Tapas Brew (Mikiki)

营业中

休息中

前幾日難得約朋友出去放風，選擇咗喺一個大家都方便嘅地方，因為有朋友試過上OpenRice啲人又講到好似OK，所以我哋就嚟咗呢間Tapas Brew。我哋六點幾嚟到，入去坐住等，我哋坐咗半個鐘，是應一杯水都冇俾我哋，嘗試叫佢哋拎水同埋問嘢，佢哋掛住自己傾偈。我哋四個人點左五道菜：首先嚟咗個吞拿魚芒果莎莎，一上枱就見到啲吞拿魚太熟，直情有啲熱，同下面啲凍嘅芒果唔係太夾！我哋重點左個Tapas, 諗住呢你都冇死，點知佢剩係得面頭幾粒八爪魚，下面擺左勁多好生嘅洋蔥來薦底，失敗！西班牙炒飯，係我哋食過最難食嘅西班牙炒飯！啲魚已經好鹹！成碟飯更加係極級鹹！真係失敗之中嘅失敗！我哋食唔晒又唔想浪費，所以有朋友拎晒啲食剩嘅飯返屋企自己加工！西班牙燒乳豬，係比較好食嘅一碟，因為新鮮滾熱辣放上枱，所以外皮鬆脆，肉亦夠軟淋！張相可以比較到，雖然個乳豬味道唔錯，但係份量偏少，所以有點貴！最後點左個好難失敗嘅闊條麵，忌廉芝士味重，正常味道！我哋食咗大概個零鐘，全程冇人主動浸水，冇人歡迎同講拜拜。我哋上網訂枱，本身有折，未點送已經講咗，佢哋仲提我地套餐冇節，到埋單嘅時候佢哋漏咗，我哋提返，佢哋竟然質疑係我哋冇講過

今晚嚟到呢間西班牙餐廳聚餐，環境唔錯，有戶外及室內坐位選擇，感覺良好。小Rab就選左坐入面，坐位雖然唔算好闊落，但配合柔和燈光，格外舒適。呢到嘅特色烤乳豬不錯，燒得外脆內軟，肉質都算好嫩，帶點微鹹，而且都算大碟，好扺食!西班牙海鮮飯，質感挺身，味道都唔錯，加入不同海鮮，例如帶子，蝦，蜆等，夠晒足料。雖然點左的食物唔多，但每樣都好滿意呢。整體感覺良好，食物選擇都算多，加上環境都十分好，下次可以再來。

講到西班牙食物，平時香港唔係好多餐廳可以食到，但係可以以親民價錢食到真係少之有少。Tapas Brew係少有價錢比較親民既西班牙餐廳，西班牙特色既妝裝修同埋廣闊既座位令人好想入去食~特色烤乳豬 真係一道幾有特色既菜式，乳豬制作到皮脆又有好多肉汁，旁邊配上惹味既燒烤醬，衝激我既味覺。厚厚既豬皮係成道菜既靈魂，令人欲罷不能~唯一既不足之處係隻碟太細，但味道補救返~~迷你黑松露漢堡配薯條迷你黑松露漢堡Size好得意，真係的的sic sic 好特別~~漢堡入面有淡淡既黑松露味道，有d意想不到既感覺。漢堡一共有三件，一個人食哂三件漢堡，簡直係大滿足~~Baileys Coffee最令我驚喜同埋喜愛就係呢杯飲品，係用左baileys同埋咖啡調制而成，上面仲有厚厚既cream同埋chocolate醬，一飲落口有一種幸福既感覺。酒精味道唔會好濃，比較適合中意甜既朋友飲總括而言，裝修同食物都唔錯，環境舒服，幾好~

嗰日因為去考試局攞文件之後經過呢間商場mikiki 突然覺得好攰見到呢間比較有西班牙特色嘅餐廳食晚飯。裏邊裝修真係保留傳統歐洲嘅作風人流唔太多但係座位非常舒適。令人覺得有賓至如歸嘅感覺。裏邊報好多西班牙嘅名曲我都覺得有幾首唔錯。因為好肚餓所以叫咗個西班牙海鮮飯。首先這個海鮮飯有青口蜆肉大蝦魚。同埋好多蔬菜供應。味道稍為有少少鹹但係質感好似意大利risotto,一個飯一個女仔真係覺得好飽。令人值得留意係餐廳服務周到而且待客熱誠。😊

