Terrace in seaside (德福廣場1期)

营业中

休息中

好同事話九龍灣地鐵站《Terrace in Seaside》有店內卡位及店外座椅寬闊感覺開揚舒服。我們點左開唔開心試咗先知嘅開心果蜜糖窩夫：窩夫造型賣相超靚，有開心果仁醬、芝士蛋糕粒、脆脆焦糖、脆米⋯美味豐富又滿意。輕盈又滿足的煙三文魚沙律煙三文魚沙律：煙三文魚滑，🥗新鮮嫩綠，青瓜好爽口。萌萌小雞蛋飯卷：麻油味超香，飯質軟糯好食。超級肉醬芝士千層麵：肉醬、茄汁、芝士、千層麵口感豐富好好食。飲品：初夏青柑柚子梳打不會過甜好飲。清爽爆汁西柚檸檬梳打，酸酸甜甜。

位於係德福廣場1期既一間可愛韓式餐廳以前有試過佢地最招牌既柑橘窩夫印象唔錯 突然想食甜品就決定食佢啦!我地叫左一個清甜柑橘窩夫 真係唔會太死甜 窩夫真係即叫即整 食到仲熱既外皮有少少脆口 好味道另外叫多左個煙三文魚窩夫 呢個中規中矩 都係因為年窩夫先加分煙三文魚只係普通叫貨 冇特別亮點食得好滿足 完滿左我呢個happy friday! 下次再黎會試埋佢既飯卷同埋encore清甜柑橘窩夫

呢間Terrace in seaside已經去咗好幾次，放假去Ho chill，岩哂同朋友嘆番個lunch 傾吓偈，啲嘢又好食明太子蟹肉飯卷明太子嘅鹹香配埋蟹肉嘅鮮甜係好夾！🦀🍚面頭鋪滿蟹肉，每一啖都食到蟹嘅鮮味🤩飯卷有玉子、青瓜、紅蘿蔔🥕口感豐富超級肉醬芝士千層麵🧀🍝呢個真係超邪惡，肉醬滿滿真係超級多肉醬，面頭一層好厚芝士，跟住仲有隻半熟蛋，一切開淋落成個千層面度超正每層都好足料食到勁飽🤣輕盈又滿足的煙三文魚沙律清新健康，煙三文魚好香，簡單配上青瓜同埋生菜！🐟🥗開唔開心試咗先知嘅開心果蜜糖窩夫🧇最後點少得甜品！呢度嘅窩夫不嬲都好好食😍今次仲有開心果味，除左窩夫外脆內軟，忌廉唔會好甜，可以加埋開心果果醬同埋布甸一齊食超滿足😋清爽爆汁西柚檸檬梳打酸甜清新，飲完即刻醒神開胃！🍋🍊初夏青柑柚子梳打好清新嘅夏日味道，解渴又治癒！🍹

今晚同朋友行過呢間餐廳。開唔開心試咗先知嘅開心果蜜糖窩夫，真係好多人推介！窩夫外脆內香蛋味重，開心果醬超香濃，仲有焦糖脆脆同開心果碎，層次感十足，配埋蜜糖甜而不膩，食完幸福感爆燈。有啲人覺得如果多啲開心果醬就更完美，不過整體都係值得一試嘅人氣甜品。超級肉醬芝士千層麵真係好多人讚！層層非常之分明，肉醬濃郁又多汁，芝士拉絲又香，食落口感豐富又好飽肚。仲會加隻蛋，令到味道更升級，啱晒芝士控同肉食控，食完超滿足。

