Teddy's Cafe (已結業)

上星期六一行11人去呢間餐廳食甜品，我點左個暖酥皮梨批，聽waitress講是新的。大大隻玻璃碟，中間有一個圓形的酥皮梨批，伴著雪糕同士多啤梨，presentation已經覺得好高級。估唔到食落去好好味，$28貨仔，但係居然有酒店水準。多人去好d, 因為可以試齊所有甜品。

下午茶starts at 3pm, lunch ends at 2:30pm, I went in at 2:30 pm told me no lunch, no tea!!!!!!!could have asked me to have a sit, but waiters just looked at us.....

各位，你們忽略左佢有一個暖蘋果撻配雪糕都非常好味，價錢又抵，唔好一味只係食朱古力布丁啦(哈哈，雖然每次我會都先叫那個朱古力布丁!)。另外，佢地有個法式焦糖焗蛋(Creme Brulee)是凍甜品，好鬼creamy，好正。不過，我建議冬天時可以轉造暖暖的creme caramel。

jetta，聽講佢地呢個星期已經轉新menu,加左好多海鮮類的dinner set。我諗過兩日我都會去試，我prefer weekday去，因為星期五六日他們都比較多人。試完菜我再post 個食評。

估唔到呢到都做小朋友生日party，有個星期六我地係呢到食完lunch之後，見到餐廳d人係到準備同佈置生日party。於是我地八掛問下佢地，原來可以包場攪生日party，minimum charge只係貴"老麥"一些。不過勝在食物健康，又有餐廳d哥哥姐姐帶遊戲。如果我有小朋友而又有錢，我諗我都俾佢來這裡開party。

可能就係夠靜，我幾次都見到明星(有紅有唔紅)來過呢間餐廳tea。近來他們的cheese cake常常有不同的口味, 有時都帶來驚喜。不錯!

cc,我都是這裡食lunch 的常客(haha,話唔定可能有看過你),其實分量唔夠是可以叫他們加飯及意粉,不用加錢的。最近試過他們的lunch有蕃茄龍利柳及薄燒牛排，都是水準不錯的。布丁無理由overdone 喎,你有冇叫他們換?我上星期前才去食dinner,亦有叫呢個布丁,d朱古力sauce 勁流出來,好掂喎。

dinner was ok at the beginning, now the food is not good, esp lunch set not worth the price.had lunch there many times cos I like the enivornment, but they kept disappointing me. Beef was tough, the creamy tuna sauce had little meat on it...dessert: chocolate warm pudding was disappointed, it was overdone .

我同friends最鍾意去又一城shoppping，通常假日行到下午就去呢間餐廳嘆茶。一個茶餐都只係$30，但係有杯即磨capuccino同home made cake。最正係chicken finger配上蜜糖芥醬，配得好正。如果天氣好d，我就坐係外面，一面嘆茶，一面看書，好寫意。坐得耐，又唔會被人趕，所以寧願行5分鐘都要來這裡。

雪儀, 我聽女店主說tiramisu 的可可粉圖案是狗腳印，不是貓腳印。個女店主因愛狗如命，更將她養的那隻teddy小狗為餐廳命名，仲以狗的主題為裝飾。

我最喜歡這兒烹調的湯，無論是什麼款式的湯，都是一流。曾經去過其他餐廳飲龍蝦湯，價錢貴但味道一般，後來去Teddy's Cafe品嘗過那兒的龍蝦湯之後，要找到與它一樣有酒店的水準，但價錢合宜的，暫時就找不到。午餐算不過不失，主要是服務大家有個解決午膳的地方。但我覺得就要試Teddy's的晚餐才吃出它的特色。主菜有不同的選擇，我也試過幾款，我喜歡的不單只是味道，而是材料夠新鮮。地方是有點不就腳，但那與我專程去西貢、大尾篤等地方去享受食物，又有何分別?

我同2個friends食晚餐叫左一個炆牛膝、羊鞍同炭燒三文魚。另外甜品shared熱朱古力布丁同法式燉蛋。由於包湯，我加錢叫左個龍蝦湯，好有鮮味，正!!!有d餐廳的龍蝦湯好腥，但佢地的龍蝦湯帶清香鮮味。炆牛膝伴粟米茸，份量好大，但係太好味自己不知不覺食鬼哂。我個friend說三文魚很厚件，夠juicy。另外食羊鞍個friend話羊鞍冇蘇味而且好正，好得佢歡心喎。個waitress仲介紹用香草醬來dip羊肉，原來好味過用芥醬。我地覺得最正係甜品，熱朱古力布丁比法式燉蛋更正，可能我地都係chocolate lover 啦。地方有d遠，但是夠靜，三五知己聚舊是最好選舉，最緊要係no smoking，我地最怕食煙的食肆。

我有個friend結婚唔擺酒，於是在這兒包埸開了個私人party。地方雖然細左D，但30多人剛剛好夠玩，食物又正，有鵝肝同埋生蠔，個晚氣氛好正。不過餐廳內不淮食煙，有friend 要到外面先可以食。

我同一個從台灣來的朋友上星期去這裡食熱朱古力布丁，味道非常正!!!我的台灣朋友讚不絕口，返去台灣時仲周圍同其他人講在香港食到好好味的甜品。我曾經在尖沙咀及紅磡的某些餐廳試個類似的布丁，味道不但不及Teddy's Cafe，而且流出來的朱古力醬很杰。不過order呢個布丁要等成15分鐘，好彩個waitress提我們要叫就最好食到七七八八時便要落order。

夜晚去,都幾多人。叫左個意粉,味道一般,都幾好味。再叫個tiramisu做甜品,好特別,杯tiramisu面用朱古力粉砌左個貓腳印,好得意,好可愛啊!都好食架!美中不足,係地點唔就腳。