今日又係新蒲崗做gym，又係Mikiki商場搵野食，今次試一試Tapas Brew先。食物同酒類選擇幾多，啤酒方面仲有香港代表 - 香港友。座位旁邊有超大既紅酒架，令我有一刻心動，想開一瓶紅酒試下，不過考慮到聽日仍然要上班既事實，我既理性最後戰勝一切。- Sangria Red 雖然唔開一瓶紅酒，但我都可以飲少少酒既，所以我叫左Sangria Red。比起直接飲紅酒，Sangria Red同時帶有水果各種甜味香氣，味道比較平易近人。- 迷你漢堡配黑松露醬麵包幾軟熟，肉幾多汁，不過無乜黑松露醬，整體有啲乾。薯條幾香脆，而且係我最鍾意既粗薯條。- “Tapas Brew” 特色烤乳豬烤乳豬係餐廳Signature dish之一。乳豬外皮超香脆，加上肉都幾嫩，所以好容易切開一件件。烤乳豬不愧為餐廳signature dish，真係幾好味。下次再光顧Tapas Brew既時候，我一定開一支紅酒，再試埋另外一個signature dish。

等左起碼l粒半鐘maincourse都未來，仲話要限1.5小時用餐，每人min $250⋯⋯埋單一d歉意都冇⋯冇下次⋯做唔到咁多客就唔好接單la⋯⋯激氣⋯😡😡呢個時勢，要有策略⋯否則⋯

今日放工和同事happy hour，喺公司附近 mikiki商場有間西班牙餐廳有戶外座位，情調唔錯又唔太嘈，啱曬我哋傾下計chill番下！比利時 生啤 Hoegaarden點咗兩杯比利時 生啤 Hoegaarden，3個 巴仙酒精，清甜芳香，酒味淡易入口。個人覺得生啤特別好飲，大大杯份量十足，可以飲成晚！西班牙海鮮飯餐廳招牌菜 西班牙海鮮飯，有大蜆、青口、魷魚仔、大蝦和魚柳，海鮮鮮甜爽口彈牙，食材高質質。米飯吸收海鮮醬汁精華粒粒滋味，令人愈食愈想食!

Tapas分店位於商場外圍，環境舒適，外面有露天餐桌，一邊飲酒一邊聊天挺不錯的西班牙海鮮炒飯是餐廳的招牌菜，二人份量，但兩個女士根本吃不完，應該是三人份量，飯上舖滿海鮮，有白魷魚，煮得夠霖；大沙白，夠新鮮和大隻；青口，可惜煮過乾身；大蝦🍤，很新鮮和美味。蒜味雞翼有三隻雞髀和雞翼，煎得夠香，少許檸檬汁在洋蔥上，雞肉煮得剛好，肉質嫩光澤和充滿肉汁，很好吃，值得一試。醃製魷魚這道菜酸酸甜甜，適合當開胃菜，淋上黑醋汁在切粒的蔬菜，挺開胃！

今天，我和朋友一起去西班牙餐廳吃晚餐，我一踏進這個餐廳的時候，就覺得這個餐廳的環境舒適，也別具西班牙的風格餐具擺放整齊，令人賞心悅目的感覺。 當服務員禮貌地問我們要吃些什麼東西的時候，我們就點了兩碟食物和兩杯啤酒。 服務員先給我們兩杯啤酒後就回去忙了，第一道菜就是西班牙海鮮飯，他有足料的海鮮，例如有:蝦、墨魚、青口等食材，味道鮮美，第二道菜是特色 烤乳豬，乳豬外脆內軟，十分可口，加上旁邊的醬汁，味道就提升到另一個層次了。 總括來說，我挺滿意這個餐廳的環境、服務、美食等的。

在APP看到有折扣，就來試試看。這家餐廳有室內跟室外的座位，因為當時風比較大，露天座位又近馬路，所以選擇裡面的座位。點了特色烤乳豬和西班牙海鮮燉飯。乳豬的皮有點硬，不好切開。豬肉是鮮嫩的，所以切起來肉都壓碎了，皮都還是很完整。肉的味道算不錯，但他的外皮烤得不太好，整體來說不及格。西班牙海鮮飯的份量不算太大，兩個人吃剛剛好，海鮮沒有腥味但也不算太鮮甜，青口可能是過熟，吃起來有點硬。另外他的香料味不重，需要加點Tabasco來調味。西班牙菜來說，這一家店的水準一般，不太推薦特意前來吃。

