Taste Cafe & Dessert (已搬遷) 新店位置

沒預約下想找一間安靜及裝修精緻的餐廳，見到店的環境溫馨，餐牌吸引便walk in 。點餐後店員姐姐主動說我們點得太多野會食唔晒，實在太貼心。黑松露薯條及apple crumble好有驚喜，酒店級的水平。蟹肉露筍意粉亦極好食。好食物好環境好服務，希望生意興隆，下次仲見佢在（因為屯門食肆更新率太高了）openrice要求寫200字食評才可以評分，openrice要求寫200字食評才可以評分，應該差不多夠200字吧

心血來潮 食飽飯都仲想食個apple crumble 留意左呢間小店一段時間 因為apple crumble唔係間間甜品店都有得食 隨興之所致 就專誠去拜訪一下可能係星期一 店內食客少唔算等左好耐 apple crumble就焗好送上熱騰騰 感覺已經好正 焗盤的邊緣仲不斷有氣泡滲出簡直有食啫啫煲的感覺😭 散左熱氣 終於可以食啦甜度恰到好處 表面又好脆 正！上枱時以為份量剛好 點知食到一半已經覺得好飽 下次來再食要留肚先得啦 $48 抵食又好食！👍🏻只是附近難泊車 所以甚少過來幫襯 期待再有時間過來 試試午餐或晚飯

同二少黎虹橋覓食，隨便揀左呢間cafe試下，點知有意外驚喜！我地叫左香草雞肉闊條麵、燒烤醬雞薄餅同水牛城雞翼。跟餐送左個南瓜湯，味道濃郁，一開始就有驚喜～水牛城雞翼味道正常，唔算好辣。香草雞肉闊條麵個賣相唔算好吸引，但雞肉好嫩，配合香草同芝士，有驚喜！燒烤醬雞薄餅好味😋 皮底卜卜脆，鐘意食薄批底既人應該會鐘意。加5蚊仲可以要杯凍飲添！整體黎講，呢間小店絕對有意外驚喜～ 價錢唔算好貴，二少都話下次可以再黎👍🏻

今晚，去左間小店cafe，同朋友慶祝生日，朋友一早預訂左間餐廳，仲好有心思問餐廳，想叫個甜品寫字，初時以為一早叫左😂原來到餐廳再揀甜品，好彩生日果位未到，揀左個心太軟，店員都記得我地預訂時有講過，依下幾細心講下餐廳環境啦，唔算難搵，因為有朋友食過知道，入到餐廳唔算大，但裝修算別致，坐得都舒服，檯數都唔算多人齊後，我地就叫左幾款野食，有泰式無骨鳳爪、黑松露薯條🍟、夏威夷薄餅、雞肉寬條麵，包餐湯（雜菌湯）或沙律🥗上菜速度算快，湯同沙律🥗唔錯，我叫湯，味道唔會太濃易入口到個泰式無骨鳳爪同黑松露薯條🍟鳳爪方面，味道唔酸辣，不過都無咩期望，因為始終cafe有鳳爪都有點搞笑；而個黑松露薯條🍟一開頭食唔覺有黑松露味，但當無蘸醬，再試食一口，黑松露味會慢慢滲出都還可以ge題外話，cafe有個店員都幾健談，中間都會同我地講如果個醬唔夠，可以問佢拎，不過我地係無再額外要，因為醬份量係夠ge到兩個主菜啦，雞肉寬條麵覺得唔太特別，會較油，但雞肉都算嫰口，而個簿餅芝士都好多，芝士有拉絲效果，配菠蘿🍍食就唔會太膩口啦，整體都唔錯ge最後，就係到個甜品啦，初時諗住俾個驚喜壽星女，點知...另一個店員走黎問，你個甜品

午餐到此小店一試：蕃茄肉醬千層麵(汁多、蕃茄味濃、千層麵不會過淋，好味👍🏻)肉眼扒，五成熟(肉質問題，太瘦，超軔，不會encore)薯條反而有驚喜喔~沙律(材料新鮮，麻醬調味好正👍🏻)卡邦尼意粉(汁濃滑好味，又唔會太笠口👍🏻)雜菌意大利飯(汁味道單調，不夠香濃)菠蘿炒飯(飯太乾太硬)雖然落單、上菜有少少甩漏，但服務態度良好。價錢算合理，飲品選擇都算多。在同區西餐廳中，算是個不錯的選擇。整體評語：可以試試

偶然機會來到這小店午餐，店舖小小，但個setting 不錯，serve的雖然是普通西式午餐(在虹橋算比較少)，味道也不錯，好的是小店的人情味，老闆娘同顧客的互動，非常值得推介的小餐廳

之前食過夜晚 覺得不錯的的骰骰 但有齊一般西餐既野食物有出面西餐質素 每樣好好 尤其pizza好足料 鐘意芝士就最啱芝士另外雞翼都好食 炸得好脆 唔乾 不過今日食午餐 就無lunch set 同dinner 個牌一樣 如果咁比起同區就貴左d同一樣好食

Good and friendly service, nice decor, tasty food, reasonable price. What else could I ask for? 😀

