保證❤️粒粒魚籽與三文魚蛋黃醬飯卷傳統韓式飯卷加上三文魚蛋黃醬及魚籽，份量好多，飯卷包住酸蘿蔔、青瓜絲、蛋絲等爽口材料，加上上面的蛋黃醬，口感豐富。❤️泡菜黑毛豬配飯黑毛豬肉質鮮嫩，脂肪分佈均勻，肉汁豐富，用韓式泡菜炒過後，味道酸辣爽口，增添了整道菜的層次感，與豬肉的鮮美形成完美搭配，飯粒飽滿分明，吸收了肉汁和泡菜的味道，口感更加香濃，配有蛋絲及黑芝麻增加口感❤️芒芒夏日芒果窩夫足足有三大件窩夫，窩夫焗得外脆內軟，散發牛油香，配上綿滑忌廉、芒果果醬、芒果果粒、士多啤梨、藍莓等作點綴，味道豐富，甜而不膩，值得推薦❤️人生迷芒的芒果沙冰飲品名好有趣，造型亦好啱打卡，一大片芒果插在杯上，勁有夏日FEEL，芒果沙冰口感順滑無碎冰，味道甜中帶微酸，好解渴❤️清爽爆汁西柚檸檬梳打兩片大大塊紅西柚肉，再加入西柚果汁及梳打水，清爽解渴，好啱夏天飲💸平均每位消費 $250

呢日同呀女Yoho行街，經過見到環境好靚座位闊落仲有兒童餐😍即入去坐低嘆個晚餐😋.前菜蘿蔔和泡菜可以無限refill正😎見到好多特飲好岩夏天飲😍 人生迷芒的芒果沙冰十分清甜，仲有成個芒果🥭啖啖肉好開心😁 清爽爆汁西柚檸檬梳打清新解渴夾泡菜一流👍🏻.泡菜黑毛豬配飯勁足料！韓式口味勁多泡菜和豬肉😍 粒粒魚籽與三文魚蛋黃醬飯卷大大件，入面勁多餡料粒粒魚籽入口太幸福☺️.呢到好kids friendly有兒童餐具，兒童餐也太吸睛了😍獅子碟裝住小朋友最愛的薯條和肉醬意粉，仲有pancake和橙汁，$88太抵啦超豐富呀女食得好開心🥰.最後我們的甜品芒芒夏日芒果窩夫🧇超開心🥳三層pancake夾住cream和芒果，pancake香脆軟熟，配搭芒果醬和水果，很棒的甜品！

今日約咗朋友出嚟慶祝生日揀咗Terrace in seaside ，呢個朋友仔絕對係韓迷！元朗分店主要以純白Cafe為主題 泡菜黑毛豬配飯 黑毛豬份量非常多底下配有韓式泡菜非常惹味，韓式醬汁配以珍珠米撈埋一齊韓味十足粒粒魚籽與三文魚蛋黃醬飯卷 每一個飯卷上面都鋪滿咗三文魚蛋黃醬，一啖食落去已經食到滿滿魚油香上面有大粒魚籽形成兩種強烈嘅口感！芒芒夏日芒果窩夫芒果香氣四溢，窩夫夾雜忌廉，新鮮芒果沐浴於芒果果蓉之中滿足咗視覺同味道嘅享受人生迷芒的芒果沙冰 見到呢杯芒果特飲已經同自己講一定要叫！沙冰上面居然鋪咗半個芒果，絕對震撼眼球清爽爆汁西柚檸檬梳打 炎炎夏日絕對要叫返杯西柚梳打解吓暑，橙紅色嘅西柚同梳打水形成漸層#Terraceinseaside #Innisfree #VitaminCPowerUpSet #coffee #creamsandwich #omurice #Cafe