原本對西班牙有d期望，可惜....1 西班牙炒飯 可能真係吾識，飯又硬，味道又差2 烤乳豬 皮硬，豬肥，中差3 慢煮八爪魚 又硬又咬吾開 （事前已問左林吾林）， 中要同menu 大細爭9陪，吾好味，2條蘇仔收238....4 炸魷魚圈 d粉厚到..真係放吾落口5 藍青口 1kg 首先吾覺係1kg， 個汁水到，但唯一ok的是青口食得（吾知係咪樓上估冇煮過先係咁）一家4口坐入面近門口位，餐廳出面d客係到食煙全部煙飄晒入黎餐廳中要長開門吾去處理下...乜相都冇影，冇機會再食

Been a while since we had Spanish food so tonight is pork belly it is! We walked around Mikiki and saw this romantic and cute restaurant and decided to give it a go! the inside of the restaurant is filled with wine and also cute decorations. the food comes out from the small hole which I was quite amazed by. menu was clear to see and we picked their signature dishes! first arrived was omelette egg with chorizo!! It was delicious, underneath was fried potatoes 🥔 it creates a surprisingly good tas

剛才我同朋友原本要去Mikiki商場另外一間餐廳，但太多人，所以改吃了呢間。本身店員俾咗兩隻碟我哋，但我見兩隻碟都有污跡，一隻甚至有飯粒，便叫店員更換。店員更換了一隻，另外一隻我見有水漬應該搵水沖過，但最後都係我自己抺走污跡🙄我哋兩個人叫咗一碟辣油蝦扁意粉同埋豬肋骨。碟意粉有酸縮味同埋完全唔辣，啲蝦都唔新鮮，我自己都煮得好食過佢。最伏嘅就係價值$195嘅豬肋骨，個賣相已經唔靚，仲要面頭全部都係孜然粉，要撥開哂啲孜然粉先食得落口。佢其實只係用孜然粉蓋過哂所有野，又難食又唔抵。全餐最好食應該都係豬肋骨側邊啲菜呢間野食材唔好又煮得唔好食，又唔值呢個價。真係食完都唔開心，仲要等左15分鐘先埋單。整體嚟講，用餐情況非常不良好☹️

好中意去Mikiki食飯，因為地下外圍啲食肆都好有氣氛，有outdoor位置，上邊仲有燈串，勁浪漫。今日去左tapas brew呢間西班牙餐廳，不過今日太涷，所以我地放棄坐出邊，轉左坐入面。餐廳入面一樣裝修得充滿心思，好有歐洲風情feel。我地叫左烤西班牙黑豚肋骨同濃蝦蕃茄汁燴蟹肉意大利麵伴大蝦及軟殼蟹。烤西班牙黑豚肋骨，中間有沙律菜。菜有少訐酸酸的,好開胃。黑豚肋骨放在左右兩旁，份量都幾多，肋骨燒得好入味，肥瘦適中。濃蝦蕃茄汁燴蟹肉意大利麵伴大蝦及軟殼蟹，茄汁味好濃，個面好juicy，蝦好大隻，軟殼蟹食落去啖啖肉。

行完特賣場，在mikiki 揀了間裝修有特色的西班牙餐廳食晚飯。環境光猛乾淨 人流座位不多，有室內有室外，怕凍的我梗係安坐室內，佢有加大碼餐牌，好搞笑。播著西班牙歌曲，有幾首好似鬥牛feel. 兩個Signature 菜式 ：1/4西班牙乳豬 vs 西班牙海鮮飯掙扎咗好耐，最後揀左西班牙海鮮焗飯 $188 兩人份： 有大蝦，魚，青口，蜆肉。蝦肉大隻彈牙，貝類新鮮但有沙粒同縮左水。飯的味道偏酸， 質感好似意大利飯，份量非常多， 三個大人食就差唔多。小鍋設計，有飯焦，保溫力強，食到最後仲暖暖的。迷你黑松露漢堡配薯條 $108迷你漢堡，微微黑松露味，易入口， 漢堡細細片，充滿肉味，像老公可以一啖食晒， 好man喔， 男兒口大食四方， 哈哈。薯條剛炸好熱爆，口感柔軟、也酥脆， 薯仔粉粉滑滑好實在，最好是不會太咸太油，沒有太大負擔。