🦀明太子蟹肉飯卷Kimbap 嘅蘿蔔同埋牛蒡絲都好爽口，飯香濕潤，有麻油香味，傳統飯面加上明太子蟹肉沙律，多份fusion新鮮感。🥗輕盈又滿足的煙三文魚沙律輕量沙律伴意大利黑醋，勝在夠多煙三文魚，所以明白個名嘅由來。🍴超級肉醬芝士千層麵一共七層，每層充滿香甜茄醬及肉碎，牛肉軟淋，無粗糙嘅口感，加上芝士，令層層連繫，入口溶和。有半熟溫泉蛋，流心蛋汁配熱辣辣千層麵又香又滑。💚開唔開心試咗先知嘅開心果窩夫甜品先係主食！窩夫🧇鬆軟，香噴噴蛋香。開心果朱古力醬香濃，忌廉又凍又香滑，同熱辣辣嘅窩夫成對比。配料有果仁、焦糖脆脆、開心果朱古力粒粒、開心果仁、開心果味脆脆，每啖保證有開心果，開心果控一定唔可以錯過。🍹夏日特飲～ 🧡清爽爆汁西柚檸檬梳打，💛初夏青柑柚子梳打，兩杯都好清新，梳打冰凍，氣泡爽口。配西柚及柚子，都係甜甜酸酸，非常醒胃，充滿夏日感。

位於九龍灣嘅「Terrace in Seaside 🥗」，我同老公之前已經食過啦，呢間餐廳係以濟洲柑桔🍊為主題，大部分柑桔既飲品同waffle都好清新，好開胃。今期開心果係大熱，餐廳都推出左開心果waffles,一定要試試佢先。我哋食咗：🍴 明太子蟹肉飯卷 $118 🍙飯卷好精緻，紫菜包住軟糯嘅白飯，入面有蟹肉同明太子，蟹肉鮮甜，明太子醬嘅鹹香味好提味，食落好有層次。🍴 超級肉醬芝士千層麵 $112 🍝千層麵真係超級豐富，層層疊疊嘅麵皮包住濃郁嘅肉醬，上面鋪滿熔化嘅芝士，咬落肉醬香濃，食落好惹味。🍴 輕盈又滿足嘅煙三文魚沙律 $86 🐟煙三文魚沙律好清新，三文魚片煙燻得啱啱好，帶點鹹香，配上新鮮嘅沙律菜同少少酸甜嘅沙律醬，食落好開胃。🥤 清爽爆汁西柚檸檬梳打 $48 🍋西柚檸檬梳打好清涼，西柚嘅酸甜同檸檬嘅清香混在一起，仲有兩片果肉添，氣泡感好豐富。🥤 初夏青柑柚子梳打 $42 🍊青柑柚子梳打帶點韓式風味，青柑嘅清香同柚子嘅酸甜好平衡，氣泡感同樣好爽。🍴 開唔開心試咗先知嘅開心果蜜糖窩夫 $138 🥞開心果窩夫係甜品之選，外層烤得香脆，內裡軟嫩，開心果蜜糖醬濃郁又有堅果香，甜度啱啱好，

Terrace in seaside 係間小清新和好文青嘅韓式餐廳🥰，食物賣相精緻，CP值高，坐得好舒服，啱晒和朋友來chill talk今次我地叫咗韓式飯卷，千層麵和沙律，全部都唔錯🦀明太子蟹肉飯卷🧀超級肉醬芝士千層麵🐟輕盈又滿足的煙三文魚沙律💚開唔開心試咗先知嘅開心果窩夫重頭戲係開心果窩夫‼️，賣相好吸引😍，即叫即製，搭配超多的開心果碎和醬，💚味道濃郁，真係勁正，🍋清爽爆汁西柚檸檬梳打💛初夏青柑柚子梳打再加埋兩杯韓式梳打，味道清新，用咗新鮮水果，真係好寫意。