Weekend 搵好野食，但R爆頭都唔知食咩諗起一直覺得呢間野裝潢好別致、店主一定係有心人，野食應該唔會差掛；但遲遲未有機會試～不得了！！！同幾個老朋友一齊闖入去侍應姐姐/老闆娘非常體貼，好笑容又不斷加水；店面不大但座位剛剛好，非常舒適野食簡直令人驚喜夠熱、夠味、食材對辦、Perfect!!!一定會再黎，本身好野係想私藏，但實在忍唔住要上黎讚下；優秀小店非常值得一試！totally underrated!P.S.埋單一人$120鬆d，底！！

聖誕節想同女朋友食大餐，早幾日經過呢頭見到呢間cafe聖誕佈置得幾靚，所以就上openrice睇下，發現一致好評，所以上佢地既fb睇完menu無問題就打電話book 左位，xmas menu份量唔算太多，但本身呢2日都食到好濟，所以已經好夠，味道都好入味，火雞好軟好易食，黑松露雜菌湯幾惹味，仲有樹輪蛋糕又靚又好味，蝦餅鵝肝帆立貝都唔錯，另外加多個蘋果金寶又大又甜，已經好飽，細細間cafe甜品舖，招呼周到，員工有禮，推介~

飯後再來一客甜品才算得上圓滿是常識吧。因此即使我們在一間的日式餐廳吃過什飯後，還是要找一間別緻的cafe 吃個甜品。餐廳那懷舊的味道、濃濃聖誕氣氛的裝飾、加上暗暗的燈光，會令人產生置身幸福國度的感覺。本來有好環境就感該影相開心share，可惜姐我只顧左望右望沒有拍上一張照片太失策了。時值2時許，餐廳只有3、4枱客人，因此效率奇高，Brownie 5分鐘就送來了，心太軟也只是10分鐘的時間。Brownie 配雪糕都是現在常見的吃法，不講不知，這個吃法是有正式名稱的 - brownie à la mode。Brownie 並沒有太乾，也沒有很甜的，正合姐意。唯一美中不足的是沒有核桃也沒有其他乾果夾雜，咬感自然失色了。心太軟配上巧克力雪糕，手起刀落，期待裡面溫熱的巧克力漿流出，可是好像不是非常的流心啊~~~ 心太軟皮是微脆的，絲絲巧克力漿裡黑巧克力的苦味夾著那個皮來吃實在異常的美味。惠顧任何食品加HKD3就可以有一杯熱飲了，凍飲也不過是加HKD5，這也太划算了吧。在悠閒的假日，置身這樣的環境吃著這樣的甜品再喝一杯暖暖的薑蜜，一個字….幸福

今晚突地去紅橋揾食，上網一查附近食好西，就彈出黎 去到門口望望menu，再望望門口，小店式經營，店舖細細，我最鍾意去舖頭仔試菜臨近聖誕，店家已為舖面修飾了一番，wow~ 果然增添了不少節日氣氛。 黑松露薯條好味到震呀~~ 好香黑松露味 出面其他舖通常係黑松露溝沙律醬，但呢度應該加左落薯條度一齊炸，熱辣辣唔蘸醬都勁正 烤德國咸豬手 (包餐湯或沙律) 隻豬手size都唔細，烤得好香皮脆juicy，肉質彈牙感覺有好多骨膠原添 跟餐沙律沙律菜新鮮、鮮甜，醬汁岩岩好，不多不少。 拿玻里大蝦扁意粉 (包餐湯或沙律) 好抵 呢個價錢有3隻大蝦，大蝦脆身彈牙 意粉煮得岩岩好唔會過軟，蕃茄醬汁唔會過酸好好味 跟餐餐湯是日餐湯好似係豆蓉忌廉湯，好濃郁好smooth 總括黎講，抵食、好食、環景舒適，店員又NICE，值得返兜

今天和朋友慶祝生日，有朋友建議去一間在屯門紅橋新開的cafe，他說這間cafe平靚正，我們便去試下吧！Cafe雖然鋪頭細細，座位不算很多，請早點訂位，裝修很有外國的色彩，選用的杯碟餐具亦見心思，枱櫈舒適，坐得很舒服。餐廳是家庭式經營，服務細心親切。食物水準真的很高，西餐很好吃，比很多貴價餐廳更好吃，價錢便宜，今次吃得很滿足。現今的社會四處也是集團式經營，用心經營的小店買少見少，如此好味的小店，希望大家也會支持!下次一定會再幫襯及介紹給朋友!

A cup of cappuccino was surprising me, it is not a kind of beverage, it is a cup of art full of Barista’s thought. I am not a cheese lover that I am not eligible to comment on the cuisine, but the presentation of cuisine were quite impressive. The most impressive thing was not the taste of food or beverage , was the warmly hospitality. Thank you for their warmly reminder of serving food , fishes and chips were really crispy and hot . It was delicious. Thank you for neighbourhood alike hospitalit

與太太 無無聊聊，由港島搭車去左屯門，途經 Taste Cafe見到門口好靚好特別，由於剛剛在附近食完小食，不如入去嘆吓杯咖啡及休息下，於是入去試試。入到餐廳佈置非常靚，地方好乾淨， 整體都好舒服，其後點了 2 杯咖啡，及黑松露薯條， 而且還有羅宋湯 ，沙律送贈。咖啡及黑松露薯條，非常好飲好食，特別是黑松露薯條好熱好新鮮。其實，最特別係我地結帳後，向店員查詢搭車路線及方向，佢地非常有禮及主動，衝出店外指出及帶引我地搭車方向，非常熱情。好滿意的一間小店。