平時行街經過都會發現周圍商場裡都有呢間韓式西餐輕食店，品嚐之下真的推介這裡的所有甜品，尤其窩夫真的非常推薦！喜愛開心果朋友必點 #開唔開心試咗先知嘅開心果窩夫 ，見到餐廳用名都已經具創意，一上格望見大量開心果碎既窩夫，淋著濃濃開心果醬，加上蕨餅，滿滿的幸福感爆燈！除左甜品之外，餐廳主食都好好味， #明太子蟹肉飯卷 、 #超級肉醬芝士千層麵 滿滿蟹肉加上韓式味道飯卷同樣開胃；蕃茄味濃郁肉醬千層麵都好漏好邪惡，但你食完一啖就會接著第二啖，吸引！餐廳仲有其他輕食、沙律、飲品，就算正餐、下午茶都吸引客人， #輕盈又滿足的煙三文魚沙律 、 #清爽爆汁西柚檸檬梳打 、 #初夏青柑柚子梳打 ，每款都引人入勝！#terraceinseaside #coffee #waffle #cafe #打卡 #chilltime #chillguy #度假 #韓式西餐 #輕食 #九龍灣美食

Terrace in Seaside有唔少分店，九龍灣店喺一期嘅上層，一半座位喺室內氛圍感強啲，仲有一半座位係喺店外，闊落啲又開揚啲～呢度嘅招牌菜絕對係窩夫，平時食lunch set嗰一件已經覺得好鬆軟好好食，但開心果窩夫絕對係豪華版～～有各式嘅開心果配料，仲有四件窩夫咁多，好滿足！想食得輕盈啲都可以叫個煙三文魚沙律，用料新鮮，青瓜好refreshing~主食方面明太子蟹肉飯卷唔錯，有足夠醬汁好creamy；千層麵相對乾身但茄汁加芝士呢個組合係無得輸嘅。飲品方面呢度嘅梳打特飲非常適合打卡，亦唔會過甜。

來自韓國過江龍， 每次都出新款也是會去食，今次推出最近很有人氣的開心果窩夫，馬上來食😗這間有分室外位和室內，室外比較開揚，多人經過，室內會顯然較安靜☺️💠煙三文魚沙律 $86沙律清爽，三文魚柔嫩，蔬菜脆嫩💠醬燒牛肉飯卷 $88咸甜均衡，牛肉鮮嫩,米飯飽滿，鹹中帶甜的醬汁和富濃郁肉香😝💠開心果蜜糖窩夫 $115 打卡一流， 有濃郁的香甜口感。窩夫外脆內軟，開心果碎可能增加酥脆感，而蜜糖濕潤的甜味。 💠肉醬芝士千層麵 $92份量很多，千層面片層層疊疊，軟糯中帶韌性，芝士融化後拉絲，肉醬濕潤飽滿，有咸香。一勺下去濃濃的芝士香配著肉香，超級滿足，適合喜歡厚重口感的人。💠西柚檸檬梳打$46酸爽結合，甜度適中，氣泡感強，清爽解膩。💠青柑柚子梳打 $42甜味平衡，加入檸檬增強清新感😁酸酸甜甜

🥳🎂買左鄰住買既韓式慶生二人餐去德福分店前已打去問清楚店員話唔會冇生日窩夫。🥗輕盈又滿足的煙三文魚沙律：煙三文魚幾肥美，沙律清清淡淡冇醬汁明太子蟹肉飯卷：蟹肉餡料豐富，麻油味香濃🥑Seaside Brunch（煙三文魚、雞蛋、火腿、窩夫、希臘乳酪配藥果、沙律）正常發揮，流人蛋同牛油果最出色🎂慶祝生日叫的窩夫：店員點著蠟燭端上，但居然冇生日牌，查問時店員黑住面講：冇左好耐。個餐寫明「Terrace in seaside 韓式慶生二人餐 B」，窩夫係拍定「慶祝生日叫的生日窩夫」，無論係宣傳餐定係店內menu都係同一張相片，即係粉紅色既窩夫上鋪滿士多啤梨，同埋有個寫韓文既生日牌….完全失望為免掃興，冇現場投訴，好彩之前慶生有d生日牌係袋，照影相照許願。點知個窩夫居然係咸既，咸到苦，黑面女店員話冇可能，坐場窩夫都係甜，同一個漿，隔離枱都係食緊一樣🙃🤬勁差既服務最終換左個唔係粉紅色既窩夫，正常味道呢間店堅係伏，呃人買個根本慶祝唔到既慶生餐，生日搞到一肚氣🥵🤬😡😤

近來天氣開始悶熱，打頭陣嘅前菜，當然要嗌返個酸酸甜甜比較開胃嘅沙律，我哋最後揀咗輕盈又滿足的煙三文魚沙律🐟🥗～主食方面，我哋就分別揀咗超級肉醬芝士千層麵🍝 同埋 明太子蟹肉飯卷🍙，佢哋嘅肉醬千層麵非常足料，每一啖都有香濃嘅芝士肉醬，非常邪惡，大家記得趁熱食，熱辣辣嗰陣最好味！另外，食韓國嘢當然唔少得叫返個韓式飯卷，呢一個明太子口味嘅韓式飯卷，我都真心推介，加咗明太子醬味道更加有層次，好味道！😋😋甜品方面，真係要講吓佢哋嘅窩夫，我哋今次試咗開唔開心試咗先知嘅開心果窩夫🧇，覺得非常有驚喜，佢哋嘅窩夫質感比起其他地方嘅更加鬆軟，而且開心果醬 同 nuts 配搭得好好，整體加埋分分鐘好食過甜品舖！飲品方面，我哋揀嘅兩杯都非常Refreshing，分別係 清爽爆汁西柚檸檬梳打🍊 同埋 初夏青柑柚子梳打🍋‍🟩，啱晒夏天飲呀！

德福好多美食，成日都路過，呢間平日午餐晚餐都排哂隊，咁啱下午茶時間經過冇咩人就去坐下食下Tea🤭店舖細細都幾多選擇，小食，沙律，飯卷，甜品，飲品等等窩夫都好多選擇👍🏻今次叫咗Lotus焦糖窩夫Lotus Biscoff Caramel Waffle+明太子蟹肉飯卷+濟州柑橘乳酪Jeju Tangerine Special Yoghurt🤤🤤不過明太子蟹肉飯卷同濟州金橘乳酪影都影唔切，已經比屋企人秒殺😂😂 雖然等起耐咗少少，不過全部即叫即做都好好食😁👍🏻

店內裝修簡約清新 環境舒適座位不算多 但外面都仲有座位但係店內打卡比較靚😍因為有一棵濟州柑橘大樹我地坐左吧枱位置 放啲食物喺枱上 以柑橘大樹背景 超打卡able我哋叫咗蟹肉明太子飯卷 超多蟹肉明太子醬麻油味好香 好鍾意食呢啲韓式傳統飯卷😍另外叫咗個肉醬芝士千層麵 超厚 好大舊😂兩個人食啱啱好 仲有啲拉絲嘅芝士 好正嘢飲方面梗係叫咗最特色嘅柑橘乳酪特飲🍊除左打卡 仲好好味 有果粒係入面 好甜👍🏻熱飲我哋就叫咗夢幻紫薯牛奶 好順滑濃郁💜最後甜品梗係叫返個窩夫 叫咗比較少見既 開唔開心試咗先知嘅開心果蜜糖窩夫 個名好搞鬼🤪開心果醬滿瀉！都好重開心果味另外窩夫好鬆軟 好香蛋味🤩🤩好正如果有埋個雪糕就好啦😆下次會再幫襯試吓其他嘢☺️☺️👍🏻

今日相距同朋友約會既時候仲有啲距離，黎左呢度坐低飲杯野。入座時可以選擇坐店外或者內我選擇左裡面。店內環境不錯，有打卡位，大概1530入去，只見一位員工在忙，任何客人搵佢都係等，佢真辛苦。佢講野態度極差，吾留意客人既需求，每位客人都係行出去搵佢先幫到手。不過可能係成間鋪得佢做野既關係，我覺得可能係咁。柑橘湯力咖啡淡淡既柑橘味配上咖啡清爽舒服鐘意飲湯力咖啡既你地值得一試另外甜品望落都吸引下次吾係該員工係度我應該都會再試